Սեղմել Esc փակելու համար:
ՆՈՐՄԱՏԻՎ ԻՐԱՎԱԿԱՆ ԱԿՏԵՐԻ ՆԱԽԱԳԾԵՐԻ` Ս...
Քարտային տվյալներ

Տեսակ
Գործում է
Ընդունող մարմին
Ընդունման ամսաթիվ
Համար

Ստորագրման ամսաթիվ
ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

Հղում իրավական ակտի ընտրված դրույթին X
irtek_logo

ՆՈՐՄԱՏԻՎ ԻՐԱՎԱԿԱՆ ԱԿՏԵՐԻ ՆԱԽԱԳԾԵՐԻ` ՍՈՑԻԱԼԱԿԱՆ ՊԱՇՏՊԱՆՈՒԹՅԱՆ ՈԼՈՐՏՈՒՄ ԿԱՐԳԱՎՈՐՄԱ ...

 

 

040.0018.190110

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

 

14 հունվարի 2010 թվականի N 18-Ն

 

i

ՆՈՐՄԱՏԻՎ ԻՐԱՎԱԿԱՆ ԱԿՏԵՐԻ ՆԱԽԱԳԾԵՐԻ` ՍՈՑԻԱԼԱԿԱՆ ՊԱՇՏՊԱՆՈՒԹՅԱՆ ՈԼՈՐՏՈՒՄ ԿԱՐԳԱՎՈՐՄԱՆ ԱԶԴԵՑՈՒԹՅԱՆ ԳՆԱՀԱՏՄԱՆ ԻՐԱԿԱՆԱՑՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ

 

Հայաստանի Հանրապետության կառավարությունը որոշում է.

1. Հաստատել նորմատիվ իրավական ակտերի նախագծերի` սոցիալական պաշտպանության ոլորտում կարգավորման ազդեցության գնահատման իրականացման կարգը` համաձայն հավելվածի:

2. Սույն որոշումն ուժի մեջ է մտնում 2011 թվականի հունվարի 1-ից:

 

ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ

2010 ԹՎԱԿԱՆԻ ՀՈՒՆՎԱՐԻ 19-ԻՆ

 

Հավելված

ՀՀ կառավարության

2010 թվականի հունվարի 14-ի

N 18-Ն որոշման

 

ԿԱՐԳ

ՆՈՐՄԱՏԻՎ ԻՐԱՎԱԿԱՆ ԱԿՏԵՐԻ ՆԱԽԱԳԾԵՐԻ ՍՈՑԻԱԼԱԿԱՆ ՊԱՇՏՊԱՆՈՒԹՅԱՆ ՈԼՈՐՏՈՒՄ ԿԱՐԳԱՎՈՐՄԱՆ ԱԶԴԵՑՈՒԹՅԱՆ ԳՆԱՀԱՏՄԱՆ ԻՐԱԿԱՆԱՑՄԱՆ

 

1. Սույն կարգով սահմանվում են նորմատիվ իրավական ակտերի նախագծերի (այսուհետ` նախագիծ) սոցիալական պաշտպանության ոլորտում կարգավորման ազդեցության գնահատման նպատակը, մեթոդաբանությունը և գործընթացը:

2. Նախագծի` սոցիալական պաշտպանության ոլորտում կարգավորման ազդեցության գնահատման նպատակն է նախանշել տվյալ նախագծի`

1) կիրարկման արդյունքում սոցիալական պաշտպանության ոլորտում իրավիճակի բնութագրիչների քանակական և որակական փոփոխությունները.

2) արդյունավետության աստիճանը.

3) հետագա լրամշակման անհրաժեշտությունը:

3. Սոցիալական պաշտպանության ոլորտում նախագծի կարգավորման ազդեցության գնահատման գործընթացը նախատեսում է հետևյալ քայլերը`

1) սահմանվում են սոցիալական պաշտպանության ոլորտի առանձին ենթաոլորտների իրավիճակի բնութագրիչները և դրանց ինդիկատորները, որոնք իրենց բնույթով լինում են`

ա. ռազմավարական (ոլորտում վարվող քաղաքականության) ազդեցության,

բ. շահառուների վրա ազդեցության.

2) նախանշվում են նախագծի որակական և քանակական հնարավոր ազդեցությունները սոցիալական պաշտպանության ոլորտի առանձին ենթաոլորտների իրավիճակի բնութագրիչների և ինդիկատորների վրա.

3) գնահատվում են սոցիալական պաշտպանության ոլորտի վրա նախագծի որակական և քանակական ազդեցությունները:

4. Սույն կարգի 3-րդ կետի 1-ին ենթակետով նշված բնութագրիչները և դրանց ինդիկատորները հաստատվում են սոցիալական պաշտպանության ոլորտում պետական կառավարման լիազոր մարմնի կողմից:

5. Նախագծի` սոցիալական պաշտպանության ոլորտում կարգավորման ազդեցության գնահատման ժամանակ կիրառվող հիմնական հասկացություններն են`

1) իրավիճակի բնութագրիչներ` սոցիալական պաշտպանության ոլորտի կամ դրա առանձին ենթաոլորտների իրավիճակը բնութագրող քանակական կամ որակական ցուցանիշներ` համաձայն N 1 ձևի.

2) նախագծի` սոցիալական պաշտպանության ոլորտի առանձին ենթաոլորտների կարգավորման ազդեցության գնահատման գործակից (ԵԱԳ)` սույն կարգով սահմանված մեթոդաբանությամբ հաշվարկվող գործակից.

3) նախագծի` սոցիալական պաշտպանության ոլորտի կարգավորման ազդեցության գնահատման գործակից (ՈԱԳ)` սույն կարգով սահմանված մեթոդաբանությամբ հաշվարկվող գործակից:

6. Սոցիալական պաշտպանության ոլորտի վրա նախագծի որակական հնարավոր ազդեցության տեսակներն են`

1) դրական.

2) բացասական.

3) չեզոք ազդեցություններ:

7. Դրական կոչվում են նախագծի այն հնարավոր ազդեցությունները, որոնք կհանգեցնեն սոցիալական պաշտպանության ոլորտի ռազմավարական խնդիրների և շահառուների հիմնախնդիրների լուծման ուղղությամբ միանշանակ դրական (բարենպաստ) փոփոխության:

8. Բացասական կոչվում են նախագծի այն հնարավոր ազդեցությունները, որոնք կարող են հանգեցնել սոցիալական պաշտպանության ոլորտի ռազմավարական խնդիրների և շահառուների հիմնախնդիրների լուծման ուղղությամբ բացասական (ոչ բարենպաստ) փոփոխության:

9. Չեզոք կոչվում են նախագծի այն հնարավոր ազդեցությունները, որոնք չեն ազդում սոցիալական պաշտպանության ոլորտի ռազմավարական խնդիրների և շահառուների հիմնախնդիրների լուծման վրա:

10. Սոցիալական պաշտպանության ոլորտի նախագծի քանակական հնարավոր ազդեցության տեսակներն են`

1) առաջին աստիճան.

2) երկրորդ աստիճան:

11. Առաջին աստիճանին են դասվում նախագծի այն հնարավոր ազդեցությունները, որոնք հանգեցնում են սոցիալական պաշտպանության ոլորտի իրավիճակի բնութագրիչների անմիջական պատճառ-հետևանքային գործոններով պայմանավորված փոփոխության:

12. Երկրորդ աստիճանին են դասվում նախագծի այն հնարավոր ազդեցությունները, որոնք հանգեցնում են սոցիալական պաշտպանության ոլորտի իրավիճակի բնութագրիչների փոփոխությանը` պայմանավորված միջնորդավորված ազդեցությամբ:

13. Սոցիալական պաշտպանության ոլորտի կամ նրա առանձին ենթաոլորտների վրա նախագծի կարգավորման ազդեցության գնահատման համար որոշվում են սոցիալական պաշտպանության ոլորտի իրավիճակի բնութագրիչների վրա նախագծի որակական և քանակական հնարավոր ազդեցությունները:

14. Սոցիալական պաշտպանության ոլորտի կամ դրա առանձին ենթաոլորտների վրա նախագծի ազդեցության գնահատման գործակիցը (ՈԱԳ կամ ԵԱԳ) հաշվարկվում է հետևյալ բանաձևերով` ելնելով N 1 ձևում նշված իրավիճակի բնութագրիչների քանակական և որակական գնահատման գործակիցների արժեքներից`

 

ՈԱԳ = (SUM(KixPi))/n

ԵԱԳ = (SUM(KixPi))/m

 

որտեղ` ՈԱԳ-ն սոցիալական պաշտպանության ոլորտի վրա նախագծի ազդեցության գնահատման գործակիցն է, Ki-ը որակական, Pi-ն քանակական գործակիցների արժեքներն են, n-ը սոցիալական պաշտպանության ոլորտում ներառված և գնահատված իրավիճակի բնութագրիչների ընդհանուր թիվն է, m-ը սոցիալական պաշտպանության ոլորտի առանձին ենթաոլորտի համար գնահատված իրավիճակի բնութագրիչների ընդհանուր թիվն է:

15. Սոցիալական պաշտպանության ոլորտի կամ նրա առանձին ենթաոլորտների վրա նախագծի հնարավոր ազդեցությունը գնահատվում է հետևյալ սկզբունքներով`

1) եթե ՈԱԳ-ն կամ ԵԱԳ-ն գտնվում է 1-5 (5-ը գործակիցների հնարավոր մեծագույն արժեքն է) արժեքների միջակայքում, ապա տվյալ նախագիծն ունի բարենպաստ ազդեցություն և այն հետագա լրամշակման կարիք չունի.

2) եթե ՈԱԳ-ն կամ ԵԱԳ-ն գտնվում է -1-ից 1 արժեքների միջակայքում, ապա նախագիծն ունի չեզոք ազդեցություն.

3) եթե ՈԱԳ-ն կամ ԵԱԳ-ն գտնվում է -1-ից -5 (-5-ը գործակիցների հնարավոր փոքրագույն արժեքն է) միջակայքում, ապա նախագիծն ունի բացասական ազդեցություն և այն ենթակա է լրամշակման:

16. Եթե, ելնելով նախագծի բնույթից, սոցիալական պաշտպանության ոլորտի իրավիճակի բնութագրիչի համար հնարավոր է եղել սահմանել միայն որակական բնութագրիչը, ապա նրան համապատասխան քանակական ցուցանիշի թվային արժեքն ընդունվում է հավասար 1-ի:

17. Եթե, ելնելով նախագծի բնույթից, սոցիալական պաշտպանության ոլորտի իրավիճակի բնութագրիչի համար հնարավոր է եղել սահմանել միայն քանակական ցուցանիշները, ապա նրան համապատասխան որակական ցուցանիշի թվային արժեքն ընդունվում է հավասար 0,5-ի:

18. Նախագծի` սոցիալական պաշտպանության ոլորտի կարգավորման ազդեցության գնահատման իրականացման արդյունքում կազմվում է ամփոփաթերթ` համաձայն N 2 ձևի:

19. Սոցիալական պաշտպանության ոլորտի նորմատիվ իրավական ակտի կիրարկման արդյունքում կանխատեսվող հետևանքները գնահատելու ժամանակացույցը կազմվում է համաձայն N 3 ձևի:

 

Ձև N 1

 

ԻՐԱՎԻՃԱԿԻ ԲՆՈՒԹԱԳՐԻՉՆԵՐԻ ՔԱՆԱԿԱԿԱՆ ԵՎ ՈՐԱԿԱԿԱՆ ԳՆԱՀԱՏՄԱՆ ԳՈՐԾԱԿԻՑՆԵՐԻ ԱՐԺԵՔՆԵՐԸ

 

._______________________________________________.

|Ակտի որակական          |Ակտի որակական          |

|ազդեցությունների       |ազդեցությունների       |

|գործակցի (Ki) արժեքները|գործակցի (Pi) արժեքները|

|_______________________|_______________________|

|դրական|բացասական|չեզոք |  առաջին   |  երկրորդ  |

|______|_________|______|___________|___________|

| + 1  |  - 1    |  0   |     5     |     2     |

._______________________________________________.

 

Ձև N 2

 

ԱՄՓՈՓԱԹԵՐԹ

 

ԻՐԱՎԱԿԱՆ ԱԿՏԵՐԻ ՆԱԽԱԳԾԵՐԻ ՍՈՑԻԱԼԱԿԱՆ ՊԱՇՏՊԱՆՈՒԹՅԱՆ ՈԼՈՐՏՈՒՄ ԿԱՐԳԱՎՈՐՄԱՆ ԱԶԴԵՑՈՒԹՅԱՆ ԳՆԱՀԱՏՄԱՆ

 

._____________________________________________________________________.

|Սոցիալական      |Սոցիալական պաշտպանության ոլորտի կամ նրա առանձին     |

|պաշտպանության   |ենթաոլորտների վրա նախագծի ունեցած ազդեցության       |

|ենթաոլորտների   |գնահատման գործակիցների (ՈԱԳ կամ ԵԱԳ) արժեքները      |

|անվանումները    |____________________________________________________|

|                |Ռազմավարական ազդեցություն|Շահառուների վրա ունեցած   |

|                |                         |ազդեցություն              |

|                |_________________________|__________________________|

|                |        ԵԱԳ-ի արժեքը     |        ԵԱԳ-ի արժեքը      |

|________________|_________________________|__________________________|

|Ենթաոլորտ 1     |                         |                          |

|________________|_________________________|__________________________|

|Ենթաոլորտ 2     |                         |                          |

|________________|_________________________|__________________________|

|............    |                         |                          |

|________________|_________________________|__________________________|

|Ենթաոլորտ N     |                         |                          |

|________________|_________________________|__________________________|

|                |Ռազմավարական ազդեցության |Շահառուների վրա ունեցած   |

|                |ամփոփ գնահատականը        |ազդեցության ամփոփ         |

|                |                         |գնահատականը               |

|________________|_________________________|__________________________|

|                |        ՈԱԳ-ի արժեքը     |        ՈԱԳ-ի արժեքը      |

|________________|_________________________|__________________________|

|Սոցիալական      |                         |                          |

|պաշտպանության   |                         |                          |

|ոլորտի վրա      |                         |                          |

|նախագծի         |                         |                          |

|կարգավորման     |                         |                          |

|ազդեցությունը   |                         |                          |

|________________|_________________________|__________________________|

|Ընդհանուր       |Ռազմավարական ազդեցության |Շահառուների վրա           |

|եզրակացություն  |կարգավորման տեսանկյունից |ազդեցության կարգավորման   |

|(ընդգծել)       |նախագիծը`                |տեսանկյունից նախագիծը`    |

|                |1. ենթակա է լրամշակման   |1. ենթակա է լրամշակման    |

|                |2. ենթակա չէ լրամշակման  |2. ենթակա չէ լրամշակման   |

|                |3. բնագավառի վրա չունի   |3. բնագավառի շահառուների  |

|                |ռազմավարական ազդեցություն|վրա չունի կարգավորման     |

|                |                         |ազդեցություն              |

|________________|____________________________________________________|

|Գնահատողի       |                                                    |

|լրացուցիչ       |                                                    |

|կարծիքը և       |                                                    |

|հիմնավորումը    |                                                    |

|(լրացվում է ըստ |                                                    |

|անհրաժեշտության)|                                                    |

._____________________________________________________________________.

 

Գնահատող փորձագետ

 

______________________________________________________________________

______________________________________________________________________

                  (աշխատանքի վայրը, զբաղեցրած պաշտոնը)

 

    _________________________________           ______________________

     (անունը, ազգանունը, հայրանունը)               (ստորագրությունը)

 

Ձև N 3

 

ԺԱՄԱՆԱԿԱՑՈՒՅՑ

 

___________________________ կիրարկման արդյունքում կանխատեսվող

(իրավական ակտի անվանումը)

կանխատեսվող հետևանքները գնահատելու

 

.______________________________________________________________.

|NN |Գնահատման առարկան|Գնահատման |Գնահատման|Այլ տեղեկություններ|

|ը/կ|                 |չափորոշիչը|ժամկետը  |                   |

|___|_________________|__________|_________|___________________|

.______________________________________________________________.

 

 

pin
ՀՀ կառավարություն
14.01.2010
N 18-Ն
Որոշում