Սեղմել Esc փակելու համար:
ԿԵՆԴԱՆԻ ԴՈՆՈՐԻՑ ՕՐԳԱՆՆԵՐ ԵՎ (ԿԱՄ) ՀՅՈ...
Քարտային տվյալներ

Տեսակ
Չի գործում
Ընդունող մարմին
Ընդունման ամսաթիվ
Համար

Ստորագրման ամսաթիվ
ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

Հղում իրավական ակտի ընտրված դրույթին X
irtek_logo

ԿԵՆԴԱՆԻ ԴՈՆՈՐԻՑ ՕՐԳԱՆՆԵՐ ԵՎ (ԿԱՄ) ՀՅՈՒՍՎԱԾՔՆԵՐ ՎԵՐՑՆԵԼՈՒ ՀՆԱՐԱՎՈՐՈՒԹՅԱՆ ՄԱՍԻՆ ԵԶ ...

16.03.2019 -ին ուժը կորցրած ակտի տվյալ խմբագրությունը գործել է   04.08.2018  -ից մինչեւ   16.03.2019  -ը:
 

(ուժը կորցրել է 21.02.2019 թիվ 120-Ն որոշում)

i

040.0132.250208

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

 

7 փետրվարի 2008 թվականի N 132-Ն

 

i

ԿԵՆԴԱՆԻ ԴՈՆՈՐԻՑ ՕՐԳԱՆՆԵՐ ԵՎ (ԿԱՄ) ՀՅՈՒՍՎԱԾՔՆԵՐ ՎԵՐՑՆԵԼՈՒ ՀՆԱՐԱՎՈՐՈՒԹՅԱՆ ՄԱՍԻՆ ԵԶՐԱԿԱՑՈՒԹՅՈՒՆ ՏԱԼՈՒ ԿԱՐԳԸ ՍԱՀՄԱՆԵԼՈՒ ՄԱՍԻՆ

 

Հիմք ընդունելով «Մարդու օրգաններ և (կամ) հյուսվածքներ փոխպատվաստելու մասին» Հայաստանի Հանրապետության օրենքի 10-րդ հոդվածի 1-ին մասի «գ» կետը` Հայաստանի Հանրապետության կառավարությունը որոշում է.

1. Սահմանել կենդանի դոնորից օրգաններ և (կամ) հյուսվածքներ վերցնելու հնարավորության մասին եզրակացություն տալու կարգը` համաձայն հավելվածի:

2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

 

ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ

2008 ԹՎԱԿԱՆԻ ՓԵՏՐՎԱՐԻ 25-ԻՆ

 

Հավելված

ՀՀ կառավարության

2008 թվականի փետրվարի 7-ի

N 132-Ն որոշման

 

ԿԱՐԳ

ԿԵՆԴԱՆԻ ԴՈՆՈՐԻՑ ՕՐԳԱՆՆԵՐ ԵՎ (ԿԱՄ) ՀՅՈՒՍՎԱԾՔՆԵՐ ՎԵՐՑՆԵԼՈՒ ՀՆԱՐԱՎՈՐՈՒԹՅԱՆ ՄԱՍԻՆ ԵԶՐԱԿԱՑՈՒԹՅՈՒՆ ՏԱԼՈՒ

 

1. Սույն կարգով սահմանվում է կենդանի դոնորից օրգաններ և (կամ) հյուսվածքներ վերցնելու հնարավորության մասին եզրակացություն (այսուհետ` եզրակացություն) տալու կարգը:

2. Եզրակացություն տալու հիմքը փոխպատվաստման համար ռեցիպիենտի (հիվանդ) կամ «Մարդու օրգաններ և (կամ) հյուսվածքներ փոխպատվաստելու մասին» Հայաստանի Հանրապետության օրենքի 6-րդ հոդվածի 3-րդ մասով նախատեսված սուբյեկտների և իրենից օրգաններ ու (կամ) հյուսվածքներ վերցնելու համար դոնորի` փոխպատվաստման համար համապատասխան բժշկական օգնության և սպասարկման իրականացման լիցենզիա ունեցող բժշկական հաստատություն (այսուհետ` բժշկական հաստատություն) ներկայացրած` նոտարական կարգով հաստատված գրավոր համաձայնությունն է:

3. Եզրակացությունը տրվում է բժշկական հաստատության բժշկական հանձնաժողովի կողմից, որն ստեղծվում է բժշկական հաստատության տնօրենի հրամանով:

4. Բժշկական հաստատության բժշկական հանձնաժողովի կազմում ընդգրկվում են վիրաբույժ, անեսթեզիոլոգ, տրանսպլանտոլոգ, հոգեբան: Անհրաժեշտության դեպքում հանձնաժողովի աշխատանքներում տնօրենի հրամանով կարող են ներգրավվել այլ մասնագիտացում ունեցող բժիշկներ:

5. Առանց ռեցիպիենտի, նրա ծնողների կամ նրա շահերի օրինական ներկայացուցչի համաձայնության ռեցիպիենտին «Մարդու օրգաններ և (կամ) հյուսվածքներ փոխպատվաստելու մասին» Հայաստանի Հանրապետության օրենքով նախատեսված դեպքերում փոխպատվաստման կատարման դեպքում բժշկական հանձնաժողովը եզրակացություն տալիս է միայն` իրենից օրգաններ և (կամ) հյուսվածքներ վերցնելու համար դոնորի` նոտարական կարգով հաստատված գրավոր համաձայնության առկայության դեպքում:

6. Եզրակացությունը տրվում է դոնորի բազմակողմանի (համալիր) բժշկական հետազոտության արդյունքներն ստացվելուց հետո` եռօրյա ժամկետում, որն անցկացվում է բժշկական օգնության և սպասարկման իրականացման համապատասխան լիցենզիա ունեցող բժշկական հաստատությունում: Անհրաժեշտության դեպքում, մինչև եզրակացություն տալը, բժշկական հանձնաժողովի կողմից կարող է նշանակվել լրացուցիչ բժշկական հետազոտություն:

i

7. Դոնորի բազմակողմանի (համալիր) բժշկական հետազոտության արդյունքների հիման վրա բժշկական հանձնաժողովը տալիս է կենդանի դոնորից օրգաններ և (կամ) հյուսվածքներ վերցնելու հնարավորության մասին եզրակացություն` համաձայն ձևի, որը հաստատվում է բժշկական հանձնաժողովի անդամների, սույն կարգի 4-րդ կետով սահմանված կարգով հանձնաժողովի աշխատանքներում ներգրավված բժիշկների ու բժշկական հաստատության տնօրենի ստորագրություններով:

(7-րդ կետը փոփ. 17.02.11 թիվ 140-Ն, 10.07.18 թիվ 765-Ն որոշումներ)

8. Եզրակացությունն ստանալիս` դոնորը եզրակացության երկու օրինակի վրա կատարում է նշում այն մասին, որ ծանոթացել է եզրակացության բովանդակությանը, ստորագրելով եզրակացության երկու օրինակի` այդ նպատակով հատկացված մասերում:

9. Եզրակացության երկու օրինակից մեկը տրվում է դոնորին, մյուսը պահվում է այն բժշկական հաստատությունում, որտեղից տրվել է եզրակացությունը: Բժշկական հաստատությունում պահվող եզրակացության օրինակը կցվում է դոնորի հիվանդության պատմությանը կամ ամբուլատոր քարտին, իսկ կրկնօրինակը կցվում է ռեցիպիենտի հիվանդության պատմությանը կամ ամբուլատոր քարտին:

 

Ձև

 

i

ԵԶՐԱԿԱՑՈՒԹՅՈՒՆ

 

ԿԵՆԴԱՆԻ ԴՈՆՈՐԻՑ ՕՐԳԱՆՆԵՐ ԵՎ (ԿԱՄ) ՀՅՈՒՍՎԱԾՔՆԵՐ ՎԵՐՑՆԵԼՈՒ ՀՆԱՐԱՎՈՐՈՒԹՅԱՆ ՄԱՍԻՆ

 

Դոնորի անունը, ազգանունը, հայրանունը ________________________________

_____________________________________________________________________

Դոնորի սեռը ________

Դոնորի ծննդյան տարեթիվը, ամիսը, ամսաթիվը (բառերով) __________________

_____________________________________________________________________

Դոնորի հաշվառման վայրը և բնակության վայրը (եթե դրանք նույնն են, ապա

նշել մեկ անգամ)______________________________________________________

Դոնորի անձնագրային տվյալները ________________________________________

Դոնորի արյան խումբը _______________, ռեզուս-ֆակտորը _________________

Դոնորի ֆենոտիպը _____________________________________________________

_____________________________________________________________________

Դոնորի օրգանիզմի իմունային համակարգի

առանձնահատկությունները ______________________________________________

_____________________________________________________________________

Տեղեկություններ դոնորի առողջական վիճակի

մասին _______________________________________________________________

_____________________________________________________________________

Փոխպատվաստման հնարավորության մասին բժշկական ցուցումները _____________

_____________________________________________________________________

_____________________________________________________________________

Բժշկական հանձնաժողովի եզրակացությունը

_____________________________________________________________________

_____________________________________________________________________

_____________________________________________________________________

Բժշկական օգնություն և սպասարկում իրականացնող լիցենզավորված բժշկական

հաստատության անվանումը ______________________________________________

 

Բժշկական հանձնաժողովի անդամներ և հանձնաժողովի աշխատանքներում

ներգրավված բժիշկներ

__________________ _________________  _______________________________

        (պաշտոնը)      (ստորագրությունը)   (անունը, ազգանունը, հայրանունը)

__________________ _________________   _______________________________

__________________ _________________  _______________________________

__________________ _________________  _______________________________

__________________ _________________  _______________________________

 

Տնօրեն _________________ ________________________________

(ստորագրությունը) (անունը, ազգանունը, հայրանունը)

 

Դոնոր _________________ ________________________________

(ստորագրությունը) (անունը, ազգանունը, հայրանունը)

 

____ ___________ 200 թ.

 

(ձևը փոփ. 10.07.18 թիվ 765-Ն որոշում)

 

 

pin
ՀՀ կառավարություն
07.02.2008
N 132-Ն
Որոշում