Սեղմել Esc փակելու համար:
ՊՈՐՏՈՒԳԱԼԻԱՅԻ ՀԱՆՐԱՊԵՏՈՒԹՅԱՆ ԼԻՍԱԲՈՆ ...
Քարտային տվյալներ

Տեսակ
Գործում է
Ընդունման ամսաթիվ
Համար

Վավերացման ամսաթիվ
ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

ՊՈՐՏՈՒԳԱԼԻԱՅԻ ՀԱՆՐԱՊԵՏՈՒԹՅԱՆ ԼԻՍԱԲՈՆ ՔԱՂԱՔՈՒՄ ԿԱՅԱՆԱԼԻՔ «ԷՔՍՊՈ-98» ՀԱՄԱՇԽԱՐՀԱՅԻՆ ...

 

 

040.0257.230498

«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ

 

«23» ապրիլի 1998 թ.

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

 

23 ապրիլի 1998 թվական թիվ 257

 

ՊՈՐՏՈՒԳԱԼԻԱՅԻ ՀԱՆՐԱՊԵՏՈՒԹՅԱՆ ԼԻՍԱԲՈՆ ՔԱՂԱՔՈՒՄ ԿԱՅԱՆԱԼԻՔ «ԷՔՍՊՈ-98» ՀԱՄԱՇԽԱՐՀԱՅԻՆ ՑՈՒՑԱՀԱՆԴԵՍԻՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԱՍՆԱԿՑՈՒԹՅԱՆ ՄԱՍԻՆ

 

1998 թվականի մայիսի 22-ից մինչև սեպտեմբերի 30-ը Լիբանանում անցկացվելիք «ԷՔՍՊՈ-98» համաշխարհային ցուցահանդեսի նախապատրաստման աշխատանքները կազմակերպելու, Հայաստանի տաղավարի ցուցանմուշների, նյութերի և տեղեկատվության բարձր մասնագիտական որակ ապահովելու, ինչպես նաև, ցուցահանդեսի ընդհանուր թեմայի և ենթաթեմաների բնագավառում միջազգային համագործակցություն հատկացնելու համար հիմքեր ստեղծելու նպատակով Հայաստանի Հանրապետության կառավարությունը որոշում է.

1. Ընդունել Հայաստանի Հանրապետության բնապահպանության նախարարության առաջարկությանը և 1998 թվականի մայիսի 22-ից մինչև սեպտեմբերի 30-ը Լիբանանում կայանալիք «ԷՔՍՊՈ-98» համաշխարհային ցուցահանդեսին մասնակցելու նպատակով կազմակերպել և անցկացնել «ԷՔՍՊՈ-98-Հայաստան» ցուցահանդեսը:

2. Հայաստանի Հանրապետության ֆինանսների և էկոնոմիկայի նախարարությանը` ցուցահանդեսի նախապատրաստման և անցկացման համար Հայաստանի Հանրապետության բնապահպանության նախարարությանը հատկացնել 12000000 դրամ` Հայաստանի Հանրապետության 1998 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին:

3. Հայաստանի Հանրապետության մաքսային վարչությանը` ապահովել «ԷՔՍՊՈ-98» համաշխարհային ցուցահանդեսի ցուցանմուշների փոխադրման հետ կապված փաստաթղթերի ձևակերպումը և ցուցանմուշների արտահանման և վերադարձման ժամանակ մաքսային ստուգումները կատարել Հայաստանի Հանրապետության բնապահպանության նախարարությունում` համաձայն նախարարության ներկայացրած հայտերի:

4. Հայաստանի Հանրապետության քաղաքացիական ավիացիայի գլխավոր վարչությանը` ապահովել ցուցանմուշների փոխադրումը` Հայաստանի Հանրապետության բնապահպանության նախարարության ներկայացրած հայտի համաձայն:

5. Հայաստանի Հանրապետության արտաքին գործերի նախարարությանը` լուծել Հայաստանի Հանրապետության պատվիրակության և աշխատանքային խմբի անդամների Լիսաբոն մեկնելու հետ կապված հարցերը:

6. Հայաստանի Հանրապետության բնապահպանության նախարարությանը` ապահովել նախնական աշխատանքների կատարումը և Հայաստանի Հանրապետության մասնակցությունը «ԷՔՍՊՈ-98» համաշխարհային ցուցահանդեսին:

 

 

pin
ՀՀ կառավարություն
23.04.1998
N 257
Որոշում