ԷՐԵԲՈՒՆԻ ՀԱՄԱՅՆՔԻ ԵՆԹԱԿԱՅՈՒԹՅԱՆ ՆԱԽԱԴՊՐՈՑԱԿԱՆ ՀԻՄՆԱՐԿՆԵՐԻ ԿՈՂՄԻՑ ՄԱՏՈՒՑՎՈՂ ԾԱՌԱՅ ...

ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ
ԵՐԵՎԱՆ ՔԱՂԱՔ

ԷՐԵԲՈՒՆԻ ԹԱՂԱՅԻՆ ՀԱՄԱՅՆՔԻ ԱՎԱԳԱՆԻ

ՈՐՈՇՈՒՄ

30 դեկտեմբերի 2008 թվականի թիվ 10-Ն

ԷՐԵԲՈՒՆԻ ՀԱՄԱՅՆՔԻ ԵՆԹԱԿԱՅՈՒԹՅԱՆ ՆԱԽԱԴՊՐՈՑԱԿԱՆ ՀԻՄՆԱՐԿՆԵՐԻ ԿՈՂՄԻՑ ՄԱՏՈՒՑՎՈՂ ԾԱՌԱՅՈՒԹՅՈՒՆՆԵՐԻ ԴԻՄԱՑ ԳԱՆՁՎՈՂ ՎԱՐՁԱՎՃԱՐՆԵՐԻ ԵՎ ԿԻՐԱՌՎՈՂ ԶԵՂՉԵՐԻ ՉԱՓԵՐԸ ՀԱՍՏԱՏԵԼՈՒ ՄԱՍԻՆ

Ղեկավարվելով «Տեղական ինքնակառավարման մասին» ՀՀ օրենքի 16-րդ հոդվածի 19-րդ կետով, հիմք ընդունելով համայնքի ղեկավարի առաջարկությունը. Երևանի Էրեբունի համայնքի ավագանին որոշում է.

1. Էրեբունու համայնքային ենթակայության նախադպրոցական հիմնարկներ հաճախող մեկ երեխայի ամսական վարձավճարի չափը 2009 թ. հունվարի 1-ից սահմանել 5000 (հինգ հազար) ՀՀ դրամ:

2. Սահմանել վարձավճարի զեղչ 50 %-ի չափով` հետևյալ դեպքերում.

ա) միևնույն ընտանիքից երեք և ավելի երեխա նույն նախադպրոցական հաստատություն հաճախելու դեպքում` երրորդ և յուրաքանչյուր հաջորդ երեխայի համար.

բ) հաշմանդամ ազատամարտիկների ընտանիքների երեխաների համար.

գ) միակողմանի ծնողազուրկ երեխաների համար (զոհված):

3. Երկկողմանի ծնողազուրկ երեխաներն ազատվում են վարձավճարից:

4. ՈՒժը կորցրած ճանաչել Էրեբունի համայնքի ավագանու 2007 թ. դեկտեմբերի 25-ի N 97-Ն որոշումը: