Սեղմել Esc փակելու համար:
ՀՀ ԳԱԶԱՏՐԱՆՍՊՈՐՏԱՅԻՆ ՀԱՄԱԿԱՐԳԻ ՀԻՄՆԱԿ...
Քարտային տվյալներ

Տեսակ
Գործում է
Ընդունման ամսաթիվ
Համար

Վավերացման ամսաթիվ
ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

ՀՀ ԳԱԶԱՏՐԱՆՍՊՈՐՏԱՅԻՆ ՀԱՄԱԿԱՐԳԻ ՀԻՄՆԱԿԱՆ ՄԻՋՈՑՆԵՐԸ «ՀԱՅՌՈՒՍԳԱԶԱՐԴ» ՓԱԿ ԲԱԺՆԵՏԻՐԱԿ ...

 

 

040.0259.300498

«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ

«30» ապրիլի 1998 թ.

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

 

30 ապրիլի 1998 թվականի թիվ 259

 

i

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳԱԶԱՏՐԱՆՍՊՈՐՏԱՅԻՆ ՀԱՄԱԿԱՐԳԻ ՀԻՄՆԱԿԱՆ ՄԻՋՈՑՆԵՐԸ «ՀԱՅՌՈՒՍԳԱԶԱՐԴ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆԸ ՀԱՆՁՆԵԼՈՒ ՄԱՍԻՆ

 

Հայաստանի Հանրապետության կառավարությունը որոշում է`

1. Հայաստանի Հանրապետության ֆինանսների և էկոնոմիկայի նախարարությանը` Հայաստանի Հանրապետության էներգետիկայի նախարարության հետ համատեղ քննարկել և մեկամսյա ժամկետում Հայաստանի Հանրապետության կառավարություն ներկայացնել առաջարկություն Հայաստանի Հանրապետության էներգետիկայի նախարարության կողմից «ՀայՌուսգազարդ» փակ բաժնետիրական ընկերության կանոնադրական հիմնադրամում տեղաբաշխված բաժնետոմսերի իր մասնաբաժնի չվճարված մասը` 2,25 մլն ԱՄՆ-ի դոլարին համարժեք դրամ, վճարելու աղբյուրների վերաբերյալ:

2. Հայաստանի Հանրապետության էներգետիկայի նախարարությանը` «ՀայՌուսգազարդ» փակ բաժնետիրական ընկերության առաջիկա խորհրդի նիստում բաժնետերերի ընդհանուր ժողովում, ղեկավարվելով Հայաստանի Հանրապետության օրենսդրությամբ և «ՀայՌուսգազարդ» փակ բաժնետիրական ընկերության կանոնադրությամբ, տալ համաձայնություն «ՀայՌուսգազարդ» փակ բաժնետիրական ընկերության կանոնադրական հիմնադրամը 270 մլն ԱՄՆ-ի դոլարի չափով ավելացնելու համար, Հայաստանի Հանրապետության գազատրանսպորտային համակարգը, ներառյալ մայրուղային գազամուղները, գազաբաշխիչ ցանցերը, գազաբաշխիչ կայանները, ստորգետնյա գազապահեստարանները և այլ օբյեկտներ, ընկերության կողմից որպես սեփականություն ձեռք բերելու նպատակով ընկերության կանոնադրական հիմնադրամի չափը հասցնել 280 մլն ԱՄՆ-ի դոլարին համարժեք դրամի:

3. Հայաստանի Հանրապետության էներգետիկայի նախարարությանը, Հայաստանի Հանրապետության ֆինանսների և էկոնոմիկայի նախարարությանը, Հայաստանի Հանրապետության սեփականաշնորհման նախարարությանը, Հայաստանի Հանրապետության արդարադատության նախարարությանը` Հայաստանի Հանրապետության էներգետիկայի հանձնաժողովի հետ համատեղ մեկամսյա ժամկետում նախապատրաստել Հայաստանի Հանրապետության գազատրանսպորտային համակարգը «ՀայՌուսգազարդ» փակ բաժնետիրական ընկերությանը որպես սեփականություն փոխանցելու և վճարման պայմանների կարգի վերաբերյալ համաձայնագրի նախագիծը և այն, համաձայնեցնել «ՀայՌուսգազարդ» փակ բաժնետիրական ընկերության հիմնադիրների հետ, ներկայացնել Հայաստանի Հանրապետության կառավարություն:

Նշված համաձայնագրի նախագիծը նախապատրաստելիս հաշվի առնել, որ`

ա) Հայաստանի Հանրապետության գազատրանսպորտային համակարգի գույքը Հայաստանի Հանրապետության կառավարության 1997 թվականի նոյեմբերի 29-ի «Հայաստանի Հանրապետության գազամատակարարման համակարգի հիմնական միջոցների գնահատման կարգը հաստատելու մասին» թիվ 546 որոշման հիման վրա գնահատված է 270 մլն ԱՄՆ-ի դոլար, և դա հետագայում փոփոխման ենթակա չէ.

i

բ) Հայաստանի Հանրապետության էներգետիկայի նախարարությունը «ՀայՌուսգազարդ» փակ բաժնետիրական ընկերության կանոնադրական հիմնադրամի ավելացման համար սեփականության իրավունքով ընկերությունն է միանվագ փոխանցում Հայաստանի Հանրապետության գազատրանսպորտային համակարգը:

Ընկերության կանոնադրական հիմնադրամն ավելացվում է ընկերության հաշվեկշռին Հայաստանի Հանրապետության գազատրանսպորտային համակարգի հիմնական միջոցների փոխանցման հետ միաժամանակ` համաձայն «ՀայՌուսգազարդ» փակ բաժնետիրական ընկերության կանոնադրության` հիմնադիրների հետևյալ մասնաբաժիններով`

Հայաստանի Հանրապետության էներգետիկայի նախարարություն` 121,5 մլն ԱՄՆ-ի դոլար (45 տոկոս).

«Գազպրոմ» ռուսաստանյան բաժնետիրական ընկերություն` 121,5 մլն ԱՄՆ-ի դոլար (45 տոկոս).

«Իտերա» միջազգային էներգետիկական կորպորացիա` 27 մլն ԱՄՆ-ի դոլար (10տոկոս).

գ) «Իտերա» միջազգային էներգետիկական կորպորացիան կանոնադրական հիմնադրամի ավելացման համար իր կողմից վճարման ենթակա 27 մլն ԱՄՆ-ի դոլարի դիմաց վճարումը կատարում է Հայաստանի Հանրապետության էներգետիկայի նախարարության «Հայգազարդ» պետական կոնցեռնին` բնական գազով:

«Գազպրոմ» ռուսաստանյան բաժնետիրական ընկերությունը կանոնադրական հիմնադրամի ավելացման համար իր կողմից վճարման ենթակա 121,5 մլն ԱՄՆ-ի դոլարի դիմաց վճարումը կատարում է Հայաստանի Հանրապետության էներգետիկայի նախարարության «Հայգազարդ» պետական կոնցեռնին` բնական գազով.

դ) «ՀայՌուսգազարդ» փակ բաժնետիրական ընկերությունը Հայաստանի Հանրապետության գազատրանսպորտային համակարգը որպես սեփականություն իրեն փոխանցվելու հետ միաժամանակ իր վրա է վերցնում Հայաստանի Հանրապետության սպառողների անվտանգ և անխափան գազամատակարարման վերաբերյալ կնքված պայմանագրերով ստանձնած իրավունքներն ու պարտականությունները, Հայաստանի Հանրապետության տարածքով երրորդ երկրներ գազի տարանցիկ փոխադրումը, գազատրանսպորտային համակարգն աշխատունակ վիճակում պահելու և այլ իրավունքներ ու պարտականություններ` Հայաստանի Հանրապետության օրենսդրությանը և «ՀայՌուսգազարդ» փակ բաժնետիրական ընկերության կանոնադրությանը համապատասխան:

4. Հայաստանի Հանրապետության ֆինանսների և էկոնոմիկայի նախարարությանն ու Հայաստանի Հանրապետության էներգետիկայի նախարարությանը` մեկամսյա ժամկետում`

ա) նախապատրաստել Հայաստանի Հանրապետության և Ռուսաստանի Դաշնության միջև կնքվելիք միջկառավարական պայմանագրի նախագիծ բնական գազի մատակարարման պայմանների և Հայաստանի Հանրապետության պետական սահմանի վրա գազի գնի վերաբերյալ.

բ) ճշտել Հայաստանի Հանրապետության գազատրանսպորտային համակարգի դեբիտորական և կրեդիտորական պարտքերի չափերն ու պատկանելությունը և Հայաստանի Հանրապետության կառավարություն ներկայացնել առաջարկություններ դրանց առնչվող խնդիրների լուծման վերաբերյալ:

5. Հայաստանի Հանրապետության սեփականաշնորհման նախարարությանը, Հայաստանի Հանրապետության էներգետիկայի նախարարությանը, Հայաստանի Հանրապետության ֆինանսների և էկոնոմիկայի նախարարությանը, Հայաստանի Հանրապետության արդարադատության նախարարությանը` Հայաստանի Հանրապետության էներգետիկայի հանձնաժողովի հետ համատեղ մեկամսյա ժամկետում Հայաստանի Հանրապետության կառավարություն ներկայացնել առաջարկություն սույն որոշման 3-րդ կետում նշված Հայաստանի Հանրապետության գազատրանսպորտային համակարգի գույքի սահմանված կարգով մասնավորեցման նախապատրաստական աշխատանքների վերաբերյալ:

6. Սույն որոշումն ուժի մեջ է մտնում 1998 թվականի ապրիլի 30-ից:

 

 

pin
ՀՀ կառավարություն
30.04.1998
N 259
Որոշում