041.0513.260898
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
26 օգոստոսի 1998 թվականի թիվ 513
ՉԻՆԱՍՏԱՆԻ ԺՈՂՈՎՐԴԱԿԱՆ ՀԱՆՐԱՊԵՏՈՒԹՅԱՆ ՁՅԱՆ ՍՈՒ ՆԱՀԱՆԳԻ ԿԱՌԱՎԱՐԱԿԱՆ ՊԱՏՎԻՐԱԿՈՒԹՅԱՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՅՑԻ ՄԱՍԻՆ
Չինաստանի ժողովրդական Հանրապետության Ձյան Սու նահանգի կառավարական պատվիրակության 1998 թվականի օգոստոսի 29-ից մինչև սեպտեմբերի 2-ը Հայաստանի Հանրապետություն այցի կապակցությամբ`
1. Ստեղծել հանձնաժողով հետևյալ կազմով`
Գ. Նանագուլյան - ՀՀ արդյունաբերության և առևտրի նախարար
(հանձնաժողովի նախագահ)
Մ. Ձավարյան - ՀՀ արդյունաբերության և առևտրի նախարարի
առաջին տեղակալ
Ռ. Դովլաթյան - ՀՀ արդյունաբերության և առևտրի նախարարության
հատուկ ծրագրերի վարչության պետ
Դ. Գրիգորյան - ՀՀ արդյունաբերության և առևտրի նախարարության
արդյունաբերական քաղաքականության վարչության պետ
Լ. Բաղդասարյան - ՀՀ գյուղատնտեսության նախարարության
անասնաբուծության և տոհմային աշխատանքի
կազմակերպման վարչության պետ
Կ. Մանուկով - ՀՀ արդյունաբերության և առևտրի նախարարի
խորհրդական
Գ. Մելքոնյան - ՀՀ արդյունաբերության և առևտրի նախարարության
երկկողմ համաձայնագրերի բաժնի պետ
Ա. Պողոսյան - ՀՀ արդյունաբերության և առևտրի նախարարության
իրավաբանական ծառայության առաջատար
իրավախորհրդատու
Ե. Աբովյան - ՀՀ արտաքին գործերի նախարարության Ասիայի,
Օվկիանիայի և Աֆրիկայի վարչության երրորդ
քարտուղար
Վ. Ասոյան - ՀՀ արտաքին գործերի նախարարության արարողակարգի
վարչության կցորդ
Գ. Կարապետյան - «Հրազդանմեքենա» ՓԲԸ-ի խորհրդի նախագահ
2. Հայաստանի Հանրապետության արդյունաբերության և առևտրի նախարարությունն ու Հայաստանի Հանրապետության արտաքին գործերի նախարարությանը` նախապատրաստել այցելության ծրագիրը և ապահովել հյուրերի Հայաստանում գտնվելու ընթացքում միջոցառումների իրականացումն ըստ արարողակարգի:
3. Հայաստանի Հանրապետության արդյունաբերության և առևտրի նախարարությանը` հյուրերին (15 մարդ) տեղավորել «Արմենիա-1» հյուրանոցում:
4. Հայաստանի Հանրապետության քաղաքացիական ավիացիայի գլխավոր վարչությանը` ապահովել հյուրերի ընդունումն ու ճանապարհումը պաշտոնական պատվիրակությունների սրահում (անվճար):
5. Հայաստանի Հանրապետության ներքին գործերի և ազգային անվտանգության նախարարությանը` ապահովել հյուրերի անվտանգությունը Հայաստանում գտնվելու ընթացքում, հատկացնել ուղեկցող անձնակազմեր:
6. Ընդունել ի գիտություն, որ հյուրերի Հայաստանում գտնվելու հետ կապված կեցության և սննդի ծախսերը կկատարվեն հյուրերի հաշվին: