040.0255.230498
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«23» ապրիլի 1998 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
23 ապրիլի 1998 թվական թիվ 255
ԳՈՒՄԱՐ ՀԱՏԿԱՑՆԵԼՈՒ ՄԱՍԻՆ
Հանրապետության անտառային տարածքներում հակահրդեհային անվտանգության ապահովման նպատակով Հայաստանի Հանրապետության կառավարությունը որոշում է.
1. Կրակմարիչներ ձեռք բերելու համար Հայաստանի Հանրապետության բնապահպանության նախարարությանը հատկացնել 6 մլն դրամ` Հայաստանի Հանրապետության 1998 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին:
2. Հայաստանի Հանրապետության բնապահպանության նախարարությանը` ձեռք բերած կրակմարիչների 1/3-ը տրամադրել Հայաստանի Հանրապետության կառավարությանն առընթեր արտակարգ իրավիճակների վարչությանը:
3. Սույն որոշումն ուժի մեջ է մտնում 1998 թվականի ապրիլի 23-ից: