ԳՈՒՄԱՐ ՀԱՏԿԱՑՆԵԼՈՒ ՄԱՍԻՆ

040.0363.120698

«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ

«12» հունիսի 1998 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

12 հունիսի 1998 թվական թիվ 363

ԳՈՒՄԱՐ ՀԱՏԿԱՑՆԵԼՈՒ ՄԱՍԻՆ

«Պետական տուրքի մասին» Հայաստանի Հանրապետության օրենքի 31 հոդվածի «ա» կետին, ինչպես նաև 1996 թվականի սեպտեմբերի 27-ին Մոսկվայում ստորագրված «Հայաստանի Հանրապետության կառավարության և Ռուսաստանի Դաշնության կառավարության միջև Հայաստանի Հանրապետության տարածքում ռուսաստանյան ռազմակայանի տեղաբաշխման կետերի և ռուսաստանյան ռազմակայանի տեղաբաշխման ու գործառման համար հողամասերի հանձնման ու օգտագործման կարգի մասին» համաձայնագրի 4 հոդվածին համապատասխան Հայաստանի Հանրապետության կառավարությունը որոշում է.

1. Ռուսաստանյան ռազմակայանի անշարժ գույքի պետական գրանցման և սեփականության (օգտագործման) իրավունքի վկայականների տրամադրման համար պետական տուրք վճարելու նպատակով Հայաստանի Հանրապետության կառավարության պահուստային ֆոնդից հատկացնել 150,0 հազ. դրամ:

2. Սույն որոշումն ուժի մեջ է մտնում 1998 թվականի հունիսի 12-ից: