Սեղմել Esc փակելու համար:
ՏԱՐԵԿԱՆ ՀԱՇՎԵՏՎՈՒԹՅՈՒՆ 2008 (1-ԻՆ ՄԱՍ)
Քարտային տվյալներ

Տեսակ
Գործում է
Ընդունող մարմին
Ընդունման ամսաթիվ
Համար

ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

Հղում իրավական ակտի ընտրված դրույթին X
irtek_logo
 

ՏԱՐԵԿԱՆ ՀԱՇՎԵՏՎՈՒԹՅՈՒՆ 2008 (1-ԻՆ ՄԱՍ)

 

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԵՐԱՀՍԿԻՉ ՊԱԼԱՏ

 

ՏԱՐԵԿԱՆ ՀԱՇՎԵՏՎՈՒԹՅՈՒՆ
2008

(1-ԻՆ մաս)

 

ԲՈՎԱՆԴԱԿՈՒԹՅՈՒՆ

 

    1.    Վերահսկիչ պալատի հաշվետու տարվա ընդհանուր նկարագիրը         85

    2.    Վերահսկողության արդյունքները                                87

    2.1.  ՀՀ գյուղատնտեսության նախարարություն                         87

    2.2.  ՀՀ բնապահպանության նախարարություն                           91

    2.3.  ՀՀ քաղաքաշինության նախարարություն                           95

    2.4.  ՀՀ տրանսպորտի և  կապի նախարարություն                        99

    2.5.  ՀՀ առողջապահության նախարարություն                          101

    2.6.  ՀՀ ԿԱ պետական եկամուտների կոմիտեի մաքսային ծառայություն    105

    2.7.  «Հայաստանի Հանրային հեռուստաընկերություն» ՓԲԸ              105

    2.8.  ՀՀ Սյունիքի մարզպետարան                                    107

    2.9.  ՀՀ Սյունիքի մարզի համայնքներ                               110

    2.10. ՀՀ Գեղարքունիքի մարզպետարան                                116

    2.11. ՀՀ Գեղարքունիքի մարզի համայնքներ                           120

    2.12. ՀՀ Արարատի մարզպետարան                                     125

    2.13. ՀՀ Արարատի մարզի համայնքներ                                127

2.14. Երևանի քաղաքապետարանի կողմից անշարժ գույքի կառավարման

          և  օգտագործման մասին                                       130

    2.15. Երևան  քաղաքի Կենտրոն համայնք                              135

    2.16. Երևան  քաղաքի Դավթաշեն համայնք                             138

    2.17. Երևան  քաղաքի Նոր Նորք համայնք                             139

2.18. Ընդերքի օգտագործման տրամադրման օրինականության և ընդերքի

          օգտագործման մասին (ընտրանքային` Երևան)                     140

2.19. Ընդերքի օգտագործման տրամադրման օրինականության և ընդերքի

          օգտագործման մասին (ընտրանքային)                            148

2.20. Պետական բաժնեմաս ունեցող ընկերությունների լուծարման

          գործընթացի մասին (ընտրանքային)                             155

2.21. «Սևան» ազգային պարկի հողերի օգտագործման տրամադրման,

այդ հողերի օգտագործման, ինչպես նաև վարձավճարների

          գանձման մասին                                              159

2.22. Համաշխարհային բանկի աջակցությամբ իրականացվող` Բնական

          պաշարների կառավարման և  չքավորության նվազեցման ծրագիր      160

2.23. Համաշխարհային բանկի աջակցությամբ իրականացվող Գյուղական

ձեռնարկությունների և փոքրածավալ առևտրային

          գյուղատնտեսության զարգացման ծրագիր                         162

2.24. Գյուղատնտեսության զարգացման միջազգային հիմնադրամի

աջակցությամբ իրականացվող` Գյուղական տարածքների

          տնտեսական զարգացման ծրագիր                                 164

2.25. Նավթ արդյունահանող երկրների կազմակերպության հիմնադրամի

և Գյուղատնտեսության զարգացման միջազգային հիմնադրամի

աջակցությամբ իրականացվող Արտադրական ենթակառուցվածքների

          վերականգնման ծրագիր                                        166

2.26. Համաշխարհային բանկի աջակցությամբ իրականացվող`

          Դատաիրավական բարեփոխումների երկրորդ ծրագիր                 167

2.27. Համաշխարհային բանկի աջակցությամբ իրականացվող`

          Քաղաքային ջեռուցման ծրագիր                                 168

2.28. Համաշխարհային բանկի աջակցությամբ իրականացվող`

          Առողջապահական համակարգի արդիականացման I և  II ծրագրեր      169

2.29. Համաշխարհային բանկի աջակցությամբ իրականացվող`

          Թռչնագրիպին հակազդման ծրագիր                               170

2.30. Համաշխարհային բանկի աջակցությամբ իրականացվող`

          «Պատվարների անվտանգության երկրորդ ծրագիր»                  172

2.31. Համաշխարհային բանկի աջակցությամբ իրականացվող`

          Կրթության որակի և  համապատասխանության ծրագիր               173

2.32. ՀՀ համայնքներում գազիֆիկացման աշխատանքների կատարման

համար բյուջեներից հատկացված միջոցների օգտագործում

          (արտածրագրային վերահսկողության թեմա)                       175

2.33. «Պետական աջակցություն ՀՀ մանկական խնամակալական

կազմակերպությունների շրջանավարտներին» ծրագիր

          (արտածրագրային վերահսկողության թեմա)                       177

    2.34. ՀՀ կառավարությանն առընթեր ոստիկանություն (հույժ գաղտնի)    179

2.35. «ՀՀ պետական բյուջեներով նախատեսված հիմնական խմբին

չդասվող այլ ծախսային ծրագրերով ՀՀ պետական այլ

մարմիններին հատկացված միջոցների օգտագործման նկատմամբ

իրականացրած վերահսկողության արդյունքների մասին» (հույժ

          գաղտնի)                                                    179

    3.    Վերահսկիչ պալատի միջազգային հարաբերությունները             180

    4.    Հավելված և  տեղեկանքներ                                    182

 

1. Վերահսկիչ պալատի հաշվետու տարվա ընդհանուր նկարագիրը

 

.______________________________________________________________________.

|Հայաստանի Հանրապետության վերահսկիչ պալատն անկախ մարմին է, որը         |

|վերահսկողություն է իրականացնում բյուջետային միջոցների և  պետական ու   |

|համայնքային սեփականության օգտագործման նկատմամբ: Վերահսկիչ պալատի      |

|գործունեության ծրագիրը հաստատում է Ազգային ժողովը:                    |

|Վերահսկիչ պալատը տարեկան ոչ պակաս, քան մեկ անգամ Ազգային ժողով է      |

|ներկայացնում վերահսկիչ պալատի վերահսկողական աշխատանքների արդյունքների |

|հաշվետվությունը: Վերահսկիչ պալատի գործունեության կարգը և              |

|իրավասությունը սահմանվում են օրենքով: Վերահսկիչ պալատի նախագահը       |

|նշանակվում է Հանրապետության Նախագահի առաջարկությամբ` Ազգային ժողովի   |

|կողմից` վեց տարի ժամկետով:                                            |

|Վերահսկիչ պալատի նախագահ կարող է նշանակվել պատգամավորին ներկայացվող   |

|պահանջներին համապատասխանող անձը: Նույն անձը չի կարող ավելի քան երկու  |

|անգամ անընդմեջ նշանակվել վերահսկիչ պալատի նախագահ:                    |

|                                                                      |

|ՀՀ Սահմանադրություն                                                   |

|                                                                      |

|Հոդված 83.4                                                           |

.______________________________________________________________________.

 

Հայաստանի Հանրապետության վերահսկիչ պալատի գործունեությունն իրականացվել է` Հայաստանի Հանրապետության Սահմանադրության և «Հայաստանի Հանրապետության վերահսկիչ պալատի մասին» Հայաստանի Հանրապետության օրենքին, Հայաստանի Հանրապետության վերահսկիչ պալատի 2008 թվականի գործունեության տարեկան ծրագրին (այսուհետ` Տարեկան ծրագիր) համապատասխան:

Վերահսկողություն իրականացնելու ընթացքում Հայաստանի Հանրապետության վերահսկիչ պալատն (այսուհետ` Վերահսկիչ պալատ) առաջնորդվել է Գերագույն վերահսկիչ ատյանների միջազգային կազմակերպության (ԳՎԱՄԿ/INTOSAI) վերահսկողության սկզբունքներով:

Վերահսկողության արդյունքներն ամփոփվել են Վերահսկիչ պալատի 37 ընթացիկ հաշվետվություններում (որից 3-ը` արտածրագրային վերահսկողության արդյունքում): Բոլոր ընթացիկ հաշվետվությունները «Վերահսկիչ պալատի մասին» ՀՀ օրենքի պահանջների համաձայն Վերահսկիչ պալատի խորհրդի (այսուհետ` Խորհուրդ) կողմից հաստատվելուց հետո տասն օրվա ընթացքում ներկայացվել են ՀՀ Նախագահին, ՀՀ Ազգային ժողով և ՀՀ կառավարություն: Ընթացիկ հաշվետվությունները հաստատվելուց հետո 30 օրվա ընթացքում տեղադրվել են Վերահսկիչ պալատի ինտերնետային էջում, բացառությամբ` «ՀՀ կառավարությանն առընթեր ոստիկանությունում պետական պատվերի և ծրագրերի կատարման նպատակով պետական բյուջեից հատկացված միջոցների օգտագործման և բյուջետային մուտքերի ապահովման, ինչպես նաև պետական սեփականության կառավարման և օգտագործման նկատմամբ իրականացված վերահսկողության արդյունքների մասին», ինչպես նաև «ՀՀ պետական բյուջեներով նախատեսված հիմնական խմբին չդասվող այլ ծախսային ծրագրերով ՀՀ պետական այլ մարմիններին հատկացված միջոցների օգտագործման նկատմամբ իրականացրած վերահսկողության արդյունքների մասին» ընթացիկ հաշվետվությունների, քանի որ դրանք պարունակում են «հույժ գաղտնի» տեղեկատվություն և դրանց կարելի է ծանոթանալ ՀՀ Ազգային ժողովում` օրենքով սահմանված կարգով:

«Վերահսկիչ պալատի մասին» ՀՀ օրենքի 24-րդ հոդվածի 2-րդ մասի պահանջներով վերահսկվող օբյեկտների ղեկավարները Վերահսկիչ պալատին տրամադրել են տեղեկատվություն ընթացիկ հաշվետվություններում ամրագրված` հայտնաբերված խախտումները վերացնելու ուղղությամբ:

«Վերահսկիչ պալատի մասին» ՀՀ օրենքի համաձայն, ՀՀ Նախագահին, ՀՀ Ազգային ժողով և ՀՀ կառավարություն է ներկայացվել երեք եզրակացություն (տեղադրվել է նաև Վերահսկիչ պալատի ինտերնետային էջում)`

. «Հայաստանի Հանրապետության 2007 թվականի պետական բյուջեի կատարման մասին» ՀՀ կառավարության հաշվետվության վերաբերյալ,

. Հայաստանի Հանրապետության կենտրոնական բանկի 2007 թվականի տարեկան հաշվետվության վերաբերյալ,

. Պետական գույքի մասնավորեցման 2006-2007 թվականների ծրագրի կատարման մասին ՀՀ կառավարության 2007 թվականի տարեկան հաշվետվության վերաբերյալ:

 

«Վերահսկիչ պալատի մասին» ՀՀ օրենքի 6-րդ հոդվածի 4-րդ մասով

սահմանված կարգով ՀՀ գլխավոր դատախազություն ուղարկված նյութերի

ընթացքի մասին.

 

Վերահսկիչ պալատի խորհրդի որոշմամբ ՀՀ գլխավոր դատախազություն են ուղարկվել քրեաիրավական բնույթի խախտումների վերաբերյալ կասկածներ պարունակող արձանագրություններ և ընթացիկ հաշվետվություններ, որի արդյունքում հարուցվել է 5 քրեական գործ, մեկ նյութ կցվել է նախապես հարուցված քրեական գործին, երկու նյութով գործի հարուցումներ մերժվել են հանցադեպի բացակայության հիմքով և արձանագրված խախտումները որակվել են որպես քաղաքացիաիրավական բնույթի, իսկ մեկ նյութով քրեական գործի հարուցումը մերժվել է` անձի նկատմամբ նույն մեղադրանքով քրեական հետապնդում իրականացնելուց հրաժարվելու մասին չվերացված որոշման առկայության պատճառով:

 

Հաշվետու տարվա ընթացքում իրականացրած վերահսկողության արդյունքում արձանագրված ընդհանուր ֆինանսական խախտումներն ու թերությունները (անարդյունավետ ծախս) միասին կազմում է 8,083,522.1 հազ. դրամ, որից վերականգնման ենթական գումարը` 5,995,172.5 հազ. դրամ, անարդյունավետ ծախսը` 1,890,704.3 հազ. դրամ: Ընդ որում, վերականգնման գումարներից աշխատանքով վերականգնված գումարը կազմում է 1,533,777.8 հազ. դրամ, իսկ պետական կամ համայնքային բյուջե վերականգնված գումարը` 852,020.5 հազ. դրամ և դեռևս ենթակա է վերականգնման` 3,609,374.5 հազ. դրամ (հավելված 1):

 

2. Վերահսկողության արդյունքները

2.1. ՀՀ գյուղատնտեսության նախարարություն

 

Վերահսկողությամբ ընդգրկված ժամանակաշրջանը` 2006-2007 թթ.

Վերահսկողության արդյունքներով արձանագրվել է`

1. Բնական կերհանդակների (արոտների) բարելավում, ջրարբիացում, գյուղատնտեսական հողատեսքերի պահպանում և ինժեներական կառուցվածքների վերանորոգում

Իրականացվել է 713,505.0 հազ. դրամի շինարարական աշխատանքներ, ընտրանքային եղանակով ուսումնասիրվել է 283,840.0 հազ. դրամի աշխատանքներ, կամ 39,8%: ՈՒսումնասիրությունից պարզվել է, որ աշխատանքները կատարվել են բազմաթիվ խախտումներով, որի արդյունքում թույլ է տրվել ծավալային հավելագրում, գումարով` 33,588.9 հազ. դրամ, որը ենթակա է վերականգնման (աղյուսակ 1):

 

աղյուսակ 1, հազ. դրամ

._________________________________________________________________________.

|  |Օբյեկտի անվանումը և |Կապալառուի       |Հավելագրում|  Վերականգնվել է   |

|  |պայմանագրի արժեքը   |անվանումը        |           |___________________|

|  |                    |                 |           |Աշխատանքով|գումարով|

|__|____________________|_________________|___________|__________|________|

|1 |Սպիտակասար          |«Ռ.Կ.Դ.» ՍՊԸ     |  2,416.2  |          | 2,416.2|

|  |(Գեղարքունիքի մարզ) |                 |           |          |        |

|  |50,000.0 հազ. դրամ  |                 |           |          |        |

|__|____________________|_________________|___________|__________|________|

|2 |Սարալիճ (Շիրակի     |«Փարվանապրոմ» ՍՊԸ| 12,117.1  | 11,692.3 | 424.8  |

|  |մարզ) 45,000.0 հազ. |                 |           |          |        |

|  |դրամ                |                 |           |          |        |

|__|____________________|_________________|___________|__________|________|

|3 |Ստեփանավան (Լոռու   |Հարավարևելյան    |  14,298.0 | 14,298.0 |        |

|  |մարզ) 69,700.0 հազ. |Շինհիդրոէներգետի-|           |          |        |

|  |դրամ                |կական            |           |          |        |

|  |                    |Ձեռնարկություն   |           |          |        |

|  |                    |ՍՊԸ              |           |          |        |

|__|____________________|_________________|___________|__________|________|

|4 |Ձորագյուղ (Կոտայքի  |«Գրիար» ՓԲԸ      |  4,757.6  |  4,757.6 |        |

|  |մարզ) 119,013.1 հազ.|                 |           |          |        |

|  |դրամ                |                 |           |          |        |

|_________________________________________|___________|__________|________|

|Ընդամենը                                 |  33,588.9 | 30,747.9 | 2,841.0|

._________________________________________________________________________.

 

2. Սահմանային հսկիչ կետերի կառուցում և վերազինում

Բագրատաշենի, Բավրայի և Գոգավանի սահմանային հսկիչ կետերում բյուջետային միջոցների հաշվին աշխատանքները կատարվել են բազմաթիվ թերություններով և խախտումներով: Թույլ է տրվել ծավալագնային հավելագրում` գումարով 30,612.8 հազ. դրամ, որը ենթակա է վերականգնման (աղյուսակ 2):

 

աղյուսակ 2, հազ. դրամ

._________________________________________________________________________.

|  |Օբյեկտի անվանումը և |Կապալառուի       |Հավելագրում|  Վերականգնվել է   |

|  |պայմանագրի արժեքը   |անվանումը        |           |___________________|

|  |                    |                 |           |Աշխատանքով|գումարով|

|__|____________________|_________________|___________|__________|________|

|1.|Բագրատաշեն 94,600.0 |«ՎԼՀԱՔ» ՍՊԸ      |   8,345.1 |  8,345.1 |        |

|  |հազ. դրամ           |                 |           |          |        |

|__|____________________|_________________|___________|__________|________|

|2.|Բավրա 94,600.0 հազ. |«ՎԼՀԱՔ» ՍՊԸ      |  14,204.2 | 14,204.2 |        |

|  |դրամ                |                 |           |          |        |

|__|____________________|_________________|___________|__________|________|

|3.|Գոգավան 60,300.0    |«Փարվանապրոմ» ՍՊԸ|  8,063.5  | 9,475.0  | 1,790.1|

|  |հազ. դրամ           |                 |           |          |        |

|_________________________________________|___________|__________|________|

|   Ընդամենը                              |  30,612.8 | 32,024.3 | 1,790.1|

._________________________________________________________________________.

 

Գոգավանի սահմանային հսկիչ կետ

Բագարանի սահմանային հսկիչ կետ

 

_____________________________________________

ԻՐՏԵԿ - սահմանային հսկիչ կետերը չեն բերվում

 

3. Գյուղատնտեսական նշանակության այլ օբյեկտների հիմնանորոգում

Մարզերի անասնաբուժական լաբորատորիաների 10 մասնաշենքերի վերանորոգման աշխատանքների (292,630.3 հազ. դրամ) ընտրանքային ուսումնասիրությունների (երկու լաբորատորիա) արդյունքում արձանագրվել է ծավալագնային հավելագրում, գումարով` 5,114.9 հազ. դրամ (աղյուսակ 3), որը ենթակա է վերականգնման:

 

աղյուսակ 3, հազ. դրամ

._________________________________________________________________________.

|  |Օբյեկտի անվանումը և |Կապալառուի       |Հավելագրում|  Վերականգնվել է   |

|  |պայմանագրի արժեքը   |անվանումը        |           |___________________|

|  |                    |                 |           |Աշխատանքով|գումարով|

|__|____________________|_________________|___________|__________|________|

| 1|Աշոցքի տարածքային   |Ագրոսպասարկում   |  2,371.0  |  2,054.2 | 316.8  |

|  |անասնաբուժական      |Ա/Մ Աշոցքի ՇՄ ՍՊԸ|           |          |        |

|  |լաբորատորիա 29,000.0|                 |           |          |        |

|  |հազ. դրամ           |                 |           |          |        |

|__|____________________|_________________|___________|__________|________|

| 2|Նոյեմբերյանի        | «ՎԱՆԳՈՌ» ՍՊԸ    |  3,300.0  |  3,175.0 | 125.0  |

|  |տարածքային          |                 |           |          |        |

|  |անասնաբուժական      |                 |           |          |        |

|  |լաբորատորիա 29,000.0|                 |           |          |        |

|  |հազ. դրամ           |                 |           |          |        |

|_________________________________________|___________|__________|________|

|             Ընդամենը                    |  5,671.0  |  5,229.2 | 441.8  |

._________________________________________________________________________.

 

4. Գետերի, հեղեղատարների հուների մաքրման և ափերի ամրացման աշխատանքներ

Ընտրանքային կարգով ուսումնասիրվել է 9-ը օբյեկտ: Շինարարական աշխատանքներում արձանագրվել է 71,029.7 հազ. դրամի ծավալային հավելագրում, որը ենթակա է վերականգնման (աղյուսակ 4):

 

Հրազդան գետի հունի մաքրման աշխատանքներ («Էջմիածին-ջրշին» ՍՊԸ)

 

________________________________

ԻՐՏԵԿ - նկարները չեն բերվում

 

աղյուսակ 4, հազ. դրամ

._________________________________________________________________________.

|  |Օբյեկտի անվանումը և  |Կապալառուի      |Հավելագրում|  Վերականգնվել է   |

|  |պայմանագրի արժեքը    |անվանումը       |           |___________________|

|  |                     |                |           |Աշխատանքով|գումարով|

|__|_____________________|________________|___________|__________|________|

| 1|Արաքս գետի ափապաշտպան|Արփա-Սևան  ԲԲԸ  |  5,540.2  |  5,540.2 |        |

|  |կառուցվածքների       |                |           |          |        |

|  |վերականգնում -       |                |           |          |        |

|  |105,400.5            |                |           |          |        |

|__|_____________________|________________|___________|__________|________|

| 2|Արաքս գետի ափապաշտպան|Սարդարապատի     |  10,936.8 | 12,625.2 |        |

|  |կառուցվածքների       |շինարար ՍՊԸ     |           |          |        |

|  |վերականգնում -       |                |           |          |        |

|  |159,140.5            |                |           |          |        |

|__|_____________________|________________|___________|__________|________|

| 3|Արաքս գետի ափապաշտպան|Ասֆալտագործ ՍՊԸ |  4,637.6  |  4,637.6 |        |

|  |կառուցվածքների       |                |           |          |        |

|  |վերականգնում -       |                |           |          |        |

|  |159,847.4            |                |           |          |        |

|__|_____________________|________________|___________|___________________|

| 4|Հրազդան գետի հունի   |Էջմիածնի ջրշին  |13,733.9   |ՀՀ վերահսկիչ պալատի|

|  |մաքրում և  հողաթմբերի|ՍՊԸ             |           |խորհրդի 05.11.08 թ.|

|  |ամրացում - 69,008.0  |                |           |թիվ 23/3 որոշմամբ  |

|__|_____________________|________________|___________|արձանագրությունները|

| 5|Հրազդան գետի հունի   |Էջմիածնի ջրշին  |  6,753.0  |ուղարկվել են ՀՀ    |

|  |մաքրում և  հողաթմբերի|ՍՊԸ             |           |գլխավոր            |

|  |ամրացում - 50,964.0  |                |           |դատախազություն     |

|__|_____________________|________________|___________|                   |

| 6|Հրազդան գետի հունի   |Էջմիածնի ջրշին  | 11,750.5  |                   |

|  |մաքրում և  հողաթմբերի|ՍՊԸ             |           |                   |

|  |ամրացում - 70,089.2  |                |           |                   |

|__|_____________________|________________|___________|___________________|

| 7|Վեդի գետի հունի      |Արևշատ-Ա  ՍՊԸ   |  2,943.1  | 1,878.7  |1,079.35|

|  |մաքրում և  ափերի     |                |           |          |        |

|  |ամրացում ՈՒրցաձոր    |                |           |          |        |

|  |համայնքի տարածքում - |                |           |          |        |

|  |58,899.6             |                |           |          |        |

|__|_____________________|________________|___________|__________|________|

| 8|Վեդի գետի հունի      |Արամ և  Արմեն   |  2,492.1  | 2,774.64 |        |

|  |մաքրում և  ափերի     |ՍՊԸ             |           |          |        |

|  |ամրացում Եղեգնավան   |                |           |          |        |

|  |համայնքի տարածքում - |                |           |          |        |

|  |46,981.2             |                |           |          |        |

|__|_____________________|________________|___________|__________|________|

| 9|Ազատ գետի հունի      |Դավիթ և  Նորայր | 12,242.5  | 12,242.5 |        |

|  |մաքրում և  ափերի     |ՍՊԸ             |           |          |        |

|  |ամրացում Ազատավան,   |                |           |          |        |

|  |Բուրաստան, Արևշատ,   |                |           |          |        |

|  |Գետազան, Դեղձուն,    |                |           |          |        |

|  |Կանաչուտ և  Նշավան   |                |           |          |        |

|  |համայնքների          |                |           |          |        |

|  |տարածքում - 224,907.0|                |           |          |        |

|_________________________________________|___________|__________|________|

|            Ընդամենը                     | 71,029.7  | 39,698.8 | 1,079.3|

._________________________________________________________________________.

 

5. «Գյուղատնտեսական էկոնոմիկայի գիտահետազոտական ինստիտուտ» ՊՈԱԿ-ին ամրակցված մասնաշենքի տանիքի վերանորոգում

Աշխատանքների համար ՀՀ կառավարության պահուստային ֆոնդից ծախսվել է 95,985.0 հազ. դրամ:

Արձանագրվել է, որ աշխատանքներն իրականացվել են թերություններով և խախտումներով, թույլ է տրվել ծավալագնային հավելագրում, գումարով` 1,770.4 հազ. դրամ, որը ենթակա է վերականգնման:

6. Անտառների ցանկապատում

Անտառի բնական վերաճին նպաստելու համար «Վայոց ձորի անտառտնտեսության» մասնաճյուղի կողմից իրականացվել է անտառի ցանկապատման աշխատանքներ` 10,517.3 հազ. դրամ: Հսկիչ չափագրման արդյունքում պարզվել է, որ ցանկապատման աշխատանքները փաստացի կատարվել է պակաս ծավալներով` 1190 մետր, գումարով` 695.3 հազ. դրամ: Միևնույն ժամանակ, փաստացի կատարված ցանկապատման աշխատանքներում պակաս բետոնե հենասյուն է տեղադրվել` գումարով 302.3 հազ. դրամ: Այսպիսով, ցանկապատման աշխատանքներում թույլ է տրվել ծավալային հավելագրում` 997.6 հազ. դրամ գումարով, որը ենթակա է վերականգնման:

7. Հայաստանի Հանրապետությունում ցորենի և գարու սերմնաբուծության զարգացման ծրագիր

ՀՀ գյուղատնտեսության նախարարությունը, խախտելով ՀՀ կառավարության 15.03.07 թ. թիվ 451 որոշմամբ սահմանված կարգը, չհավաստագրված արտադրված սերմերի ծավալների համար սերմարտադրողներին լրավճարել է 5,979.5 հազ. դրամ:

Լրավճարներն ամբողջությամբ ենթակա է վերականգնման:

8. Արհեստական սերմնավորման միջոցառումներ

Նախարարության կողմից իրականացված արհեստական սերմնավորման աշխատանքների արդյունքում մատակարար կազմակերպություններին ավելի է վճարվել 4,774.7 հազ. դրամ, որը ենթակա է վերականգնման:

9. Հողերի ագրոքիմիական հետազոտության և բերրիության բարձրացման միջոցառումներ

Ծրագրի շրջանակներում (79,106.0 հազ. դրամ) արձանագրվել է, որ «Ագրոքիմիական ծառայություն ՊՈԱԿ-ը պայմանագրով նախատեսված ծավալներից 2006-2007 թթ. ընթացքում պակաս աշխատանք է կատարել` 9,974.0 հազ. դրամ գումարով, այդ թվում` պակաս 637 հողանմուշ` 1,040.0 հազ. դրամ գումարով և պակաս 29311 փորձաքննություն` 8,934.0 հազ. դրամ գումարով: Արձանագրված 9,974.0 հազ. դրամի ծավալային հավելագրումը ենթակա է վերականգնման:

10. Անասնաբուժություն և հակահամաճարակային միջոցառումներ

Վերահսկողության արդյունքների համաձայն, կենդանիների վարակիչ հիվանդությունների հակահամաճարակային վիճակի բարելավման, մարդու և կենդանիների համար հիվանդություններից բնակչության պահպանման ծրագրով «Հանրապետական անասնաբուժական հակահամաճարակային և ախտորոշիչ կենտրոն» ՊՈԱԿ-ի կողմից 2006-2007 թթ. փաստացի չկատարված փորձաքննության դիմաց ավելի է ֆինանսավորվել 56,500.0 հազ. դրամ (2006 թ.` 41,000.0 հազ. դրամ, 456273 փորձաքննության համար և 2007 թ.` 15,500.0 հազ. դրամ` 127109 փորձաքննության համար), որը ենթակա է վերականգնման:

 

ԱՌԱՋԱՐԿՈՒԹՅՈՒՆՆԵՐ

 

._____________________________________________________________________.

|ՀՀ կառավարությանը                                                    |

|«Բույսերի կարանտինի և  երկրագործության» և  «Սննդամթերքի անվտանգության|

|և  անասնաբուժական» պետական տեսչությունների կողմից իրականացվող        |

|ստուգումների արդյունավետությունը բարձրացնելու նպատակով անհրաժեշտ է   |

|դրանք առանձնացնել ՀՀ գյուղատնտեսության նախարարությունից:             |

._____________________________________________________________________.

 

Ձեռնարկված միջոցառումների վերաբերյալ

 

Վերահսկիչ պալատի արձանագրած խախտումներին ի պատասխան ՀՀ գյուղատնտեսության նախարարի 26.12.08 թ. թիվ 04-ԱԳ-06-3963 գրությամբ տեղեկացվել է.

1. Բնական կերհանդակների (արոտների) բարելավում, ջրարբիացում, գյուղատնտեսական հողատեսքերի պահպանում և ինժեներական կառուցվածքների վերանորոգում ծրագրերով թույլ տրված 33,588.9 հազ. դրամ ծավալային հավելագրումները վերականգնվել են ամբողջությամբ, այդ թվում` 30,747.9 հազ. դրամը` շինարարական աշխատանքներով և 2,841.0 հազ. դրամը` պետական բյուջե վճարված գումարով:

2. «Սահմանային հսկիչ կետերի կառուցում» ծրագրով թույլ տրված 30,612.8 հազ. դրամ ծավալային հավելագրումները վերականգնվել են ամբողջությամբ, ընդ որում` 32,024.3 հազ. դրամը` շինարարական աշխատանքներով և 1,790.1 հազ. դրամը պետական բյուջե վճարված գումարով:

3. «Գյուղատնտեսական նշանակության այլ օբյեկտների հիմնանորոգում» ծրագրով թույլ տրված 5,114.9 հազ. դրամ ծավալային հավելագրումները վերականգնվել են ամբողջությամբ, այդ թվում` 4,870.6 հազ. դրամը` շինարարական աշխատանքներով և 649.8 հազ. դրամը` պետական բյուջե վճարված գումարով:

4. «Գետերի, հեղեղատարների հուների մաքրման և ափերի ամրացում» աշխատանքներում թույլ տրված 71,029.7 հազ. դրամ ծավալային հավելագրումներից 39,698.8 հազ. դրամը վերականգնվել է շինարարական աշխատանքներով և 1,079.3 հազ. դրամը` պետական բյուջե վճարված գումարով: «Էջմիածին ջրշին» ՍՊ ընկերության կողմից աշխատանքներում արձանագրված 32,237.4 հազ. դրամի ծավալային հավելագրման մասով նյութերն ուղարկվել են ՀՀ գլխավոր դատախազություն և փաստի առթիվ հարուցվել է քրեական գործ:

5. «Գյուղատնտեսական էկոնոմիկայի գիտահետազոտական ինստիտուտ» ՊՈԱԿ-ին ամրակցված մասնաշենքի տանիքի վերանորոգում» ծրագրով թույլ տրված 1,770.4 հազ. դրամ ծավալային հավելագրումները վերականգնվել են ամբողջությամբ, այդ թվում` 1,281.6 հազ. դրամը` շինարարական աշխատանքներով և 518.4 հազ. դրամը` պետական բյուջե վճարված գումարով:

6. «Անտառների ցանկապատում» աշխատանքներում թույլ տրված 997.6 հազ. դրամ ծավալային հավելագրումներն ամբողջությամբ վերականգնվել են շինարարական աշխատանքով:

7. «Հայաստանի Հանրապետությունում ցորենի և գարու սերմնաբուծության զարգացում» ծրագրով թույլ տրված 5,979.5 հազ. դրամ լրավճարներն ամբողջությամբ վերականգնվել են պետական բյուջե:

8. «Արհեստական սերմնավորման միջոցառումներ» ծրագրով մատակարարներին ավելի վճարված 4,774.7 հազ. դրամ գումարն ամբողջությամբ վերականգնվել է` անհատույց ծառայությունների մատուցմամբ:

9. «Ագրոքիմիական ծառայություն» ՊՈԱԿ-ի կողմից 9,974.0 հազ. դրամի չափով պակաս կատարված հողանմուշների և փորձաքննության մասով 2008 թվականի ընթացքում աշխատանքով վերականգնվել է 2,903.5 հազ. դրամ (1100 հողանմուշառում և 9200 փորձաքննություն): Մնացած չկատարված 20111 փորձաքննությունները` ՊՈԱԿ-ի կողմից անհատույց իրականացվելու են 2009 թվականի ընթացքում:

10. «Հանրապետական անասնաբուժական հակահամաճարակային և ախտորոշիչ կենտրոն» ՊՈԱԿ-ի կողմից 56,500.0 հազ. դրամի չափով փաստացի չկատարված փորձաքննության մասով 32,713.0 հազ. դրամը վերականգնվել է աշխատանքով (212495 փորձաքննություն): Մնացած` 23,787.0 հազ. դրամի չվերականգնված գումարի վերաբերյալ որևէ պարզաբանում չկա:

 

2.2. ՀՀ բնապահպանության նախարարություն

 

Վերահսկողությամբ ընդգրկված ժամանակաշրջանը` 2006-2007 թթ.

Վերահսկողության արդյունքներով արձանագրվել է`

1. Շենքերի, շինությունների և բնակարանային վարձակալության ծախսեր

Տարածքների վարձակալության համար ֆիզիկական անձանց վճարված վարձավճարներից նախարարությունը 535.7 հազ. դրամ գումարով պակաս եկամտահարկ է գանձել, որը ենթակա է վերականգնման:

2. Երկրաբանահետախուզական աշխատանքներ

«Ընդերքաբան» ՊՓԲԸ կողմից 2006 թվականին կատարված աշխատանքներում արձանագրվել է 323.6 հազ. դրամի ծավալային հավելագրում, որը ենթակա է վերականգնման:

3. Պահուստային հանքավայրերի գույքագրում

2006 և 2007 թթ. «Սահակ» ԱԿ կնքված պայմանագրերով նախատեսված 233 հանքավայրերից չի գույքագրվել 92-ը, մինչդեռ պայմանագրով նախատեսված գումարն ամբողջությամբ ստացել է: Չգույքագրված 92 հանքավայրերի համար ավելի վճարված 16,930.5 հազ. դրամը ենթակա է վերականգնման:

4. Բնապահպանության ոլորտի տեխնիկական կանոնակարգի մշակման աշխատանքներ

Ծրագրով նախատեսված երեք կանոնակարգի մշակման աշխատանքների փոխարեն, կատարվել է միայն մեկ նախագծի մշակում, որը մինչև ստուգման պահը համապատասխան վավերացում չէր ստացել և որպես նորմատիվ փաստաթուղթ չէր գործում: 2,600 հազ. դրամ գումարի ծախսը դիտվում է որպես անարդյունավետ:

5. Բնության հատուկ պահպանվող տարածքների վերանայման, սահմանների ճշտման և քարտեզագրման աշխատանքներ

- Ծրագրի շրջանակներում «ՈՒայդ Գեյթ» ՍՊԸ հարակից համայնքների և այլ հողօգտագործողների հետ չի կատարել տեխնիկական բնութագրով սահմանված վերանայված և փոփոխված սահմանների ոչ մի համաձայնեցում,

- ստուգման պահին դեռևս ոչ մի հատուկ պահպանվող տարածք ՀՀ կառավարության որոշմամբ չի հաստատվել և պետական գրանցում չի ստացել,

- «ՈՒայդ Գեյթ» ՍՊԸ կողմից ամբողջությամբ չի կատարվել քարտեզագրման աշխատանքները: Տեխնիկական բնութագրով սահմանված յուրաքանչյուր տարածքի համար 1:10000 և 1:5000 մասշտաբի քարտեզների փոխարեն կազմվել է մեկ քարտեզ:

Ծրագրի համար պետական բյուջեից հատկացված 25,000.0 հազ. դրամ ծախսը դիտվում է անարդյունավետ:

6. Ջրի ազգային ծրագրի մշակման աշխատանքներ

«Ակադեմիկոս Ի. Վ. Եղիազարովի անվ. ջրային հիմնահարցերի և հիդրոտեխնիկայի ինստիտուտ» ՓԲԸ չկատարած գույքագրման և կադաստրային գրանցման աշխատանքի դիմաց ավելի է վճարվել 14,611.9 հազ. դրամ գումար, որը ենթակա է վերականգնման:

7. Արաքս գետի հիդրոլոգիական դիտակետերի վերանորոգման և շինարարական աշխատանքներ

Շինարարական աշխատանքներում «Գոռ Տիգ» ՍՊԸ և «Նոր Բաղաբերդ» ՍՊԸ կողմից թույլ են տրվել ծավալային հավելագրումներ, համապատասխանաբար` 5,520.0 հազ. դրամ և 881.7 հազ. դրամ: Չկատարված աշխատանքների դիմաց վճարված` 6,401.7 հազ. դրամը ենթակա է վերականգնման:

8. «Ծաղկաձորը` միջազգային չափանիշներին համապատասխանող զբոսաշրջության կենտրոն» նպատակային խնդիրների լուծման միջոցառումների ցանկով նախատեսված հիդրոօդերևութաբանական միջոցառումներ

«Պահլավունիք» ՍՊԸ հետ կնքված պայմանագրում նախատեսված աշխատանքները փաստացի կատարվածից ավելի է հաշվարկվել և արդյունքում կազմակերպությանն ավելի է վճարվել 1,152.0 հազ. դրամ, որը ենթակա է վերականգնման:

9. Բնապահպանական պետական տեսչություն

Ձեռնարկությունների կողմից արտադրության և սպառման թափոնների շրջակա միջավայրում սահմանված կարգով տեղադրելու համար բնապահպանական վճարը պակաս հաշվարկելու հետևանքով պետական բյուջե պակաս է վճարվել 9,699.7 հազ. դրամ, որը ենթակա է վերականգնման:

10. Հիդրոօդերևութաբանական կայանի շենքերի և կառույցների հիմնանորոգում

Աշխատանքները կատարվել են թերություններով, կապալառու կազմակերպություններին` «Հանքավան» ՀՋԳ ԲԲԸ և «Վթարշին» ՍՊԸ ավելի է վճարվել 1,021.5 հազ. դրամ (համապատասխանաբար` 671.4 հազ. դրամ և 350.1 հազ. դրամ), որը ենթակա է վերականգնման:

11. Ծաղկաձորի օդային ավազանի աղտոտվածության մոնիտորինգի կայանի ստեղծում և շահագործում

Ծրագրի շրջանակներում «Լ.Ս.Տ. Գրուպ», «Կոմպաս» և «Ֆիտոկան» ՍՊ ընկերությունների հետ կնքված պայմանագրերով գնված սարքավորումները գտնվում են պահեստում և առ այսօր չեն տեղադրվել, իսկ կայանը չի գործում` շենք չունենալու պատճառով: Ծրագրի համար պետական բյուջեի հաշվին կատարվել է 31,752.0 հազ. դրամի անարդյունավետ ծախս:

12. Սևանա լճում և ավազանում կատարվող հիդրոօդերևութաբանական մոնիտորինգ

- Հիդրոլոգիական հատուկ նշանակության նավի մատակարարման համար «Կամար» ՓԲԸ հետ կնքված պայմանագրով նախատեսված ապրանքի մատակարարման ժամկետը խախտելու համար նախարարության կողմից չի գանձվել ժամկետանց օրերի համար նախատեսված տույժը` 10,404.0 հազ. դրամ, որը ենթակա է վերականգնման:

- Պետական բյուջեից հիդրոլոգիական նավի գնման համար վճարվել է 153,000.0 հազ. դրամ, մինչդեռ ձեռք բերված ապրանքի արժեքը` ըստ հանրապետություն ներմուծված մաքսային փաստաթղթի կազմում է 79,931.6 հազ. դրամ, տարբերությունը կազմում է 73,068.4 հազ. դրամ: Տվյալ ծախսը դիտվում է որպես անարդյունավետ:

13. ՀՀ կառավարության պահուստային ֆոնդ

Պետական բյուջեի միջոցների հաշվին «Ծովային շինարարություն և տեխնոլոգիաներ» ՍՊԸ կատարել է Սևանա լճի ափին սպորտային նավերի ակումբի շինարարության նախագծային աշխատանքներ և մտադրության հռչակագրի մշակում, որից հետո պետք է կատարվեին նախագծային և շինարարական աշխատանքները: Առ այսօր այդ ուղղությամբ ոչինչ չի արվել, ծրագրի կատարման համար հատկացված 27,762.0 հազ. դրամի ծախսը դիտվում է որպես անարդյունավետ:

14. «Գեոէկոնոմիկա» ՊՓԲ ընկերություն

2006 թ. տարեկան գործունեությամբ ստացած զուտ շահույթը պակաս ցույց տալու հետևանքով պետական բյուջե չի վճարվել 674.7 հազ. դրամ շահաբաժին, որը ենթակա է վերականգնման:

 

Ձեռնարկված միջոցառումների վերաբերյալ

 

Համաձայն ՀՀ բնապահպանության նախարարի 2009 թվականի փետրվարի 26-ի թիվ 1-ԱԱ/212 գրության`

. 2009 թվականի փետրվարի 13-ի թիվ 5-ԱԱ/128 գրությամբ տեղեկացվել է «Ընդերքաբան» ՊՓԲԸ-ին արձանագրված 323.6 հազ. դրամը վերականգնելու մասին, իսկ ՀՀ կառավարության 2008 թվականի մայիսի 15-ի թիվ 653-Ն որոշմամբ ընկերության բաժնետոմսերի կառավարման լիազորությունը վերապահվել է ՀՀ էներգետիկայի և բնական պաշարների նախարարին:

. «Սահակ» ԱԿ-ն պարտավորվել է սահմանված ժամկետում իրականացնել 92 հանքավայրերի գույքագրման աշխատանքները, գումարով` 16,930.5 հազ. դրամ:

. Ծրագրով նախատեսված 2,600.0 հազ. դրամի շրջանակներում մշակման ենթակա 3 տեխնիկական կանոնակարգերի փոխարեն մշակվել է մեկը, որը ներառում է բոլոր 3 կանոնակարգերին ներկայացվող պահանջները:

. «ՈՒայդ Գեյթ» ՍՊԸ-ն խնդրել էր ՀՀ բնապահպանության նախարարությանը երկարաձգել պայմանագրի վերջնաժամկետը մինչև 2008 թվականի մայիսի 31-ը, ինչի վերաբերյալ նախարարությունը տվել է իր համաձայնությունը: Ներկայումս «Սև լիճ» պետական արգելավայրի սահմանների նկարագիրն ու տարածքի չափը հաստատելու և «ՀՀ կառավարության 2002 թ.-ի մայիսի 29-ի թիվ 631 որոշման մեջ փոփոխություն կատարելու մասին», ինչպես նաև «Ջրվեժ» անտառապարկի սահմանների նկարագիրն ու տարածքի չափը հաստատելու մասին» ՀՀ կառավարության որոշման նախագծերը ներկայացվել են շահագրգիռ մարմիններ և գտնվում են քննարկման փուլում: Մեկամսյա ժամկետում քննարկման փուլում կլինի նաև «Էրեբունի» պետական արգելոցի սահմանների նկարագիրն ու տարածքի չափը հաստատելու մասին» ՀՀ կառավարության որոշման նախագիծը:

. Կապալառու «Ակադեմիկոս Ի. Վ. Եղիազարովի անվան ջրային հիմնահարցերի և հիդրոտեխնիկայի ինստիտուտ» ՓԲԸ-ն պարտավորվել է արձանագրված 14,611.9 հազ. դրամ գումարը վերականգնել աշխատանքով: Աշխատանքները գտնվում են ավարտական փուլում և սեղմ ժամկետներում կներկայացվի լրացուցիչ աշխատանքների ընդունման-հանձնման արձանագրությունը:

. Կապալառու «Գոռ Տիգ» ՍՊԸ-ն պարտավորվել է վերականգնման ենթակա 5,520.0 հազ. դրամ գումարի մի մասը փակել աշխատանքով, իսկ 750.0 հազ. դրամը 2008 թ.-ի նոյեմբերի 3-ին վերականգնել է պետական բյուջե: Կապալառու «Նոր Բաղաբերդ» ՍՊԸ 2009 թ. փետրվարի 20-ին թիվ 5-ԱԱ/151 գրությամբ տեղեկացվել է 881.7 հազ. դրամ վերականգնման ենթակա գումարի մասին:

. 1,152.0 հազ. դրամ վերականգնման ենթակա գումարից հիմնանորոգման աշխատանքներ իրականացնող կապալառու կազմակերպությունը` «Պահլավունիք» ՍՊԸ պարտավորվել է արձանագրված 294.0 հազ. դրամ գումարը վերականգնել աշխատանքով, իսկ 858.0 հազ. դրամի խախտումը` գումարով:

. 2009 թ.-ին տեսչական աշխատանքների կազմակերպման գործընթացում հատուկ ուշադրություն կդարձնեն ձեռնարկությունների կողմից արտադրական և սպառման թափոնների` շրջակա միջավայրում տեղադրման ծավալներին և թափոնների վտանգավորության դասերին, իսկ նախորդ տարվա ընթացքում կազմված ակտերը սահմանված կարգով կտրամադրվեն հարկային մարմիններին` համապատասխան գանձումների ապահովման նպատակով:

. Վերականգնման ենթակա 1,021.5 հազ. դրամի մասին տեղեկացվել է «Հայնախագիծ» ԲԲԸ-ին 2009 թ.-ի փետրվարի 20-ի թիվ 5-ԱԱ/150 գրությամբ:

. Մոնիտորինգի կայանի շինարարական աշխատանքները ներկայումս ավարտված են և տարվում են նախապատրաստական աշխատանքներ` սարքավորումները տեղադրելու ուղղությամբ:

. 2009 թվականի փետրվարի 13-ի թիվ 5-ԱԱ/129 գրությամբ տեղեկացվել է «Գեոէկոնոմիկա» ՊՓԲԸ-ին արձանագրված 674.4 հազ. դրամը վերականգնելու մասին, իսկ ՀՀ կառավարության 2008 թվականի մայիսի 15-ի թիվ 653-Ն որոշմամբ ընկերության բաժնետոմսերի կառավարման լիազորությունը վերապահվել է ՀՀ էներգետիկայի և բնական պաշարների նախարարին:

 

2.3. ՀՀ քաղաքաշինության նախարարություն

 

Վերահսկողությամբ ընդգրկված ժամանակաշրջանը` շինարարական աշխատանքների մասով` 2007 թ., իսկ նախարարության պահպանման ծախսերի և բնակարանների գնման վկայագրերի տրամադրման ծրագրի մասով` 2006-2007 թթ.:

Վերահսկողության արդյունքներով արձանագրվել է`

1. Պահպանման ծախսեր

Պետական բյուջեի միջոցների հաշվին վերանորոգված ավտոմեքենաները օտարվել են վերանորոգման համար ծախսված միջոցներից պակաս գնով` պետական բյուջեին պատճառելով 2,102.1 հազ. դրամի վնաս, որը ենթակա է վերականգնման:

2. Շինարարական և վերանորոգման աշխատանքներ

Պետական բյուջեից տվյալ ուղղությամբ հատկացվել է` 14,838,108.0 հազ. դրամ, որից ուսումնասիրվել է 3,273,318.1 հազ. դրամ, իրականացվել են 930,000.0 հազ. դրամի հսկիչ չափագրման աշխատանքներ: Շինարարական աշխատանքները կատարվել են թվով 213 օբյեկտում, որից ընտրանքային կարգով ստուգվել է 26-ը: Արձանագրվել է վերականգնման ենթակա 171,690.9 հազ. դրամի խախտում (աղյուսակ 1):

 

աղյուսակ 1, հազ. դրամ

 

._________________________________________________________________________.

|Հ/|Օբյեկտի անվանումը և |Կապալառու       |Հավելագրում|  Վերականգնվել է    |

|Հ |պայմանագրի արժեքը   |                |           |____________________|

|  |                    |                |           | գումարով|Աշխատանքով|

|__|____________________|________________|___________|_________|__________|

| 1|Երևանի  թիվ 177     |«Կարալանս» ՍՊԸ  |  6,694.9  | 1,449.4 | 5,245.5  |

|  |դպրոց` 245,821.0    |                |           |         |          |

|__|____________________|________________|___________|_________|__________|

| 2|Երևանի  թիվ 170     |«Կարալանս» ՍՊԸ  |  2,377.0* |  2,035.3|          |

|  |դպրոց` 275,862.1    |                |           |         |          |

|__|____________________|________________|___________|_________|__________|

| 3|Երևանի  թիվ 87      |                |           |         |          |

|  |դպրոց` 132,940.6    |«Սեմեռ» ՍՊԸ     |  16,867.2 |  3,170.2|13,697.0  |

|__|____________________|________________|___________|_________|__________|

| 4|Երևանի  պետական     |«Կարաշին տրանս» |  8,805.1* |         |7,000.1   |

|  |տեխնոլոգիական քոլեջ`|ՍՊԸ             |           |         |          |

|  |206,896.6           |                |           |         |          |

|__|____________________|________________|___________|_________|__________|

| 5|Երևանի  թիվ 196     |«Սամ Շինուժ» ՍՊԸ|  3,921.1  | 2,239.5 |1,681.6   |

|  |դպրոց` 186,720.0    |                |           |         |          |

|__|____________________|________________|___________|_________|__________|

| 6|Երևանի  թիվ 200     |«Արտաշատշին» ՍՊԸ|  7,714.0  | 4,550.0 |3,164.0   |

|  |դպրոց` 136,782.5    |                |           |         |          |

|__|____________________|________________|___________|_________|__________|

| 7|Նորատուզի թիվ 1     |«Թիվ 28 ՇՄՇ» ԲԲԸ| 15,753.1  | 7,351.5 | 8,352.5  |

|  |դպրոց` 98,245.2     |                |           |         |          |

|__|____________________|________________|___________|_________|__________|

| 8|Մարտունու           |Մարտունու       |  5,120.7  | 5,670.1 | 5,443.6  |

|  |մարզադպրոց` 78,272.2|«Նորոգշին» ԲԲԸ  |           |         |          |

|  |                    |                |           |         |          |

|__|____________________|                |___________|         |          |

| 9|Մարտունու թիվ 1     |                |  5,993.0  |         |          |

|  |դպրոց` 86,321.0     |                |           |         |          |

|__|____________________|________________|___________|_________|__________|

|10|Հրազդանի թիվ 5      |«Աշկար» ՍՊԸ     |  1,081.0  | 1,081.9 |          |

|  |դպրոց` 28,615.6     |                |           |         |          |

|__|____________________|________________|___________|_________|__________|

|11|Գավառի թիվ 5 դպրոց` |«Բազալտշին» ԱԿ  |  7,471.0  |   558.8 | 6,912.0  |

|  |59,113.3            |                |           |         |          |

|__|____________________|________________|___________|_________|__________|

|12|Եղիգի դպրոց`        |«Սերժ Մկրտչյան» | 11,163.1  | 2,472.3 | 8,133.2  |

|  |80,917.0            |ՍՊԸ             |           |         |          |

|__|____________________|________________|___________|_________|__________|

|13|Լեռնապարի           |«Արշալույս» ԱԿ  | 11,947.1  |  985.0  |10,087.1  |

|  |համայնքային կենտրոն`|                |           |         |          |

|  |48,555.5            |                |           |         |          |

|__|____________________|________________|___________|_________|__________|

|14|Եղվարդ քաղաքի       |«Կարաշին տրանս» |  3,131.0  | 3,131.0 |          |

|  |մարզադպրոց`         |ՍՊԸ             |           |         |          |

|  |107,330.0           |                |           |         |          |

|__|____________________|________________|___________|_________|__________|

|15|Դիլիջանի քաղաքային  |«Կարեն և  Իդա»  |  2,166.1  |  980.0  | 1,185.4  |

|  |գրադարան` 45,179.3  |ՍՊԸ             |           |         |          |

|__|____________________|________________|___________|_________|__________|

|16|Մովսես գյուղի       |«Հայկ և         |  7,125.8  |  386.0  | 6,739.8  |

|  |մշակույթի տուն`     |որդիներ» ԱԿ     |           |         |          |

|  |57,943.1            |                |           |         |          |

|__|____________________|________________|___________|_________|__________|

|17|Երևանի  թիվ 155     |«Գոկոշին» ՍՊԸ   |  4,827.6* |         | 4,045.2  |

|  |դպրոց` 246,304.5    |                |           |         |          |

|__|____________________|________________|___________|_________|__________|

|18|Դիլիջանի թիվ 4      |«Դիլիջանշին» ԲԲԸ|   390.6   |   88.0  | 282.8    |

|  |դպրոց` 50,764.3     |                |           |         |          |

|__|____________________|________________|___________|_________|__________|

|19|Իջևանի  թիվ 1 դպրոց`|«Վահան և        |  1,514.8  |         | 1,514.8  |

|  |58,613.3            |թոռներ» ՍՊԸ     |           |         |          |

|__|____________________|________________|___________|_________|__________|

|20|Ապարանի մշակույթի   |«Հիդրոշինարար-5»| 14,990.1  | 1,551.8 |13,438.4  |

|  |տուն` 94,579.3      |ԲԲԸ             |           |         |          |

|__|____________________|________________|___________|_________|__________|

|21|Երևանի  արվեստի     |«Արարատշին» ԲԲԸ | 3,516.7   | 1,701.7 |1,815.0   |

|  |դպրոց Ավանում`      |                |           |         |          |

|  |71,698.1            |                |           |         |          |

|__|____________________|________________|___________|_________|__________|

|22|Վարչական շենք`      |«Եղվարդշին» ԲԲԸ | 27,539.3* |  956.7  |24,862.8  |

|  |395,026.2           |                |           |         |          |

|__|____________________|________________|___________|_________|__________|

|24|Սյունիքի Խոզնավարի  |«Բերրիություն»  | 1,745.4   |         |          |

|  |դպրոց` 49,100.0     |ԲԲԸ             |           |         |          |

|__|____________________|________________|___________|_________|__________|

|25|Տաշիրի հիվանդանոց`  |«Լալվար-2» ԱԿ   | 1,689.0   |         |          |

|  |48,700.0            |                |           |         |          |

|__|____________________|________________|___________|_________|__________|

|26|Օձունի հուշահամալիրի|«Գրուրա» ԱԿ     |   785.2   |  785.2  |          |

|  |թանգարան` 2,935.4   |                |           |         |          |

|________________________________________|___________|_________|__________|

|         ԸՆԴԱՄԵՆԸ                       | 177,177.0*| 42,480.5|124,953.2 |

._________________________________________________________________________.

 

Ծանոթություն`

*-ով նշված խախտումները քննարկումների արդյունքում վերանայվել են և ընդհանուր խախտման չափը քննարկումներից հետո կազմել է` 171,690.9 հազ. դրամ, այդ թվում` Երևանի թիվ 32 դպրոցում` 2,688.7 հազ. դրամ, Երևանի պետական տեխնիկական քոլեջում` 7,000.1, Երևանի թիվ 155 դպրոցում` 4,678.5 հազ. դրամ և Վարչական շենքում` 26,542.6 հազ. դրամ:

 

Արձանագրվել են նաև արհեստական թանկացման և ապրանքների նախահաշիվները գերազանցելու փաստեր` 106,491.4 հազ. դրամի չափով անարդյունավետ ծախս (աղյուսակ 2):

 

աղյուսակ 2, հազ. դրամ

.____________________________________________________________________.

|Հ/|Օբյեկտի անվանումը և  պայմանագրի |Կապալառու         |Անարդյունավետ|

|Հ |արժեքը                          |                  |ծախս *       |

|__|________________________________|__________________|_____________|

| 1|Երևանի  թիվ 177 դպրոց` 245,821.0|«Կարալանս» ՍՊԸ    |  16,899.0 **|

|__|________________________________|__________________|_____________|

| 2|Երևանի  թիվ 170 դպրոց` 275,862.1|«Կարալանս» ՍՊԸ    |  38,872.0   |

|__|________________________________|__________________|_____________|

| 3|Երևանի  թիվ 87 դպրոց` 132,940.6 |«Սեմեռ» ՍՊԸ       |   2,410.0   |

|__|________________________________|__________________|_____________|

| 4|Երևանի  պետական տեխնոլոգիական   |«Կարաշինտրանս» ՍՊԸ|   2,668.0   |

|  |քոլեջ` 206,896.6                |                  |             |

|__|________________________________|__________________|_____________|

| 5|Երևանի  թիվ 196 դպրոց` 186,720.0|«Սամ Շինուժ» ՍՊԸ  |   3,397.0 **|

|__|________________________________|__________________|_____________|

| 6|Նորատուզի թիվ 1 դպրոց` 98,245.2 |«Թիվ 28 ՇՄՇ» ԲԲԸ  |   4,231.2   |

|__|________________________________|__________________|_____________|

| 7|Մարտունու մարզադպրոց` 78,272.2  |Մարտունու         |   9,137.0   |

|  |                                |«Նորոգշին» ԲԲԸ    |             |

|__|________________________________|__________________|_____________|

| 8|Արարատի ՈԿՖ դպրոց` 195,800.0    |«Արարատշին» ԲԲԸ   |   4,106.0   |

|__|________________________________|__________________|_____________|

| 9|Երևանի  թիվ 155 դպրոց` 246,304.5|«Գոկոշին» ՍՊԸ     |   4,912.4 **|

|__|________________________________|__________________|_____________|

|10|Դիլիջանի քաղաքային հիվանդանոց`  |«Դիլիջանշին» ԲԲԸ  |   1,566.0   |

|  |49,164.2                        |                  |             |

|__|________________________________|__________________|_____________|

|11|Իջևանի  թիվ 1 դպրոց` 58,613.3   |«Վահան և  թոռներ» |   12,442.3  |

|  |                                |ՍՊԸ               |             |

|__|________________________________|__________________|_____________|

|12|Ոսկեվազ գյուղի դպրոց` 108,113.9 |«Ագարակ» ԲԲԸ      |   5,035.0   |

|__|________________________________|__________________|_____________|

|13|Եղեգի դպրոց` 80,917.0           |«Սերժ Մկրտչյան»   |     815.6   |

|  |                                | ՍՊԸ              |             |

|______________________________________________________|_____________|

|              Ընդամենը                                |106,491.45 **|

.____________________________________________________________________.

 

3. Նախագծահետազոտական աշխատանքների իրականացում:

Պետական բյուջեից տվյալ ուղղությամբ հատկացվել է` 662,970.0 հազ. դրամ, այդ թվում` 23,950.0 հազ. դրամ Սևանա լճի առափնյա տարածքների ծրագրային փաստաթղթերի մշակման համար:

 

Ծանոթություն`

*- Նախահաշիվների սխալ կազմման և ոչ համարժեք աշխատանքների համադրումներ կատարելու արդյունքում տեղի ունեցած թանկացումներ:

**- ով նշված թանկացումները քննարկումների արդյունքում վերանայվել են և ճշտված թանկացումները կազմում են` Երևանի թիվ 177 դպրոցում` 14,369.0 հազ. դրամ, Երևանի թիվ 196 դպրոցում` 1,001.8 հազ. դրամ և Երևանի թիվ 155 դպրոցում` 3,670.0 հազ. դրամ: Ընդհանուր թանկացումը քննարկումներից հետո կազմել է` 100,323.85 հազ. դրամ:

 

2007 թ. ընթացքում պատվիրվել է 104 նախագիծ` 500,000.0 հազ դրամ գումարի չափով: Փաստացի նախագծերից միայն 98-ն են ընդգրկվել 2008 թ. բյուջեով նախատեսված և մեկը` 2009 թ. բյուջեով նախատեսված օբյեկտների շինարարական աշխատանքների կատարման համար: Մնացած 5 նախագծերի մասով կատարվել է 15,300.0 հազ. դրամի անարդյունավետ ծախս: Ընդ որում, նախագծերը կազմվել են թերի:

Սևանա լճի առափնյա տարածքների ծրագրային փաստաթղթերի մշակման համար փաստացի կատարվել է 7.1 մլն դրամի աշխատանք, սակայն վճարվել է 23,950.0 հազ. դրամ, որի արդյունքում 15,825.0 հազ. դրամ ենթակա է վերականգնման:

Բացի այդ, կատարված աշխատանքները հանձնվել են ուշացումով, որի համար չի գանձվել պայմանագրով նախատեսված տույժ` 466.8 հազ. դրամ, որը ենթակա է վերականգնման:

4. Բնակարանային ապահովում բնակարանների գնման վկայագրերի տրամադրում և սողանքային գոտիներում գտնվող բնակելի տների բնակիչների բնակարանային խնդիրների լուծում:

Բնակարանների գնման վկայագրերի տրամադրման միջոցով բնակարանային ապահովման ծրագրի իրականացման ընթացքում արձանագրվել է ՀՀ կառավարության 24.02.2005 թ. թիվ 300-Ն որոշման պահանջների խախտումը: Բացի այդ.

Կոտայքի մարզի Ողջաբերդ գյուղական համայնքի ղեկավարի կողմից ներկայացված ցուցակում ընդգրկված 11 ընտանիքներից ծրագրին մասնակցելու ցանկություն են հայտնել հինգը, որոնցից աջակցություն են ստացել չորսը` 30,303.0 հազ. դրամ գումարով: Ողջաբերդ գյուղի համայնքի ղեկավարի կողմից բնակիչներին տրվել է վթարային տների քանդման փաստի վերաբերյալ ոչ արժանահավատ տեղեկանք, որը հիմք է հանդիսացել նախատեսված ամբողջ գումարի վճարմանը: Մինչդեռ, գործող ընթացակարգով գումարն ամբողջությամբ վճարվում է բնակչի տեղահանելու վերաբերյալ տեղեկանքի առկայության դեպքում: Ընդ որում, աջակցություն ստացած չորս ընտանիքներից միայն երկուսի վթարային տներն են քանդվել, մեկ տուն քանդվել է մասնակի, իսկ մեկ ընտանիք շարունակում է բնակվել իրեն պատկանող վթարային տանը: Վերոնշյալով պայմանավորված` կատարվել է 17,316.0 հազ. դրամի անարդյունավետ ծախս:

Ծրագրի շրջանակներում Հաղարծին համայնքում պետական բյուջեից հատկացված 59,300.0 մլն դրամի չափով կատարվել է անարդյունավետ ծախս: Ըստ արձանագրված արդյունքների` 5 ընտանիք ապրում է վթարային շենքում, 7 տուն կիսաքանդ վիճակում է: Տրվել են ոչ արժանահավատ տեղեկանքներ (մարզպետարանի կողմից), որից հետո գումարները վճարվել են ամբողջությամբ:

Ծրագրի շրջանակներում Քարահունջ համայնքում պետական բյուջեից հատկացված 34,300.0 հազ. դրամ գումարի չափով կատարվել է անարդյունավետ ծախս: Ըստ արձանագրված արդյունքների` 4 ընտանիք ապրում է վթարային շենքում, 3 տուն կիսաքանդ վիճակում է և բնակարան է ձեռք բերվել կառավարության որոշմամբ սահմանված ցուցակից դուրս թվով 2 ընտանիքի համար:

5. Քաղաքաշինական պետական տեսչություն

Քաղաքաշինության բնագավառում տեսչության գործառույթների նկատմամբ իրականացված վերահսկողությամբ արձանագրվել են հետևյալ խախտումները`

. Կանաչ գոտիների վնասման վերաբերյալ ոչ մի ակտ չի կազմվել: «Վարչական իրավախախտումների վերաբերյալ» ՀՀ օրենսգրքի 157-րդ հոդվածը սահմանում է` պաշտոնատար անձանց համար` 150.000 դրամ, շինարարական կազմակերպության և քաղաքացիների համար` 100.000 դրամ վարչական տուգանք:

. Չնայած այն հանգամանքին, որ Երևանում 5.1 մլրդ դրամի շինարարական աշխատանքներ են իրականացվել 57 օբյեկտներում, տեսչությունը ստուգել է դրանցից միայն 2-ը` տուգանելով 100 հազ. դրամ: Իսկ 15 խոշոր շինարարական կազմակերպություններից ստուգվել են 4-ը, որի դեպքում տուգանքը կազմել է 200 հազ. դրամ: Երևանի քաղաքապետարանն ընդհանրապես որևէ հարցով չի տուգանվել:

. Հատկանշական է, որ «Հայր և որդի Մուրադյաններ» ՍՊԸ ստուգել են 25 անգամ` տուգանելով մեկ դեպքում, իսկ «Ախուրյան կոոպշին» ՍՊԸ ստուգվել է 13 անգամ և որևէ անգամ չի տուգանվել:

. Երևանում պատշաճ հսկողություն չի սահմանվել քաղաքաշինության բնագավառում խախտումների վերացման վերաբերյալ տրված պարտադիր կատարման ցուցումների իրականացման նկատմամբ:

 

ԱՌԱՋԱՐԿՈՒԹՅՈՒՆՆԵՐ

 

._____________________________________________________________________.

|ՀՀ կառավարությանը`                                                   |

|1. Տեխնիկական հսկողությունը դարձնել լիցենզավորման ենթակա             |

|գործունեություն:                                                     |

|2. Սահմանել կարգ, ըստ որի կապալի պայմանագրով նախատեսված յուրաքանչյուր|

|կատարողականի դիմաց վճարման գումարը նվազեցվում է կատարման տոկոսի      |

|չափով:                                                               |

|3. Սահմանել կարգ, համաձայն որի, կապալի պայմանագրով իրեն վերապահված   |

|պարտավորությունները գործողությամբ կամ անգործությամբ խախտելու դեպքում,|

|կապալառուն երկու տարով զրկվում է պետական գնումների գործընթացում      |

|շինարարական մրցույթներին մասնակցելու իրավունքից:                     |

|4. Սահմանել կարգ, համաձայն որի պետական բյուջեի միջոցներով կառուցվող  |

|շինարարական օբյեկտներում հայտնաբերված թերությունները վերացվում են    |

|տեխնիկական հսկողություն իրականացնողի սեփական միջոցների հաշվին:       |

|5. Յուրաքանչյուր տարվա պետական բյուջեով օբյեկտների շինարարության     |

|ծախսերը նախատեսել ոչ թե այդ օբյեկտների մասնակի շինարարության, այլ այդ|

|օբյեկտների վերջնական շինարարության համար, ինչը հարցականի տակ չի դնի  |

|նախորդ փուլում կատարված աշխատանքների համար միջոցների օգտագործման     |

|արդյունավետությունը:                                                 |

|6. Նախագծային առաջադրանքը կազմել ավելի մանրակրկիտ, պարտադիր նշելով   |

|օգտագործվող շինարարական նյութերի տեսակը, որակը, ծագումը և  այլն:     |

|7. Մշակել նախագծահաշվային փաստաթղթերի փորձաքննություն իրականացնելու  |

|կարգ, ըստ որի փորձաքննություն իրականացնող կազմակերպությունը կրում է  |

|ֆինանսական պատասխանատվություն ավելի հաշվարկված ծավալների և           |

|գումարների համար:                                                    |

|8. Անհրաժեշտ է տարանջատել քաղաքաշինության բնագավառում կառավարման և   |

|հսկողական գործառույթներն ու պատասխանատվությունը: Քանի որ,            |

|նախարարությունը հանդիսանում է պետական բյուջեի միջոցներով իրականացվող |

|մեծ ծավալի շինարարության պատվիրատու, իսկ տեսչությունը`               |

|քաղաքաշինության բնագավառում պետական վերահսկողություն իրականացնող միակ|

|մարմինն է, ապա առաջարկում ենք քաղաքաշինական պետական տեսչությունն     |

|առանձնացնել ՀՀ քաղաքաշինության նախարարությունից:                     |

._____________________________________________________________________.

 

Ձեռնարկված միջոցառումների վերաբերյալ

 

ՀՀ վերահսկիչ պալատի արձանագրած խախտումներին ի պատասխան ՀՀ ՎՊ հասցեագրված ՀՀ քաղաքաշինության նախարարի 23.12.2008 թ. N-15/5962 և 19.01.2009 թ. N-15/102 նամակների համաձայն`

1. Աճուրդով օտարված ավտոմեքենաների հիմնանորոգման համար ձևակերպված 2,114.6 հազ. դրամ ծախսը վերականգնվել է պետական բյուջե:

2. Շինարարական և վերանորոգման աշխատանքներում թույլ տրված 171,690.9 հազ. դրամ ծավալային հավելագրումներից շինարարական աշխատանքներով վերականգնվել է 124,953.2 հազ. դրամ և 42,480.5 հազ. դրամը` պետական բյուջե վճարված գումարով: Դեռևս չվերականգնված 4,257.3 հազ. դրամի մասով նախարարությունը դիմել է «Գնումների պետական գործակալություն» ՊՈԱԿ-ին, որպեսզի վերջինս, իբրև պատվիրատու նշված գումարը գանձի կապալառուներից:

Բացի այդ, արձանագրված խախտումների համար ՀՀ քաղաքաշինության նախարարության շինարարության քաղաքականության վարչության պետին տրվել է խիստ նկատողություն:

3. Նախագծահետազոտական աշխատանքների իրականացման շրջանակներում 466.8 հազ. դրամի տույժ-տուգանք է վերականգնվել պետական բյուջե նախագծային աշխատանքների հանձնման պայմանագրային ժամկետի ուշացման համար և 15,825.0 հազ. դրամի գումար վերականգնվել է աշխատանքով («Սևանա լճի առափնյա տարածքների ծրագրային փաստաթղթերի մշակում»):

4. Քաղաքաշինական պետական տեսչության մասով արձանագրված խախտումների և թերությունների վերացման ուղղությամբ համապատասխան ստորաբաժանումների ղեկավարների տրվել են խիստ հանձնարարականներ: Տեսչության մի շարք պատասխանատուներին տրվել է նկատողություն, իսկ Կենտրոն Նորք-Մարաշ տարածքային բաժնի պետն ազատվել է աշխատանքից:

 

2.4. ՀՀ տրանսպորտի և կապի նախարարություն

 

Վերահսկողությամբ ընդգրկված ժամանակաշրջանը` 2006-2007 թթ.:

Վերահսկողության արդյունքներով արձանագրվել է`

1. Պահպանման ծախսեր

ա) Համաշխարհային բանկի վարկային միջոցների հաշվին ձեռք բերված 13.1 տ ճանապարհային ներկերը չօգտագործվելու պատճառով դարձել են ժամկետանց և օգտագործման համար ոչ պիտանի: Պատճառված վնասը կազմում է` 11,918.3 հազ. դրամ, որը ենթակա է վերականգնման:

բ) 4908 հատ ճանապարհային նշանները և 10024 գծ/մետր երկաթյա ցինկապատ ձողերը նույնպես չեն օգտագործվել այն դեպքում, երբ դրանց անվճար տրամադրումը կապալառուներին կհանգեցներ 62,548.3 հազ. դրամի չափով բյուջետային միջոցների տնտեսման (անարդյունավետ ծախս):

2. «Մետրոպոլիտենի նորոգման մեխանիկական» ՓԲԸ

Ճանապարհային շինարարության բնագավառում նախագծով և պայմանագրով նախատեսված 4 մմ փոխարեն փաստացի տեղադրվել են 3 մմ հաստությամբ մետաղական արգելափակոցներ, որոնց գների տարբերությունը չհաշվարկելու հետևանքով պետական բյուջեից ավելի է վճարվել 6,205.2 հազ. դրամ, որը ենթակա է վերականգնման:

3. Պետական սեփականության կառավարում և օգտագործում

ա) «Վարչատնտեսական» ՓԲ ընկերությունը 2006-2007 թթ. ընթացքում նախարարության համար իրականացրել է լրացուցիչ գործառնական ծախսեր: Արդյունքում ընկերության ծախսերը մեծացել են, իսկ շահույթը` նվազել, որն էլ անդրադարձել է պետական բյուջե վճարման ենթակա շահութաբաժնի չափին: Ճշգրտված հաշվարկի արդյունքում առաջացել է 6,686.0 հազ. դրամի չափով լրացուցիչ շահաբաժին, որը ենթակա է վերականգնման:

 

----------------------------------------------------

ԻՐՏԵԿ - շարունակությունը հաջորդ մասերում

 

 

pin
ՀՀ վերահսկիչ պալատ
23.03.2009
N 9/1
Որոշում