Սեղմել Esc փակելու համար:
ՀՀ ՊԱՏՄՈՒԹՅԱՆ ԵՎ ՄՇԱԿՈՒՅԹԻ ՀՈՒՇԱՐՁԱՆՆ...
Քարտային տվյալներ

Տեսակ
Գործում է
Ընդունման ամսաթիվ
Համար

Վավերացման ամսաթիվ
ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

ՀՀ ՊԱՏՄՈՒԹՅԱՆ ԵՎ ՄՇԱԿՈՒՅԹԻ ՀՈՒՇԱՐՁԱՆՆԵՐԻ ՊԱՀՊԱՆՈՒԹՅԱՆ ՎԱՐՉՈՒԹՅՈՒՆ ՍՏԵՂԾԵԼՈՒ ՄԱՍԻՆ

 

 

040.0094.160298

«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀԻ ՊԱՇՏՈՆԱԿԱՏԱՐ Ռ. ՔՈՉԱՐՅԱՆ

 

«17» փետրվարի 1998 թ.

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

 

17 փետրվարի 1998 թվական թիվ 94

 

i

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԱՏՄՈՒԹՅԱՆ ԵՎ ՄՇԱԿՈՒՅԹԻ ՀՈՒՇԱՐՁԱՆՆԵՐԻ ՊԱՀՊԱՆՈՒԹՅԱՆ ՎԱՐՉՈՒԹՅՈՒՆ ՍՏԵՂԾԵԼՈՒ ՄԱՍԻՆ

 

Հայաստանի Հանրապետությունում պատմության և մշակույթի անշարժ հուշարձանների պահպանության և օգտագործման արդյունավետությունը բարձրացնելու նպատակով Հայաստանի Հանրապետության կառավարությունը որոշում է.

1. Ստեղծել Հայաստանի Հանրապետությունում պատմության և մշակույթի հուշարձանների պահպանության վարչություն` գերատեսչության կարգավիճակով` այն հանձնելով Հայաստանի Հանրապետության մշակույթի, երիտասարդության հարցերի և սպորտի նախարարության ենթակայությանը:

i

2. Հայաստանի Հանրապետության պատմության և մշակույթի հուշարձանների պահպանության վարչություն` մեկամսյա ժամկետում սահմանված կարգով Հայաստանի Հանրապետության վարչապետի հաստատմանը ներկայացնել վարչության կանոնադրությունն ու կառուցվածքը, կենտրոնական ապարատի աշխատողների, վարչության խորհրդի անդամների և վարչության պետի տեղակալների թիվը:

3. Հայաստանի Հանրապետության ֆինանսների և էկոնոմիկայի նախարարությանը` մեկամսյա ժամկետում Հայաստանի Հանրապետության կառավարություն ներկայացնել առաջարկություն Հայաստանի Հանրապետության պատմության և մշակույթի հուշարձանների պահպանության վարչության 1998 թվականի պահպանման ծախսերի վերաբերյալ` ըստ տնտեսագիտական դասակարգման:

4. Հայաստանի Հանրապետության մշակույթի, երիտասարդության հարցերի և սպորտի նախարարությանը`

ա) Հայաստանի Հանրապետության պատմության և մշակույթի հուշարձանների պահպանության վարչությանը տրամադրել համապատասխան աշխատանքային տարածքներ և գույք.

i

բ) Հայաստանի Հանրապետության պատմության և մշակույթի հուշարձանների պահպանության վարչության ենթակայությանը հանձնել պատմական միջավայրի պահպանության հանրապետական և մարզային ծառայությունները, հուշարձանների հետազոտման գիտաարտադրական արվեստանոցը, հայկական հուշարձանների համահավաքի խմբագրությունը և հուշարձանների վերականգնման գիտաարտադրական արվեստանոցները.

գ) մեկամսյա ժամկետում Հայաստանի Հանրապետության վարչապետին սահմանված կարգով ներկայացնել առաջարկություն նախարարության կենտրոնական ապարատի կառուցվածքի, աշխատողների թվի և կանոնադրության մեջ սույն որոշումից բխող համապատասխան փոփոխություններ կատարելու վերաբերյալ:

(4-րդ կետը լրաց. 22.10.98 թիվ 651 որոշում)

5. Սույն որոշումն ուժի մեջ է մտնում 1998 թվականի փետրվարի 17-ից:

 

 

pin
ՀՀ կառավարություն
17.02.1998
N 94
Որոշում