(ուժը կորցնելու է ՀՀ կառավարության 2017 թվականի հունիսի 15-ի N 662-Ն
i
որոշումն ուժը կորցրած ճանաչելու մասին» ՀՀ կառավարության որոշումն ուժի
մեջ մտնելու պահից` 09.06.2022 թիվ 831-Ն որոշում)
040.1750.141206
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«14» դեկտեմբերի 2006 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
16 նոյեմբերի 2006 թվականի N 1750-Ն
i
ԽԵՑԵԳՈՐԾԱԿԱՆ ԱՄԱՆԵՂԵՆԻ ՎԵՐԱԲԵՐՅԱԼ ՏԵԽՆԻԿԱԿԱՆ ԿԱՆՈՆԱԿԱՐԳԸ ՀԱՍՏԱՏԵԼՈՒ ՄԱՍԻՆ
«Ստանդարտացման մասին» Հայաստանի Հանրապետության օրենքի 8-րդ հոդվածի դրույթներին համապատասխան, ինչպես նաև հաշվի առնելով մարդու կյանքին և առողջությանը, շրջակա միջավայրին վնաս պատճառելու ռիսկի աստիճանը` Հայաստանի Հանրապետության կառավարությունը որոշում է.
1. Հաստատել խեցեգործական ամանեղենի վերաբերյալ տեխնիկական կանոնակարգը` համաձայն հավելվածի:
2. Սույն որոշումն ուժի մեջ է մտնում պաշտոնական հրապարակման օրվանից մեկ տարի հետո:
3. Սույն որոշման 1-ին կետով հաստատված տեխնիկական կանոնակարգի 8-րդ կետի դրույթն ուժի մեջ է մինչև 2011 թվականի դեկտեմբերի 31-ը:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2006 ԹՎԱԿԱՆԻ ԴԵԿՏԵՄԲԵՐԻ 12-ԻՆ
Հավելված
ՀՀ կառավարության
2006 թվականի նոյեմբերի 16-ի
N 1750-Ն որոշման
ՏԵԽՆԻԿԱԿԱՆ ԿԱՆՈՆԱԿԱՐԳ ԽԵՑԵԳՈՐԾԱԿԱՆ ԱՄԱՆԵՂԵՆԻ ՎԵՐԱԲԵՐՅԱԼ
I. ԿԻՐԱՌՄԱՆ ՈԼՈՐՏԸ
1. Սննդամթերքի հետ շփվող խեցեգործական ամանեղենի տեխնիկական կանոնակարգի (այսուհետ` տեխնիկական կանոնակարգ) գործողությունը տարածվում է արտաքին տնտեսական գործունեության ապրանքային անվանացանկի ծածկագրերին համապատասխան` հետևյալ խեցեգործական ամանեղենի վրա`
ճենապակուց ամանեղեն ճաշի և խոհանոցային 6911 10 000
խեցեգործական ամանեղեն ճաշի և խոհանոցային, բացի ճենապակուց 6912 00:
2. Սույն տեխնիկական կանոնակարգով սահմանվում են 1-ին կետում նշված խեցեգործական ամանեղենի անվտանգությունը բնութագրող ցուցանիշները, դրանց մակնշմանը, փաթեթավորմանը, պահմանը, փոխադրմանը ներկայացվող, ինչպես նաև շրջակա միջավայրի պահպանման պահանջները և դրանց համապատասխանության հավաստման ընթացակարգերը:
3. Սույն տեխնիկական կանոնակարգը չի տարածվում ապակե և ապակեկերամիկական ամանեղենի վրա:
II. ՀԱՍԿԱՑՈՒԹՅՈՒՆՆԵՐԸ
4. Սույն տեխնիկական կանոնակարգում կիրառվում են հետևյալ հասկացությունները`
խեցեգործական ամանեղեն` սննդամթերքի հետ շփման համար նախատեսված խեցեգործական արտադրանքներ` պատրաստված հիմնականում կավից կամ սիլիկատների բարձր պարունակությամբ անօրգանական նյութերից` սահմանափակ քանակություններով օրգանական նյութերի ավելացմամբ կամ առանց ավելացման (օրինակ` ճենապակե, հախճապակե և կավի ամանեղեն` ջնարակած կամ առանց ջնարակի),
փորձարկման լուծույթ` 4 % ծավալային մասով քացախաթթվի ջրային լուծույթ, որն օգտագործվում է կապարի և կադմիումի լուծահանման և դրանց քանակությունների որոշման համար,
ճաշի և խոհանոցային ամանեղեն` արտադրանքներ, որոնք նախատեսված են սննդամթերքի կամ ըմպելիքների նախապատրաստման, պատրաստման, մատուցման և պահման համար,
հարթ ամանեղեն` խեցեգործական ամանեղեն, որոնք չեն կարող լցվել, ինչպես նաև ամանեղեն, որոնք կարող են լցվել, բայց որոնց խորությունը չի գերազանցում 25 մմ-ը` չափված ամենախոր կետից մինչև լցման կետով անցնող հորիզոնական հարթությունը,
խոր ամանեղեն` խեցեգործական ամանեղեն` 25 մմ-ից ավելի խորությամբ, չափված ամենախոր կետից մինչև լցման կետով անցնող հորիզոնական հարթությունը:
III. ՏԵԽՆԻԿԱԿԱՆ ՊԱՀԱՆՋՆԵՐԸ
5. Կախված խեցեգործական ամանեղենի ձևից և տարողությունից` սննդամթերքի հետ շփվող մակերևույթից փորձարկման լուծույթ արտազատվող կապարի և կադմիումի թույլատրելի քանակությունները չպետք է գերազանցեն N 1 աղյուսակով սահմանված թույլատրելի նորմերը:
Աղյուսակ N 1
._______________________________________________________________________.
|Խեցեգործական ամանեղենի ձևը և տարողությունը |Չափման |Կապարը|Կադմիումը|
| |միավորը| (Pb) | (Cd) |
|______________________________________________|_______|______|_________|
|Հարթ ամանեղեն |մգ/դմ2 |0,8 |0,07 |
|______________________________________________|_______|______|_________|
|Մնացած բոլոր ամանեղենը, որոնք կարող են լցվել |մգ/լ |4,0 |0,3 |
|______________________________________________|_______|______|_________|
|Ամանեղեն կերակուր պատրաստելու համար և |մգ/լ |1,5 |0,1 |
|փաթեթավորման ու պահման համար նախատեսված | | | |
|3 լ-ից ավելի տարողությամբ ամանեղեն | | | |
._______________________________________________________________________.
6. Խեցեգործական ամանեղենի սննդամթերքի հետ շփվող մակերևույթից ջրի մեջ արտազատվող և N 1 աղյուսակով չսահմանված մյուս վնասակար նյութերի թույլատրելի քանակությունները` կախված օգտագործված ջնարակի և ներկանյութի տեսակից, չպետք է գերազանցեն N 2 աղյուսակով սահմանված թույլատրելի նորմերը:
Աղյուսակ N 2
._________________________________________________________________________.
| Արտազատվող վնասակար նյութի անվանումը |Նորմը, մգ/լ |
|____________________________________________________________|____________|
|Բոր (B) (բարիտային և ոչ կապարային ջնարակների |0,500 |
|օգտագործման դեպքում) | |
|____________________________________________________________|____________|
|Ցինկ (Zn) (ոչ կապարային ջնարակների օգտագործման դեպքում) |1,000 |
|____________________________________________________________|____________|
|Տիտան (Ti) |0,100 |
|____________________________________________________________|____________|
|Ալյումին (Al) (բարիտային և ոչ կապարային ջնարակների |0,500 |
|օգտագործման դեպքում) | |
|____________________________________________________________|____________|
|Բարիում (Ba) (բարիտային ջնարակների օգտագործման դեպքում) |0,100 |
|____________________________________________________________|____________|
|Մանգան (Mn) (վարդադարչնագույն երանգների, սև գույնի |0,100 |
|ներկանյութերի և վարդագույն ջնարակների օգտագործման դեպքում) | |
|____________________________________________________________|____________|
|Պղինձ (Cu) (կանաչ, սև գույների ներկանյութերի և երկնագույն |1,000 |
|ջնարակների օգտագործման դեպքում) | |
|____________________________________________________________|____________|
|Քրոմ (Cr+3, Cr+6) (կանաչ, սև, դեղին գույների |(գումարային)|
|ներկանյութերի և դեղին ջնարակների օգտագործման դեպքում) |0,100 |
|____________________________________________________________|____________|
|Կոբալտ (Co) (կապույտ գույնի ներկանյութերի և երկնագույն |0,100 |
|ջնարակների օգտագործման դեպքում) | |
._________________________________________________________________________.
7. Եթե խեցեգործական ամանեղենն ունի նաև կափարիչ, ապա ամանի և կափարիչի փորձարկումները պետք է կատարել առանձին-առանձին` միևնույն պայմաններում (նույն փորձարկման լուծույթում, նույն ջերմաստիճանում)` արդյունքների գումարը տարածելով ամանի ծավալի և կափարիչի ներքին մակերեսի վրա` կապարի և կադմիումի արտազատման թույլատրելի քանակությունները կիրառելով միայն ամանի համար:
8. Թույլատրվում է խեցեգործական ամանեղենը համարել սույն տեխնիկական կանոնակարգի պահանջներին համապատասխանող, եթե դրանցից արտազատվող կապարի և (կամ) կադմիումի քանակությունները գերազանցում են N 1 աղյուսակով սահմանված քանակությունները 50 %-ից ոչ ավելի, այն դեպքում, երբ նույն պայմաններում փորձարկումների ենթարկված նույն չափերի, ձևերի, նույն զարդանկարով և ջնարակով 3 հատից ոչ պակաս խեցեգործական ամանեղենից արտազատված կապարի և (կամ) կադմիումի միջին քանակությունները, ինչպես նաև յուրաքանչյուր նմուշից արտազատված քանակությունները չեն գերազանցում N 1 աղյուսակով սահմանված քանակությունների 50 %-ը:
9. Խեցեգործական ամանեղենին ամրացված մանրակները (բռնակները, բռնիչները) պետք է ամուր կպած լինեն հիմնական արտադրանքին:
10. Խեցեգործական ամանեղենի ջերմակայունությունը պետք է լինի ոչ ցածր`
185 օC ջերմաստիճանից` ճենապակե ամանեղենի համար,
115 օC ջերմաստիճանից` գունավոր ջնարկով հախճապակե ամանեղենի համար,
125 օC ջերմաստիճանից` անգույն ջնարկով խեցե ամանեղենի համար:
11. Խեցեգործական ամանեղենի սննդամթերքի հետ շփվող մակերևույթը պետք է կայուն լինի թթուների լուծույթների նկատմամբ:
ԽԵՑԵԳՈՐԾԱԿԱՆ ԱՄԱՆԵՂԵՆԻ ՄԱԿՆՇՈՒՄԸ
12. Խեցեգործական ամանեղենի մակնշումը պետք է իրականացնել անմիջապես արտադրանքի վրա կամ դրան փակցված պիտակի կամ անմիջապես փաթեթվածքի (սպառողական տարայի), կամ փաթեթվածքին փակցված պիտակի կամ դրա մեջ դրված թերթիկ-ներդրակի, ինչպես նաև փոխադրական տարայի վրա:
13. Խեցեգործական ամանեղենի յուրաքանչյուր միավորի հատակի հակառակ կողմին, որը չի շփվում սննդամթերքի հետ և չի խաթարում ապրանքի արտաքին տեսքը, չջնջվող և անհոտ ներկով, հստակ, պարզ և դյուրընթեռնելի ձևով պետք է մակնշված լինի արտադրող կազմակերպության անվանումը:
14. Խեցեգործական ամանեղենի փաթեթվածքի (սպառողական տարայի) կամ պիտակի կամ թերթիկ-ներդրակի վրայի մականշվածքը պետք է պարունակի հետևյալ տվյալները`
ա) արտադրող կազմակերպության անվանումը և գտնվելու վայրը,
բ) խեցեգործական ամանեղենի անվանումը,
գ) փաթեթվածքում խեցեգործական ամանեղենի քանակը,
դ) փաթեթվածքի (սպառողական տարայի) համաքաշը,
ե) «Սննդամթերքի համար» բառերը կամ 1-ին նկարում տրված նշանը:
15. Խեցեգործական ամանեղենի փոխադրական տարայի վրա պետք է նշված լինեն սույն տեխնիկական կանոնակարգի 14-րդ կետով սահմանված մականշվածքները և «Փխրուն է: Զգույշ» վարվելակարգային նշանը (նկար 2):
ԽԵՑԵԳՈՐԾԱԿԱՆ ԱՄԱՆԵՂԵՆԻ ՓԱԹԵԹԱՎՈՐՈՒՄԸ, ՓՈԽԱԴՐՈՒՄԸ ԵՎ ՊԱՀՈՒՄԸ
16. Խեցեգործական ամանեղենն առանձին-առանձին կամ լրակազմով (խմբակային), ըստ տեսակների, պետք է փաթեթավորված լինի թղթով, ստվարաթղթով կամ այնպիսի նյութերով և միջոցներով, որոնք կապահովեն խեցեգործական ամանեղենի պահպանվածությունը և անվտանգությունը` դրանց պահման, փոխադրման և իրացման ժամանակ:
Խեցեգործական ամանեղենի փաթեթվածքի զանգվածը չպետք է գերազանցի 25 կգ-ը:
17. Փաթեթավորած խեցեգործական ամանեղենը փոխադրում են տրանսպորտի բոլոր փակ տեսակներով` համաձայն տվյալ տեսակի տրանսպորտով բեռների փոխադրման կանոնների:
18. Խեցեգործական ամանեղենը պետք է պահել մինուս 50 օC-ից մինչև 50 օC ջերմաստիճանային պայմաններում` փակ կամ առանց կլիմայական պայմանների արհեստական կարգավորման բնական օդափոխմամբ այլ տարածքներում, որտեղ օդի ջերմաստիճանի և խոնավության տատանումներն էապես ավելի փոքր են, քան բաց օդում:
ԽԵՑԵԳՈՐԾԱԿԱՆ ԱՄԱՆԵՂԵՆԻ ԱՐՏԱԴՐՄԱՆ ԺԱՄԱՆԱԿ ՇՐՋԱԿԱ ՄԻՋԱՎԱՅՐԻ ՊԱՀՊԱՆՈՒԹՅԱՆ ՊԱՀԱՆՋՆԵՐԸ
19. Խեցեգործական ամանեղենի արտադրման ժամանակ աշխատանքային գոտու օդում անջատվող վնասակար նյութերի սահմանային թույլատրելի կոնցենտրացիաները չպետք է գերազանցեն Հայաստանի Հանրապետության օրենսդրությամբ սահմանված նորմերը:
20. Խեցեգործական ամանեղենի արտադրական գործընթացներում շրջակա միջավայրը (մթնոլորտային օդը, հողը և ջրային ռեսուրսները) աղտոտող վնասակար նյութերի և թափոնների քանակությունները չպետք է գերազանցեն Հայաստանի Հանրապետության օրենսդրությամբ սահմանված նորմերը:
IV. ՉԱՓՈՒՄՆԵՐԻ ՄԻԱՍՆԱԿԱՆՈՒԹՅԱՆ ԱՊԱՀՈՎՈՒՄԸ
21. Խեցեգործական ամանեղենի չափումների միասնականության ապահովումը պետք է իրականացվի «Չափումների միասնականության ապահովման մասին» Հայաստանի Հանրապետության օրենքով սահմանված կարգով:
V. ՊԵՏԱԿԱՆ ՎԵՐԱՀՍԿՈՂՈՒԹՅՈՒՆԸ
22. Սույն տեխնիկական կանոնակարգի պահանջներին խեցեգործական ամանեղենի համապատասխանության պետական վերահսկողությունը պետք է իրականացվի «Համապատասխանության գնահատման մասին» Հայաստանի Հանրապետության օրենքով սահմանված կարգով:
VI. ՏԵԽՆԻԿԱԿԱՆ ԿԱՆՈՆԱԿԱՐԳՈՎ ՍԱՀՄԱՆՎԱԾ ՊԱՀԱՆՋՆԵՐԻ ԿԱՏԱՐՈՒՄՆ ԱՊԱՀՈՎՈՂ ՍՏԱՆԴԱՐՏՆԵՐԻ ՑԱՆԿԸ
._________________________________________________________________________.
|Ստանդարտի նշագիրը| Փորձարկման մեթոդներ սահմանող ստանդարտի անվանումը |
| (բաժինը, կետը) | |
|_________________|_______________________________________________________|
|ԳՕՍՏ 4974 |Խմելու ջուր. Մանգանի պարունակության որոշման մեթոդներ |
|_________________|_______________________________________________________|
|ԳՕՍՏ 18293 |Խմելու ջուր. Կապարի, ցինկի, արծաթի պարունակությունների |
| |որոշման մեթոդներ |
|_________________|_______________________________________________________|
|ԳՕՍՏ 24770 |Ճենապակե և հախճապակե ամանեղեն. Ջերմակայունության |
| |որոշման մեթոդ |
|_________________|_______________________________________________________|
|ԳՕՍՏ 24970 |Ճենապակե և հախճապակե ամանեղեն. Թթվակայունության |
| |որոշման մեթոդ |
|_________________|_______________________________________________________|
|ԳՕՍՏ 30178 |Սննդահումք և սննդամթերք. Թունավոր տարրերի որոշման |
| |ատոմաաբսորբման մեթոդ |
|_________________|_______________________________________________________|
|ԳՕՍՏ Ռ 51210 |Խմելու ջուր. Բորի պարունակության որոշման մեթոդ |
|_________________|_______________________________________________________|
|ԳՕՍՏ Ռ 51309 |Խմելու ջուր. Ատոմային սպեկտրաչափական մեթոդներով տարրերի|
| |պարունակության որոշում |
|_________________|_______________________________________________________|
|ԻՍՕ 6486-1 |Սննդամթերքի հետ շփվող խեցեգործական, ապակեկերամիկական և |
| |ապակե ամանեղեն. Կապարի և կադմիումի արտազատում. |
| |Մաս 1. Փորձարկման մեթոդ |
._________________________________________________________________________.