040.0624.301297
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Լ. ՏԵՐ-ՊԵՏՐՈՍՅԱՆ
«30» դեկտեմբերի 1997 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
30 դեկտեմբերի 1997 թվականի թիվ 624
«ԵՐԵՎԱՆԻ ՈՍԿԵՐՉԱԿԱՆ ԳՈՐԾԱՐԱՆ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆԸ ՀԱՐԿԱՅԻՆ ԱՐՏՈՆՈՒԹՅՈՒՆՆԵՐ ՏԱԼՈՒ ՄԱՍԻՆ
Ելնելով «Երևանի ոսկերչական գործարան» փակ բաժնետիրական ընկերության ֆինանսատնտեսական վիճակի բարելավման, արտադրական հզորությունների վերագործարկման, արտադրանքի թողարկման գործընթացի կայունացման անհրաժեշտությունից ու հաշվի առնելով Հայաստանի Հանրապետության Ազգային ժողովի ֆինանսավարկային, բյուջետային և տնտեսական հարցերի մշտական հանձնաժողովի համաձայնությունը` Հայաստանի Հանրապետության կառավարությունը որոշում է.
1. Ազատել «Երևանի ոսկերչական գործարան» փակ բաժնետիրական ընկերությանը պետական բյուջե վճարման ենթակա 85166,6 հազ. դրամ շահութահարկի և շահութահարկի գծով հաշվարկված 523971,0 հազ. դրամ տուգանքի վճարումից:
2. Ազատել «Երևանի ոսկերչական գործարան» փակ բաժնետիրական ընկերությանը հարկային պարտավորությունները ժամանակին չկատարելու համար սույն որոշման ուժի մեջ մտնելու օրվա դրությամբ շահութահարկի գծով հաշվարկված և չվճարված տույժերից:
3. Սույն որոշումն ուժի մեջ է մտնում 1997 թվականի դեկտեմբերի 31-ից: