Սեղմել Esc փակելու համար:
ՀՀ ԱՐՄԱՎԻՐԻ ՄԱՐԶԻ ՄԵԾԱՄՈՐԻ ՔԱՂԱՔԱՅԻՆ ...
Քարտային տվյալներ

Տեսակ
Գործում է
Ընդունող մարմին
Ընդունման ամսաթիվ
Համար

Ստորագրման ամսաթիվ
ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

Հղում իրավական ակտի ընտրված դրույթին X
irtek_logo

ՀՀ ԱՐՄԱՎԻՐԻ ՄԱՐԶԻ ՄԵԾԱՄՈՐԻ ՔԱՂԱՔԱՅԻՆ ԵՎ ՄԱՅԻՍՅԱՆԻ ԳՅՈՒՂԱԿԱՆ ՀԱՄԱՅՆՔՆԵՐԻՆ ԳՈՒՅՔ Ն ...

 

 

040.0314.110408

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

 

4 ապրիլի 2008 թվականի N 314-Ա

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐՄԱՎԻՐԻ ՄԱՐԶԻ ՄԵԾԱՄՈՐԻ ՔԱՂԱՔԱՅԻՆ ԵՎ ՄԱՅԻՍՅԱՆԻ ԳՅՈՒՂԱԿԱՆ ՀԱՄԱՅՆՔՆԵՐԻՆ ԳՈՒՅՔ ՆՎԻՐԱԲԵՐԵԼՈՒ ՄԱՍԻՆ

 

Ղեկավարվելով Հայաստանի Հանրապետության քաղաքացիական օրենսգրքի 605-րդ հոդվածով, «Բաժնետիրական ընկերությունների մասին» Հայաստանի Հանրապետության օրենքի 67-րդ հոդվածի 1-ին կետի «ը» ենթակետով և 68-րդ հոդվածի 7-րդ կետով` Հայաստանի Հանրապետության կառավարությունը որոշում է.

1. Թույլատրել «Հայկական ատոմային էլեկտրակայան» փակ բաժնետիրական ընկերությանը (այսուհետ` ընկերություն) սեփականության իրավունքով իրեն պատկանող` սույն որոշման հավելվածում նշված Հայաստանի Հանրապետության Արմավիրի մարզի Մեծամորի քաղաքային և Մայիսյանի գյուղական համայնքներում գտնվող 204.685,0 հազ. դրամ ընդհանուր հաշվեկշռային արժեք ունեցող անշարժ և շարժական գույքով` իրենց զբաղեցրած և օգտագործման ու սպասարկման համար անհրաժեշտ 137.217,6 քառ. մետր ընդհանուր մակերեսով հողամասերով (այսուհետ` գույք) վճարել ընկերության կողմից տեղաբաշխված` պետությանը պատկանող համապատասխան թվով բաժնետոմսերի` Հայաստանի Հանրապետության օրենսդրությամբ սահմանված կարգով ձեռքբերման դիմաց:

(1-ին կետը փոփ. 04.09.08 թիվ 987-Ա, 18.12.14 թիվ 1440-Ա որոշումներ)

2. Ընկերության կողմից ձեռք բերված բաժնետոմսերի մարումից հետո Հայաստանի Հանրապետության օրենսդրությամբ սահմանված կարգով համապատասխան չափով նվազեցնել ընկերության կանոնադրական կապիտալը:

3. Հայաստանի Հանրապետության կողմից ձեռք բերված` սույն որոշման 1-ին կետում նշված գույքն ամրացնել «Հայաստանի Հանրապետության կառավարությանն առընթեր պետական գույքի կառավարման վարչության աշխատակազմ» պետական կառավարչական հիմնարկին:

4. Ավելացված արժեքի հարկի վճարումն իրականացնել «Հայաստանի Հանրապետության 2008 թվականի պետական բյուջեի մասին» Հայաստանի Հանրապետության օրենքի 9-րդ հոդվածի 11-րդ մասի համաձայն:

5. Հայաստանի Հանրապետության կառավարությանն առընթեր պետական գույքի կառավարման վարչության պետին`

1) սույն որոշման հավելվածի`

ա. 1-7-րդ կետերում նշված գույքը նվիրաբերել Հայաստանի Հանրապետության Արմավիրի մարզի Մեծամորի քաղաքային համայնքին, ընդ որում, 1-ին կետում նշված գույքը նվիրաբերել հետագայում այնտեղ բնակվողներին` անհատույց սեփականաշնորհելու պայմանով,

բ. (բ պարբերությունն ուժը կորցրել է 12.09.2019 թիվ 1221-Ա որոշում)

2) ընկերության, Մեծամորի քաղաքային և Մայիսյանի գյուղական համայնքների ղեկավարների հետ համատեղ սույն որոշումն ուժի մեջ մտնելուց հետո հնգամսյա ժամկետում` սահմանված կարգով ապահովել գույքի հանձնման-ընդունման աշխատանքների կատարումը, նվիրաբերության մասին պայմանագրերի կնքումը և առաջարկել Մեծամորի քաղաքային և Մայիսյանի գյուղական համայնքների ղեկավարներին սույն որոշման 3-րդ և 5-րդ կետերով սահմանված գույքի ամրացման ու նվիրաբերության գործարքներից բխող հանձնման-ընդունման աշխատանքները, գույքային իրավունքների պետական գրանցման հետ կապված ծախսերը կատարել Մեծամորի քաղաքային և Մայիսյանի գյուղական համայնքների միջոցների հաշվին:

(5-րդ կետը փոփ. 04.09.08 թիվ 987-Ա, 12.09.2019 թիվ 1221-Ա որոշումներ)

 

ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ

2008 ԹՎԱԿԱՆԻ ԱՊՐԻԼԻ 11-ԻՆ

 

Հավելված

ՀՀ կառավարության

2008 թվականի ապրիլի 4-ի

N 314-Ա որոշման

 

ՑԱՆԿ

«ՀԱՅԿԱԿԱՆ ԱՏՈՄԱՅԻՆ ԷԼԵԿՏՐԱԿԱՅԱՆ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ ԳՈՒՅՔԻ ԿԱԶՄԻՑ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆՆ ՕՏԱՐՎՈՂ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐՄԱՎԻՐԻ ՄԱՐԶԻ ՄԵԾԱՄՈՐԻ ՔԱՂԱՔԱՅԻՆ ԵՎ ՄԱՅԻՍՅԱՆԻ ԳՅՈՒՂԱԿԱՆ ՀԱՄԱՅՆՔՆԵՐԻՆ ՆՎԻՐԱԲԵՐՎՈՂ ԳՈՒՅՔԻ

 

._________________________________________________________________________.

|NN |Գույքի անվանումը և  գտնվելու    |Ընդհանուր  |Հաշվեկշռային|Հողամասի   |

|ը/կ|վայրը                           |մակերեսը   |արժեքը`     |մակերեսը   |

|   |                                |(քառ. մետր)|2008 թ.     |(քառ. մետր)|

|   |                                |           |մայիսի 1-ի  |           |

|   |                                |           |դրությամբ   |           |

|   |                                |           |(հազ. դրամ) |           |

|___|________________________________|___________|____________|___________|

|   |Մեծամորի քաղաքային համայնք      |           |            |           |

|___|________________________________|___________|____________|___________|

|1. |Հանրակացարան` երեք մասնաշենքով  |    11000,0|     46651,0|     8400,0|

|___|________________________________|___________|____________|___________|

|   |Ա մասնաշենք                     |     3819,6|     25294,2|           |

|___|________________________________|___________|____________|___________|

|   |Բ մասնաշենք                     |     3791,3|      2523,3|           |

|___|________________________________|___________|____________|___________|

|   |Գ մասնաշենք                     |     3389,1|     18833,5|           |

|___|________________________________|___________|____________|___________|

|2. |Հյուրանոցային համալիր           |     3680,2|    149649,0|     2860,0|

|___|________________________________|___________|____________|___________|

|3. |Մարզահամալիր                    |     4623,8|      4920,0|    10600,0|

|___|________________________________|___________|____________|___________|

|4. |Հյուրանոցային համալիրի և        |           |      2485,9|           |

|   |մարզահամալիրի գույք ու արագամաշ |           |            |           |

|   |առարկաներ                       |           |            |           |

|___|________________________________|___________|____________|___________|

|5. |Բանջարեղենի պահպանման պահեստ    |      216,0|       154,3|      216,0|

|___|________________________________|___________|____________|___________|

|6. |Փայտյա ժամանակավոր տնակներ      |     1994.0|       243,5|    11141,6|

|   |(19 հատ)                        |           |            |           |

|___|________________________________|___________|____________|___________|

|7. |Ավտոկայանատեղ, ներառյալ`        |     2836,7|        62,0|    24000,0|

|   |պահակատունը                     |           |            |           |

|___|________________________________|___________|____________|___________|

|   |Ընդամենը                        |    24350,7|    204165.7|  57217,6  |

._________________________________________________________________________.

 

(հավելվածը փոփ. 04.09.08 թիվ 987-Ա, 03.02.11 թիվ 63-Ա, 18.12.14 թիվ 1440-Ա, 16.04.15 թիվ 394-Ա 12.09.2019 թիվ 1221-Ա որոշումներ)

 

 

pin
ՀՀ կառավարություն
04.04.2008
N 314-Ա
Որոշում