Սեղմել Esc փակելու համար:
ԹԱՓՈՆՆԵՐԻ ՊԵՏԱԿԱՆ ԿԱԴԱՍՏՐԻ ՎԱՐՄԱՆ ԿԱՐ...
Քարտային տվյալներ

Տեսակ
Գործում է
Ընդունող մարմին
Ընդունման ամսաթիվ
Համար

Վավերացման ամսաթիվ
ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

Հղում իրավական ակտի ընտրված դրույթին X
irtek_logo

ԹԱՓՈՆՆԵՐԻ ՊԵՏԱԿԱՆ ԿԱԴԱՍՏՐԻ ՎԱՐՄԱՆ ԿԱՐԳԸ ՍԱՀՄԱՆԵԼՈՒ ՄԱՍԻՆ

 

 

040.0144.180207

«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ

 

«18» փետրվարի 2007 թ.

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

 

18 հունվարի 2007 թվականի N 144-Ն

 

ԹԱՓՈՆՆԵՐԻ ՊԵՏԱԿԱՆ ԿԱԴԱՍՏՐԻ ՎԱՐՄԱՆ ԿԱՐԳԸ ՍԱՀՄԱՆԵԼՈՒ ՄԱՍԻՆ

 

i

Համաձայն «Թափոնների մասին» Հայաստանի Հանրապետության օրենքի 14-րդ հոդվածի 2-րդ մասի` Հայաստանի Հանրապետության կառավարությունը որոշում է.

1. Սահմանել թափոնների պետական կադաստրի վարման կարգը` համաձայն հավելվածի:

2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

 

ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ

2007 ԹՎԱԿԱՆԻ ՓԵՏՐՎԱՐԻ 14-ԻՆ

 

Հավելված

ՀՀ կառավարության

2007 թվականի հունվարի 18-ի

N 144-Ն որոշման

 

ԿԱՐԳ

ԹԱՓՈՆՆԵՐԻ ՊԵՏԱԿԱՆ ԿԱԴԱՍՏՐԻ ՎԱՐՄԱՆ

 

1. Սույն կարգով կանոնակարգվում են թափոնների պետական կադաստրի վարման հետ կապված հարաբերությունները:

2. Թափոնների պետական կադաստրն ստեղծվում և վարվում է թափոնների գործածության ոլորտում ներգրավված իրավաբանական անձանց և անհատ ձեռնարկատերերի կողմից Հայաստանի Հանրապետության կառավարության 2006 թվականի հունվարի 19-ի «Թափոնների անձնագրավորման կարգը սահմանելու մասին» N 47-Ն, ապրիլի 20-ի «Թափոնների գոյացման, վերամշակման և օգտահանման օբյեկտների ռեեստրի վարման կարգը սահմանելու մասին» N 500-Ն և հուլիսի 13-ի «Թափոնների հեռացման վայրերի ռեեստրի վարման կարգը սահմանելու մասին» N 1180-Ն որոշումներով հաստատված կարգերով ներկայացված տեղեկատվության հիման վրա, որը ներառում է թափոնների ծագման, քանակի, կազմի, հատկությունների, դրանց վտանգավորության դասի, թափոնների տեղադրման օբյեկտների, դրանց օգտագործման և վնասազերծման տեխնոլոգիաների վերաբերյալ տվյալները:

3. Սույն կարգի 2-րդ կետի համաձայն Հայաստանի Հանրապետության բնապահպանության նախարարություն ներկայացված տվյալները ներառվում են թափոնների պետական կադաստրում, որը ենթակա է պարբերաբար լրացման` նոր տվյալներով:

4. Թափոնների պետական կադաստրի վարումն իրականացվում է թափոնների էկոլոգիապես անվտանգ գործածության ոլորտի պետական կարգավորումն ապահովելու նպատակով և հիմք է հանդիսանում բնապահպանական օրենսդրության պահանջների կատարման պետական հսկողության իրականացման, թափոնների կառավարման համակարգի կատարելագործմանն ուղղված նորմատիվաիրավական ակտերի մշակման, ինչպես նաև թափոններ առաջացնողների կողմից դրանց վերամշակման առկա լավագույն տեխնոլոգիաների կիրառման համար` թափոնների գոյացման ծավալների կրճատման և դրանց վտանգավորության նվազեցման ու թափոններից օգտակար բաղադրիչների կորզման նպատակով:

5. Թափոնների պետական կադաստրի տվյալները տրամադրվում են շահագրգիռ պետական կառավարման և տեղական ինքնակառավարման մարմիններին` ըստ պաշտոնական հարցման:

 

 

pin
ՀՀ կառավարություն
18.01.2007
N 144-Ն
Որոշում