041.1064.221209
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
22 դեկտեմբերի 2009 թվականի N 1064-Ա
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՄԱՅՆՔՆԵՐԻ (ԲՆԱԿԱՎԱՅՐԵՐԻ) ՔԱՂԱՔԱՇԻՆԱԿԱՆ ԾՐԱԳՐԱՅԻՆ ՓԱՍՏԱԹՂԹԵՐԻ ՄՇԱԿՄԱՆ ԱՇԽԱՏԱՆՔՆԵՐԸ ՀԱՄԱԿԱՐԳՈՂ ՄԻՋԳԵՐԱՏԵՍՉԱԿԱՆ ՀԱՆՁՆԱԺՈՂՈՎ ՍՏԵՂԾԵԼՈՒ, ՀԱՆՁՆԱԺՈՂՈՎԻ ԱՆՀԱՏԱԿԱՆ ԿԱԶՄԸ ԵՎ ԳՈՐԾՈՒՆԵՈՒԹՅԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ
Հայաստանի Հանրապետության համայնքների (բնակավայրերի) քաղաքաշինական ծրագրային փաստաթղթերի մշակման և հաստատման գործընթացի համակարգման և արդյունավետության բարձրացման նպատակով`
1. Ստեղծել Հայաստանի Հանրապետության համայնքների (բնակավայրերի) քաղաքաշինական ծրագրային փաստաթղթերի մշակման աշխատանքները համակարգող միջգերատեսչական հանձնաժողով (այսուհետ` հանձնաժողով):
2. Հաստատել`
1) հանձնաժողովի անհատական կազմը` համաձայն N 1 հավելվածի:
2) հանձնաժողովի գործունեության կարգը` համաձայն N 2 հավելվածի:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2009 ԹՎԱԿԱՆԻ ԴԵԿՏԵՄԲԵՐԻ 22-ԻՆ
Հավելված N 1
ՀՀ վարչապետի
2009 թվականի դեկտեմբերի 22-ի
N 1064-Ա որոշման
ԱՆՀԱՏԱԿԱՆ ԿԱԶՄ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՄԱՅՆՔՆԵՐԻ (ԲՆԱԿԱՎԱՅՐԵՐԻ) ՔԱՂԱՔԱՇԻՆԱԿԱՆ ԾՐԱԳՐԱՅԻՆ ՓԱՍՏԱԹՂԹԵՐԻ ՄՇԱԿՄԱՆ ԱՇԽԱՏԱՆՔՆԵՐԸ ՀԱՄԱԿԱՐԳՈՂ ՄԻՋԳԵՐԱՏԵՍՉԱԿԱՆ ՀԱՆՁՆԱԺՈՂՈՎԻ
Ա. Ղուլարյան - ՀՀ քաղաքաշինության կոմիտեի նախագահի առաջին տեղակալ
(հանձնաժողովի նախագահ)
Ն. Պետրոսյան - ՀՀ քաղաքաշինության կոմիտեի նախագահի տեղակալ
(հանձնաժողովի նախագահի տեղակալ)
Վ. Մելիքյան - ՀՀ շրջակա միջավայրի նախարարի տեղակալ
Ա. Խոջոյան - ՀՀ էկոնոմիկայի նախարարի տեղակալ
Դ. Սողոմոնյան - Կադաստրի կոմիտեի ղեկավարի տեղակալ
Ս. Մարգարյան - ՀՀ արտակարգ իրավիճակների նախարարության «Սեյսմիկ
պաշտպանության տարածքային ծառայություն» պետական ոչ
առևտրային կազմակերպության տնօրենի ժամանակավոր
պաշտոնակատար (համաձայնությամբ)
Ն. Բակունց - ՀՀ առողջապահության նախարարության «Հիվանդությունների
վերահսկման և կանխարգելման ազգային կենտրոն» պետական ոչ
առևտրային կազմակերպության գլխավոր տնօրենի տեղակալ
(համաձայնությամբ)
Հ. Սանամյան - ՀՀ կրթության, գիտության, մշակույթի և սպորտի
նախարարության ենթակայության «Պատմամշակութային
ժառանգության գիտահետազոտական կենտրոն» պետական ոչ
առևտրային կազմակերպության տնօրենի պարտականությունները
կատարող (համաձայնությամբ)
Ա. Գիլոյան - ՀՀ տարածքային կառավարման և ենթակառուցվածքների
նախարարության տեղական ինքնակառավարման քաղաքականության
վարչության պետ
Ա. Եգանյան - ՀՀ էկոնոմիկայի նախարարության արդյունաբերության
զարգացման վարչության պետ
Կ. Կոստանյան - ՀՀ ոստիկանության «Ճանապարհային ոստիկանություն»
ծառայության ճանապարհային երթևեկության կազմակերպման
հսկողության բաժնի պետ, ոստիկանության փոխգնդապետ
Ա. Սարգսյան - ՀՀ քաղաքաշինության, տեխնիկական և հրդեհային
անվտանգության տեսչական մարմնի քաղաքաշինական
գործունեության վերահսկողության վարչության պետ
Ա. Ավետիսյան - ՀՀ բարձր տեխնոլոգիական արդյունաբերության նախարարության
կապի և փոստի վարչության պետ
Համապատասխան մարզպետ
Երևանում` Երևանի գլխավոր ճարտարապետ (համաձայնությամբ)
Համապատասխան համայնքի ղեկավար (համաձայնությամբ)
Գ. Գալստյան - «Հայաստանի շինարարների միություն» հասարակական
կազմակերպության նախագահ (համաձայնությամբ)
Մ. Մինասյան - «Հայաստանի ճարտարապետների պալատ» ինքնակարգավորվող
կազմակերպության նախագահ (համաձայնությամբ)
Հ. Դավթյան - ՀՀ քաղաքաշինության կոմիտեի ճարտարապետության և
քաղաքաշինության վարչության պետ (հանձնաժողովի քարտուղար)
(1-ին հավելվածը փոփ. 18.05.10 թիվ 353-Ա, 03.11.10 թիվ 929-Ա, 23.12.11 թիվ 1254-Ա, 28.06.12 թիվ 573-Ա, 21.10.13 թիվ 957-Ա, 20.08.14 թիվ 784-Ա, 12.04.16 թիվ 276-Ա, 02.03.17 թիվ 199-Ա, 29.11.2018 թիվ 1603-Ա, 23.05.2019 թիվ 587-Ա, 29.08.2019 թիվ 1216-Ա 27.07.2020 թիվ 846-Ա, 14.08.2020 թիվ 924-Ա որոշումներ)
Հավելված N 2
ՀՀ վարչապետի
2009 թ. դեկտեմբերի 22-ի
N 1064-Ա որոշման
ԿԱՐԳ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՄԱՅՆՔՆԵՐԻ (ԲՆԱԿԱՎԱՅՐԵՐԻ) ՔԱՂԱՔԱՇԻՆԱԿԱՆ ԾՐԱԳՐԱՅԻՆ ՓԱՍՏԱԹՂԹԵՐԻ ՄՇԱԿՄԱՆ ԱՇԽԱՏԱՆՔՆԵՐԸ ՀԱՄԱԿԱՐԳՈՂ ՄԻՋԳԵՐԱՏԵՍՉԱԿԱՆ ՀԱՆՁՆԱԺՈՂՈՎԻ ԳՈՐԾՈՒՆԵՈՒԹՅԱՆ
1. Հայաստանի Հանրապետության համայնքների (բնակավայրերի) քաղաքաշինական ծրագրային փաստաթղթերի մշակման աշխատանքները համակարգող միջգերատեսչական հանձնաժողովը (այսուհետ` հանձնաժողով) ստեղծվում է Հայաստանի Հանրապետության համայնքների քաղաքաշինական ծրագրային փաստաթղթերի մշակման և հաստատման գործընթացի համակարգման, արդյունավետության բարձրացման, դրան առնչվող խնդիրների քննարկման և եզրակացությունների կազմման նպատակով:
(1-ին կետը փոփ. 23.12.11 թիվ 1254-Ա որոշում)
1.1. Սույն կարգի 1-ին կետում նշված փաստաթղթերն ու դրանց նախագծման առաջադրանքները, ինչպես նաև հաստատված փաստաթղթերի փոփոխությունները կարող են հաստատվել համայնքի ավագանու կողմից` միմիայն հանձնաժողովի դրական եզրակացության առկայության դեպքում:
(1.1-ին կետը փոփ. 23.12.11 թիվ 1254-Ա, 29.11.2018 թիվ 1603-Ա որոշումներ)
2. Հանձնաժողովի նախագահը Հայաստանի Հանրապետության քաղաքաշինության կոմիտեի նախագահն է:
(2-րդ կետը փոփ. 02.03.17 թիվ 199-Ա, 29.11.2018 թիվ 1603-Ա որոշումներ)
3. Հանձնաժողովի նիստերին կարող են հրավիրվել նիստի օրակարգում ընդգրկված հարցերին առնչվող պետական կառավարման համակարգի մարմինների, հասարակական կազմակերպությունների, ոլորտի մասնագիտական կազմակերպությունների, ինչպես նաև զանգվածային լրատվության միջոցների ներկայացուցիչներ և այլ անձինք:
(3-րդ կետը փոփ. 02.03.17 թիվ 199-Ա, 29.11.2018 թիվ 1603-Ա որոշումներ)
4. Հանձնաժողովն իր աշխատանքները կազմակերպում է նիստերի միջոցով` տարածական պլանավորման փաստաթղթերի և դրանց նախագծման առաջադրանքների քննարկման համար Հայաստանի Հանրապետության օրենսդրությամբ նախատեսված ժամկետներում և կարգով:
(4-րդ կետը փոփ. 23.12.11 թիվ 1254-Ա, 29.11.2018 թիվ 1603-Ա որոշումներ)
5. Հանձնաժողովի նիստն իրավազոր է, եթե դրան մասնակցում է հանձնաժողովի անդամների 2/3-ից ավելին:
(5-րդ կետը փոփ. 23.12.11 թիվ 1254-Ա որոշում)
6. Հանձնաժողովի նիստերը վարում է հանձնաժողովի նախագահը կամ նրա հանձնարարությամբ` հանձնաժողովի նախագահի տեղակալը:
(6-րդ կետը փոփ. 02.03.17 թիվ 199-Ա, 29.11.2018 թիվ 1603-Ա որոշումներ)
7. Հանձնաժողովի նիստերն անցկացվում են հանձնաժողովի նախագահի կողմից հաստատված օրակարգով:
8. Հանձնաժողովի նախագահը որոշում է հանձնաժողովի նիստի անցկացման վայրը և ժամը:
9. Հանձնաժողովի նիստերի օրակարգը հանձնաժողովի անդամներին է փոխանցվում նիստից առնվազն 3 աշխատանքային օր առաջ:
(9-րդ կետը փոփ. 29.11.2018 թիվ 1603-Ա որոշում)
10. Հանձնաժողովի գործավարությունը վարում է Հայաստանի Հանրապետության քաղաքաշինության կոմիտեի համապատասխան վարչությունը:
(10-րդ կետը փոփ. 02.03.17 թիվ 199-Ա, 29.11.2018 թիվ 1603-Ա որոշումներ)
11. Հանձնաժողովի նպատակը`
1) Հայաստանի Հանրապետության համայնքների քաղաքաշինական ծրագրային փաստաթղթերի (այսուհետ` տարածական պլանավորման փաստաթղթեր) մշակման գործընթացներին օժանդակելն է.
2) տարածական պլանավորման փաստաթղթերի` շահագրգիռ մարմինների հետ Հայաստանի Հանրապետության օրենսդրությամբ սահմանված համաձայնեցման գործառույթների օպտիմալացումն ու արդյունավետության բարձրացումն է.
3) տարածական պլանավորման փաստաթղթերի մշակմանն ու իրագործմանը հասարակայնության մասնակցությանը նպաստելն է:
(11-րդ կետը փոփ. 29.11.2018 թիվ 1603-Ա որոշում)
12. Հանձնաժողովի խնդիրներն են`
1) տարածական պլանավորման փաստաթղթերի և դրանց նախագծման առաջադրանքների համակողմանի քննարկումը և դրանց վերաբերյալ ընդհանուր կարծիքի ձևավորումը.
2) տարածական պլանավորման փաստաթղթերում և դրանց նախագծման առաջադրանքներում ոլորտային խնդիրների ներառման ապահովումը, ինչպես նաև տարբեր ոլորտներին վերաբերող դրույթների փոխհամաձայնեցումը:
3) տարածական պլանավորման փաստաթղթերի մշակման գործառույթների թափանցիկության ապահովմանը նպաստելը.
4) տարածական պլանավորման փաստաթղթերի մշակմանն առնչվող այլ խնդիրներ:
(12-րդ կետը փոփ. 23.12.11 թիվ 1254-Ա, 02.03.17 թիվ 199-Ա, 29.11.2018 թիվ 1603-Ա որոշումներ)
13. Հանձնաժողովի գործառույթներն են`
1) պետական կառավարման համակարգի և տեղական ինքնակառավարման մարմինների առկա և հեռանկարային ծրագրերի ներառման ապահովումը տարածական պլանավորման փաստաթղթերում.
2) Հայաստանի Հանրապետության օրենսդրությամբ սահմանված կարգով տարածական պլանավորման փաստաթղթերի մշակման ընթացքի համակարգումը` անհրաժեշտության դեպքում նաև նախագծային փաստաթղթերի մշակման փուլերի քննարկման միջոցով.
3) հաստատման ենթակա տարածական պլանավորման փաստաթղթերի և դրանց նախագծման առաջադրանքների համաձայնեցման ժամկետների կրճատման համար նախապայմանների ստեղծումը:
(13-րդ կետը փոփ. 23.12.11 թիվ 1254-Ա, 29.11.2018 թիվ 1603-Ա որոշումներ)
14. Միջգերատեսչական հանձնաժողովի կողմից դրական եզրակացություն է տրվում միայն բոլոր անդամների համաձայնության և օրենսդրությամբ սահմանված փորձաքննությունների դրական եզրակացությունների առկայության դեպքում: Միջգերատեսչական հանձնաժողովը կարող է նիստերն անցկացնել նաև հարցման միջոցով` էլեկտրոնային կապի միջոցների կիրառմամբ կամ գրավոր փաստաթղթերի փոխանցմամբ: Հարցման միջոցով հանձնաժողովի նիստն անցկացնելու դեպքում հանձնաժողովի անդամի կարծիքը համարվում է ստացված, եթե այն արտահայտվել է հանձնաժողովի անդամի կամ համապատասխան մարմնի ղեկավարի կողմից ստորագրված փաստաթղթում:
(14-րդ կետը փոփ. 03.11.10 թիվ 929-Ա, 23.12.11 թիվ 1254-Ա, 29.11.2018 թիվ 1603-Ա որոշումներ)
15. Հանձնաժողովի նիստերի արձանագրումն ապահովում է ՀՀ քաղաքաշինության կոմիտեի համապատասխան վարչությունը:
(15-րդ կետը փոփ. 02.03.17 թիվ 199-Ա, 29.11.2018 թիվ 1603-Ա որոշումներ)
16. Նիստի արձանագրության մեջ նշվում են նաև`
1) նիստի անցկացման ամիսը, ամսաթիվը, տարեթիվը և վայրը, նիստն սկսելու և ավարտելու ժամերը.
2) նիստի օրակարգը.
3) նիստին մասնակցող, հրավիրված անձանց և զանգվածային լրատվության միջոցների ներկայացուցիչների անունները.
4) քննարկվող հարցերի, զեկուցումների և ելույթների հիմնական դրույթները.
5) ընդունված աշխատակարգային որոշումները, դրանց տարածման և (կամ) հրապարակման ձևերը:
(16-րդ կետը փոփ. 29.11.2018 թիվ 1603-Ա որոշում)
17. Հանձնաժողովի քարտուղարը 5 աշխատանքային օրվա ընթացքում կազմում է նիստի արձանագրությունը, որն ստորագրվում է հանձնաժողովի նախագահի և քարտուղարի կողմից:
(17-րդ կետը փոփ. 29.11.2018 թիվ 1603-Ա որոշում)
18. Հանձնաժողովի նախագահը`
1) նախագահում է հանձնաժողովի նիստերը.
2) հաստատում է հանձնաժողովի օրակարգը և ստորագրում հանձնաժողովի նիստերի արձանագրությունները.
3) որոշում է հանձնաժողովի նիստերին հրավիրվող անձանց կազմը.
4) լսում է հանձնաժողովի կողմից ընդունված աշխատակարգային որոշումների կատարման ընթացքի մասին հաշվետվությունները և տալիս համապատասխան ցուցումներ.
4.1) հանձնաժողովի նիստում (կամ հարցման արդյունքում) հարցի վերաբերյալ միասնական կարծիք չձևավորելու դեպքում հարցը ներկայացնում է Հայաստանի Հանրապետության վարչապետի աշխատակազմ` մշտապես գործող տարածքային զարգացման և շրջակա միջավայրի նախարարական կոմիտեի (այսուհետ` նախարարական կոմիտե) առաջիկա նիստում զեկուցելու համար: Նախարարական կոմիտեի որոշումը հիմք է հարցի վերաբերյալ հանձնաժողովի վերջնական եզրակացության կազմման համար.
4.2) հանձնաժողովի կազմած եզրակացությունը տրամադրում է համապատասխան համայնքի ղեկավարին (համակցված փաստաթղթի դեպքում` համապատասխան մարզպետին)` նախագիծը կամ նախագծի փոփոխությունը ՀՀ կառավարության 2011 թվականի դեկտեմբերի 29-ի N 1920-Ն որոշման 1-ին կետով հաստատված կարգով հաստատման ներկայացնելու նպատակով.
4.3) մերժման իրավական հիմքերով համապատասխան համայնքի ղեկավարին է վերադարձնում Հայաստանի Հանրապետության օրենսդրության պահանջներին չհամապատասխանող տարածական պլանավորման փաստաթղթերի նախագծերը, դրանց առաջադրանքների նախագծերը կամ հաստատված փաստաթղթերում փոփոխությունների առաջարկությունները.
5) իր իրավասության սահմաններում իրականացնում է հանձնաժողովի գործունեության հետ կապված այլ լիազորություններ:
(18-րդ կետը փոփ. 23.12.11 թիվ 1254-Ա, 29.11.2018 թիվ 1603-Ա որոշումներ)
19. Հանձնաժողովի անդամը`
1) հանձնաժողովի նիստերի ընթացքում կամ էլեկտրոնային հարցման եղանակով քննարկվող հարցերի վերաբերյալ կարող է ներկայացնել բանավոր և (կամ) գրավոր կարծիք.
2) կարող է ներկայացնել հանձնաժողովի գործառույթներին առնչվող հարցեր` նիստի օրակարգում ընդգրկելու համար.
3) մասնակցում է աշխատակարգային որոշումների ընդունման և եզրակացությունների կազմման համար անցկացվող քվեարկությանը, հանձնաժողովի անդամների մեծամասնության հետ համաձայն չլինելու դեպքում գրավոր ներկայացնում է հարցի վերաբերյալ իր կարծիքը:
(19-րդ կետը փոփ. 23.12.11 թիվ 1254-Ա, 29.11.2018 թիվ 1603-Ա որոշումներ)
20. Հանձնաժողովի նիստերում ընդունված աշխատակարգային որոշումները կամ կազմված եզրակացությունները տեղադրվում են ՀՀ քաղաքաշինության կոմիտեի ինտերնետային կայքում:
(20-րդ կետը փոփ. 02.03.17 թիվ 199-Ա, 29.11.2018 թիվ 1603-Ա որոշումներ)