040.0531.260898
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«26» օգոստոսի 1998 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
26 օգոստոսի 1998 թվականի թիվ 531
i
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌՈՂՋԱՊԱՀՈՒԹՅԱՆ ՀԱՄԱԿԱՐԳԻ ՊՈԼԻԿԼԻՆԻԿԱՆԵՐՈՒՄ ԵՎ ԱՄԲՈՒԼԱՏՈՐԻԱՆԵՐՈՒՄ ՆԱԽԱԶՈՐԱԿՈՉԱՅԻՆ ԵՎ ԶՈՐԱԿՈՉԱՅԻՆ ՏԱՐԻՔԻ ԱՆՁԱՆՑ ԲԺՇԿԱԿԱՆ ՔՆՆՈՒԹՅՈՒՆՆ ԻՐԱԿԱՆԱՑՆԵԼՈՒ ՄԱՍԻՆ
Հայաստանի Հանրապետության կառավարության 1997 թվականի օգոստոսի 7-ի «Նախազորակոչային և զորակոչային տարիքի անձանց առողջական վիճակի գնահատման, բժշկական փորձաքննության անցկացման և բժշկական օգնության ու սպասարկման կարգը հաստատելու մասին» թիվ 325 որոշմամբ սահմանված կարգով նախազորակոչային և զորակոչային տարիքի անձանց բժշկական քննության իրականացումն ապահովելու նպատակով Հայաստանի Հանրապետության կառավարությունը որոշում է.
1. 1998 թվականի երկրորդ կիսամյակում Հայաստանի Հանրապետության առողջապահության համակարգի պոլիկլինիկաներում և ամբուլատորիաներում նախազորակոչային և զորակոչային տարիքի անձանց բժշկական քննությունն իրականացնել Հայաստանի Հանրապետության կառավարության 1998 թվականի մարտի 13-ի «Հայաստանի Հանրապետության առողջապահության համակարգի 1998 թվականի պետական պատվերի և առողջապահական պետական նպատակային ծրագրերի մասին» թիվ 174 որոշման թիվ 1 հավելվածի 03 «Պոլիկլինիկաներ և ամբուլատորիաներ» կետով նախատեսված տարեկան գումարների հաշվին:
2. Սույն որոշումն ուժի մեջ է մտնում 1998 թվականի օգոստոսի 26-ից: