041.0607.251297
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
25 դեկտեմբերի 1997 թվականի թիվ 607
ՄԵՂՐԻ ՔԱՂԱՔԻ ՕԴԱՆԱՎԱԿԱՅԱՆԸ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԱՇՏՊԱՆՈՒԹՅԱՆ ՆԱԽԱՐԱՐՈՒԹՅԱՆ ԵՆԹԱԿԱՅՈՒԹՅԱՆԸ ՀԱՆՁՆԵԼՈՒ ՄԱՍԻՆ
1. Հայաստանի Հանրապետության քաղաքացիական ավիացիայի գլխավոր վարչության Մեղրի քաղաքի օդանավակայանը հանձնել Հայաստանի Հանրապետության պաշտպանության նախարարության ենթակայությանը:
2. Հայաստանի Հանրապետության պաշտպանության նախարարությանը և Հայաստանի Հանրապետության քաղաքացիական ավիացիայի գլխավոր վարչությանը` մեկամսյա ժամկետում`
ա) սահմանված կարգով ավարտել Մեղրի քաղաքի օդանավակայանի գույքի, այդ թվում` շենքի, շինությունների, սարքավորումների (բացառությամբ` ՊԱՌ-10Ս, ՊԱՌ-8 ռադիոփարոսները և ԱՍԴԱ-12 դիզել-գեներատորը` իրենց զբաղեցրած տարածքներով) հաշվեկշռից հաշվեկշիռ հանձնման-ընդունման աշխատանքները.
բ) հաստատել միջոցառումների ծրագիր` Մեղրի քաղաքի օդային տարածքով անցնող միջազգային օդային մայրուղիների իրականացվող թռիչքներն սպասարկելու և դրանց անվտանգությունն ապահովելու, ինչպես նաև, անհրաժեշտության դեպքում, քաղաքացիական օդանավերի թռիչքներն իրականացնելու համար:
3. Սյունիքի մարզպետին` մեկամսյա ժամկետում Հայաստանի Հանրապետության պաշտպանության նախարարության հետ ճշտել Մեղրի քաղաքի օդանավակայանի տարածքի սահմանները և սահմանված կարգով կատարել համապատասխան ձևակերպում: