ՀՀ ՊԵՏԱԿԱՆ ՁԵՌՆԱՐԿՈՒԹՅՈՒՆՆԵՐԻ ԵՎ ԱՆԱՎԱՐՏ ՇԻՆԱՐԱՐՈՒԹՅԱՆ ՕԲՅԵԿՏՆԵՐԻ ՍԵՓԱԿԱՆԱՇՆՈՐՀՄ ...

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՕՐԵՆՔԸ

Ընդունված է Ազգային Ժողովի կողմից
«5» դեկտեմբերի 1997 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ՁԵՌՆԱՐԿՈՒԹՅՈՒՆՆԵՐԻ ԵՎ ԱՆԱՎԱՐՏ ՇԻՆԱՐԱՐՈՒԹՅԱՆ ՕԲՅԵԿՏՆԵՐԻ ՍԵՓԱԿԱՆԱՇՆՈՐՀՄԱՆ ԵՎ ԱՊԱՊԵՏԱԿԱՆԱՑՄԱՆ 1996-1997 ԹՎԱԿԱՆՆԵՐԻ ԾՐԱԳՐԻ ԿԱՏԱՐՄԱՆ ՀԱՇՎԵՏՎՈՒԹՅԱՆ ՄԱՍԻՆ

Հաստատել «Հայաստանի Հանրապետության պետական ձեռնարկությունների և անավարտ շինարարության օբյեկտների սեփականաշնորհման և ապապետականացման 1996-1997 թվականների ծրագրի կատարման մասին» Հայաստանի Հանրապետության հաշվետվությունը (կցվում է):

Հաստատված է Հայաստանի Հանրապետության Ազգային ժողովի
1997 թվականի դեկտեմբերի 5-ի «Հայաստանի Հանրապետության
 պետական ձեռնարկությունների և անավարտ շինարարության
 օբյեկտների սեփականաշնորհման և ապապետականացման
1996-1997 թվականների ծրագրի կատարման հաշվետվության մասին»
Հայաստանի Հանրապետության օրենքով

ՀԱՇՎԵՏՎՈՒԹՅՈՒՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ՁԵՌՆԱՐԿՈՒԹՅՈՒՆՆԵՐԻ և ԱՆԱՎԱՐՏ ՇԻՆԱՐԱՐՈՒԹՅԱՆ ՕԲՅԵԿՏՆԵՐԻ ՍԵՓԱԿԱՆԱՇՆՈՐՀՄԱՆ և ԱՊԱՊԵՏԱԿԱՆԱՑՄԱՆ 1996-1997 ԹՎԱԿԱՆՆԵՐԻ ԾՐԱԳՐԻ ԿԱՏԱՐՄԱՆ ՄԱՍԻՆ

1. ԸՆԴՀԱՆՈՒՐ ԴՐՈՒՅԹՆԵՐ

1.1. Ծրագրի ընդունման ժամանակագրությունը

«Հայաստանի Հանրապետության պետական ձեռնարկությունների և անավարտ շինարարության օբյեկտների սեփականաշնորհման և ապապետականացման 1996-1997 թվականների ծրագրի մասին» Հայաստանի Հանրապետության օրենքը (այսուհետ` ծրագիր) Հայաստանի Հանրապետության Ազգային ժողովն ընդունել է 1996 թվականի մարտի 20-ին:

Ծրագրի գործողության ժամկետ է սահմանվել 1996 թվականի հուլիսի 1-ից մինչև 1997 թվականի հուլիսի 1-ը:

Ծրագրում լրացումներ և փոփոխություններ են կատարվել «Պետական ձեռնարկությունների և անավարտ շինարարության օբյեկտների սեփականաշնորհման և ապապետականացման մասին» և «Հայաստանի Հանրապետության պետական ձեռնարկությունների և անավարտ շինարարության օբյեկտների սեփականաշնորհման և ապապետականացման 1996-1997 թվականների ծրագրի մասին» Հայաստանի Հանրապետության օրենքում լրացումներ և փոփոխություններ կատարելու մասին» Հայաստանի Հանրապետության օրենքների համաձայն (Հայաստանի Հանրապետության Ազգային ժողովն ընդունել է 1996 թվականի նոյեմբերի 19-ին):

Հայաստանի Հանրապետության կառավարության և Հայաստանի Հանրապետության Ազգային ժողովի պատգամավորների նախաձեռնությամբ` ծրագրով հաստատված` սեփականաշնորհման ենթակա ձեռնարկությունների և անավարտ շինարարության օբյեկտների ցանկերում լրացումներ և փոփոխություններ են կատարվել հետևյալ օրենքների համաձայն.

- «Հայաստանի Հանրապետության պետական ձեռնարկությունների և անավարտ շինարարության օբյեկտների սեփականաշնորհման և ապապետականացման 1996-1997 թվականների ծրագրի մասին» Հայաստանի Հանրապետության օրենքում լրացումներ կատարելու մասին (Հայաստանի Հանրապետության Ազգային ժողովն ընդունել է 1996 թվականի սեպտեմբերի 9-ին).

- «Հայաստանի Հանրապետության պետական ձեռնարկությունների և անավարտ շինարարության օբյեկտների սեփականաշնորհման և ապապետականացման 1996-1997 թվականների ծրագրի մասին» Հայաստանի Հանրապետության օրենքում լրացումներ կատարելու մասին (Հայաստանի Հանրապետության Ազգային ժողովն ընդունել է 1997 թվականի ապրիլի 30-ին).

- «Հայաստանի Հանրապետության պետական ձեռնարկությունների և անավարտ շինարարության օբյեկտների սեփականաշնորհման և ապապետականացման 1996-1997 թվականների ծրագրի մասին» Հայաստանի Հանրապետության օրենքում լրացում կատարելու մասին (Հայաստանի Հանրապետության Ազգային ժողովն ընդունել է 1997 թվականի հունիսի 9-ին).

- «Հայաստանի Հանրապետության պետական ձեռնարկությունների և անավարտ շինարարության օբյեկտների սեփականաշնորհման և ապապետականացման 1996-1997 թվականների ծրագրի մասին» Հայաստանի Հանրապետության օրենքում փոփոխություններ կատարելու մասին (Հայաստանի Հանրապետության Ազգային ժողովն ընդունել է 1997 թվականի հունիսի 23-ին):

1.2. Սեփականաշնորհման և ապապետականացման նախապատրաստական հարցերով զբաղվող` Հայաստանի Հանրապետության կառավարության լիազորած պետական կառավարման մարմինը

Հայաստանի Հանրապետության սեփականաշնորհման և ապապետականացման պետական հանձնաժողովը մինչև «Պետական ձեռնարկությունների և անավարտ շինարարության օբյեկտների սեփականաշնորհման և ապապետականացման մասին» Հայաստանի Հանրապետության օրենքում փոփոխություններ և լրացումներ կատարելու մասին» Հայաստանի Հանրապետության օրենքն ընդունելը (1995 թվականի դեկտեմբերի 27-ը), Հայաստանի Հանրապետությունում պետական ձեռնարկությունների սեփականաշնորհումը և ապապետականացումն իրականացնող իրավասու պետական մարմին էր: «Պետական ձեռնարկությունների և անավարտ շինարարության օբյեկտների սեփականաշնորհման և ապապետականացման մասին» Հայաստանի Հանրապետության օրենքի (այսուհետ` սեփականաշնորհման օրենք) փոփոխությունից հետո Հայաստանի Հանրապետության կառավարության 1996 թվականի փետրվարի 14-ի «Հայաստանի Հանրապետության սեփականաշնորհման և ապապետականացման պետական հանձնաժողովի վերակազմավորման մասին» N 39 որոշմամբ սեփականաշնորհման և ապապետականացման հարցերով զբաղվող` Հայաստանի Հանրապետության կառավարության լիազորած պետական կառավարման մարմին ճանաչեց Հայաստանի Հանրապետության պետական ձեռնարկությունների և անավարտ շինարարության օբյեկտների սեփականաշնորհման և ապապետականացման միջգերատեսչական պետական հանձնաժողովը:

Հայաստանի Հանրապետության կառավարության 1997 թվականի հունվարի 31-ի «Հայաստանի Հանրապետությունում սեփականաշնորհման և ապապետականացման նախապատրաստական աշխատանքներն իրականացնող` Հայաստանի Հանրապետության կառավարության կողմից լիազորված պետական կառավարման մարմնի մասին» N 13 որոշմամբ սեփականաշնորհման և ապապետականացման նախապատրաստական աշխատանքներն իրականացնող` Հայաստանի Հանրապետության կառավարության լիազորած պետական կառավարման մարմին ճանաչվեց Հայաստանի Հանրապետության սեփականաշնորհման և օտարերկրյա ներդրումների նախարարությունը:

Հայաստանի Հանրապետության նախագահի 1997 թվականի հունիսի 10-ի «Հայաստանի Հանրապետության կառավարության կառուցվածքում փոփոխություններ կատարելու մասին» հրամանագրով Հայաստանի Հանրապետության սեփականաշնորհման և օտարերկրյա ներդրումների նախարարությունը վերակազմավորվեց Հայաստանի Հանրապետության սեփականաշնորհման նախարարության, և վերջինիս փոխանցվեցին սեփականաշնորհման և ապապետականացման նախապատրաստական աշխատանքներն իրականացնող` Հայաստանի Հանրապետության կառավարության լիազորած պետական կառավարման մարմնի գործառույթները:

1.3. Հաշվետու ժամանակահատվածը

Ծրագրի կատարման վերաբերյալ հաշվետվությունն ընդգրկում է 1996 թվականի հուլիսի 1-ից մինչև 1997 թվականի օգոստոսի 25-ն ընկած ժամանակահատվածը:

2. ՄԻՋԻՆ ԵՎ ԽՈՇՈՐ ՁԵՌՆԱՐԿՈՒԹՅՈՒՆՆԵՐԻ ՍԵՓԱԿԱՆԱՇՆՈՐՀՈՒՄԸ

2.1. Մասնակի անհատույց սեփականաշնորհումը

2.1.1. Մասնակի անհատույց սեփականաշնորհման իրավական և մեթոդական դաշտը

Հայաստանի Հանրապետության Ազգային ժողովը 1996 թվականի ապրիլի 12-ին ընդունել է «Պետական ձեռնարկությունների և անավարտ շինարարության օբյեկտների սեփականաշնորհման և ապապետականացման մասին» Հայաստանի Հանրապետության օրենքում, Հայաստանի Հանրապետության Գերագույն խորհրդի 1993 թվականի նոյեմբերի 1-ի «Պետական ձեռնարկությունների և անավարտ շինարարության օբյեկտների սեփականաշնորհման և ապապետականացման մասին» Հայաստանի Հանրապետության օրենքում փոփոխություններ և լրացում կատարելու մասին» Հայաստանի Հանրապետության օրենքի կիրարկման կարգի մասին», Հայաստանի Հանրապետության Գերագույն խորհրդի նախագահության 1994 թվականի մայիսի 6-ի «Պետական ձեռնարկությունների գույքի մասնակի անհատույց սեփականաշնորհման և այդ ձեռնարկություններն ընկերությունների վերակազմավորելու կարգի» և «Մասնակի անհատույց սեփականաշնորհման հիման վրա վերակազմավորված բաժնետիրական ընկերություններում շահույթից ինվեստիցիոն սեփականաշնորհման ֆոնդերին կատարվող մասհանումների, այդ միջոցներից հիմնական ֆոնդերի ձեռքբերման և կանոնադրական հիմնադրամի փոփոխման կարգի» հաստատման մասին» որոշումների մեջ փոփոխություններ կատարելու մասին» Հայաստանի Հանրապետության օրենքը:

Հայաստանի Հանրապետության կառավարությունը 1996 թվականի սեպտեմբերի 17-ին ընդունել է «Պետական ձեռնարկությունների գույքի մասնակի անհատույց սեփականաշնորհման հիման վրա վերակազմավորված բաժնետիրական ընկերություններում ինվեստիցիոն սեփականաշնորհման ֆոնդին կատարվող մասհանումների, այդ ֆոնդի հաշվին ինվեստիցիոն սերտիֆիկատների թողարկման ու բաշխման և դրա հետևանքով կանոնադրական կապիտալի փոփոխման կարգը հաստատելու մասին» N 304 որոշումը:

1996 թվականի փետրվարի 23-ին ընդունվել է նորմատիվ-մեթոդական բնույթի` մասնակի անհատույց սեփականաշնորհման հիման վրա վերակազմավորված բաժնետիրական ընկերություններում ներդրումային սեփականաշնորհման հիմնադրամի հաշվին ձեռք բերված հիմնական միջոցների արժեքների համադրելիության գործակցի որոշման կարգը:

2.1.2. Մասնակի անհատույց սեփականաշնորհման արդյունքները

Ներդրումային սեփականաշնորհում իրականացրած ձեռնարկությունների ցանկը, դրանց պետական և ոչ պետական բաժնեմասերի հարաբերակցությունը ներկայացված է N 1 աղյուսակում:

Աղյուսակ N 1

ՑԱՆԿ
1996-1997 ԹՎԱԿԱՆՆԵՐԻ ԾՐԱԳՐՈՒՄ ԸՆԴԳՐԿՎԱԾ` ՆԵՐԴՐՈՒՄԱՅԻՆ ՍԵՓԱԿԱՆԱՇՆՈՐՀՈՒՄ ԻՐԱԿԱՆԱՑՐԱԾ ՁԵՌՆԱՐԿՈՒԹՅՈՒՆՆԵՐԻ
(1997 ԹՎԱԿԱՆԻ ՕԳՈՍՏՈՍԻ 25-Ի ԴՐՈՒԹՅԱՄԲ)

2.2. Միջին և խոշոր ձեռնարկությունների սեփականաշնորհման ժամանակագրությունը

1996-1997 թվականների ծրագրում ընդգրկված` առաջին ձեռնարկության սեփականաշնորհման մասին Հայաստանի Հանրապետության կառավարության որոշումն ընդունվել է 1997 թվականի հունվարի 13-ին N 7 որոշմամբ:

2.3. Միջին և խոշոր ձեռնարկությունների սեփականաշնորհման կատարողականը

1997 թվականի օգոստոսի 25-ի դրությամբ սեփականաշնորհել է 243 ձեռնարկություն (առանձնացումների հետևանքով 167 ձեռնարկություն վերակազմավորվել է 211 բաց և փակ բաժնետիրական ընկերության) ընդ որում, 137-ը` բաժնետոմսերի ազատ բաժանորդագրությամբ, 20-ը` փակ բաժնետիրական ընկերության, 86-ը` վարձակալների կողմից գույքի գնման միջոցով: Այս խմբի ձեռնարկությունների սեփականաշնորհման հիմնական ձևը (կիրառվել է սեփականաշնորհված ձեռնարկությունների 56,3 տոկոսի համար) բաժնետոմսերի ազատ բաժանորդագրության միջոցով բաց բաժնետիրական ընկերությունների ստեղծումն է:

Չի կայացել 48 ձեռնարկության սեփականաշնորհումը` հիմնականում դրանց բարձր արժեքի և խոշոր պարտքերի պատճառով: Այդ ձեռնարկություններից 44-ի սեփականաշնորհման ձևը եղել է բաժնետոմսերի ազատ բաժանորդագրությունը, 4-ինը` փակ բաժնետիրական ընկերության ստեղծումը:

Սեփականաշնորհված ձեռնարկությունների մեծ մասը Հայաստանի Հանրապետության արդյունաբերության և առևտրի նախարարության (35 տոկոս) և Հայաստանի Հանրապետության գյուղատնտեսության նախարարության (18 տոկոս) ձեռնարկություններ են:

Միջին և խոշոր ձեռնարկությունների սեփականաշնորհման գործընթացը բնութագրող տվյալները ներկայացված են NN 2, 3, 4, 5 աղյուսակներում:

Աղյուսակ N 2

1996-1997 ԹՎԱԿԱՆՆԵՐԻ ԾՐԱԳՐՈՒՄ ԸՆԴԳՐԿՎԱԾ` ՄԻՋԻՆ և ԽՈՇՈՐ ՁԵՌՆԱՐԿՈՒԹՅՈՒՆՆԵՐԻ ՍԵՓԱԿԱՆԱՇՆՈՐՀՄԱՆ ԸՆԹԱՑՔՆ ԸՍՏ ՍԵՓԱԿԱՆԱՇՆՈՐՀՄԱՆ ՁԵՎԵՐԻ
 (1997 ԹՎԱԿԱՆԻ ՕԳՈՍՏՈՍԻ 25-Ի ԴՐՈՒԹՅԱՄԲ)

Աղյուսակ N 3

1996-1997 ԹՎԱԿԱՆՆԵՐԻ ԾՐԱԳՐՈՒՄ ԸՆԴԳՐԿՎԱԾ` ՄԻՋԻՆ և ԽՈՇՈՐ ՁԵՌՆԱՐԿՈՒԹՅՈՒՆՆԵՐԻ ՍԵՓԱԿԱՆԱՇՆՈՐՀՄԱՆ ԸՆԹԱՑՔՆ ԸՍՏ ՀԻՄՆԱԿԱՆ ՆԱԽԱՐԱՐՈՒԹՅՈՒՆՆԵՐԻ և ՍԵՓԱԿԱՆԱՇՆՈՐՀՄԱՆ ՁևԵՐԻ
 (1997 ԹՎԱԿԱՆԻ ՕԳՈՍՏՈՍԻ 25-Ի ԴՐՈՒԹՅԱՄԲ)

Աղյուսակ N 4

1996-1997 ԹՎԱԿԱՆՆԵՐԻ ԾՐԱԳՐՈՒՄ ԸՆԴԳՐԿՎԱԾ` ՄԻՋԻՆ և ԽՈՇՈՐ ՁԵՌՆԱՐԿՈՒԹՅՈՒՆՆԵՐԻ ՍԵՓԱԿԱՆԱՇՆՈՐՀՄԱՆ ՁևԵՐԻ ՀԱՐԱԲԵՐԱԿՑՈՒԹՅՈՒՆՆ ԸՍՏ ՏԱՐԲԵՐ ՉԱՓԱՆԻՇՆԵՐԻ
 (1997 ԹՎԱԿԱՆԻ ՕԳՈՍՏՈՍԻ 25-Ի ԴՐՈՒԹՅԱՄԲ)

Աղյուսակ N 5

ԲԱԺՆԵՏԻՐԱՑՎՈՂ ԸՆԿԵՐՈՒԹՅՈՒՆՆԵՐԻ ԽՄԲԱՎՈՐՈՒՄՆ ԸՍՏ ԲԱԺԱՆՈՐԴԱԳՐՈՒԹՅԱՆ ՓԱՍՏԱՑԻ ԱՐԴՅՈՒՆՔՆԵՐԻ  (1997 ԹՎԱԿԱՆԻ ՕԳՈՍՏՈՍԻ 25-Ի ԴՐՈՒԹՅԱՄԲ)

Ծանոթագրություն. Աղյուսակում չեն ընդգրկված բաժանորդագրությունը չկայացած 44 ձեռնարկության վերաբերյալ տվյալները:

2.4. Բաժնետոմսերի ազատ բաժանորդագրությամբ սեփականաշնորհման առանձնահատկությունները և կատարողականը

Պետական և պետական մասնակցությամբ ձեռնարկությունների սեփականաշնորհման հիմնական ձևը բաժնետոմսերի ազատ բաժանորդագրությունն է: Բավական է նշել, որ 1997 թվականի օգոստոսի 25-ի դրությամբ Հայաստանի Հանրապետության կառավարության կողմից ծրագրում ընդգրկված 494 ձեռնարկության սեփականաշնորհման մասին ընդունված որոշումներից 398-ը (80,5 տոկոս) վերաբերում է բաժնետոմսերի ազատ բաժանորդագրությամբ սեփականաշնորհմանը: Նշված քանակությունից հրապարակվել է 387 ձեռնարկության ազդագիր:

1997 թվականի օգոստոսի 25-ի դրությամբ բաժնետոմսերի ազատ բաժանորդագրության ձևով սեփականաշնորհման գործընթացում է գտնվում 192 ձեռնարկություն, 44 ձեռնարկությունում սեփականաշնորհումը չի կայացել, իսկ 137-ում` ավարտվել է:

Բաժնետոմսերի ազատ բաժանորդագրությամբ սեփականաշնորհման չկայացման հիմնական պատճառներն են` ձեռնարկությունների խոշոր պարտքերը, ձեռնարկությունների մասին տեղեկատվության պակասը, ձեռնարկությունների հետագա գործունեության անհեռանկարային լինելը, առկա սարքավորումների մաշվածությունը, խոշոր ներդրումների պահանջը: Սեփականաշնորհման չկայացման պատճառ կարելի է համարել նաև ձեռնարկության սեփականաշնորհման նախապատրաստական աշխատանքների անկատարությունը, սեփականաշնորհման ծրագրում ընդգրկված ձեռնարկություններից միջոցներ օտարելը, դրանք գրավադրելը և այլն:

Այստեղ կարևոր է հիշատակել նաև ծրագրում ընդգրկված ձեռնարկությունների նկատմամբ սնանկացման հայցեր հարուցելը դատարանների կողմից` ընդհուպ ձեռնարկությունը սնանկ ճանաչելը: 1997 թվականի օգոստոսի 25-ի դրությամբ սնանկ Է ճանաչվել ծրագրում ընդգրկված 10 ձեռնարկություն: Տվյալները ներկայացված են N 6 աղյուսակում:

Բաժնետոմսերի ազատ բաժանորդագրությամբ սեփականաշնորհված 128 ձեռնարկությունում նկատվել Է թերբաժանորդագրություն (այս խմբի բոլոր ձեռնարկությունների համար բաժանորդագրությունը կազմել Է 45,1 տոկոս), իսկ 9-ում` գերբաժանորդագրություն (այս խմբի բոլոր ձեռնարկությունների համար գերբաժանորդագրությունը կազմել Է 208,6 տոկոս): Միջին հաշվով, բոլոր ձեռնարկությունների համար նկատվել Է թերբաժանորդագրություն: Բաժանորդագրությունը կատարվել Է 50,3 տոկոսով:

2.5. Փակ բաժնետիրական ընկերությունների ձևով սեփականաշնորհումը և արդյունքների վերլուծությունը

Փակ բաժնետիրական ընկերությունների ձևով հաշվետու ժամանակաշրջանում սեփականաշնորհվել Է 20 միջին և խոշոր ձեռնարկություն (սեփականաշնորհված ձեռնարկությունների 18,2 տոկոսը):

1997 թվականի օգոստոսի 25-ի դրությամբ Հայաստանի Հանրապետության կառավարությունն ընդունել Է որոշում` ծրագրում ընդգրկված 39 միջին և խոշոր ձեռնարկության փակ բաժնետիրական ընկերությունների ձևով սեփականաշնորհման մասին:

Սեփականաշնորհումը չի կայացել 4 ձեռնարկությունում:

2.6. Մրցույթներով սեփականաշնորհման արդյունքները

Հաշվետու ժամանակահատվածում ծրագրում ընդգրկված` մրցույթով սեփականաշնորհման ենթակա ձեռնարկություններից ոչ մեկը չի սեփականաշնորհվել: Մրցույթով սեփականաշնորհման ներկայացված օբյեկտներից 19-ը պետք Է սեփականաշնորհվի միջազգային մրցույթով: Այդ ձեռնարկություններից երկուսի գնահատման փաթեթը չի ստացվել, 17-ի համար Հայաստանի Հանրապետության կառավարությունն ընդունել Է համապատասխան որոշումներ, որոնցից 13-ի սեփականաշնորհման նախապատրաստական աշխատանքներն իրականացնում Է «Մերիլ Լինչ Ինտերնեյշնլ» խորհրդատվական ընկերությունը, իսկ չորսինը` Հայաստանի Հանրապետության սեփականաշնորհման նախարարությունը:

«Մերիլ Լինչ Ինտերնեյշնլ» խորհրդատվական ընկերության միջոցով միջազգային մրցույթով սեփականաշնորհման ենթակա ձեռնարկությունների մասին տեղեկությունները ներկայացված են N 7 աղյուսակում:

Նախկինում սահմանված մրցույթի անցկացման օրերը փոփոխվել (երկարաձգվել) են Հայաստանի Հանրապետության կառավարության 1997 թվականի հուլիսի 30-ի N 312 որոշմամբ:

Հայաստանի Հանրապետության սեփականաշնորհման նախարարության կողմից նախապատրաստվող միջազգային մրցույթով սեփականաշնորհման ենթակա ձեռնարկությունների մասին տեղեկությունները ներկայացված են N 8 աղյուսակում:

Աղյուսակ N 6

ՑԱՆԿ
1996-1997 ԹՎԱԿԱՆՆԵՐԻ ԾՐԱԳՐՈՒՄ ԸՆԴԳՐԿՎԱԾ` ՍՆԱՆԿ ՃԱՆԱՉՎԱԾ ՄԻՋԻՆ և ԽՈՇՈՐ ՁԵՌՆԱՐԿՈՒԹՅՈՒՆՆԵՐԻ
 (1997 ԹՎԱԿԱՆԻ ՕԳՈՍՏՈՍԻ 25-Ի ԴՐՈՒԹՅԱՄԲ)

Աղյուսակ N 7

ՏԵՂԵԿՈՒԹՅՈՒՆՆԵՐ ՄԻՋԱԶԳԱՅԻՆ ՄՐՑՈՒՅԹՈՎ ՍԵՓԱԿԱՆԱՇՆՈՐՀՎՈՂ ՁԵՌՆԱՐԿՈՒԹՅՈՒՆՆԵՐԻ ՄԱՍԻՆ
 (1997 ԹՎԱԿԱՆԻ ՕԳՈՍՏՈՍԻ 25-Ի ԴՐՈՒԹՅԱՄԲ)

1. Գյումրի Բ/Մ ֆաբրիկայի փոխարեն

Աղյուսակ N 8

ՏԵՂԵԿՈՒԹՅՈՒՆՆԵՐ ՄԻՋԱԶԳԱՅԻՆ ՄՐՑՈՒՅԹՈՎ ՍԵՓԱԿԱՆԱՇՆՈՐՀՎՈՂ ՁԵՌՆԱՐԿՈՒԹՅՈՒՆՆԵՐԻ ՄԱՍԻՆ
(1997 ԹՎԱԿԱՆԻ ՕԳՈՍՏՈՍԻ 25-Ի ԴՐՈՒԹՅԱՄԲ)

2.7. Միջին և խոշոր ձեռնարկությունների սեփականաշնորհման իրավական և մեթոդական հիմքերը

Հաշվետու ժամանակահատվածում Հայաստանի Հանրապետության կառավարությունն ընդունել է հետևյալ հիմնական որոշումները (չեն թվարկվում Հայաստանի Հանրապետության կառավարության այն որոշումները, որոնք վերաբերում են առանձին պետական ձեռնարկությունները սեփականաշնորհելուն` (այդ թվում` նաև միջազգային մրցույթներով), վարձակալած գույքը գնելու թույլտվություն տալուն, ինչպես նաև դրանցում փոփոխություններ և լրացումներ կատարելուն).

- 1996 թվականի հուլիսի 4-ի «Հայաստանի Հանրապետության կառավարության 1996 թվականի փետրվարի 9-ի N 35 որոշման մեջ փոփոխություն կատարելու մասին» N 204 որոշումը.

- 1996 թվականի սեպտեմբերի 13-ի «Հայաստանի Հանրապետության կառավարության 1995 թվականի հունիսի 30-ի N 392 որոշման մեջ փոփոխություններ կատարելու մասին» N 295 որոշումը.

- 1996 թվականի սեպտեմբերի 13-ի «Հայաստանի Հանրապետության կառավարության 1994 թվականի ապրիլի 22-ի N 196 որոշման մեջ փոփոխություններ և լրացումներ կատարելու մասին» N 297 որոշումը.

- 1997 թվականի մարտի 11-ի «Հայաստանի Հանրապետության կառավարության 1994 թվականի ապրիլի 21-ի N 183 որոշման մեջ փոփոխություն կատարելու մասին» N 38 որոշումը.

- 1997 թվականի մայիսի 6-ի «Հայաստանի Հանրապետության կառավարության 1995 թվականի հունվարի 31-ի N 47 որոշման մեջ փոփոխություն կատարելու մասին» N 123 որոշումը:

3. «ՓՈՔՐ» ՕԲՅԵԿՏՆԵՐԻ ՍԵՓԱԿԱՆԱՇՆՈՐՀՈՒՄԸ

3.1. «Փոքր» օբյեկտների սեփականաշնորհման կատարողականը

Ծրագրում ընդգրկված է 2681 «փոքր» օբյեկտ: Համաձայն ծրագրի 4 հոդվածի` ծրագրի ցանկերում չընդգրկված «փոքր» օբյեկտները համարվում են ծրագրի մաս և սեփականաշնորհվում են` Հայաստանի Հանրապետության կառավարության լիազորած մարմին հայտ ներկայացնելով:

Հաշվետու ժամանակահատվածում ծրագրի ցանկերում ընդգրկված «փոքր» օբյեկտների սեփականաշնորհման վերաբերյալ Հայաստանի Հանրապետության կառավարությունն ընդունել է 3 որոշում: Ծրագրում ընդգրկված «փոքր» օբյեկտների առաջին (ամենախոշոր) խմբաքանակի (2128 օբյեկտ) սեփականաշնորհման մասին Հայաստանի Հանրապետության կառավարությունն ընդունել է որոշում 1997 թվականի մարտի 13-ին (N 40 որոշում): Որոշմամբ հաստատված ցանկում ընդգրկված են առևտրի, հանրային սննդի, կենցաղսպասարկման «փոքր» օբյեկտներ, որոնք տրոհված են ըստ ճյուղերի, մարզերի և ժամանակագրական կարգի: Այսպես, օբյեկտների նշված խմբաքանակից 999-ը մանրածախ առևտրի օբյեկտ է, 390-ը` հանրային սննդի, 739-ը` կենցաղսպասարկման: 1997 թվականի օգոստոսի 25-ի դրությամբ` նշված խմբաքանակից սեփականաշնորհվել է մանրածախ առևտրի 265, հանրային սննդի` 95 և կենցաղսպասարկման 139 օբյեկտ:

Ծրագրում ընդգրկված «փոքր» օբյեկտների սեփականաշնորհման մասին երկրորդ որոշումը Հայաստանի Հանրապետության կառավարությունն ընդունել է 1997 թվականի մայիսի 13-ին (N 134 որոշում): Որոշմամբ հաստատված ցանկում ընդգրկված է 303 «փոքր» օբյեկտ, որից 223-ը հացի խանութ, իսկ 80-ը` դեղատուն է:

Ծրագրում ընդգրկված «փոքր» օբյեկտների սեփականաշնորհման մասին երրորդ որոշումը Հայաստանի Հանրապետության կառավարությունն ընդունել է 1997 թվականի օգոստոսի 7-ին (N 323 որոշում): Որոշմամբ հաստատված ցանկում ընդգրկված է 54 «փոքր» օբյեկտ, որից 12-ը մանրածախ առևտրի օբյեկտ է, իսկ 42-ը` գրախանութ:

1997 թվականի օգոստոսի 25-ի դրությամբ սեփականաշնորհվել է 499 «փոքր» օբյեկտ: Աճուրդով վաճառքի ենթակա է 103-ը:

Ծրագրով սեփականաշնորհվել է 499 «փոքր» օբյեկտ, որից 139-ը (27,9 տոկոս)` կենցաղսպասարկման, 265-ը (53,1 տոկոս)` առևտրի, 95-ը (19,0 տոկոս)` հանրային սննդի օբյեկտ են: Սեփականաշնորհման գործընթացում է 1986 «փոքր» օբյեկտ:

Հաշվետու ժամանակահատվածի վերջին օրվա դրությամբ գնահատվել է 7048 «փոքր» օբյեկտ` մոտավորապես 37.0 միլիարդ դրամ ընդհանուր արժողությամբ:

Սեփականաշնորհված «փոքր» օբյեկտների կազմում զգալի բաժին (37,2 տոկոս) ունեն վարձակալական ձեռնարկությունները, որոնք սեփականաշնորհման օրենքի 33 հոդվածի համաձայն, սեփականաշնորհվում են առանց ծրագրում ընդգրկվելու:

Ծրագրում ընդգրկված «փոքր» օբյեկտների սեփականաշնորհման ցուցանիշները և դրանց կատարողականը ներկայացված են N 9 աղյուսակում:

Աղյուսակ N 9

«ՓՈՔՐ» ՕԲՅԵԿՏՆԵՐԻ ԾՐԱԳՐԱՅԻՆ ՍԵՓԱԿԱՆԱՇՆՈՐՀՄԱՆ ՑՈՒՑԱՆԻՇՆԵՐԸ և ԴՐԱՆՑ ԿԱՏԱՐՈՂԱԿԱՆԸ

3.2. «Փոքր» օբյեկտների սեփականաշնորհման իրավական և մեթոդական հիմքերը

Հայաստանի Հանրապետության կառավարությունն ընդունել է 1996 թվականի սեպտեմբերի 3-ի «Հայաստանի Հանրապետության կառավարության 1995 թվականի ապրիլի 12-ի N 197 որոշման մեջ փոփոխություն կատարելու մասին» N 280 և 1997 թվականի մարտի 11-ի «Հայաստանի Հանրապետության կառավարության 1994 թվականի ապրիլի 20-ի N 182 որոշման մեջ փոփոխություն կատարելու մասին» N 39 որոշումները:

4. ԱՆԱՎԱՐՏ ՇԻՆԱՐԱՐՈՒԹՅԱՆ ՕԲՅԵԿՏՆԵՐԻ ՍԵՓԱԿԱՆԱՇՆՈՐՀՈՒՄԸ

Հաշվետվությունը ներկայացնելու վերջին օրվա դրությամբ ծրագրում ընդգրկված անավարտ շինարարության ոչ մի օբյեկտ չի սեփականաշնորհվել, որը հիմնականում պայմանավորված է կազմակերպական բնույթի թերություններով:

5. ՍԵՓԱԿԱՆԱՇՆՈՐՀՄԱՆ ՍԵՐՏԻՖԻԿԱՏՆԵՐԸ

1997 թվականի օգոստոսի 25-ի դրությամբ սեփականաշնորհված ձեռնարկությունների, անավարտ շինարարության օբյեկտների և «փոքր» օբյեկտների համար վճարվել է 52721173.8 հազար դրամ, որից 3383469 հազար դրամը (64 տոկոս)` ձեռնարկությունների, 18796907 հազար դրամը (36 տոկոս)` «փոքր» օբյեկտների համար: Սեփականաշնորհման սերտիֆիկատներով վճարվել է 52338280 հազար դրամ (ընդհանուր վճարումների 99,3 տոկոսը), իսկ դրամով 382893.3 հազար դրամ (0,7 տոկոս): Սեփականաշնորհման սերտիֆիկատներով վճարումներում ձեռնարկությունների բաժինը կազմել է 33645420 հազար դրամ (63,8 տոկոս), «փոքր» օբյեկտներինը` 18604060 հազար դրամ (35,3 տոկոս), իսկ դրամով վճարումներում` համապատասխանաբար 189278 հազար դրամ (49,4 տոկոս) և 192847 հազար դրամ (50,4 տոկոս):

Վճարված սերտիֆիկատների ընդհանուր թիվը 1997 թվականի օգոստոսի 25-ի դրությամբ կազմել է 2654393 հատ, որից 1682271 (63,4 տոկոս) վճարվել է ձեռնարկությունների, իսկ 967682 (36,5 տոկոս)` «փոքր» օբյեկտների համար:

Այսպիսով, սեփականաշնորհման սերտիֆիկատները ներկայումս սեփականաշնորհված գույքի ձեռքբերման հիմնական միջոց են:

6. ԾՐԱԳՐԻ ԸՆԴՀԱՆՈՒՐ ԿԱՏԱՐՈՂԱԿԱՆԸ

Ընդհանուր առմամբ, հաշվետու ժամանակաշրջանում ծրագիրը` քանակական ցուցանիշների առումով, կատարվել է 18,4 տոկոսով (սեփականաշնորհված օբյեկտների թվաքանակի տեսակարար կշիռը ծրագրով նախատեսված սեփականաշնորհման օբյեկտների թվաքանակում):

Ըստ տնտեսության տարբեր ոլորտների` ծրագրի կատարման պատկերը ներկայացված է N 10 աղյուսակում:

Աղյուսակ N 10

ՊԵՏԱԿԱՆ ՁԵՌՆԱՐԿՈՒԹՅՈՒՆՆԵՐԻ և ԱՆԱՎԱՐՏ ՇԻՆԱՐԱՐՈՒԹՅԱՆ ՕԲՅԵԿՏՆԵՐԻ ՍԵՓԱԿԱՆԱՇՆՈՐՀՄԱՆ և ԱՊԱՊԵՏԱԿԱՆԱՑՄԱՆ 1996-1997 ԹՎԱԿԱՆՆԵՐԻ ԾՐԱԳՐԻ ԱՌԱՋԱԴՐԱՆՔՆԵՐԸ և ԴՐԱՆՑ ԿԱՏԱՐՈՂԱԿԱՆԸ 1997 ԹՎԱԿԱՆԻ ՕԳՈՍՏՈՍԻ 25-Ի ԴՐՈՒԹՅԱՄԲ

Ծանոթագրություն. - * Հաշվի են առնված Հայաստանի Հանրապետության Ազգային ժողովի 1996 թվականի սեպտեմբերի 9-ին, 1997 թվականի ապրիլի 30-ին և հունիսի 9-ին ընդունած` «Հայաստանի Հանրապետության պետական ձեռնարկությունների և անավարտ շինարարության օբյեկտների սեփականաշնորհման և ապապետականացման 1996-1997 թվականների ծրագրի մասին» Հայաստանի Հանրապետության օրենքում լրացումներ կատարելու մասին Հայաստանի Հանրապետության օրենքները:

Ձեռնարկությունների սեփականաշնորհման կատարողականի համեմատաբար ցածր մակարդակը պայմանավորված է նաև այն հանգամանքով, որ սեփականաշնորհման օրենքի համաձայն` ձեռնարկությունը սեփականաշնորհված է համարվում սեփականաշնորհման պայմանագրի կնքման պահից: Այդ հարցում բազմաթիվ միջին ու խոշոր ձեռնարկություններ և «փոքր» օբյեկտներ թերացել են:

Ծրագրի կատարման գնահատականը` արժեքային արտահայտությամբ, հաշվետվություն ներկայացնելու վերջին օրվա դրությամբ, կարելի է տալ միայն նախորդ ծրագրերի հետ բացարձակ մեծությամբ, որը կազմել է 52844.3 միլիոն դրամ: Նկատի ունենալով սեփականաշնորհվող պետական գույքի գնահատման ժամկետայնությունը և ազատ ձևավորվող գների հանգամանքը` հարաբերական ցուցանիշները տվյալ դեպքում չեն կարող ներկայացուցչական լինել: