040.0549.040998
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«4» օգոստոսի 1998 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
4 օգոստոսի 1998 թվական թիվ 549
ԵՐԵՎԱՆԻ ՔԱՂԱՔԱՊԵՏԱՐԱՆԻՆ ԳՈՒՄԱՐ ՀԱՏԿԱՑՆԵԼՈՒ ՄԱՍԻՆ
1998 թվականի մայիսի 31-ին տեղացած հորդառատ անձրևների հետևանքով Երևանի Դավթաշեն և Մալաթիա-Սեբաստիա թաղային համայնքների վնասված բնակելի տների և թիվ 184 հանրակրթական դպրոցի շենքի (Հալաբյան փող.) վերանորոգման առաջնահերթ աշխատանքներն իրականացնելու նպատակով Հայաստանի Հանրապետության կառավարությունը որոշում է.
1. Երևանի քաղաքապետարանին հատկացնել 32 մլն դրամ, այդ թվում` 12,9 մլն դրամը թիվ 184 հանրակրթական դպրոցի շենքի վերանորոգման համար` Հայաստանի Հանրապետության 1998 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին` Հայաստանի Հանրապետության վարչապետի 1998 թվականի հունիսի 22-ի թիվ 358 որոշմամբ ստեղծված միջգերատեսչական հանձնաժողովի ներկայացրած թերությունների ակտերի, սահմանված կարգով կազմած նախահաշվային փաստաթղթերի և փաստացի կատարողական ակտերի հիման վրա:
2. Սույն որոշումն ուժի մեջ է մտնում 1998 թվականի սեպտեմբերի 4-ից: