Սեղմել Esc փակելու համար:
ՀՀ ՏԱՎՈՒՇԻ ՄԱՐԶԻ ԲԱԳՐԱՏԱՇԵՆ ԳՅՈՒՂԻ ՍԱ...
Քարտային տվյալներ

Տեսակ
Գործում է
Ընդունման ամսաթիվ
Համար

Վավերացման ամսաթիվ
ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

ՀՀ ՏԱՎՈՒՇԻ ՄԱՐԶԻ ԲԱԳՐԱՏԱՇԵՆ ԳՅՈՒՂԻ ՍԱՀՄԱՆԱՄԵՐՁ ԱՌԵՎՏՐԻ ՇՈՒԿԱՅՈՒՄ ԱՌԵՎՏՈՒՐԸ ԿԱՆՈՆ ...

 

040.0067.090298

«ՎԱՎԵՐԱՑՆՈՒՄ ԵՄ»

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

ՆԱԽԱԳԱՀԻ ՊԱՇՏՈՆԱԿԱՏԱՐ Ռ. ՔՈՉԱՐՅԱՆ

«9» ՓԵՏՐՎԱՐԻ 1998 Թ.

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

 

9 փետրվարի 1998 թվականի թիվ 67

 

i

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏԱՎՈՒՇԻ ՄԱՐԶԻ ԲԱԳՐԱՏԱՇԵՆ ԳՅՈՒՂԻ ՍԱՀՄԱՆԱՄԵՐՁ ԱՌԵՎՏՐԻ ՇՈՒԿԱՅՈՒՄ ԱՌԵՎՏՈՒՐԸ ԿԱՆՈՆԱԿԱՐԳԵԼՈՒ ՄԱՍԻՆ

 

Հայաստանի Հանրապետության Տավուշի մարզի Բագրատաշեն գյուղի սահմանամերձ առևտրի շուկայում իրականացվող առևտուրը կանոնակարգելու և դրա նկատմամբ հսկողությունն ուժեղացնելու նպատակով Հայաստանի Հանրապետության կառավարությունը որոշում է.

i

1. Հայաստանի Հանրապետության կառավարության 1996 թվականի օգոստոսի 22-ի «Հայաստանի Հանրապետության Տավուշի մարզային ենթակայության ձեռնարկությունների և կազմակերպությունների ցանկը հաստատելու մասին» թիվ 267 որոշման մեջ կատարել հետևյալ լրացումը`

որոշման թիվ 1 հավելվածում Բագրատաշեն գյուղի ձեռնարկությունների և կազմակերպությունների ցանկը «NN 1, 2 միջնակարգ դպրոցներ» տողից հետո լրացնել «սահմանամերձ առևտրի «Բագրատաշեն» պետական ձեռնարկություն» տողով:

2. Հայաստանի Հանրապետության արդյունաբերության և առևտրի նախարարությանը և Տավուշի մարզպետին` մեկամսյա ժամկետում ավարտել սահմանամերձ առևտրի «Բագրատաշեն» պետական ձեռնարկության գույքի հաշվեկշռից հաշվեկշիռ Հայաստանի Հանրապետության օրենսդրությամբ սահմանված կարգով հանձնման-ընդունման աշխատանքները:

i

3. Հայաստանի Հանրապետության Տավուշի մարզի Բագրատաշեն գյուղի սահմանամերձ առևտրի շուկայում արգելել Հայաստանի Հանրապետության օրենսդրությամբ սահմանված ենթաակցիզային ապրանքների, ինչպես նաև սուրճի ու շոկոլադի վաճառքը:

4. Հայաստանի Հանրապետության մաքսային վարչությանը` ապահովել Բագրատաշեն գյուղի սահմանամերձ առևտրի շուկայի տարածքով փոխադրվող (Հայաստանի Հանրապետություն ներմուծվող և Հայաստանի Հանրապետությունից արտահանվող) ապրանքների նկատմամբ մաքսային հսկողության իրականացումը:

5. Հայաստանի Հանրապետության ներքին գործերի և ազգային անվտանգության նախարարությանը` Բագրատաշեն գյուղի սահմանամերձ առևտրի շուկայի տարածքում ապահովել հասարակական կարգի պահպանումը:

6. Սույն որոշումն ուժի մեջ է մտնում 1998 թվականի փետրվարի 9-ից:

 

 

pin
ՀՀ կառավարություն
09.02.1998
N 67
Որոշում