Սեղմել Esc փակելու համար:
ՄԻՋԳԵՐԱՏԵՍՉԱԿԱՆ ՀԱՆՁՆԱԺՈՂՈՎ ՍՏԵՂԾԵԼՈՒ...
Քարտային տվյալներ

Տեսակ
Գործում է
Ընդունման ամսաթիվ
Համար

ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

ՄԻՋԳԵՐԱՏԵՍՉԱԿԱՆ ՀԱՆՁՆԱԺՈՂՈՎ ՍՏԵՂԾԵԼՈՒ ՄԱՍԻՆ

 

 

041.0358.220698

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

ՈՐՈՇՈՒՄ

 

22 հունիսի 1998 թվականի թիվ 358

 

ՄԻՋԳԵՐԱՏԵՍՉԱԿԱՆ ՀԱՆՁՆԱԺՈՂՈՎ ՍՏԵՂԾԵԼՈՒ ՄԱՍԻՆ

 

Հայաստանի Հանրապետության տարածքում տեղի ունեցող տարերային աղետների պատճառած վնասները գնահատելու և դրանց վերացման առաջնահերթ միջոցառումներ օպերատիվորեն կազմակերպելու նպատակով`

1. Ստեղծել միջգերատեսչական հանձնաժողով և հաստատել նրա կազմը (կցվում է):

2. Հաստատել միջգերատեսչական հանձնաժողովի աշխատանքի կանոնակարգը (կցվում է):

 

Հաստատված է

ՀՀ վարչապետի 1998 թվականի

հունիսի 22-ի թիվ 358 որոշմամբ

 

ԿԱԶՄ

 

ՄԻՋԳԵՐԱՏԵՍՉԱԿԱՆ ՀԱՆՁՆԱԺՈՂՈՎ

 

    Դ. Զադոյան        - ՀՀ տարածքային կառավարման նախարար (հանձնաժողովի

                        նախագահ)

    Ա. Թանանյան       - ՀՀ կառավարությանն առընթեր արտակարգ իրավիճակների

                        վարչության պետի առաջին տեղակալ

    Ա. Ասլիկյան       - ՀՀ ֆինանսների և  էկոնոմիկայի նախարարի առաջին

                        տեղակալ

    Խ. Դումիկյան      - ՀՀ գյուղատնտեսության նախարարի տեղակալ

    Ս. Կարապետյան     - ՀՀ քաղաքաշինության նախարարի տեղակալ

Ռ. Հարությունյան  - ՀՀ փոստի և հեռահաղորդակցության նախարարի տեղակալ

    Հ. Վարյան         - ՀՀ ներքին գործերի և  ազգային անվտանգության

                        նախարարի տեղակալ

    Է. Կարապետյան     - ՀՀ տրանսպորտի նախարարության վարչության պետ

    Ս. Կոտոլիկյան     - ՀՀ էներգետիկայի նախարարության վարչության պետ

                      - մարզպետ

Գ. Համբարձումյան  - ՀՀ տարածքային կառավարման նախարարի աշխատակազմի

գլխավոր մասնագետ (հանձնաժողովի քարտուղար)

 

Հաստատված է

ՀՀ վարչապետի 1998 թվականի

հունիսի 22-ի թիվ 358 որոշմամբ

 

ԿԱՆՈՆԱԿԱՐԳ

 

ՄԻՋԳԵՐԱՏԵՍՉԱԿԱՆ ՀԱՆՁՆԱԺՈՂՈՎԻ ԱՇԽԱՏԱՆՔԻ

 

1. Սույն կանոնակարգով կարգավորվում են Հայաստանի Հանրապետության տարածքում տեղի ունեցող տարերային աղետների պատճառած վնասների գնահատման և դրանց վերացման առաջնահերթ միջոցառումներն օպերատիվորեն կազմակերպելու նպատակով ստեղծված միջգերատեսչական հանձնաժողովի աշխատանքները:

2. Մարզպետը մարզի տարածքում տեղի ունեցող տարերային աղետների մասին ահազանգում է Հայաստանի Հանրապետության վարչապետին, Հայաստանի Հանրապետության կառավարությանն առընթեր արտակարգ իրավիճակների վարչության պետին, սույն որոշմամբ ստեղծված միջգերատեսչական հանձնաժողովի նախագահին:

3. Միջգերատեսչական հանձնաժողովի նախագահի հանձնարարությամբ հանձնաժողովի անդամները մեկնում են աղետի վայր, տեղում ապահովում տարերային աղետների պատճառած վնասների վերացման առաջնահերթ միջոցառումների օպերատիվորեն կազմակերպումը:

4. Միջգերատեսչական հանձնաժողովը, անհրաժեշտության դեպքում, տարերային աղետի օրվանից հետո անհապաղ նախապատրաստում է Հայաստանի Հանրապետության կառավարության կամ Հայաստանի Հանրապետության վարչապետի որոշման նախագիծ պատճառած վնասների վերացման համար անհրաժեշտ առաջնահերթ նյութական և ֆինանսական միջոցների հատկացման, ինչպես նաև կազմակերպական միջոցառումների մասին, որը սահմանված կարգով քննարկման է ներկայացնում Հայաստանի Հանրապետության տարածքային կառավարման նախարարը:

5. Առաջնահերթ միջոցառումների իրականացումից հետո տարերային աղետների պատճառած վնասների վերացման աշխատանքների համակարգման վերահսկողությունը դրվում է միջգերատեսչական հանձնաժողովի վրա:

 

 

pin
ՀՀ Վարչապետ
22.06.1998
N 358
Որոշում