040.0089.080210
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
4 փետրվարի 2010 թվականի N 89-Ա
«ՀԱՐԱՎԿՈՎԿԱՍՅԱՆ ԵՐԿԱԹՈՒՂԻ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆԸ ԿՈՆՑԵՍԻՈՆ ԱԿՏԻՎՆԵՐԻ ԿԱԶՄՈՒՄ ԸՆԴԳՐԿՎԱԾ ԳՈՒՅՔԻ ՎԱՃԱՌՔԻՑ ՍՏԱՑՎԱԾ ԵԿԱՄՏԻ ՕԳՏԱԳՈՐԾՄԱՆ ԹՈՒՅԼՏՎՈՒԹՅՈՒՆ ՏԱԼՈՒ ՄԱՍԻՆ
Համաձայն «Հայկական երկաթուղու համակարգը «Ռուսական երկաթուղիներ» բաց բաժնետիրական ընկերության կողմից ստեղծված «Հարավկովկասյան երկաթուղի» փակ բաժնետիրական ընկերությանը փոխանցելու մասին» կոնցեսիոն պայմանագրի 9-1-ին հոդվածի 4-րդ կետի` Հայաստանի Հանրապետության կառավարությունը որոշում է.
Թույլատրել «Հարավկովկասյան երկաթուղի» փակ բաժնետիրական ընկերությանը կոնցեսիոն ակտիվների կազմում ընդգրկված ATCK 2000 մակնիշի ֆիզիկապես և բարոյապես մաշված հեռախոսակայանի վաճառքից ստացված եկամուտն օգտագործել կոնցեսիոն ակտիվների կազմում գտնվող կապի համակարգի զարգացման նպատակով` պայմանով, որ նշված գումարը չի կարող համարվել կոնցեսիոների կողմից կատարված ներդրում և կոնցեսիոների կողմից նշված գումարի նպատակային օգտագործման վերաբերյալ լիազոր մարմնին` Հայաստանի Հանրապետության տրանսպորտի և կապի նախարարությանը պետք է ներկայացվի գրավոր հաշվետվություն:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2010 ԹՎԱԿԱՆԻ ՓԵՏՐՎԱՐԻ 8-ԻՆ