Սեղմել Esc փակելու համար:
«ՍԵՎԱՆ» ԱԶԳԱՅԻՆ ՊԱՐԿԻ 2007-2011 ԹՎԱԿԱ...
Քարտային տվյալներ

Տեսակ
Գործում է
Ընդունող մարմին
Ընդունման ամսաթիվ
Համար

Վավերացման ամսաթիվ
ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

Հղում իրավական ակտի ընտրված դրույթին X
irtek_logo

«ՍԵՎԱՆ» ԱԶԳԱՅԻՆ ՊԱՐԿԻ 2007-2011 ԹՎԱԿԱՆՆԵՐԻ ԿԱՌԱՎԱՐՄԱՆ ՊԼԱՆԻ (ՀՈՂԵՐԻ ՕԳՏԱԳՈՐԾՄԱՆ ...

 

 

040.0205.050307

«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ

 

«05» մարտի 2007 թ.

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

 

18 հունվարի 2007 թվականի N 205-Ն

 

«ՍԵՎԱՆ» ԱԶԳԱՅԻՆ ՊԱՐԿԻ 2007-2011 ԹՎԱԿԱՆՆԵՐԻ ԿԱՌԱՎԱՐՄԱՆ ՊԼԱՆԻ (ՀՈՂԵՐԻ ՕԳՏԱԳՈՐԾՄԱՆ ՍԽԵՄԱՅԻ) ՀԱՍՏԱՏՄԱՆ ՄԱՍԻՆ

(2-րդ մաս)

 

«ՍԵՎԱՆ» ԱԶԳԱՅԻՆ ՊԱՐԿ ԿԱՌԱՎԱՐՄԱՆ ՊԼԱՆ

2007-2011 թթ.

(2-րդ մաս)

 

3.4 «Սևան» ազգային պարկի սահմանների փոփոխության վերաբերյալ

մեկնաբանություններ

 

1. Լճաշենից Հայրավանք հատվածում ազգային պարկի նախկին սահմանը անցնում է Սևան-Մարտունի ավտոճանապարհով, իսկ ներկայիս սահմանը անցնում է համայնքների վարչական սահմաններով: Սահմանի փոփոխության հիմնական պատճառը այդ համայնքների զարգացումն ու տարածքների օգտագործման ընդարձակումն է, որը արդեն արտահայտվել է համայնքների 2003 թվականի ընթացքում պատրաստված համայնքային կադաստրային քարտեզներում:

Նորատուսի համայնքի տարածքում առաջարկվող և նախկին սահմանները գրեթե համընկնում են` կրկնելով Սևանա լճի շուրջ ստեղծված արհեստական անտառտնկարկի եզրը: Նորատուս թերակղզին մտնում է «Սևան» ազգային պարկի մեջ` ներառելով թերակղզու կենտրոնում գտնվող բարձր հաճախականության ռադիոլոկացիոն կայանը: նկատի ունենալով, որ ռադիոլոկացիոն կայանի տարածքը անտառածածկ է և շրջակա տարածքների օրգանական շարունակությունն է, նպատակահարմար է այդ տարածքը ներառել ազգային պարկի մեջ:

Հայրավանք-Նորատուս հատվածում առկա են ազգային պարկի առաջարկվող սահմանների որոշ ներթափանցումներ պարկի նախկին սահմանների մեջ:

Երանոս-Նորատուս հատվածում պարկի առաջարկվող և նախկին սահմանները համընկնում են` բացառությամբ Կարմիր ամառանոցի հրվանդանի, որտեղ առաջարկվող սահմանը 0,2-0,3 կմ խորանում է նախկինի մեջ: Գավառ-Մարտունի ավտոճանապարհի Նորատուս-Երանոս-Ծակքար հատվածում ազգային պարկի առաջարկվող և նախկին սահմանները գրեթե համընկնում են` այդ հատվածում անցնում են արհեստական անտառտնկարկի եզրագծով:

2. Ծակքար-Ներքին Գետաշեն-Մարտունի հատվածում ազգային պարկի առաջարկվող և նախկին սահմանները գրեթե համընկնում են: Այս հատվածում առաջարկվող և նախկին սահմանները համընկնում են Գավառ-Մարտունի-Վարդենիս ավտոճանապարհի եզրագծին: Միևնույն ժամանակ Մարտունի, Լիճք և Ծակքար համայնքներին հարող սահմաններում կան խախտումներ: Այդ համայնքների աճի և ընդարձակման պատճառով որոշ հողօգտագործողներ թափանցել են ազգային պարկի մեջ` հիմնականում գյուղատնտեսական գործունեության և որոշ շինությունների ձևով: Այս փոփոխությունները արտահայտվել են նաև Ծակքար, Լիճք և Մարտունի համայնքների 2003-2005 թվականների ընթացքում պատրաստված համայնքային կադաստրային քարտեզներում:

Մարտունի-Վաղաշեն-Զոլաքար-Վարդենիկ-Ծովինար հատվածում ազգային պարկի առաջարկվող սահմանները զգալիորեն թափանցել են նախկին սահմաններից ներս հետևյալ չափերով` Աստղաձոր-Զոլաքարի ուղղությամբ 0,3-0,42 կմ և Վարդենիկի ուղղությամբ` 0,9 կմ: Վաղաշեն-Արծվանիստ համայնքների արտաքին սահմանները դեպի Սևանա լիճ զգալիորեն մոտեցել են Սևանա լճի ափագծին` պարկի նախկին սահմանից 0,8 կմ ավելի խոր: Արծվանիստ-Կարճաղբյուր հատվածում պարկի առաջարկվող սահմանը զգալիորեն (0,6-0,8 կմ) թափանցում է պարկի նախկին սահմաններից և Մարտունի-Վարդենիս ավտոճանապարհից դեպի լճահայաց կողմը: Աստղաձոր, Զոլաքար, Վարդենիկ, Արծվանիստ, Կարճաղբյուր և Ծովակ համայնքների ներկա սահմանները զգալիորեն թափանցել են պարկի նախկին սահմաններից ներս` կապված բնակավայրերի աճի ու ընդարձակման, ինչպես նաև Սևանի լճափնյա հանգստյան գոտում որոշ ծառայություններ մատուցելու նպատակով:

3. Նորակերտ, Գեղամասար, Արեգունի և Դարանակ համայնքային սահմաններում ազգային պարկի առաջարկվող և նախկին սահմանները չեն համընկնում, քանի որ առաջարկվող սահմանը անցկացվել է արհեստական անտառտնկարկի եզրագծով:

4. Դարանակ-Փամբակ-Ծափաթաղ-Ջիլ համայնքային տարածքներում առանձին կտորներով տարածված են կաղնու և գիհու ռելիկտային նոսր անտառները, որոնք հատուկ պահպանման կարիք ունեն: Այդ իսկ պատճառով այս անտառների տարածքները առաջարկվում է մտցնել ազգային պարկի մեջ` որպես արգելավայրային գոտի:

5. Շորժա-Ծովագյուղ ավտոճանապարհից վեր, դեպի Արեգունու լեռնաշղթայի ջրբաժան, Դրախտիկի և Ծովագյուղի համայնքային սահմանի միջև ընկած տարածքները մտել են ազգային պարկի մեջ` հաշվի առնելով, որ այդ տարածքում պետական ֆոնդի հողեր են և դրանց մեծ մասը հանդիսացել են նախկին անտառային հողեր:

 

3.5. Համայնքների վարչական սահմաններում պետական սեփականության անտառային

տարածքների սահմանների և կատեգորիայի ճշգրտում

 

«Սևան» ազգային պարկին հարակից որոշ համայնքների վարչական սահմաններում առկա են պետական սեփականություն հանդիսացող անտառային տարածքներ, որոնց սահմանները ճշգրտման անհրաժեշտություն ունեն: Դրանք են` Սևան - 290 հա, Ծովագյուղ - 570 հա, Լճաշեն - 92 հա, Չկալովկա - 55 հա, Նորաշեն - 20 հա, Ծովազարդ - 26 հա, Լճափ - 9 հա, Բերդկունք - 5 հա, Հայրավանք - 9 հա, Նորատուս - 93 հա, Գավառ - 299 հա, Մարտունի - 186 հա, Վաղաշեն - 69 հա, Վարդենիկ - 113 հա, Արծվանիստ - 29 հա, Ծովինար - 30 հա, Կարճաղբյուր - 21 հա, Լճավան - 86 հա, Ծովակ - 12 հա, Վարդենիս - 246 հա, Ավազան - 143 հա, Գեղամասար - 91 հա, Կախակն - 291 հա, Տրետուկ - 162 հա, Սոթք - 241 հա, Կուտակն - 323 հա, Կութ - 102 հա, Արտանիշ - 474 հա և Դրախտիկ - 42 հա: Ընդհանուր առմամբ անտառային այդ տարածքները կազմում են շուրջ 4129 հա կամ 41.3 կմ2:

Բացի այդ, այդ տարածքները եղել են նախկին Սևանի, Կամոյի, Մարտունու, Վարդենիսի և Կրասնոսելսկի անտառատնտեսությունների կազմում: 1997 թ. ՀՀ բնապահպանության նախարարի թիվ 114 հրամանով այդ տնտեսությունների լուծարումից հետո նշված անտառային տարածքների զգալի մասը դուրս են մնում «Սևան» ազգային պարկի սահմաններից: Դրանք, լինելով հիմնականում արհեստական տնկարկներ, ունեն բնապահպանական նշանակություն (հակաէրոզիոն, հակասելավային, ձնապահպան և այլն), որոնց որոշ մասը հատվել, նոսրացվել, դեգրադացվել են և անհրաժեշտ է ճշգրտել դրանց կատեգորիան: Այդ նպատակով անհրաժեշտ է իրականացնել նախ և առաջ քարտեզագրական, անհրաժեշտության դեպքում նաև գեոդեզիական հանութային աշխատանքներ (Հավելված 1): 1997 թվականից սկսած ՀՀ կառավարությանն առընթեր անշարժ գույքի կադաստրի պետական կոմիտեի կողմից այս համայնքներում կատարվել են գեոդեզիական չափագրումներ: 2005 թ. «Սևան» ազգային պարկի կառավարման պլանների մշակման շրջանակներում անտառագետերի կողմից նշված համայնքների տարածքներում իրականացվել են անտառային հողերի գույքագրում: Արդյունքում բացահայտվել են անտառային հողերի սահմանների անհամապատասխանություններ: Այստեղից անհրաժեշտություն է առաջանում վերը նշված համայնքային սահմաններում գեոդեզիական հանույթի միջոցով ճշգրտել անտառային հողերի սահմանները: Ելնելով վերը շարադրվածից` նպատակահարմար է նշված համայնքների վարչական սահմաններում առկա պետական սեփականություն հանդիսացող անտառային տարածքները վարձակալության չտրամադրել մինչև դրանց սահմանների և կատեգորիայի ճշգրտումը: Սույն գործողությունների իրականացումը նախատեսվում է 2007 թվականին (Հավելված 1):

Սևանի լեռնաշղթայի հարավ-արևմտյան լանջերի վրա տարածվող գիհու և կաղնու ռելիկտային նոսր անտառները ձգվում են Դարանակից մինչև Ջիլ: 2005 թ. «Սևան» ազգային պարկի կառավարման պլանների մշակման շրջանակներում այդ անտառների մի մասը` Դարանակ - 454 հա, Փամբակ - 254 հա, Ծափաթաղ - 653 հա և Ջիլ - 447 հա (ընդհանուր առմամբ 1808 հա), գույքագրվել և առաջարկվում է ընդգրկել «Սևան» ազգային պարկի մեջ` արգելավայրային գոտու կարգավիճակով: Անտառային տարածքների մնացած մասը հնարավոր չէր գույքագրել, քանի որ դրանք կենտրոնացած են սահմանային գոտում: Այդ պատճառով անհրաժեշտություն է առաջանում գիհու և կաղնու ռելիկտային նոսր անտառների տարածման գոտու սահմանների ճշգրտում և գույքագրում (Հավելված 1): Դա հնարավոր է 1 մետր թույլատրելիության արբանյակային պատկերի միջոցով` հետևյալ կոորդինատային կետերի միջև ընկած տարածքում, որը կազմում է 263 կմ2.

1) արևելյան երկարության 45օ 27' 38», հյուսիսային լայնության 40օ 30' 12»,

2) արլ. երկ. 45օ 43' 20», հս. լայն. 40օ 22' 22»,

3) արլ. երկ. 45օ 38' 25», հս. լայն. 40օ 17' 09»,

4) արլ. երկ. 45օ 23' 31», հս. լայն. 40օ 26' 44»:

 

ԲԱԺԻՆ 4. «Սևան» ազգային պարկի տարածքագործառնական գոտիները

 

4.1. «Սևան» ազգային պարկի տարածքագործառնական գոտիների

փոփոխությունները

 

Համաձայն Հայկական ՍՍՀ Կոմկուսի Կենտկոմի և Մինիստրների Խորհրդի 1978 թվականի մարտի 14-ի «Սևան» ազգային զբոսայգի ստեղծելու մասին» թիվ 125 որոշման` ազգային պարկի տարածքում առանձնացվել են 3 տարածքագործառնական գոտիներ. արգելոցային, արգելավայրային և հանգստյան:

Բնական պաշարների կառավարման և չքավորության նվազեցման ծրագրի շրջանակներում 2005-2006 թվականներին կատարված ուսումնասիրությունների արդյունքում թեմատիկ խմբերի (հիդրոլոգների, բուսաբանների, անտառագետերի, կենդանաբանների և քարտեզագիրների), «Սևան» ազգային պարկ» ՊՈԱԿ-ի, Գեղարքունիքի մարզպետարանի և այլ շահագրգիռ կողմերի առաջարկությունների հիման վրա սույն կառավարման պլանում ներկայացվում են 4 տարածքագործառնական գոտիներ` արգելոցային, արգելավայրային, ռեկրեացիոն և տնտեսական (Քարտեզ 4): «Սևան» ազգային պարկի տարածքագործառնական գոտիների փոփոխությունները կայանում են հետևյալում:

1. Արգելոցային գոտիներ. Վերը նշված որոշմամբ ստեղծված են եղել 5 արգելոցներ, որոնց ընդհանուր մակերեսը կազմել է 15 370 հա, որից ցամաքային տարածքը` 7 170 հա, իսկ ջրայինը` 8 200 հա: Սույն կառավարման պլանով առաջարկվում է ստեղծել 4 արգելոցներ, որոնց ընդհանուր մակերեսը կազմում է 6 839 հա, որից ցամաքային տարածքը` 3 984 հա, իսկ ջրայինը` 2 855 հա: Այդ արգելոցներն են.

ա/ «Նորաշենի» արգելոց. Նախկինում գոյություն չի ունեցել, սակայն «Սևան» ազգային պարկ» ՊՈԱԿ-ի կողմից տարածքը պահպանվել է արգելոցային ռեժիմով: Այն զբաղեցնում է 214 հա մակերես, որից ցամաքային տարածքը կազմում է 36 հա, իսկ ջրայինը` 178 հա:

բ/ «Լիճք-Արգիչի» արգելոց. Այն զբաղեցնում է 1 175 հա մակերես, որից ցամաքայինը կազմում է 482 հա, իսկ ջրայինը` 693 հա: Ընդգրկում է գոյություն ունեցող «Լիճք» արգելոցի (ընդհանուր մակերեսը` 600 հա, որից ցամաքայինը` 350 հա, իսկ ջրայինը` 250 հա), ինչպես նաև «Ծակքար», «Լիճք» և «Արգիչի» արգելավայրերի գետաբերանային տարածքները:

գ/ «Գիլլի» արգելոց. Տարածքը զբաղեցնում է 1 810 հա մակերես, որից ցամաքայինը կազմում է 1 325 հա, իսկ ջրայինը` 485 հա: Ընդգրկում է գոյություն ունեցող «Գիլլի» արգելոցի (1 000 հա միայն ցամաքային տարածք) տարածքը:

դ/ «Արտանիշի» արգելոց. Այն զբաղեցնում է 3 640 հա մակերես, որից ցամաքայինը կազմում է 2 142 հա, իսկ ջրայինը` 1 498 հա: Ընդգրկում է գոյություն ունեցող «Արտանիշի» արգելոցի (ընդհանուր մակերեսը` 6 420 հա, որից ցամաքայինը` 2 220 հա, իսկ ջրայինը` 4 200 հա) մեծ մասը:

Գոյություն ունեցող «Կարճաղբյուր» (ընդհանուր մակերեսը` 3 750 հա, որից ցամաքայինը` 200 հա, իսկ ջրայինը` 3 550 հա) և «Նորատուս» (ընդհանուր մակերեսը` 3 600 հա, որից ցամաքայինը` 150 հա, իսկ ջրայինը` 3450 հա) արգելոցային գոտիների տարածքներն ընդգրկվել են «Սևան» ազգային պարկի տնտեսական գոտում` հաշվի առնելով այն հանգամանքը, որ նախորդ տարիների ընթացքում դրանք ըստ էության որպես արգելոցային գոտիներ չեն գործել և վերջին 15 տարիներին Գեղարքունիքի մարզում ձևավորվել են հասարակական նոր հարաբերություններ:

2. Արգելավայրային գոտիներ. ՀՍՍՀ Կոմկուսի Կենտկոմի և Մինիստրների Խորհրդի վերը նշված որոշմամբ Սևանա լիճ թափվող գետերի գետաբերանային երկայնքով ստեղծվել էին 10 արգելավայրեր: Հարկ է նշել, որ անցած ժամանակահատվածում այդ արգելավայրերը գործնականում ձևական բնույթ են կրել: «Սևան» ազգային պարկի կառավարման պլանով առաջարկվում են 3 արգելավայրեր, որոնց ընդհանուր մակերեսը կազմում է 3 277 հա, որից ցամաքային տարածքը` 2 505 հա, իսկ ջրայինը` 772 հա: Այդ արգելավայրերն են.

ա/ «Գավառագետ արգելավայր. Տարածքը զբաղեցնում է 845 հա մակերես, որից ցամաքային տարածքը - 552 հա, իսկ ջրայինը` 293 հա: Ընդգրկում է «Գավառագետ» արգելավայրի գետաբերանային և «Նորատուս» արգելոցի (ընդհանուր մակերեսը` 3 600 հա, որից ցամաքայինը` 150 հա, իսկ ջրայինը` 3 450 հա) մի մասը:

բ/ «Գիհի-կաղնուտային» արգելավայր. Նախկինում գոյություն չի ունեցել: Տարածքը զբաղեցնում է 1807 հա մակերես.

գ) «Նորաշենի» արգելավայր. Նախկինում կազմել է «Նորաշենի» արգելոցի մի մասը: Տարածքն զբաղեցնում է 625 հա, որից` ցամաքային տարածքը` 146 հա, իսկ ջրայինը` 479 հա:

3. Ռեկրեացիոն գոտիներ. Մինչ այժմ գործել է 7 270 հա տարածքով հանգստյան գոտի, որից ցամաքայինը` 4 250 հա, իսկ ջրայինը` 3 020 հա: Սույն կառավարման պլանով առաջարկվող ռեկրեացիոն գոտիների ընդհանուր մակերեսը 4 753 հա է, որն ընդգրկում է միայն ցամաքային տարածք:

4. Տնտեսական գոտիներ. «Սևան» ազգային պարկի սույն կառավարման պլանով առաջարկվող տնտեսական գոտիների տարածքի ընդհանուր մակերեսը կազմում է 11266 հա:

(4.1-ին կետը փոփ. 25.07.2019 թիվ 947-Ն որոշում)

 

4.2. «Սևան» ազգային պարկի արգելոցային գոտիների սահմանների և

տեղանքների նկարագրությունները

 

4.2.1. «Նորաշենի» արգելոց

 

Գտնվում է ազգային պարկի հյուսիս-արևմտյան հատվածում և զբաղեցնում է 214 հա մակերես, որից` ցամաքային տարածքը կազմում է 36 հա, իսկ ջրայինը` 178 հա: Սահմանի ընդհանուր երկարությունը 6.4 կմ է: Արգելոցի տարածքը ձգվում է մոտ 1.7 կմ երկարությամբ և 1.3 կմ լայնությամբ: Արգելոցի նպատակն է ապահովել թռչունների (մասնավորապես, հայկական որորի, քանի որ այստեղ բնադրող միակ էնդեմիկ թռչունն է) բնականոն ապրելակերպն ու վերարտադրությունը:

Սահմանի նկարագրությունը.

Արգելոցի ցամաքային սահմանն սկսվում է 2-րդ ռեկրեացիոն և 6-րդ տնտեսական գոտիների հատման կետից (տես` 4.4-րդ և 4.5-րդ կետերը)` Սևան-Մարտունի ավտոճանապարհի Նորաշեն գյուղ մտնող խաչմերուկից 600 մետր դեպի Գավառ տանող ճանապարհի և 225 մետր դեպի լիճ` լճախորշի Ա1 կետից (X=502765, Y=4485974, H=1900.5 մ): Այստեղից սահմանը 110 մ անցնում է հարավ-արևելյան ուղղությամբ, այնուհետև շարունակվում է լճախորշին մոտ գտնվող լճակի ափագծով մինչև Ա1/1 (X=503426.46, Y=4486039.89 H=1900.5) կետը, որից հետո, սահմանակցելով «Նորաշենի» արգելավայրին, անցնում է գրունտային ճանապարհին զուգահեռ մոտ 680 մետր` մինչև Ա1/2 (X=503632.68, Y=4486593.70 H=1900.5) կետը: Ա1/2 կետից ջրային սահմանը 3.6 կմ շրջագծով անցնում է մինչև Ա1 կետը:

Տեղանքի նկարագրությունը.

Արգելոցի տարածքի ռելիեֆը գրեթե հարթ է և ընկած է լճի ափից մինչև 1908 մետր բարձրությունը: Ափերը կտրտված են: Արգելոցի տարածքում առանձնացվում են երկու կղզյակներ` 3.2 հա և 1.6 հա տարածքներով: Արգելոցի ցամաքային տարածքն անտառազուրկ է, հանդիպում են չիչխանի թփեր: Կղզիները քարապատ են:

Ենթակառուցվածքները.

Արգելոցի ցամաքային տարածքը սահմանակից է «Նորաշենի» արգելավայրի տարածքի հետ, գրունտային ճանապարհների ընդհանուր երկարությունը 2.8 կմ է:

 

4.2.2. «Լիճք-Արգիչի» արգելոց

 

Գտնվում է ազգային պարկի հարավ-արևմտյան հատվածում` Ծակքար, Լիճք և Արգիճի գետերի գետաբերանային հատվածներում, և զբաղեցնում է 1175 հա մակերես, որից ցամաքային տարածքը կազմում է 482 հա, իսկ ջրայինը` 693 հա: Սահմանի ընդհանուր երկարությունը 13.3 կմ է: Արգելոցի տարածքը ձգվում է մոտ 3.8 կմ երկարությամբ և 3.7 կմ լայնությամբ:

Արգելոցի նպատակն է ապահովել Լիճքի հանքային աղբյուրների, Արգիճի և Լիճք գետերի գետաբերանային հատվածում մնացորդային լճակների ջրաճահճային և ջրային բուսականության, թռչունների բնադրավայրի պահպանությունը, ինչպես նաև արժեքավոր և հազվագյուտ ձկնատեսակների` Սևանի իշխանի, Սևանի կողակ և Սևանի բեղլուի ձվադրումն ու զարգացումը:

 

Սահմանի նկարագրությունը.

 

Արգելոցի ցամաքային սահմանը սկսվում է Ծակքար գետի գետաբերանից 430 մ հոսանքն ի վար և 50 մ դեպի հյուսիս Ա1 կետից (X=520489, Y=4450708, H=1903 մ): Ա1 կետից սահմանը Ծակքար գետին զուգահեռ, 50 մ հեռավորությունից, անցնում է հոսանքն ի վեր ուղղությամբ և 50 մ չհասած գազամուղին թեքվում է հարավ-արևելք: Գազամուղից 50 մ հեռավորությամբ, դրան զուգահեռ, 50 մ կտրում անցնում է Արգիչի գետը և թեքվում է հյուսիս-արևելք` հասնում Բ1 կետին (X=524125, Y=4448936, H=1901 մ): Ա1-Բ1 հատվածի երկարությունը 5.3 կմ է: Ա1-Բ1 հատվածում սահմանակցում է 11-րդ տնտեսական գոտուն: Բ1 կետից սահմանը 330 մ շարունակվելով հյուսիս-արևելյան ուղղությամբ` հասնում է լճափ` Գ1 կետին (X=524328, Y=4449157, H=1898 մ): Բ1-Գ1 հատվածում սահմանակցում է 5-րդ ռեկրեացիոն գոտուն: Գ1 կետից` ափից, ցամաքային սահմանը անցնում է լճի ափագծով մինչև Դ1 կետը (X=520869, Y=4450821, H=1898 մ): Գ1-Դ1 հատվածում սահմանը ջրային տարածքով անցնում է մոտ 2.0 կմ խորությամբ և 6.9 կմ շրջագծով: Դ1 կետից` ափից, սահմանը անցնում է 400 մետր հարավ-արևմտյան ուղղությամբ հասնում Ա1 կետին: Բ1-Ա1 հատվածում սահմանակցում է 4-րդ ռեկրեացիոն գոտուն:

 

Տեղանքի նկարագրությունը.

 

Արգելոցի տարածքի ռելիեֆը հարթ է: Ընկած է լճի ափից մինչև 1908 մետր բարձրության սահմաններում: Արգելոցի տարածքն ընդգրկում է Արգիչի, Լիճք, Բախտակ և Ծակքար գետերի գետաբերանային հատվածները, որտեղ լճի ջրի մակարդակի իջեցման և գետերի էրոզիայի բազիսի իջեցման պատճառով գետերը ստեղծել են 10-6 մետր խորությամբ ձորակներ: Լիճք գետի հատվածում դուրս են գալիս Լիճքի հանքային աղբյուրները և կան 3 փոքր լճակներ` 9.8, 3.1 և 1.3 հա մակերեսներով:

Տարածքը գրեթե ամբողջությամբ պատված է անտառային տնկարկներով, որոնք հիմնականում կազմված են սոճու, բարդու, թխկու և ուռենու ծառուտներից:

 

Ենթակառուցվածքները. Արգելոցի տարածքում գրունտային ճանապարհների ընդհանուր երկարությունը կազմում է 15.6 կմ:

 

4.2.3. «Գիլլի» արգելոց

 

Գտնվում է ազգային պարկի հարավ-արևելյան հատվածում` Գիլլի ջրանցքի, Մասրիկ և Գեղամասար գետերի գետաբերանային հատվածներում և զբաղեցնում է 1810 հա մակերես, որից ցամաքային տարածքը կազմում է 1325 հա, իսկ ջրայինը` 485 հա: Սահմանի ընդհանուր երկարությունը 23.3 կմ է: Արգելոցի տարածքը ձգվում է մոտ 10.4 կմ երկարությամբ և 1.8 կմ լայնությամբ:

Արգելոցի նպատակն է ապահովել Մասրիկ և Գեղամասար գետերի գետաբերանային հատվածների պահպանությունը` արժեքավոր և հազվագյուտ ձկնատեսակների ձվադրման և զարգացման համար, ինչպես նաև հարակից ճահճուտների պահպանությունը, որպես թռչունների բնադրավայր:

 

Սահմանի նկարագրությունը.

 

Արգելոցի ցամաքային սահմանը սկսվում է Ծովակ-Վարդենիս ավտոճանապարհից դեպի Գիլլի ջրանցք 600 մ հեռավորությունից` Ա1 կետից (X=555244, Y=4451749, H=1919 մ): Ա1 կետից անցնում է Ազգային պարկի սահմանով (Ծովակ-Նորակերտ ավտոճանապարհով) հյուսիսային ուղղությամբ, կտրում անցնում է Գեղամասար գետը 550 մ և հասնում է Բ1 կետին (X=524024, Y=4462238, H=1919 մ): Բ1 կետից սահմանը թեքվում է դեպի հարավ-արևմուտք անցնելով 950 մետր հասնում է լճափ Գ1 կետին (X=553328, Y=4461635, H=1898 մ): Բ1-Գ1 հատվածում սահմանակցում է 8-րդ ռեկրեացիոն գոտուն: Գ1 կետից արգելոցի ցամաքային սահմանը անցնում է ափագծով մինչև Դ1 կետը (X=553717, Y=4452415, H=1903 մ), իսկ ջրային տարածքով անցնում է մոտ 9.7 կմ շրջագծով, 500 մետր լայնությամբ և 9.3 կմ երկարությամբ: Դ1 կետից սահմանը 1.7 կմ անցնում է հարավ-արևելյան ուղղությամբ և հասնում Ա1 կետին: Այս հատվածում արգելոցը սահմանակից է 12-րդ տնտեսական գոտուն:

 

Տեղանքի նկարագրությունը.

 

Արգելոցի տարածքի ռելիեֆը հարթ է: Ամբողջությամբ ընկած է լճի նախկին ջրի մակարդակի (1916 մետր) սահմաններում: Արգելոցի տարածքն ընդգրկում է Գեղամասար և Մասրիկ գետերի ու վերջինիցս դուրս եկող ջրանցքի գետաբերանային հատվածները:

Արգելոցի ցամաքային տարածքն ամբողջությամբ պատված է անտառային տնկարկներով, որոնք հիմնականում կազմված են սոճու, բարդու և ուռենու ծառուտներից:

 

Ենթակառուցվածքները. Արգելոցի տարածքում գրունտային ճանապարհների ընդհանուր երկարությունը կազմում է 31 կմ, իսկ 1.6 կմ` Գիլլի ջրանցքը:

 

4.2.4. «Արտանիշի» արգելոց

 

Գտնվում է ազգային պարկի արևելյան մասում` ընդգրկում է Արտանիշ թերակղզին (բացառությամբ ձախակողմյան հատվածի` Շորժա համայնքային հողերը) և Արտանիշի լճախորշի թերակղզուն հարող մասը: Տարածքը զբաղեցնում է 3640 հա մակերես, որից 2142 հա ցամաքային տարածք, իսկ 1498 հա` ջրային: Սահմանի ընդհանուր երկարությունը 25.9 կմ է: Արգելոցի տարածքը ձգվում է մոտ 11.7 կմ երկարությամբ և 7.8 կմ լայնությամբ:

Արգելոցի նպատակն է ապահովել Արտանիշ թերակղզու մինչսառցային ժամանակաշրջանի բազմազան ռելիկտային բուսականության, գիհու նոսրանտառների և տափաստանների, ինչպես նաև որպես հազվագյուտ կենդանիների (գորշ արջ, այծյամ, վարազ, բեզոարյան այծ, ազնվացեղ եղջերու և այլն) միգրացիայի միջանցքի պահպանությունը:

 

Սահմանի նկարագրությունը.

 

Արտանիշի արգելոցի ցամաքային սահմանը սկսվում է Ա1 կետից (X=528625, Y=4483303), 900 մ անցնում հարավ-արևելյան ուղղությամբ և հասնում է լճախորշի ափին` Բ1 կետին (X=529282, Y=4482722, H=1908 մ): Ա1-Բ1 հատվածում սահմանակցում է 8-րդ ռեկրեացիոն գոտուն: Բ1 կետից ցամաքային սահմանն անցնում է ափագծով մինչև Գ1 կետը (X=526445, Y=4480861, H=1898 մ), իսկ ջրային սահմանն անցնում է ափագծին զուգահեռ 1.5 կմ հեռավորությունից: Գ1 կետից սահմանն անցնում է հյուսիսային ուղղությամբ 350 մ, որից հետո թեքվում է դեպի արևմուտք` անցնելով 950 մ հասնում Դ1 կետին (X=525492, Y=4481375, H=1917 մ): Գ1-Դ1 հատվածում սահմանակցում է 1-ին ռեկրեացիոն գոտուն: Դ1 կետից սահմանը անցնում է Շորժա համայնքային հողերի սահմանով, շրջանցելով Արտանիշ թերակղզու լեռների հյուսիսային լանջերը, անցնում մոտ 9.2 կմ, որից 1.3 կմ սահմանակից է Արտանիշի համայնքային հողերին, և հասնում է Ա1 կետիՆ:

 

Տեղանքի նկարագրությունը.

 

Արտանիշի արգելոցի տարածքն ընդգրկում է Արտանիշ թերակղզին (բացառությամբ արևմտյան մասի` Շորժա համայնքային հողերը) և Արտանիշի լճախորշի մի մասը: Արտանիշի լճախորշից հյուսիս ընկած ցամաքային հատվածի հարթ է, գտնվում է 1906-1915 մ բարձրությունների միջև, իսկ թերակղզու կենտրոնական և արևելյան հատվածները պատված են լեռնազանգվածով, որի առավելագույն բարձրությունը Ադաթափա լեռն է` 2460.8 մ բարձրությամբ (գտնվում է թերակղզու կենտրոնական մասում): Արտանիշի թերակղզու կենտրոնական մասից լեռնաբազուկները ձգվում են ճառագայթաձև: Արգելոցի ցամաքային տարածքում մշտական հոսող գետեր չկան, միայն ժամանակավոր հոսող գետակներ են: Արգելոցի տարածքը գրեթե անտառազուրկ է: Միայն թերակղզու կենտրոնական լեռնազանգվածի հյուսիսային մասում փոքր հատվածներով հանդես են գալիս անտառային տարածքներ` գիհու գերակշռությամբ և լճի ափի երկայնքով մոտ 200 մ լայնությամբ ձգվում են թեղու և չիչխանի տնկարկներ:

 

Ենթակառուցվածքները. Արգելոցի տարածքում գրունտային ճանապարհների ընդհանուր երկարությունը կազմում է 51 կմ: Այստեղ կան նաև լքված և ավերված շինություններ:

(4.2-րդ կետը փոփ. 25.07.2019 թիվ 947-Ն որոշում)

 

4.3. «Սևան» ազգային պարկի արգելավայրային գոտիների սահմանների և

տեղանքների նկարագրությունները

 

4.3.1. «Գավառագետի» արգելավայր

 

Գտնվում է ազգային պարկի Նորատուս թերակղզու ափամերձ և Գավառագետի գետաբերանային հատվածում, զբաղեցնում է 845 հա մակերես, որից ցամաքային տարածքը կազմում է 552 հա, իսկ ջրայինը` 293 հա: Սահմանի ընդհանուր երկարությունը 26.4 կմ է: Արգելավայրի տարածքը ձգվում է մոտ 7.5 կմ երկարությամբ և 0.5-3.5 կմ լայնությամբ:

Արգելավայրի նպատակն է ապահովել Գավառագետի գետաբերանային հատվածում մնացորդային լճակների պահպանությունը և Նորատուս թերակղզու ափամերձ հատվածի թռչունների բնադրավայրերը, ինչպես նաև արժեքավոր և հազվագյուտ ձկնատեսակների ձվադրումն ու զարգացումը:

 

Սահմանի նկարագրությունը.

 

Արգելավայրի սահմանը սկսվում է Նորատուս-Մարտունի ավտոճանապարհից` լճափից 2.0 կմ դեպի արևելք` Ա1 կետից (X=511213, Y=4476644, H=1898 մ): Ա1 կետից սահմանը անցնում է նախ հարավային, ապա հարավ-արևելյան ուղղությամբ, շրջանցում է Նորատուս թերակղզու Ռադիոլոկացիոն կայանը և հասնում Բ1 կետին (X=518191, Y=4475080, H=1902 մ): Ա1-Բ1 հատվածում սահմանակից է 11-րդ տնտեսական գոտուն: Բ1 կետից սահմանը անցնում է 300 մ արևելյան ուղղությամբ, հասնում Գ1 կետին (X=518185, Y=4475094, H=1898 մ): Բ1-Գ1 հատվածում սահմանակից է 4-րդ ռեկրեացիոն գոտուն: Գ1-Ա1 հատվածում ցամաքային սահմանը անցնում է ափագծով, իսկ ջրայինը` 300 մետր լայնությամբ:

 

Տեղանքի նկարագրությունը.

 

Արգելավայրի ռելիեֆը հարթ է: Ամենաբարձր նիշը հասնում է մինչև 1915 մ բարձրությունը, հիմնական տարածքը ընկած է մինչև 1910 մ բարձրությունը: Արգելավայրի ցամաքային տարածքը Գավառագետի գետաբերանային և Նորատուս թերակղզու ափամերձ հատվածներն են: Այստեղ Գավառագետը, մինչև լիճ թափվելը, ունի մեծ գալարայնություն (ռելիեֆի հարթության պատճառով), որի պատճառով էլ այս տարածքում առաջացել են մի քանի հնահունային փոքր լճակներ: Արգելավայրի ցամաքային տարածքը գրեթե ամբողջովին անտառապատ է: Անտառային տնկարկներից հանդես են գալիս հիմնականում բարդու, ուռենու և սոճու ծառուտները:

 

Ենթակառուցվածքները. Արգելավայրի տարածքում գրունտային ճանապարհների ընդհանուր երկարությունը կազմում է 25 կմ: Արգելավայրի տարածքով անցնում են 1.4 կմ երկարությամբ բարձրավոլտ հոսանքի գծեր:

 

4.3.2. «Գիհի-կաղնուտային ռելիկտային» արգելավայր

 

Գտնվում է ազգային պարկի արևելյան մասում և տարածվում է Դարանակ գյուղից մինչև Ջիլ գյուղ` մոտ 18 կմ երկարությամբ և 1.5-3.8 կմ լայնությամբ: Արգելավայրը զբաղեցնում է 1807 հա մակերես: Տարածքը կտրտված է, հանդես են գալիս տարբեր չափերի 5 հատվածներ, որոնց սահմանների ընդհանուր երկարությունը կազմում է 55.0 կմ:

Արգելավայրի նպատակն է ապահովել Սևանա լեռնաշղթայի հարավ-արևմտյան լանջերի վրա տարածվող գիհու և կաղնու ռելիկտային բնական նոսր անտառների պահպանությունը:

 

Սահմանների նկարագրությունը.

 

* Առաջին հատվածը ձգվում է Դարանակ գյուղի վերջից` գետի աջ և ձախ ափերով դեպի հյուսիս-արևելք 1.3 կմ լայնությամբ և դեպի հյուսիս-արևմուտք 2.8-4.0 կմ երկարությամբ:

* Երկրորդ հատվածը սկսվում է 2.4 կմ չհասած Դարանակ գետ և ձգվում է երկաթգծի երկայնքով մոտ 1.7 կմ երկարությամբ և մոտ 800 մ դեպի հյուսիս` լանջն ի վեր:

* Երրորդ հատվածն ընկած է Փամբակ գյուղից 800 մետր դեպի հյուսիս և ձգվում է Փամբակ գետի ձախ ափից 370 մ լայնությամբ և լանջն ի վեր 700 մետր երկարությամբ:

* Չորրորդ հատվածի սահմանը սկսվում է 2.0 կմ չհասած Շամպիր գետ, ձգվում է երկաթգծից դեպի լանջն ի վեր մոտ 4.7 կմ երկարությամբ: Շամպիր գետի գետաբերանից մոտ 2.1 կմ հեռավորությունից ձգվում է գետի երկու ափերով մոտ 1.0-1.6 կմ լայնությամբ:

* Հինգերորդ հատվածն ընկած է Ծափաթաղ և Ջիլ գյուղերի միջև: Սահմանը սկսվում է Ջիլ գետից 1.5 կմ ներքևից, ձգվում հյուսիս-արևմուտքից հարավ-արևելք ուղղությամբ 5.2 կմ լայնությամբ մինչև Ծափաթաղ գետ և երկաթգծից դեպի լանջն ի վեր` հարավ-արևմուտքից հյուսիս-արևելք ուղղությամբ 3.2 կմ երկարությամբ:

 

Տեղանքի նկարագրությունը.

 

Գիհի կաղնուտային ռելիկտային արգելոցը ընկած է Սևանա լեռնաշղթայի հարավ-արևմտյան լանջերին: Տարածքն իրենից ներկայացնում է ուժեղ կտրտված լեռնային լանդշաֆտ` թեք ժայռոտ լանջերով, տարբեր խորության և լայնության ձորերով ու ձորակներով: Ամենախորը ձորերով հոսում են մշտական գետերը` Դարանակ, Փամբակ, Շամպիր, Ծափաթաղ և Ջիլ: Արգելավայրի տարածքը սկսվում է մոտ 1950 մ բարձրությունից և տեղ-տեղ հասնում մինչև 2500 մ բարձրությունները:

 

Ենթակառուցվածքները. Արգելավայրի տարածքում գրունտային ճանապարհների ընդհանուր երկարությունը կազմում է 25 կմ: Արգելավայրի տարածքով անցնում է 7.2 կմ բարձրավոլտ հոսանքի գծեր:

 

4.3.3. «Նորաշենի» արգելավայր

 

Գտնվում է ազգային պարկի հյուսիս-արևմտյան հատվածում և զբաղեցնում է 625 հա մակերես, որից` ցամաքային տարածքը կազմում է 146 հա, իսկ ջրայինը` 479 հա: Սահմանի ընդհանուր երկարությունը 10.3 կմ է: Արգելոցի տարածքը ձգվում է մոտ 3.1 կմ երկարությամբ և 2.1 կմ լայնությամբ: Արգելավայրի նպատակն է ապահովել չուի ընթացքում պարբերաբար հանդիպող և չվահյուր թռչունների հանգստի և ապրելակերպի բնական պայմանները և պահպանությունը:

Սահմանների նկարագրությունը.

Արգելավայրի ցամաքային սահմանն սկսվում է Ա1/2 (X=503632.68, Y=4486593.70 H=1900.5) կետից, սահմանակցելով «Նորաշենի» արգելոցին, անցնում է գրունտային ճանապարհին զուգահեռ մոտ 680 մետր` մինչև Ա1/1 (X=503426.46, Y=4486039.89 H=1900.5) կետը: Այստեղից սահմանն անցնում է լճախորշին մոտ գտնվող լճակի ափագծով մինչև Ա1/3 (X=503144.67, Y=4485514.78 H=1900.5) կետը, որտեղից ուղիղ գծով անցնում է դեպի հարավ 188 մետր, այնուհետև Սևան-Մարտունի ավտոճանապարհին զուգահեռ հարավ-արևելյան ուղղությամբ հասնում է Ծովազարդ գյուղ մտնող գրունտային ճանապարհի խաչմերուկից 100 մետր դեպի լճափ Բ1 կետին (X=504225, Y=4483907, H= 1903 մ): Ա1/3-Բ1 սահմանակցում է 6-րդ տնտեսական գոտուն: Բ1 կետից սահմանը թեքվում է դեպի արևելք, հյուսիս և հյուսիս-արևելք ուղղությամբ, անցնում 500 մ և հասնում է Գ1 կետին (X=504610, Y=4484131, H=1900.5 մ): Բ1-Գ1 սահմանակցում է 3-րդ ռեկրեացիոն գոտուն: Գ1 կետից ջրային սահմանը 6.0 կմ շրջագծով անցնում է մինչև Ա1/1 կետը:

Տեղանքի նկարագրությունը.

Արգելավայրի տարածքի ռելիեֆը գրեթե հարթ է և ընկած է լճի ափից մինչև 1916 մետր բարձրությունը: Ափերը կտրտված են: Անտառային տնկարկներից հիմնականում հանդես են գալիս չիչխանի, թեղու և սոճու ծառուտները:

Ենթակառուցվածքները.

Արգելավայրի ցամաքային տարածքին հարող Սևան-Մարտունի ավտոճանապարհի երկարությունը կազմում է 1.9 կմ, իսկ գրունտային ճանապարհների ընդհանուր երկարությունը 5.8 կմ է:

(4.3-րդ կետը փոփ. 25.07.2019 թիվ 947-Ն որոշում)

 

4.4. «Սևան» ազգային պարկի ռեկրեացիոն գոտիների սահմանների և

տեղանքների նկարագրությունները

 

«Սևան» ազգային պարկի առաջարկվող ռեկրեացիոն գոտիների ընդհանուր տարածքը կազմում է 4753 հա, որոնք առանձին հատվածներով տարածվում են լճի ափամերձ երկայնքով (Քարտեզ 4):

 

4.4.1. Առաջին ռեկրեացիոն գոտի

 

Տարածքը կազմում է 1501 հա, սահմանի ընդհանուր երկարությունը` 119.8 կմ:

 

Սահմանի նկարագրությունը.

 

Ռեկրեացիոն գոտու սահմանը սկսվում է Սևան-Գավառ ավտոճանապարհի Լճաշեն գյուղ մտնող ճանապարհի խաչմերուկից դեպի արևելք լճի ափից` Ա2 կետից (X=495906, Y=4487597, H=1898 մ): Ա2 կետից սահմանը ձգվում է 600 մետր մինչև Լճաշեն գյուղ մտնող ճանապարհի խաչմերուկ` Բ2 կետը (X=495511, Y=4487916, H=1904 մ): Ա2-Բ2 հատվածում սահմանակից է 4-րդ տնտեսական գոտուն: Որից հետո անցնում է հյուսիս-արևելյան ուղղությամբ 1.3 կմ մինչև Սևան-Դիլիջան ավտոմայրուղու հատումը (Սևան քաղաք մտնող խաչմերուկից 1.0 կմ ավտոմայրուղով դեպի Դիլիջանի կողմը)` Գ2 կետը (X=495528, Y=4489063, H=1919 մ): Այստեղից սահմանը անցնում է Սևան-Դիլիջան ավտոմայրուղով 10.9 կմ մինչև (չհասած 1.2 կմ Ծավագյուղ թեքվող ճանապարհի խաչմերուկ) Դ2 կետը (X=496779, Y=4496236, H=1915 մ): Այս հատվածում ռեկրեացիոն գոտին ամբողջությամբ իր մեջ ներառում է Սևան թերակղզին: Դ2 կետից սահմանը թեքվում է դեպի հյուսիս-արևելք անցնում 3.5 կմ դուրս գալիս Ծովագյուղ-Շորժա ավտոճանապարհ` Ե2 կետը (X=497549, Y=4498965, H=1916 մ): Գ2-Ե2 հատվածում սահմանակից է 1-ին և 2-րդ տնտեսական գոտիներին: Մինչև Շորժա գյուղ սահմանը անցնում է Ծովագյուղ-Շորժա ավտոճանապարհով (այս հատվածում սահմանակից է 13-րդ տնտեսական գոտուն): Այստեղից ռեկրեացիոն գոտու սահմանը մինչև վերջ անցնում է Շորժա գյուղի համայնքային սահմանով: Շորժա գյուղի ճանապարհի խաչմերուկից սահմանը անցնում է 650 մետր թեքվում դեպի հարավ մտնում է Արտանիշ թերակղզի, անցնում գրունտային ճանապարհով 3.7 կմ: Որից հետո անցնում է 2.1 կմ գրունտային ճանապարհով արևելյան ուղղությամբ և հասնում է Արտանիշի արգելոցի Դ1 սահմանակետին: Այստեղից արգելոցի սահմանով իջնում է լճափ հասնում Արտանիշի արգելոցի Գ1 սահմանակետին:

 

Տեղանքի նկարագրությունը.

 

Ռեկրեացիոն գոտու հիմնական տարածքի ռելիեֆը (բացի Սևանա թերակղզուց) հարթ է և ընկած է լճի ափից մինչև 1910 մետր բարձրությունը: Սևանա թերակղզու արևելյան մասը մի ժայռապատ բարձունք է, որի ամենաբարձր կետը հասնում է 1982.3 մետր բարձրության: Ռեկրեացիոն գոտու հյուսիս-արևմտյան ափերը քիչ են կտրտված, մեղմաթեք են, որը հարմար է լողափերի համար, իսկ արևելյան ափերը (Արեգունու լեռնաշղթայի) կտրուկ խորանում են և լողափերի համար այնքան էլ հարմար չեն: Այստեղով անցնում է նաև տեկտոնական խզվածքային գոտին:

Տարածքը հիմնականում պատված է անտառային տնկարկներով, որոնցում գերակշռում են սոճու, բարդու, թեղու և չիչխանի ծառուտները:

Ռեկրեացիոն գոտին ընդգրկում է Ձկնագետ, Դրախտիկ, Գեղամբակ և Աղբերք գետերի գետաբերանային հատվածները:

 

Ենթակառուցվածքները. Ռեկրեացիոն գոտու տարածքում ասֆալտապատ ճանապարհների ընդհանուր երկարությունը կազմում է 9.4 կմ, իսկ գրունտայինը` 57 կմ: Տարածքով անցնում է 7.7 կմ երկարությամբ բարձրավոլտ հոսանքի գծեր: Արեգունու ափամերձ հատվածում` Դրախտիկ-Շորժա, անցնում է գազատարի 12.8 կմ հատվածը:

Սևանա թերակղզու բարձունքում է գտնվում X-Xl դարի Սևանի վանքը, ինչպես նաև ՀՀ Նախագահի, Գրողների միության, Կապուտաչյա Սևան, Արևիկ և այլ հանգստյան տները: Գոտու տարածքում շատ են սպասարկման ոլորտի օբյեկտներ` հյուրանոցներ - 7, ռեստորաններ և սրճարաններ` 200-ից ավելի, առևտրի խանութներ և կրպակներ` 250-ից ավելի և այլն: Գոտու Արտանիշ թերակղզու տարածքում է գտնվում Նկարիչների միության հանգստյան տունը:

 

4.4.2. Երկրորդ ռեկրեացիոն գոտի

 

Տարածքը կազմում է 144 հա: Սահմանների երկարությունը 18.4 կմ է:

 

Սահմանի նկարագրությունը.

 

Ռեկրեացիոն գոտու սահմանը սկսվում է Սևան-Գավառ ավտոճանապարհի Լճաշեն գյուղ մտնող ճանապարհի խաչմերուկից դեպի Գավառ ավտոճանապարհի 1.9 կմ-ից` Լճաշենի Ա2 կետից (X=496359, Y=4486589, H=1898 մ):

Անցնում է 150 մետր հարավային ուղղությամբ դուրս գալիս Սևան-Գավառ ավտոճանապարհ: Այստեղից սկզբում ավտոճանապարհով անցնում է 4.5 կմ, հետո ազգային պարկի սահմանով 1.2 կմ մինչև Բ2 կետը (X=501470, Y=4486591, H=1913 մ): Բ2 կետից սահմանը անցնում է հարավ-արևելյան ուղղությամբ 750 մետր հասնում Գ2 կետին (X=502139, Y=4486282): Գ2 կետից անցնում է ազգային պարկի սահմանով հարավ-արևելյան ուղղությամբ հասնում Դ2 կետին (X=502671, Y=4485889, H=1912 մ): Այստեղից սահմանը թեքվում է դեպի լճի ափ ձգվում 120 մետր հասնում Նորաշենի արգելոցի Ա1 սահմանակետը: Ռեկրեացիոն գոտին սահմանակից է 4-րդ և 5-րդ տնտեսական գոտիներին:

 

Տեղանքի նկարագրությունը.

 

Ռեկրեացիոն գոտու տարածքի ռելիեֆը հիմնականում ալիքավոր է և ընկած է լճի ափից մինչև 1916 մ բարձրությունը: Ռեկրեացիոն գոտու ափերը կտրտված են: Տարածքի զգալի մասը քարաժայռերով են պատված: Անտառային տնկարկներ քիչ կան, հիմնականում հանդես է գալիս չիչխանը:

 

Ենթակառուցվածքները. Ռեկրեացիոն գոտու տարածքում գրունտային ճանապարհների ընդհանուր երկարությունը կազմում է 5.9 կմ:

 

4.4.3. Երրորդ ռեկրեացիոն գոտի

 

Տարածքը կազմում է 147 հա: Սահմանի ընդհանուր երկարությունը 24.3 կմ է:

 

Սահմանի նկարագրությունը.

 

Ռեկրեացիոն գոտու սահմանը սկսում է Սևան-Գավառ ավտոճանապարհի Ծովազարդ գյուղ մտնող ճանապարհի խաչմերուկից դեպի Գավառ ավտոճանապարհի Ա2 կետից (X=504127, Y=4483868, H=1906 մ): Այստեղից անցնում է 3.3 կմ ազգային պարկի սահմանով մինչև Բ2 կետը (X=505342, Y=4482203, H=1915 մ): Բ2 կետից սահմանը անցնում է, լճափին զուգահեռ 200-250 մետր հեռավորությունից, 2.4 կմ հասնում Գ2 կետին (X=506872, Y=4480921, H=1913 մ): Բ2-Գ2 հատվածում սահմանակցում է 7-րդ տնտեսական գոտուն: Գ2 կետից անցնում է ազգային պարկի սահմանով մինչև Դ2 կետը (X=507303, Y=4480992, H=1915 մ): Դ2 կետից Ե2 կետ (X=509367, Y=4479167, H=1916 մ) 3.4 կմ հիմնականում անցնում է Սևան-Գավառ ավտոճանապարհով (սահմանը մոտենալով Ե2 կետին ճանապարհից հեռանում է դեպի լճափ 100 մետր): Դ2-Ե2 հատվածում սահմանակցում է 8-րդ և 9-րդ տնտեսական գոտիներին: Ե2 կետից անցնում է ազգային պարկի սահմանով մինչև Զ2 կետը (X=509355, Y=4478362, H=1904 մ): Զ2 կետից 450 մետր անցնում է հարավ-արևմտյան ուղղությամբ լճափին զուգահեռ և հասնում Է2 կետը (X=509173, Y=4477996, H=1916 մ): Զ2-Է2 հատվածում սահմանակցում է 10-րդ տնտեսական գոտուն: Է կետից անցնում է ազգային պարկի սահմանով մինչև Ը2 կետը (X=509263, Y=4477608, H=1906 մ): Ը2 կետից սահմանը անցնում է սկզբում 110 մետր հարավային ուղղությամբ հետո թեքվում դեպի արևելք անցնում 240 մետր և հասնում է լճափ Թ2 կետին (X=509291, Y=4477574, H=1898 մ): Ը2-Թ2 հատվածում սահմանակցում է 11-րդ տնտեսական գոտուն:

 

Տեղանքի նկարագրությունը.

 

Ռեկրեացիոն գոտու տարածքի ռելիեֆը հիմնականում ալիքավոր է և ընկած է 1916 մետր բարձրությունից ցածր: Առկա են ռելիեֆի մեծ թեքություններ և քարաժայռեր: Ռեկրեացիոն գոտու ափերը շատ չեն կտրտված: Անտառային տնկարկները քիչ են, հիմնականում հանդես են գալիս չիչխանի, ուռենու և թեղու ծառուտներ:

 

Ենթակառուցվածքները. Ռեկրեացիոն գոտու տարածքում գրունտային ճանապարհները քիչ են` ընդհանուր երկարությունը կազմում է 1.2 կմ:

 

4.4.4. Չորրորդ ռեկրեացիոն գոտի

 

Տարածքը կազմում է 624 հա, սահմանի ընդհանուր երկարությունը` 52.0 կմ:

 

Սահմանի նկարագրությունը.

 

Ռեկրեացիոն գոտու սահմանը սկսվում է Գավառագետի արգելավայրի Գ1 սահմանակետից և հասնում արգելավայրի Բ1 սահմանակետը: Այստեղից շարունակում է հարավային ուղղությամբ, լճափին զուգահեռ 100-400 մետր հեռավորությամբ, իջնում մինչև գոտու Ա2 կետը (X=518422, Y=4465664, H=1907 մ): Ա2 կետից սահմանը անցնում է Գավառ-Մարտունի ավտոճանապարհով 3.4 կմ հասնում Բ2 կետին (X=518641, Y=4462469, H=1906 մ): Բ2 կետից շարունակելով հարավային ուղղությամբ, լճափին զուգահեռ 100-400 մետր հեռավորությամբ, իջնում է մինչև «Լիճք-Արգիչի» արգելոցի Ա1 սահմանակետը, որից հետո շարունակում է սահմանով հասնում արգելոցի Դ1 սահմանակետին: Ռեկրեացիոն գոտին արևմուտքից սահմանակցում է 11-րդ տնտեսական գոտուն:

 

Տեղանքի նկարագրությունը.

 

Ռեկրեացիոն գոտու տարածքի ռելիեֆը հիմնականում հարթ է: Միայն Կարմիր ամառանոցների մոտ բարձր է և ժայռապատ, որտեղ առկա են ռելիեֆի մեծ թեքություն և քարաժայռեր: Ռեկրեացիոն գոտու ափերը քիչ են կտրտված: Տարածքը պատված է անտառային տնկարկներով, հիմնականում հանդես են գալիս չիչխանի, ուռենու և բարդու ծառատեսակները: Ռեկրեացիոն գոտու մեջ է Երանոս, Ձորագյուղ և այլ փոքր գետերի գետաբերանային հատվածները:

 

Ենթակառուցվածքները. Ռեկրեացիոն գոտու տարածքում գրունտային ճանապարհների ընդհանուր երկարությունը կազմում է 4.2 կմ:

 

4.4.5. Հինգերորդ ռեկրեացիոն գոտի

 

Տարածքը կազմում է 680 հա, սահմանի ընդհանուր երկարությունը` 44.3 կմ:

 

Սահմանի նկարագրությունը.

 

Ռեկրեացիոն գոտու սահմանը սկսում է Արգիճի գետի գետաբերանային հատվածից` «Լիճք-Արգիչի» արգելոցի Գ1 սահմանակետից, այստեղից շարունակում է մինչև արգելոցի Բ1 սահմանակետը: Բ1 կետից սահմանը անցնում է լճափին զուգահեռ մոտ 400-300 մետր հեռավորությունից 21 կմ և հասնում մինչև Արփա-Սևան ջրանցքի պահպանական գոտին` ռեկրեացիոն գոտու Ա2 կետը (X=542112, Y=4447622, H=1902 մ): Ա2 կետից շարունակում է հյուսիսային ուղղությամբ 210 մետր մինչև լճափ` գոտու Բ2 կետը (X=542123, Y=4447821, H=1898 մ): Ռեկրեացիոն գոտին սահմանակցում է 11-րդ տնտեսական գոտուն:

 

Տեղանքի նկարագրությունը.

 

Ռեկրեացիոն գոտու տարածքի ռելիեֆը հիմնականում հարթ է: Ռեկրեացիոն գոտու ափերը քիչ են կտրտված: Տարածքը պատված է անտառային տնկարկներով` հիմնականում գիհու և բարդու ծառուտներով: Ռեկրեացիոն գոտու մեջ են Մարտունի, Աստղաձոր և Վարդենիկ գետերի գետաբերանային հատվածները:

 

Ենթակառուցվածքները. Ռեկրեացիոն գոտու տարածքում գրունտային ճանապարհների ընդհանուր երկարությունը կազմում է 31.0 կմ:

 

4.4.6. Վեցերորդ ռեկրեացիոն գոտի

 

Տարածքը կազմում է 163 հա: Սահմանի ընդհանուր երկարությունը 12.2 կմ է:

 

Սահմանի նկարագրությունը.

 

Այս ռեկրեացիոն գոտին ընկած է Արփա-Սևան ջրանցքի և Կարճաղբյուր գյուղի միջև` լճահայաց մասում: Սահմանը սկսում է Արփա-Սևան ջրանցքի աջակողմյան մասի լճափի Ա2 կետից (X=542302, Y=4447742, H=1898 մ): Այստեղից ջրանցքին զուգահեռ հոսանքն ի վեր բարձրանում է 270 մետր, դուրս է գալիս Մարտունի-Վարդենիս ավտոճանապարհ և հասնում Բ2 կետին (X=542344, Y=4447480, H=1904 մ): Բ2 կետից անցնում է Մարտունի-Վարդենիս ավտոճանապարհով 5.7 կմ մինչև Գ2 կետը (X=547592, Y=4449297, H=1904 մ): Գ2 կետից շարունակում է հյուսիսային ուղղությամբ 100 մետր մինչև լճափ` գոտու Դ2 կետը (X=547562, Y=4449403, H=1898 մ): Ռեկրեացիոն գոտին սահմանակցում է 11-րդ և 12-րդ տնտեսական գոտիներին:

 

Տեղանքի նկարագրությունը.

 

Ռեկրեացիոն գոտու տարածքի ռելիեֆը հարթ է: Ափերը ուղիղ են և մեղմաթեք: Տարածքը պատված է անտառային տնկարկներով` հիմնականում սոճու և բարդու ծառուտներով:

 

Ենթակառուցվածքները. Ռեկրեացիոն գոտու տարածքում գրունտային ճանապարհների ընդհանուր երկարությունը կազմում է 2.7 կմ:

 

4.4.7. Յոթերորդ ռեկրեացիոն գոտի

 

Տարածքը կազմում է 52.7 հա: Սահմանի ընդհանուր երկարությունը 3.8 կմ է:

 

Սահմանի նկարագրությունը.

 

Այս ռեկրեացիոն գոտին ընկած է Ծովակ գյուղի լճահայաց մասում: Սահմանը սկսվում է լճափի Ա2 կետից (X=551301, Y=4450227, H=1898 մ): Ա2 կետից սահմանը անցնում է հարավային ուղղությամբ 260 մետր և դուրս գալիս Մարտունի-Վարդենիս ավտոճանապարհ` Բ2 կետը (X=551433, Y=4450003, H=1901 մ): Այստեղից սահմանը անցնում է Մարտունի-Վարդենիս ավտոճանապարհով 1.3 կմ և հասնում Գ2 կետը (X=552799, Y=4450794, H=1902 մ):

Գ2 կետից` Ծովակ գյուղի մոտ, թեքվում դեպի հյուսիս, անցնում 330 մետր և դուրս է գալիս լճափ` Դ2 կետ (X=552673, Y=4451097, H=1898 մ): Ռեկրեացիոն գոտին սահմանակցում է 12-րդ տնտեսական գոտուն:

 

Տեղանքի նկարագրությունը.

 

Ռեկրեացիոն գոտու տարածքի ռելիեֆը հարթ է: Ափերը ուղիղ են և մեղմաթեք: Տարածքը պատված է անտառային տնկարկներով` հիմնականում սոճու և բարդու ծառուտներով:

 

Ենթակառուցվածքները. Ռեկրեացիոն գոտու տարածքում գրունտային ճանապարհների ընդհանուր երկարությունը կազմում է 1.7 կմ:

 

4.4.8. ՈՒթերորդ ռեկրեացիոն գոտի

 

Տարածքը կազմում է 1442 հա: Սահմանի ընդհանուր երկարությունը 72.8 կմ է:

 

Սահմանի նկարագրությունը.

 

Այս ռեկրեացիոն գոտին ընկած է Գեղամասար գետի և Արտանիշ գյուղի միջև: Սահմանը սկսում է Գիլլի արգելոցի Բ1-Գ1 սահմանային հատվածից ձգվում 35 կմ Ծովակ-Արտանիշ ավտոճանապարհով և հասնում է Արտանիշի արգելոցի Ա1-Բ1 սահմանային հատվածը:

 

Տեղանքի նկարագրությունը.

 

Ռեկրեացիոն գոտու տարածքի ռելիեֆը գրեթե հարթ է: Տարածքը հիմնականում ընկած է մինչև 1915 մետր բարձրությունը: Ռեկրեացիոն գոտու ափերը ուղիղ են և մեղմաթեք: Տարածքը պատված անտառային տնկարկներով` հիմնականում սոճու, չիչխանի և թեղու ծառուտներով:

 

Ենթակառուցվածքները. Ռեկրեացիոն գոտու տարածքում գրունտային ճանապարհների ընդհանուր երկարությունը կազմում է 12.4 կմ:

 

4.5. «Սևան» ազգային պարկի տնտեսական գոտու նկարագրությունը

 

«Սևան» ազգային պարկի տնտեսական գոտու տարածքներն ընկած են հետևյալ հատվածներում` Սևան քաղաքից Ծովագյուղ, Լճաշենից Հայրավանք, Նորատուս թերակղզուց Ծակքար գետ, Արգիչի գետից Ծովակ գյուղ և Գեղամասար գետից Արտանիշ թերակղզի, ինչպես նաև Արեգունու հարավ-արևմտյան լեռնալանջերի վրա: Այս հատվածներում տնտեսական գոտու ընդհանուր մակերեսը կազմում է 11 184 հա (Քարտեզ 4):

1-ին հատվածի տարածքը կազմում է 388 հա: Այն գտնվում է «Սևան» ազգային պարկի հյուսիս-արևմտյան մասում` ազգային պարկի սահմանի և 1-ին ռեկրեացիոն գոտու միջև (Փամբակի լեռնաշղթայի Արջուտ լեռնաբազկի հարավ-արևելյան լանջից մինչև Ծովագյուղ): Տնտեսական գոտու 1-ին հատվածի սահմանի նկարագրությունը համապատասխանում է այս հատվածում ազգային պարկի և 1-ին ռեկրեացիոն գոտու սահմանների նկարագրությանը:

Տնտեսական գոտու այս հատվածի ռելիեֆը, թերակղզուց մինչև Սևան-Դիլիջան հին ճանապարհի վերջը թեք է, իսկ մնացած մասը` հարթ: Տարածքը պատված է անտառային տնկարկներով, որտեղ ծառատեսակներից գերակշռում են սոճին, բարդին, ակացիան և թեղին: Հատվածի միջնամասով, 5.3 կմ երկարությամբ, անցնում է երկաթգիծը, իսկ եզրամասով 5.5 կմ երկարությամբ` Դիլիջան-Սևան ավտոմայրուղին: Ճանապարհների ընդհանուր երկարությունը կազմում է 11.3 կմ: Հատվածի տարածքով անցնում է 4.0 կմ երկարությամբ բարձրավոլտ հոսանքի գծեր և 700 մետր երկարությամբ անցնում է Ձկնագետ գետը:

 

2-րդ հատվածի տարածքը կազմում է 60.2 հա: Այն գտնվում է «Սևան» ազգային պարկի հյուսիս-արևմտյան մասում` ազգային պարկի սահմանի և 1-ին ռեկրեացիոն գոտու միջև (Հրազդան գետի և Ցամաքաբերդ գյուղի միջև): Տնտեսական գոտու 2-րդ հատվածի սահմանի նկարագրությունը համապատասխանում է ազգային պարկի և 1-ին ռեկրեացիոն գոտու սահմանների նկարագրությանը:

Տարածքի ռելիեֆը հարթ է, պատված նոսր անտառային տնկարկներով, որտեղ ծառատեսակներից գերակշռում են չիչխանը, թեղին և ուռին:

Հատվածի հարավային եզրամասով 1.3 կմ երկարությամբ անցնում է երկաթգիծը: Ճանապարհների ընդհանուր երկարությունը կազմում է 2.6 կմ:

 

3-րդ հատվածի տարածքը կազմում է 159 հա: Այն գտնվում է «Սևան» ազգային պարկի հյուսիս-արևմտյան մասում` 1-ին և 2-րդ ռեկրեացիոն գոտիների, Լճաշեն և Չկալովկա գյուղերի միջև: Տնտեսական գոտու 4-րդ հատվածի սահմանի նկարագրությունը համապատասխանում է ազգային պարկի, 1-ին և 2-րդ ռեկրեացիոն գոտիների սահմանների նկարագրությանը:

Տնտեսական գոտու այս հատվածի ռելիեֆը գրեթե հարթ է: Անտառային տնկարկներով պատված է միայն հատվածի հյուսիս-արևելյան մասը, որտեղ ծառատեսակներից գերակշռում են բարդին, չիչխանը և թեղին: Հատվածի միջնամասով 3.2 կմ երկարությամբ անցնում է Սևան-Գավառ ավտոճանապարհի հատվածը: Ճանապարհների ընդհանուր երկարությունը 9.1 կմ: Հատվածի տարածքով անցնում են 4.8 կմ երկարությամբ բարձրավոլտ հոսանքի գծեր:

 

4-8-րդ հատվածների տարածքները կազմում են 176 հա: Դրանք գտնվում են «Սևան» ազգային պարկի արևմտյան մասում` Նորաշեն-Հայրավանք գյուղերի միջև: 4-րդ հատվածը ընկած է 2-րդ ռեկրեացիոն գոտու, Նորաշենի արգելոցի և ազգային պարկի սահմանների միջև: 5-րդից 8-րդ հատվածներն ընկած են 3-րդ ռեկրեացիոն գոտու և ազգային պարկի սահմանների միջև: Տնտեսական գոտու 4-8 հատվածների սահմանների նկարագրությունը համապատասխանում է ազգային պարկի, Նորաշենի արգելոցի, 2-րդ և 3-րդ ռեկրեացիոն գոտիների սահմանների նկարագրությանը:

Տնտեսական գոտու այս հատվածների գերակշռող մասերում ռելիեֆը ժայռոտ է և պատված է քարերով: Անտառային տնկարկներ քիչ կան, ծառատեսակներից հանդես են գալիս չիչխանը և թփանման ուռին:

Հատվածների եզրամասով անցնում է Սևան-Գավառ ավտոճանապարհի 9.3 կմ հատվածը: Ճանապարհների ընդհանուր երկարությունը կազմում է 11.5 կմ:

 

9-րդ հատվածի տարածքը կազմում է 6128 հա: Այն գտնվում է «Սևան» ազգային պարկի արևմտյան և հարավային մասերում` 3-րդ, 4-րդ, 5-րդ և 6-րդ ռեկրեացիոն գոտիների, «Գավառագետ» արգելավայրի և «Լիճք-Արգիչի» արգելոցի միջև: Տնտեսական գոտու 11-րդ հատվածի սահմանների նկարագրությունը համապատասխանում է ազգային պարկի, «Գավառագետ» արգելավայրի, «Լիճք-Արգիչի» արգելոցի, 3-րդ, 4-րդ, 5-րդ և 6-րդ ռեկրեացիոն գոտիների սահմանների նկարագրությանը:

Տնտեսական գոտու այս հատվածի ռելիեֆը հարթ է: Տարածքը պատված է անտառային տնկարկներով, հիմնական ծառատեսակներից հանդես են գալիս սոճին, բարդին, չիչխանը, գիհին և թփանման ուռին:

Հատվածի եզրամասով անցնում է Սևան-Վարդենիս ավտոճանապարհի 21.2 կմ հատվածը: Ճանապարհների ընդհանուր երկարությունը կազմում է 239 կմ: Հատվածի տարածքով անցնում են 7.2 կմ երկարությամբ բարձրավոլտ հոսանքի գծեր և 18.9 կմ գազամուղ: Տնտեսական գոտու այս հատվածում են Գավառագետ, Երանոս, Ձորագյուղ, Ծակքար, Բախտակ, Լիճք, Արգիճի, Մարտունի, Աստղաձոր, Զոլաքար և Վարդենիկ գետերի գետաբերանային հատվածները:

 

10-րդ հատվածի տարածքը կազմում է 947 հա: Այն գտնվում է «Սևան» ազգային պարկի հարավային մասում` Արփա-Սևան ջրանցքի և «Գիլլի» արգելոցի միջև: Հատվածի սահմանը անցնում է ազգային պարկի, «Գիլլի» արգելոցի, 6-րդ և 7-րդ ռեկրեացիոն գոտիների սահմաններով: Տնտեսական գոտու այս հատվածի ռելիեֆը հարթ է: Տարածքը պատված է անտառային տնկարկներով, ծառատեսակներից հանդես են գալիս սոճին, բարդին և գիհին:

Հատվածի եզրամասով անցնում է Սևան-Վարդենիս ավտոճանապարհի 6.2 կմ և միջնամասով` 5.5 կմ հատվածը: Ճանապարհների ընդհանուր երկարությունը կազմում է 21.3 կմ: Հատվածի տարածքով անցնում է 6.7 կմ գազամուղ, հոսում են Արծվանիստ և Կարճաղբյուր գետերը:

 

11-րդ հատվածի տարածքը կազմում է 3325 հա: Այն գտնվում է «Սևան» ազգային պարկի հյուսիս-արևելյան մասում` Արեգունու լեռնաշղթայի հարավ-արևմտյան լանջերի վրա: Հատվածի սահմանն անցնում է ազգային պարկի և 1-ին ռեկրեացիոն գոտու սահմանների միջև: Տնտեսական գոտու 13-րդ հատվածի սահմանի նկարագրությունը համապատասխանում է ազգային պարկի և 1-ին ռեկրեացիոն գոտու սահմանների նկարագրությանը:

Տնտեսական գոտու այս հատվածի ռելիեֆը կտրտված է բազմաթիվ ձորերով և ձորակներով: Այս հատվածում Արեգունու լեռնաշղթայի լանջերը ունեն մեծ թեքություններ:

Հատվածում անտառային տարածքները հանդես են գալիս հատվածներով, ձորերով և ձորակներով, հիմնականում կազմված են սոճու, կաղնու և գիհու ծառուտներից: Հատվածը հարուստ է խոտաբույսերով:

Հատվածի եզրամասով անցնում է Շորժա-Ծովագյուղ ավտոճանապարհի 15.5 կմ հատվածը, որով սահմանակցում է 1-ին ռեկրեացիոն գոտուն: Ճանապարհների ընդհանուր երկարությունը կազմում է 34 կմ: Հատվածի տարածքով անցնում են 12.1 կմ երկարությամբ բարձրավոլտ հոսանքի գծեր: Տարածքում գետերը հոսում են Արեգունու լեռնաշղթայի լանջերից և մշտական հոսք չունեն:

 

4.6. «Սևան» ազգային պարկի տարածքագործառնական գոտիների արդյունավետ

կառավարմանն ուղղված գործողություններ

 

«Սևան» ազգային պարկի տարածքագործառնական գոտիների արդյունավետ կառավարման նպատակով անհրաժեշտ է, որպեսզի դրանցից յուրաքանչյուրի համար, այդ թվում` առանձին վերցրած յուրաքանչյուր արգելոցային, ռեկրեացիոն և տնտեսական գոտիների, մշակվեն և իրականացվեն համապատասխան կանոնակարգեր (Հավելված 1): Բացի այդ, արգելոցային գոտիների համար պետք է սահմանել հստակ մուտքավճարներ` գիտաճանաչողական էքսկուրսիաների անցկացման նպատակով (համաձայն «Բնության հատուկ պահպանվող տարածքների մասին» ՀՀ օրենքի):

Հաշվի առնելով ազգային պարկի տարածքագործառնական նոր գոտևորման և «Վարդենիսի» մասնաճյուղի առանձնահատկությունները (կապված «Գիհի-կաղնուտային ռելիկտային» արգելավայրի պահպանության հետ)` նպատակահարմար է այդ մասնաճյուղում ստեղծել նոր տեղամաս Ծափաթաղում կամ Դարանակում (Հավելված 1):

 

ԲԱԺԻՆ 5. «Սևան» ազգային պարկի կառավարման ներկա առանձնահատկությունները և դրա բարելավմանն ուղղված գործողությունների պլանը

 

«Սևան» ազգային պարկ» ՊՈԱԿ-ի հիմնադիրը Հայաստանի Հանրապետությունն է` ի դեմս ՀՀ կառավարության: «Սևան» ազգային պարկ» ՊՈԱԿ-ը գործում է ՀՀ Սահմանադրության, «Բնության հատուկ պահպանվող տարածքների մասին» և «Պետական ոչ առևտրային կազմակերպությունների մասին» ՀՀ օրենքների, ՊՈԱԿ-ի կանոնադրության և այլ իրավական ակտերի հիման վրա: Կանոնադրության համաձայն` ՊՈԱԿ-ը իրականացնում է բնապահպանական, գիտահետազոտական, գիտաճանաչողական գործունեություն: «Սևան» ազգային պարկ ՊՈԱԿ-ի գործունեության առարկան և նպատակը պարկի տարածքի բնական էկոհամակարգերի, լանդշաֆտային ու կենսաբանական բազմազանության, բնության ժառանգության գիտական ուսումնասիրության, պահպանության, դիտանցի, ինչպես նաև պարկի բնական պաշարների կայուն օգտագործման ապահովումն է: Այդ նպատակով կազմակերպության կարևոր կանոնադրական գործառույթներից են.

* ապահովել Սևանա լճում ու դրա ավազանում ջրային ու ցամաքային բնական էկոհամակարգերի, լանդշաֆտային և կենսաբանական բազմազանության, գենոֆոնդի, բնության ժառանգության պահպանությունը, կազմակերպել և իրականացնել դրանց գիտական ուսումնասիրությունները,

* կազմակերպել և իրականացնել բնական էկոհամակարգերի ու դրանց առանձին բաղադրիչների բուսական ու կենդանական աշխարհի հաշվառումը և նախապատրաստել կադաստրի վարման համար անհրաժեշտ նյութերը,

* իրականացնել էկոլոգիական դիտանց, վարել բնության տարեգրություն, կազմակերպել բնության թանգարանի գործունեությունը,

* կանխարգելել մարդու գործունեության հետևանքով պարկի բնական էկոհամակարգի հավասարակշռությունը խախտող գործընթացները և իրականացնել խախտված էկոհամակարգերի վերականգնման միջոցառումներ,

* կազմակերպել զբոսաշրջություն,

* իր իրավասության սահմաններում իրականացնել բնակչության էկոլոգիական կրթությանն ու դաստիարակությանն ուղղված միջոցառումներ:

«Սևան» ազգային պարկ հիմնարկին պետական ոչ առևտրային կազմակերպության կարգավիճակ տալով` ստեղծվեց հնարավորություն պարկի տարածքում ներդաշնակելու բնօգտագործման (հատկապես ռեկրեացիոն ինդուստրիայի) և բնապահպանական գործառույթները: Այս կարգավիճակը հնարավորություն է տալիս պարկին զբաղվելու օրենքով թույլատրված որոշակի ձեռնարկատիրական գործունեությամբ և իրականացնել վճարովի ծառայություններ, այդ թվում`

* Հայաստանի Հանրապետության օրենսդրությամբ սահմանված կարգով կենսառեսուրսների, այդ թվում` բույսերի ու կենդանիների տեսակների, անտառային ռեսուրսների վերարտադրություն, օգտագործում և իրացում,

* բնափայտի մթերում, վերամշակում և իրացում,

* երկրորդական անտառանյութի (կոճղերի) մթերում, վերամշակում և իրացում,

* կողմնակի անտառօգտագործում (խոտհունձ, անասունների արածեցում, փեթակների և մեղվանոցների տեղադրում, վայրի պտղի, ընկույզի, սնկի, հատապտղի, դեղաբույսերի և տեխնիկական հումքի հավաքում) և դրա արդյունքում մթերված կենսապաշարների վերամշակում և իրացում,

* գյուղատնտեսական մթերքների արտադրություն, վերամշակում և իրացում,

* հանգստի և զբոսաշրջության հետ կապված սպասարկման ծառայությունների մատուցում,

* գիտական, գիտաճանաչողական գրականության և տեղեկատվական նյութերի պատրաստում ու հրապարակում:

Վերոգրյալ գործունեությունից ստացված հասույթը, ըստ «Սևան» ազգային պարկ» ՊՈԱԿ-ի կանոնադրության, օգտագործվում է պարկի կանոնադրական խնդիրների` գործառույթների իրականացման նպատակով (հիմնականում պահպանական):

Թվարկած կանոնադրական գործառույթների և ձեռնարկատիրական գործունեության կազմակերպման ու իրականացման համար «Սևան» ազգային պարկ» ՊՈԱԿ-ը ունի համապատասխան կառավարման համակարգ (կառուցվածքը) և աշխատողների անձնակազմ: Համաձայն ՊՈԱԿ-ի 2006 թվականի հաստիքացուցակի այդ համակարգը ներառում է անմիջական կառավարումն իրականացնող ղեկավարությունից (7 հաստիք - տնօրեն, տնօրենի տեղակալ պահպանության գծով, տնօրենի տեղակալ գիտության գծով, տնօրենի տեղակալ վարչատնտեսական և ռեկրեացիայի գծով, գլխավոր անտառապետ, առաջատար մասնագետ կադրերի գծով և մասնագետ-իրավախորհրդատու), գիտության բաժնից (10 հաստիք), պահպանության բաժնից (7 հաստիք), ֆինանսահաշվապահական բաժնից (5 հաստիք), վարչատնտեսական և ռեկրեացիոն բաժնից (25 հաստիք): «Սևան» ազգային պարկ» ՊՈԱԿ-ի կառուցվածքային ստորաբաժանումներից են նաև հետևյալ 4 մասնաճյուղերը իրենց տեղամասերով.

* Սևանի մասնաճյուղ (36 հաստիք) - Սևանի, Ախթամարի, Արտանիշի տեղամասեր,

* Նորատուսի մասնաճյուղ (27 հաստիք) - Նորատուսի, Հայրիվանի և Գավառի տեղամասեր,

* Մարտունու մասնաճյուղ (49 հաստիք) - Մարտունու, Երանոսի, Վարդենիկի, Ծովինարի տեղամասեր,

* Վարդենիսի մասնաճյուղ (32 հաստիք) - Արևիկի, Ծովակի, Վարդենիսի տեղամասեր:

«Սևան» ազգային պարկ» ՊՈԱԿ-ի կառուցվածքում են ընդգրկված նաև Բնության թանգարանը Սևան քաղաքում, և Ծովինարի տնկարանը, որը չի գործում և դրա հետ կապված գործողությունների պլանը ներկայացված է սույն կառավարման պլանի 7.4.4 կետում:

Աշխատողների թվաքանակի և միջին ամսական աշխատավարձի չափերի դինամիկան վերջին տարիներին բնորոշվում է հետևյալ ցուցանիշներով`

 

.____________________________________________________________________.

|                            |2002 թ.|2003 թ.|2004 թ.|2005 թ.|2006 թ.|

|____________________________|_______|_______|_______|_______|_______|

|Աշխատողների միջին ցուցակային|247    |209    |202    |202    |200    |

|թվաքանակը (մարդ)            |       |       |       |       |       |

|____________________________|_______|_______|_______|_______|_______|

|Աշխատողների միջին ամսական   |12.1   |15.8   |19.1   |19.5   |37.6   |

|աշխատավարձը (հազ. դրամ)     |       |       |       |       |       |

.____________________________________________________________________.

 

------------------------------------------------------------

ԻՐՏԵԿ - շարունակությունը հաջորդ մասերում

 

 

pin
ՀՀ կառավարություն
18.01.2007
N 205-Ն
Որոշում