Սեղմել Esc փակելու համար:
ՀԱՇՄԱՆԴԱՄՆԵՐԻ ՍՈՑԻԱԼԱԿԱՆ ՊԱՇՏՊԱՆՈՒԹՅԱ...
Քարտային տվյալներ

Տեսակ
Գործում է
Ընդունող մարմին
Ընդունման ամսաթիվ
Համար

ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

ՀԱՇՄԱՆԴԱՄՆԵՐԻ ՍՈՑԻԱԼԱԿԱՆ ՊԱՇՏՊԱՆՈՒԹՅԱՆ 2009 ԹՎԱԿԱՆԻ ՏԱՐԵԿԱՆ ԾՐԱԳՐԻ ԵՎ ԱՅԴ ԾՐԱԳՐՈ ...

 

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՆԻՍՏԻ
ԱՐՁԱՆԱԳՐՈՒԹՅՈՒՆԻՑ ՔԱՂՎԱԾՔ

 

28 օգոստոսի 2008 թվականի N 35

 

5. ՀԱՇՄԱՆԴԱՄՆԵՐԻ ՍՈՑԻԱԼԱԿԱՆ ՊԱՇՏՊԱՆՈՒԹՅԱՆ 2009 ԹՎԱԿԱՆԻ ՏԱՐԵԿԱՆ ԾՐԱԳՐԻ ԵՎ ԱՅԴ ԾՐԱԳՐՈՎ ՆԱԽԱՏԵՍՎԱԾ ՄԻՋՈՑԱՌՈՒՄՆԵՐԻ ՑԱՆԿԻ ՆԱԽԱԳԾԻՆ ՀԱՎԱՆՈՒԹՅՈՒՆ ՏԱԼՈՒ ՄԱՍԻՆ

(1-ին մաս)

 

Հավանություն տալ հաշմանդամների սոցիալական պաշտպանության 2009 թվականի տարեկան ծրագրի և այդ ծրագրով նախատեսված միջոցառումների ցանկի նախագծին` համաձայն NN 1, 2 հավելվածների, և այն «Հայաստանի Հանրապետության 2009 թվականի պետական բյուջեի մասին» Հայաստանի Հանրապետության օրենքի նախագծի կազմում` սահմանված կարգով ներկայացնել Հայաստանի Հանրապետության Ազգային ժողով:

 

ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ

2008 ԹՎԱԿԱՆԻ ՍԵՊՏԵՄԲԵՐԻ 3-ԻՆ

 

Հավելված N 1

ՀՀ կառավարության

2008 թվականի օգոստոսի 28-ի

նիստի N 35 արձանագրային

որոշման

 

ՀԱՇՄԱՆԴԱՄՆԵՐԻ ՍՈՑԻԱԼԱԿԱՆ ՊԱՇՏՊԱՆՈՒԹՅԱՆ 2009 ԹՎԱԿԱՆԻ ՏԱՐԵԿԱՆ ԾՐԱԳԻՐ

 

ՆԵՐԱԾՈՒԹՅՈՒՆ

 

1. Հաշմանդամների սոցիալական պաշտպանության 2009 թ. տարեկան ծրագիրը (այսուհետ` Տարեկան ծրագիր) մշակվել է «Հայաստանի Հանրապետությունում հաշմանդամների սոցիալական պաշտպանության մասին» Հայաստանի Հանրապետության օրենքի 5.1 հոդվածին համապատասխան:

2. Ծրագիրը կազմելիս հաշվի են առնվել ՀՀ կառավարության 2005 թ. նոյեմբերի 3-ի արձանագրային որոշմամբ հավանության արժանացած «Հաշմանդամների սոցիալական պաշտպանության 2006-2015 թթ. ռազմավարության» հիմնական ուղղությունները: Ծրագիրը համահունչ է ՀՀ կառավարության կողմից հաստատված Աղքատության հաղթահարման ռազմավարական ծրագրի, «Հաշմանդամների իրավունքների մասին» ՄԱԿ-ի կոնվենցիայի և Եվրոպայի Խորհրդի «Հաշմանդամների իրավունքների և հասարակության կյանքում նրանց լիարժեք մասնակցության խթանման. 2006-2015 թթ. Եվրոպայում հաշմանդամների կյանքի որակի բարելավման մասին» գործողությունների ծրագրի դրույթներին:

 

Տարեկան ծրագրի հիմնական խնդիրներն են`

 

1. հաշմանդամների համար կենսագործունեության բոլոր ոլորտներում հավասար պայմանների ստեղծմանն ու հավասար հնարավորությունների ապահովմանն ուղղված միջոցառումների իրականացումը,

2. հաշմանդամություն ունեցող անձանց հարցերով զբաղվող ազգային և մարզային հանձնաժողովների աջակցությամբ հաշմանդամություն ունեցող անձանց հավասար իրավունքների և հավասար հնարավորությունների ապահովումը,

3. հաշմանդամների սոցիալական պաշտպանության հարցերին առնչվող օրենսդրության կատարելագործումը,

4. հաշմանդամների բժշկական, մասնագիտական և սոցիալական վերականգնման համար անհրաժեշտ միջոցառումների ապահովումը,

5. հաշմանդամների խնամքի, բժշկական և սոցիալական սպասարկման կազմակերպումը,

6. հաշմանդամների կրթության, մասնագիտական ուսուցման կազմակերպումն ու զբաղվածության խթանումը,

7. հաշմանդամների համար մարզական և մշակութային ծրագրերի իրականացումը,

8. հաշմանդամների հարցերով զբաղվող պետական և հասարակական կազմակերպությունների հետ համագործակցության ընդլայնումը,

9. պետության և հասարակության ուշադրության բևեռումը հաշմանդամների հիմնախնդիրների վրա:

 

ՆԵՐԿԱ ԻՐԱՎԻՃԱԿԸ

 

1. Հաշմանդամության ոլորտում իրականացվող պետական քաղաքականությունը, հիմնական մոտեցումները և պետական նպատակային ծրագրերը ուղղված են հաշմանդամություն ունեցող անձանց իրավունքների պաշտպանությանն ու հավասար պայմանների և հավասար հնարավորությունների ապահովմանը:

Շարունակվել են իրականացվել աշխատանքներ 2005 թ. նոյեմբերի 3-ին ՀՀ կառավարության հավանությանն արժանացած «Հաշմանդամների սոցիալական պաշտպանության 2006-2015 թթ. ռազմավարության» դրույթների իրականացման ուղղությամբ:

Կատարվել են լրացումներ «Հաշմանդամների վերականգնման բազային ծրագրում» (ՀՀ կառավարության 2008 թ. հունիսի 26-ին N 644-Ն որոշում): Պետության կողմից երաշխավորված ծառայությունների ցանկում ընդգրկվել են հաշմանդամների աչքի պրոթեզավորման և ձայնալարերը հեռացված հաշմանդամներին ձայնաստեղծ սարքերով ապահովման ծրագրերը:

2. Հաշմանդամների սոցիալական պաշտպանության ոլորտում ՀՀ աշխատանքի և սոցիալական հարցերի նախարարությունը համագործակցում է այլ նախարարությունների, գերատեսչությունների, հաշմանդամների հացերով զբաղվող հասարակական և միջազգային կազմակերպությունների հետ:

Կազմակերպվել են հաշմանդամների հիմնահարցերին նվիրված լայն քննարկումներ, հայտարարվել է հաշմանդամների խնդիրների հասարակությանն իրազեկելու միամսյակ, որի շրջանակներում մամուլի ասուլիսներ են հրավիրվել, տեղի են ունեցել հանդիպումներ համալսարանների ուսանողների հետ, հայտարարվել է մրցույթ հաշմանդամների մասին լավագույն լրատվական հաղորդման համար: Նման աշխատանքները շարունակվելու են:

Հաշմանդամներին ծառայություններ տրամադրող համայնքային ցերեկային կենտրոնների ստեղծման նպատակով պետական աջակցություն է ցուցաբերվում «Առաքելություն Հայաստան» և «Փրկություն» հասարակական կազմակերպություններին: Հինգ հասարակական կազմակերպություններին ֆինանսական աջակցություն է ցուցաբերվում USAID-ի սոցիալական պաշտպանության հզորացման ծրագրերի շրջանակներում:

Հաշմանդամություն ունեցող անձանց իրավունքների և շահերի պաշտպանության համար պատասխանատու պետական կառավարման ու տեղական ինքնակառավարման մարմինների և այդ ոլորտում գործող հասարակական, քաղաքական, գիտական և այլ կազմակերպությունների համագործակցությունն ապահովելու, իրականացվող աշխատանքները համակարգելու նպատակով 2008 թ. փետրվարի 25-ին ՀՀ վարչապետի որոշմամբ ստեղծվել է Հաշմանդամություն ունեցող անձանց հարցերով զբաղվող ազգային հանձնաժողով: Ստեղծվել են նաև նմանատիպ մարզային և Երևան քաղաքի հանձնաժողովներ:

3. Տարեցտարի ավելացվում են պրոթեզաօրթոպեդիկ և վերականգնողական տեխնիկական պարագաների ձեռք բերման համար հատկացվող միջոցները, դրանց որակի բարձրացման, տեսականու ընդլայնման, ինչպես նաև երեխաների ու երիտասարդ հաշմանդամների համար եվրոպական արտադրության լսողական ապարատներ ձեռք բերելու համար:

Բարեփոխումներ են իրականացվել նաև հաշմանդամների բժշկասոցիալական փորձաքննության, ինչպես նաև վերականգնողական օգնության տրամադրման ոլորտում:

Հաշմանդամների բժշկասոցիալական վերականգնումն իրականացվում է «Արթմեդ» բուժվերականգնողական կենտրոնում, «Սթրես-կենտրոն» ՓԲԸ-ում, ինչպես նաև Միջազգային Կարմիր խաչի հետվնասվածքային վերականգնողական, Գյումրու վերականգնողական, Կուրորտաբանության և ֆիզիկական բժշկության գիտահետազոտական կենտրոններում, «Օշական» մանկական վերականգնողական կենտրոնում, «Արարատ» մոր և մանկան կենտրոններում և այլն:

«Տեսողության խնդիրներ ունեցող անձանց «Արև» համակարգի ուսուցման և համակարգչային տեխնիկայի տրամադրման կարգը հաստատելու մասին» ՀՀ կառավարության որոշման ընդունումը (ՀՀ կառավարության 2008 թ. մարտի 6-ի N 211-Ն որոշում) նպատակ ունի տեսողության խնդիրներ ունեցող անձանց հասարակություն ինտեգրելու, նրանց համար, առանց այլ անձի օգնության, սովորելու և աշխատելու համար պայմաններ ապահովելու: 2008 թ.-ին առաջին անգամ պետական բյուջեի միջոցների հաշվին իրականացվում է տեսողությունից հաշմանդամ անձանց «Արև» համակարգով ուսուցանում, որի նպատակն է այդ հաշմանդամներ համար կազմակերպել անվճար համակարգչային ուսուցում և նրանց ապահովել համակարգիչներով:

4. «Հայաստանի Հանրապետությունում հաշմանդամների սոցիալական պաշտպանության մասին», «Կրթության մասին» և «Կրթության առանձնահատուկ պայմանների կարիք ունեցող անձանց կրթության մասին» ՀՀ օրենքները կանոնակարգում են հաշմանդամների և հաշմանդամ երեխայի կարգավիճակ ունեցող անձանց կրթության հարցերը: Վերջին երեք տարիների ընթացքում քառակի ավելացվել են ներառական կրթության մոդելով աշխատող դպրոցների թիվը: 2008 թվականին շարունակվել են աշխատանքներ հատուկ կրթական կարիքներ ունեցող անձանց համար նախատեսված միջոցառումների և ներառական կրթության ընդլայնման և բարելավման ուղղությամբ:

5. Հաշմանդամների զբաղվածության ապահովման խնդիրը շարունակում է մնալ սոցիալական ոլորտի դժվար լուծելի հիմնախնդիրների շարքում: «Բնակչության զբաղվածության մասին և գործազրկության դեպքում սոցիալական պաշտպանության» ՀՀ օրենքում հաշմանդամներն ամրագրվեցին որպես աշխատաշուկայում անմրցունակ խումբ և որպես այդպիսիք նրանց համար ստեղծվեցին լրացուցիչ երաշխիքներ:

2008 թ. հունվարի 1-ի դրությամբ վիճակագրական տվյալների համաձայն հանրապետությունում հաշվառված 158758 հաշմանդամներից 61%-ը աշխատանքային տարիքի են, որոնցից միայն 8% է զբաղված: Վերջին երեք տարիների ընթացքում զբաղվածության կենտրոնների կողմից աշխատանքի է տեղավորվել 186 հաշմանդամ, որից 125-ը իրականացվող ծրագրերի արդյունքում: Մասնագիտական ուսուցման արդյունքում աշխատանքի են տեղավորվել «Զբաղվածության պետական ծառայություն» գործակալության մարզային և տարածքային կենտրոններում հաշվառված աշխատանք փնտրող հաշմանդամների 30%-ը:

Հաշմանդամներ աշխատանքի վերականգնման և զբաղվածության ապահովման նպատակով բնակչության զբաղվածության ամենամյա պետական ծրագրի շրջանակներում իրականացվում են հետևյալ ծրագրերը` խորհրդատվություն, հաշմանդամների մասնագիտական ուսուցում, աշխատանքային ունակությունների վերականգնում, աշխատաշուկայում անմրցունակ խմբերին աշխատանքի ընդունելիս աշխատավարձի մասնակի փոխհատուցում գործատուին, ձեռնարկատիրական գործունեությամբ զբաղվելու նպատակով պետական գրանցման համար հաշմանդամներին ֆինանսական աջակցության տրամադրում:

Հաշվի առնելով միջազգային փորձը` նախատեսվում է ներդնել հաշմանդամների զբաղվածության ապահովման նոր մեխանիզմներ, որոնցից մեկը սոցիալական ձեռնարկությունն է:

6. Հաշմանդամների սոցիալական պաշտպանության բնագավառում կարևոր տեղ ու դեր ունի հաշմանդամներին խնամքի ու սոցիալական սպասարկման տրամադրման ծառայությունների համակարգը:

Հաշմանդամների խնամքը և սոցիալական սպասարկումը իրականացվում է ինչպես շուրջօրյա խնամքի հաստատություններում, այնպես էլ տնային պայմաններում: Սպասարկման և խնամքի որակը ապահովելու, ինչպես նաև տրամադրվող ծառայությունները պետական չափորոշիչներին համապատասխանեցնելու նպատակով հաշմանդամների խնամքը և սոցիալական սպասարկումը իրականացնող կազմակերպությունների գործունեությունը լիցենզավորվում է:

 

ՀԱՇՄԱՆԴԱՄՆԵՐԻ ՍՈՑԻԱԼԱԿԱՆ ՊԱՇՏՊԱՆՈՒԹՅԱՆ ՈԼՈՐՏՈՒՄ 2009 ԹՎԱԿԱՆԻՆ ՆԱԽԱՏԵՍՎՈՂ ՄԻՋՈՑԱՌՈՒՄՆԵՐԸ

 

1. Ինչպես անցած տարիներին, այնպես էլ 2009 թ. իրականացվելու են հաշմանդամների սոցիալական պաշտպանության և նրանց կյանքի որակի բարելավմանն ուղղված միջոցառումներ: Հաշմանդամների սոցիալական պաշտպանության ոլորտում 2009 թ. տարեկան ծրագրով նախատեսվող միջոցառումները բխում են հաշմանդամների իրավունքների ու շահերի պաշտպանությունից, հաշմանդամներին հասարակություն ինտեգրելու, նրանց համար հնարավորինս հավասար պայմաններ և հնարավորություններ ապահովելու, հաշմանդամների բժշկական, սոցիալական և մասնագիտական վերականգնողական գործընթացն առավելագույնս արդյունավետ իրականացնելու, հաշմանդամ երեխաների ներառական կրթության ու հաշմանդամների զբաղվածության խնդիրների լուծման անհրաժեշտությունից:

2. Իրականացվելու են աշխատանքներ հաշմանդամների հիմնախնդիրներին առնչվող ազգային օրենսդրությունը ՄԱԿ-ի կողմից 2006 թ.-ի դեկտեմբերին ընդունված «Հաշմանդամների իրավունքների մասին» կոնվենցիայի դրույթներին համապատասխանեցնելու ուղղությամբ:

3. Նախատեսվում է ավելի ընդլայնել համագործակցությունը հաշմանդամների հիմնահարցերով զբաղվող հասարակական կազմակերպությունների հետ:

4. Հաշմանդամների սոցիալական պաշտպանությանն ուղղված 2009 թվականի համար նախատեսված միջոցառումների ցանկը կցվում է:

 

_________________________

ԻՐՏԵԿ - շարունակությունը հաջորդ մասում

 

 

pin
ՀՀ կառավարություն
28.08.2008
N 35
Արձանագրային որոշում