041.0453.270798
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
27 հուլիսի 1998 թվականի թիվ 453
ԱՄՆ-Ի ՄԻԱՑՅԱԼ ՀԱՅԿԱԿԱՆ ՀԻՄՆԱԴՐԱՄԻ ՀԱՅԱՍՏԱՆ ԿԱՏԱՐՎԱԾ ՀՈԲԵԼՅԱՆԱԿԱՆ ՉՎԵՐԹԻ ՀԵՏ ԿԱՊՎԱԾ ՄԻՋՈՑԱՌՈՒՄՆԵՐԻ ՄԱՍԻՆ
1998 թվականի հուլիսի 31-ին ԱՄՆ-ի միացյալ հայկական հիմնադրամի Հայաստան կատարած 100-րդ հոբելյանական չվերթի կապակցությամբ`
1. Հայաստանի Հանրապետության կառավարության մարդասիրական օգնության կենտրոնական հանձնաժողովին և Հայաստանի Հանրապետության արտաքին գործերի նախարարությանը` նախապատրաստել այցելության ծրագիրը և ապահովել հյուրերի Հայաստանում գտնվելու ընթացքում միջոցառումների իրականացումն ըստ արարողակարգի:
2. Հայաստանի Հանրապետության արդյունաբերության և առևտրի նախարարությանը` հյուրերին 1998 թվականի հուլիսի 31-ից մինչև օգոստոսի 4-ը տեղավորել «Արմենիա-1» հյուրանոցում, ապահովել նրանց սնունդը և սպասարկման համար տրամադրել մեկ ավտոբուս` համաձայն Հայաստանի Հանրապետության կառավարության մարդասիրական օգնության կենտրոնական հանձնաժողովի հայտի:
3. Շիրակի մարզպետարանին` Հայաստանի Հանրապետության կառավարության մարդասիրական օգնության կենտրոնական հանձնաժողովի հետ համատեղ նախապատրաստել հյուրերի այցը Գյումրի:
4. Հայաստանի Հանրապետության կառավարության մարդասիրական օգնության կենտրոնական հանձնաժողովին, Հայաստանի Հանրապետության առողջապահության նախարարությանը և Հայաստանի Հանրապետության մաքսային վարչությանը` ապահովել ԱՄՆ-ի միացյալ հայկական հիմնադրամի կողմից Հայաստան առաքվող մարդասիրական բեռների ժամանակին ստացումը և բաշխումը:
5. Հայաստանի Հանրապետության քաղաքացիական ավիացիայի գլխավոր վարչությանը` ապահովել հյուրերի և հատուկ ինքնաթիռի անձնակազմի ընդունումն ու ճանապարհումը պաշտոնական պատվիրակությունների սրահում (անվճար), ինչպես նաև հատուկ ինքնաթիռի ընդունումը, կայանումը, ճանապարհումը:
6. Հայաստանի Հանրապետության մշակույթի, երիտասարդության հարցերի և սպորտի նախարարությանը` Հայաստանի Հանրապետության կառավարության մարդասիրական օգնության կենտրոնական հանձնաժողովի հետ համատեղ մշակել մշակութային ծրագիր:
7. Հայաստանի Հանրապետության կառավարությանն առընթեր տեղեկատվության և գրահրատարակչության վարչությանը` լուսաբանել հյուրերի այցը Հայաստան:
8. Հայաստանի Հանրապետության ֆինանսների և էկոնոմիկայի նախարարությանը` հյուրերի Հայաստանում գտնվելու հետ կապված ծախսերը (փոխադրամիջոց և սնունդ) կատարել Հայաստանի Հանրապետության 1998 թվականի պետական բյուջեով արտասահմանյան պատվիրակությունների ընդունելության համար նախատեսված միջոցների հաշվին, համաձայն Հայաստանի Հանրապետության կառավարության մարդասիրական օգնության կենտրոնական հանձնաժողովի ներկայացրած հաշվետվությունների:
Ընդունել ի գիտություն, որ հյուրերի Հայաստանում գտնվելու հետ կապված կեցության ծախսերը կկատարվեն հյուրերի հաշվին: