Սեղմել Esc փակելու համար:
ՎԻՃԱԿԱԽԱՂԵՐԻ ՉԻՐԱՑՎԱԾ ՏՈՄՍԵՐԻ ՈՉՆՉԱՑՄ...
Քարտային տվյալներ

Տեսակ
Գործում է
Ընդունման ամսաթիվ
Համար

Գրանցման ամսաթիվ
ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

ՎԻՃԱԿԱԽԱՂԵՐԻ ՉԻՐԱՑՎԱԾ ՏՈՄՍԵՐԻ ՈՉՆՉԱՑՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ

 

 

118.0202.260698

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՖԻՆԱՆՍՆԵՐԻ ԵՎ ԷԿՈՆՈՄԻԿԱՅԻ ՆԱԽԱՐԱՐՈՒԹՅՈՒՆ
ՀՐԱՄԱՆ

 

26 հունիսի 1998թ. թիվ 202

 

i

ՎԻՃԱԿԱԽԱՂԵՐԻ ՉԻՐԱՑՎԱԾ ՏՈՄՍԵՐԻ ՈՉՆՉԱՑՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ

 

Վիճակախաղ կազմակերպող և անցկացնող ձեռնարկությունների կողմից իրականացվող վիճակախաղերի կազմակերպման և անցկացման գործունեության կարգավորման նպատակով` ի կատարումն ՀՀ Կառավարության 1997թ. դեկտեմբերի 23-ի «Հայաստանի Հանրապետությունում վիճակախաղերի կազմակերպման և անցկացման լիցենզավորման կարգի» թիվ 600 որոշման

 

ՀՐԱՄԱՅՈՒՄ ԵՄ

 

Հաստատել «Վիճակախաղերի չիրացված տոմսերի ոչնչացման» կարգը (կցվում է):

 

«ՀԱՍՏԱՏՎԱԾ Է,

ՀՀ ՖԻՆԱՆՍՆԵՐԻ ԵՎ ԷԿՈՆՈՄԻԿԱՅԻ

ՆԱԽԱՐԱՐԻ

202 ԹԻՎ ՀՐԱՄԱՆՈՎ

                                      «26»     06     1998 Թ.

 

ՎԻՃԱԿԱԽԱՂԵՐԻ ՉԻՐԱՑՎԱԾ ՏՈՄՍԵՐԻ ՈՉՆՉԱՑՄԱՆ ԿԱՐԳԸ

 

I. ԸՆԴՀԱՆՈՒՐ ԴՐՈՒՅԹՆԵՐ

 

1. Սույն կարգով սահմանվում է վիճակախաղի չիրացված տոմսերի ոչնչացման կարգը:

2. Վիճակախաղի չիրացված տոմսերը ենթակա են հաշվառման և ոչնչացման վիճակախաղի կազմակերպչի կողմից հաստատված վիճակախաղի չիրացված տոմսերի հաշվառման և ոչնչացման հանձնաժողովի (այսուհետև` հանձնաժողով) ներկայությամբ`

ա) խաղարկությունով վիճակախաղի կազմակերպիչը հերթական խաղարկությունից ոչ ուշ, քան մեկ օր առաջ.

բ) ակնթարթային վիճակախաղի կազմակերպիչը լիցենզիայի գործողության ժամկետի ավարտից հետո` 5-օրվա ընթացքում:

3. Վիճակախաղի չիրացված տոմսերի ոչնչացման տեղամաս է հանդիսանում այն ձեռնարկությունը կամ կազմակերպությունը, որտեղ առկա են համապատասխան հնարավորություններ:

 

II. ՎԻՃԱԿԱԽԱՂԵՐԻ ՉԻՐԱՑՎԱԾ ՏՈՄՍԵՐԻ ՀԱՇՎԱՌՄԱՆ ԵՎ ՈՉՆՉԱՑՄԱՆ ՀԱՆՁՆԱԺՈՂՈՎԸ

 

1. Վիճակախաղի կազմակերպչի հրամանով հաստատվում է հանձնաժողովի կազմը:

Հանձնաժողովը կազմված է հանձնաժողովի նախագահից և նրա չորս անդամներից, որոնք պետք է լինեն առնվազն երեք տարբեր կազմակերպություններից կամ ձեռնարկություններից (վիճակախաղի կազմակերպիչը ներառյալ):

1. Լիազորված մարմինը իրավունք ունի ցանկացած ժամանակ նշանակել իր ներկայացուցչի հանձնաժողովի կազմում:

2. Վիճակախաղի կազմակերպիչը պարտավոր է լիազորված մարմնի ներկայացուցչին ընդգրկել հանձնաժողովի կազմում և օժանդակել նրա կողմից իրականացվող աշխատանքներին:

 

III. ՎԻՃԱԿԱԽԱՂԵՐԻ ՉԻՐԱՑՎԱԾ ՏՈՄՍԵՐԻ ՀԱՇՎԱՌՄԱՆ ԵՎ ՈՉՆՉԱՑՄԱՆ ԳՈՐԾԸՆԹԱՑԸ

 

1. Վիճակախաղի կազմակերպչի կողմից կազմվում է համապատասխան ցուցակ, որտեղ նշվում է տվյալ վիճակախաղի անվանումը, ոչնչացման ենթակա վիճակախաղի չիրացված տոմսերի տեսակը, քանակը, իսկ խաղարկությունով վիճակախաղի դեպքում խաղարկության համարը:

2. Վիճակախաղի կազմակերպչի կողմից կազմված ցուցակը, ներկայացվում է հանձնաժողովին: Վերջինս գումարում է հանձնաժողովի նիստ, որտեղ որոշում է վիճակախաղի չիրացված տոմսերի ոչնչացման ժամկետներն ու ձևերը:

3. Հանձնաժողովը, որոշված ժամկետում ժամանում է վիճակախաղի կազմակերպչի կողմից նախատեսված վայրը, որտեղ հաշվառվում է ոչնչացման ենթակա վիճակախաղի տոմսերի քանակը և ստուգվում դրանց իսկությունը:

Վիճակախաղի տոմսերի իսկության ստուգման դեպքում ստուգվում են վիճակախաղի տոմսերի մինչև 5 %-ը, կեղծիք հայտնաբերելու դեպքում` մինչև 20 %-ը:

Վիճակախաղի տոմսերի քանակի և իսկության ստուգման ժամանակ սխալ կամ կեղծիք հայտնաբերելու ընթացքում կազմվում է համապատասխան ակտ:

4. Ոչնչացման ենթակա վիճակախաղի տոմսերի հաշվառումից և վերստուգումից հետո, դրանք տեղադրվում են հատուկ պարկերում կամ ծանրոցներում ու կնքում վիճակախաղի կազմակերպչի կնիքով, որից հետո տեղափոխվում ոչնչացման տեղամաս, որտեղ կարող է կիրառվել ոչնչացման երկու եղանակով` փոշիացման (աղալու միջոցով) կամ այրման:

5. Չիրացված տոմսերի ոչնչացումից հետո կազմվում է ակտ, որը ստորագրում են հանձնաժողովի անդամները: Ակտում պարտադիր նշվում են` վիճակախաղի անունը, ոչնչացված վիճակախաղի տոմսերի ընդհանուր քանակը, խաղարկության համարը, ինչպես նաև այն տոմսերի ընդհանուր քանակը, որոնք ենթարկվել են իսկության և քանակի ստուգման:

 

ԳՐԱՆՑՎԱԾ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ

                       «19»    08      1998 Թ.

                      ՊԵՏԱԿԱՆ ԳՐԱՆՑՄԱՆ ԹԻՎ 20980172

 

 

pin
Ֆինանսների (նախկին Ֆինանս. եւ էկոն.
26.06.1998
N 202
Հրաման