Սեղմել Esc փակելու համար:
ՀՀ ԱՅԳԵԳՈՐԾԱԿԱՆ ԸՆԿԵՐՈՒԹՅՈՒՆՆԵՐԻ ՏԱՐԱ...
Քարտային տվյալներ

Տեսակ
Գործում է
Ընդունման ամսաթիվ
Համար

Վավերացման ամսաթիվ
ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

ՀՀ ԱՅԳԵԳՈՐԾԱԿԱՆ ԸՆԿԵՐՈՒԹՅՈՒՆՆԵՐԻ ՏԱՐԱԾՔՆԵՐԸ ՍՆՈՂ ԷԼԵԿՏՐԱՏՆՏԵՍՈՒԹՅՈՒՆՆԵՐԻ ԳՈՒՅՔԻ ...

 

 

040.0299.190598

«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ

 

«19» մայիսի 1998 թ.

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

 

19 մայիսի 1998 թվական թիվ 299

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՅԳԵԳՈՐԾԱԿԱՆ ԸՆԿԵՐՈՒԹՅՈՒՆՆԵՐԻ ՏԱՐԱԾՔՆԵՐԸ ՍՆՈՂ ԷԼԵԿՏՐԱՏՆՏԵՍՈՒԹՅՈՒՆՆԵՐԻ ԳՈՒՅՔԻ ՊԱՏԿԱՆԵԼՈՒԹՅՈՒՆԸ ԿԱՆՈՆԱԿԱՐԳԵԼՈՒ ՄԱՍԻՆ

 

Հայաստանի Հանրապետության այգեգործական ընկերությունների տարածքները սնող էլեկտրատնտեսությունների գույքի պատկանելությունը կանոնակարգելու նպատակով Հայաստանի Հանրապետության կառավարությունը որոշում է.

1. Հայաստանի Հանրապետության նախարարություններին և գերատեսչություններին` երկամսյա ժամկետում գույքագրել իրենց կամ իրենց համակարգի ձեռնարկությունների, հիմնարկների և կազմակերպությունների տնօրինության այգեգործական տարածքները սնող էլեկտրատնտեսությունների գույքը և այն սահմանված կարգով հանձնել Հայաստանի Հանրապետության էներգետիկայի նախարարությանը` մարզային էլեկտրացանցային պետական փակ բաժնետիրական ընկերությունների տնօրինությանը հանձնելու համար:

2. Հայաստանի Հանրապետության էներգետիկայի նախարարությանը`

ա) այգեգործների հայկական հանրապետական կամավոր ընկերության հետ համատեղ ուսումնասիրել սեփականության իրավունքով նրանց պատկանող այգեգործական ընկերությունների տարածքները սնող էլեկտրատնտեսությունների գույքը և այգեգործական ընկերությունների համաձայնության դեպքում համատեղ գույքագրել, գնահատել և սահմանված կարգով կազմակերպել դրա հանձնումը Հայաստանի Հանրապետության էներգետիկայի նախարարության մարզային էլեկտրացանցային պետական փակ բաժնետիրական ընկերությունների տնօրինությանը.

բ) օրենքով սահմանված կարգով տիրազուրկ ճանաչված այգեգործական ընկերությունների տարածքները սնող էլեկտրատնտեսությունների գույքը գույքագրել, գնահատել և հանձնել Հայաստանի Հանրապետության էներգետիկայի նախարարության մարզային էլեկտրացանցային պետական փակ բաժնետիրական ընկերությունների տնօրինությանը:

3. Սույն որոշումն ուժի մեջ է մտնում 1998 թվականի մայիսի 19-ից:

 

 

pin
ՀՀ կառավարություն
19.05.1998
N 299
Որոշում