Սեղմել Esc փակելու համար:
ՀՀ ԴՐԱՄԱՇՐՋԱՆԱՌՈՒԹՅԱՆ ԿԱՐԳԱՎՈՐՄԱՆ ՊԵՏ...
Քարտային տվյալներ

Տեսակ
Գործում է
Ընդունման ամսաթիվ
Համար

ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

ՀՀ ԴՐԱՄԱՇՐՋԱՆԱՌՈՒԹՅԱՆ ԿԱՐԳԱՎՈՐՄԱՆ ՊԵՏԱԿԱՆ ՀԱՆՁՆԱԺՈՂՈՎԻ 1993 ԹՎԱԿԱՆԻ ՆՈՅԵՄԲԵՐԻ 3- ...

 

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ՎԱՐՉՈՒԹՅԱՆ

ՈՐՈՇՈՒՄ

 

5 սեպտեմբերի 1994 թվականի թիվ 71

 

Հայաստանի Հանրապետության դրամաշրջանառության կարգավորման պետական հանձնաժողովի 1993 թվականի նոյեմբերի 3-ի «Հայաստանի Հանրապետության բանկերի կողմից կանխիկ վարկերի տրամադրման մասին» որոշման պահանջների

կատարման մասին

 

Հայաստանի Հանրապետության կենտրոնական բանկի վարչությունը, քննարկելով «Հայաստան» , «Սփյուռք» , Հայսնունդբանկ, «Գառնի» առևտրային բանկերի կողմից Հայաստանի Հանրապետության դրամաշրջանառության կարգավորման պետական հանձնաժողովի 1993 թվականի նոյեմբերի 3-ի «Հայաստանի Հանրապետության բանկերի կողմից կանխիկ վարկերի տրամադրման մասին» որոշման պահանջները չկատարելու, ներգրավված ավանդների 80%-ից ավելի քաղաքացիներին և անհատ ձեռներեցներին կանխիկ վարկեր տրամադրելու հարցը, որոշում է.

1. Տուգանել «Հայաստան» , «Սփյուռք» , «Գառնի» բանկերը 1994 թվականի օգոստոսի 1-ի դրությամբ, քաղաքացիներին և անհատ ձեռներեցներին տրված կանխիկ վարկերի սահմանվածից գերազանցող մասի 5%-ի չափով, որը կազմում է համապատասխանաբար 200 հազար դրամ, 335 հազար դրամ, 21,3 հազար դրամ:

2. Հաշվի առնելով, որ Հայսնունդբանկը վարկերը տրամադրել է նախկինում անկանխիկ տրված վարկերի կանխիկով մարված գումարներից, նշված բանկի տուգանքը սահմանել ս.թ. օգոստոսի 1-ի դրությամբ քաղաքացիներին և անհատ ձեռներեցներին տրված կանխիկ վարկերի սահմանվածից գերազանցող մասի 2 տոկոսի չափով, որը կազմում է 29,7 հազար դրամ:

3. Առաջարկել նշված բանկերի վարչությունների նախագահներին` 3 բանկային օրվա ընթացքում Հայաստանի Հանրապետության կենտրոնական բանկի 969311 հաշվին փոխանցել նշված գումարները:

4. Սույն որոշման կատարման հսկողությունը դնել Հայաստանի Հանրապետության կենտրոնական բանկի վերահսկողության և աուդիտի ու գործառնական վարչությունների վրա:

 

 

pin
Կենտրոնական բանկի վարչություն
05.09.1994
N 71
Որոշում