ԴՊՐՈՑԱԿԱՆՆԵՐԻ ԱՄԱՌԱՅԻՆ ՀԱՆԳՍՏԻ ԿԱԶՄԱԿԵՐՊՄԱՆ ՄԱՍԻՆ

041.0357.190698

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

ՈՐՈՇՈՒՄ

19 հունիսի 1998 թվականի թիվ 357

ԴՊՐՈՑԱԿԱՆՆԵՐԻ ԱՄԱՌԱՅԻՆ ՀԱՆԳՍՏԻ ԿԱԶՄԱԿԵՐՊՄԱՆ ՄԱՍԻՆ

1. Մանկապատանեկան առողջարարական ճամբարների նախապատրաստման և «Ամառ-98» դպրոցականների ամառային հանգստի հետ կապված աշխատանքների կազմակերպման նպատակով ստեղծել մանկապատանեկան առողջարարական ճամբարների աշխատանքների կազմակերպման հանձնաժողով (կազմը կցվում է):

Հանձնաժողովին`

ա) կազմակերպել 5000 դպրոցահասակ երեխաների ամառային հանգիստը 1998 թվականի հուլիսի 1-ից, երկու հերթափոխով` 20-ական օրով.

բ) 5-օրյա ժամկետում հաստատել հանձնաժողովի կանոնադրությունը.

գ) հաստատել մանկապատանեկան առողջարարական ճամբարներում հանգստացող երեխաների օրվա օրինակելի ռեժիմը.

դ) միջազգային մարդասիրական կազմակերպությունների հետ համատեղ քննության առնել և լուծել մանկապատանեկան առողջարարական ճամբարներն անհրաժեշտ քանակությամբ և տեսականիով սննդամթերքով ապահովելու հարցը.

ե) մինչև 1998 թվականի սեպտեմբերի 25-ը ամփոփել մանկապատանեկան առողջարարական ճամբարների գործունեությունը:

2. Հայաստանի Հանրապետության ֆինանսների և էկոնոմիկայի նախարարությանը` սահմանված կարգով հաստատել`

ա) 1998 թվականի մանկապատանեկան առողջարարական ճամբարներում հանգստացող մեկ երեխայի մեկ օրվա սննդամթերքի չափաբաժինը.

բ) ըստ երեխաների թվի` ճամբարների աշխատողների (վարչատնտեսական, դաստիարակչական, բուժ և սպասարկող) թիվը.

գ) մեկ երեխայի մեկ օրվա հաշվարկով կոմունալ ծախսերը:

3. Մանկապատանեկան առողջարարական ճամբարներ ունեցող Հայաստանի Հանրապետության նախարարություններին և գերատեսչություններին`

ա) մինչև 1998 թվականի հունիսի 158-ը հանձնաժողովին ներկայացնել հանձնաժողովի կողմից սահմանված ձևի հայտ ճամբարների պատրաստականության մասին.

բ) հանձնաժողովի կողմից սահմանված կարգով ընտրված ճամբարների նախապատրաստական աշխատանքներն ավարտել մինչև 1998 թվականի հունիսի 25-ը:

4. Հայաստանի Հանրապետության մարզպետներին և Երևանի քաղաքապետին` ՀԱՄԿ-ի հետ ճշտել զոհված ազատամարտիկների, ծնողազուրկ և սակավ ապահովված բազմազավակ ընտանիքների դպրոցահասակ երեխաների ցուցակները և մինչև 1998 թվականի հունիսի 25-ը դրանք ներկայացնել հանձնաժողովին:

5. Հայաստանի Հանրապետության կրթության և գիտության նախարարությանը` մինչև 1998 թվականի հունիսի 20-ը հանձնաժողովի կողմից ներկայացվող հայտերի համաձայն մանկապատանեկան առողջարարական ճամբարներն ապահովել մանկավարժական կադրերով ու ջոկատավարներով:

6. Հայաստանի Հանրապետության առողջապահության նախարարությանը` ձեռնարկել միջոցներ Հանքավանի միջճամբարային մեկուսարանի աշխատանքները 1998 թվականի հուլիսի1-ից և հանձնաժողովի ներկայացրած հայտերի համաձայն մանկապատանեկան առողջարարական ճամբարները բժշկական կադրերով ապահովելու ուղղությամբ:

7. Հայաստանի Հանրապետության ներքին գործերի և ազգային անվտանգության նախարարությանը, Հայաստանի Հանրապետության տրանսպորտի նախարարության ը, Հայաստանի Հանրապետության մարզպետներին, Երևանի քաղաքապետին` ապահովել հանգստի մեկնող և վերադարձող երեխաների անվտանգ փոխադրումը:

8. Հայաստանի Հանրապետության էներգետիկայի նախարարությանը` Կոտայքի մարզպետի հետ համատեղ ապահովել 1998 թվականի հունիսի 25-իցմինչև օգոստոսի 30-ը մարզում գործող մանկապատանեկան առողջարարական ճամբարներին էլեկտրաէներգիայի անխափան մատակարարումը:

9. Հայաստանի Հանրապետության կառավարությանն առընթեր տեղեկատվության և գրահրատարակչության վարչությանը` 1998 թվականի ամառվա ընթացքում մամուլում և զանգվածային լրատվության մյուս միջոցներով պարբերաբար լուսաբանել դպրոցահասակ երեխաների ամառային հանգստի հետ կապված աշխատանքները:

Հաստատված է

ՀՀ վարչապետի 1998 թվականի

հունիսի 19-ի թիվ 357 որոշմամբ

ԿԱԶՄ

Մանկապատանեկան առողջարարական ճամբարների

աշխատանքների կազմակերպման հանձնաժողովի

    Լ. Մկրտչյան       - ՀՀ կրթության և  գիտության նախարար

                        (հանձնաժողովի նախագահ)

    Ա. Թոփուզյան      - ՀՀ կրթության և  գիտության նախարարի տեղակալ

                        (հանձնաժողովի նախագահի տեղակալ)

Մ. Հարությունյան  - ՀԱՄԿ-ի նախագահ (հանձնաժողովի նախագահի տեղակալ)

    Վ. Դալլաքյան      - ՀՀ Ազգային ժողովի պետաիրավական  հարցերի մշտական

                        հանձնաժողովի նախագահի տեղակալ  

    Դ. Հակոբյան       - ՀՀ սոցիալական ապահովության նախարարի տեղակալ

    Բ. Սայադյան       - ՀՀ առողջապահության նախարարի տեղակալ

    Ք. Մանուկյան      - Կոտայքի մարզպետի տեղակալ

    Մ. Երանոսյան      - ՀՀ ֆինանսների և  էկոնոմիկայի նախարարության

                        վարչության պետ

    Ա. Քերոբյան       - «Զոհված ազատամարտիկների մայրերի և  կանանց

                        միության» հասարակական կազմակերպության նախագահ

    Կ. Հայրապետյան    - ՀՀ կառավարության աշխատակազմի սոցիալական հարցերի

                        վարչության պետ (հանձնաժողովի քարտուղար)