Սեղմել Esc փակելու համար:
ԿԱԶՄԱԿԵՐՊՈՒԹՅՈՒՆՆԵՐՈՒՄ ՈՒՍՈՒՄՆԱԿԱՆ ՊՐ...
Քարտային տվյալներ

Տեսակ
Գործում է
Ընդունող մարմին
Ընդունման ամսաթիվ
Համար

ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

Հղում իրավական ակտի ընտրված դրույթին X
irtek_logo

ԿԱԶՄԱԿԵՐՊՈՒԹՅՈՒՆՆԵՐՈՒՄ ՈՒՍՈՒՄՆԱԿԱՆ ՊՐԱԿՏԻԿԱՅԻ ԺԱՄԱՆԱԿԱՀԱՏՎԱԾՈՒՄ ԲԱՐՁՐԱԳՈՒՅՆ ՈՒՍՈ ...

 

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ ԱՌԸՆԹԵՐ
ՊԵՏԱԿԱՆ ԵԿԱՄՈՒՏՆԵՐԻ ԿՈՄԻՏԵ ՊԱՇՏՈՆԱԿԱՆ ՊԱՐԶԱԲԱՆՈՒՄ

 

16 փետրվարի 2010 թվականի N 2

 

i

ԿԱԶՄԱԿԵՐՊՈՒԹՅՈՒՆՆԵՐՈՒՄ ՈՒՍՈՒՄՆԱԿԱՆ ՊՐԱԿՏԻԿԱՅԻ ԺԱՄԱՆԱԿԱՀԱՏՎԱԾՈՒՄ ԲԱՐՁՐԱԳՈՒՅՆ ՈՒՍՈՒՄՆԱԿԱՆ ՀԱՍՏԱՏՈՒԹՅՈՒՆՆԵՐԻ ՈՒՍԱՆՈՂՆԵՐԻ ՀԱՄԱՐ ԵՎ ՆՐԱՆՑ ԿՈՂՄԻՑ ՊԱՐՏԱԴԻՐ ՍՈՑԻԱԼԱԿԱՆ ԱՊԱՀՈՎՈՒԹՅԱՆ ՎՃԱՐՆԵՐ ԿԱՏԱՐԵԼՈՒ ՎԵՐԱԲԵՐՅԱԼ

 

«Պարտադիր սոցիալական ապահովության վճարների մասին» Հայաստանի Հանրապետության օրենքի 3-րդ հոդվածի 4-րդ մասի համաձայն պարտադիր սոցիալական ապահովության վճարներ են կատարում գործատուները և վարձու աշխատողները` պարտադիր սոցիալական ապահովության վճարների հաշվարկման օբյեկտների նկատմամբ նույն օրենքի 5-րդ հոդվածի 1-ին մասով սահմանված դրույքաչափերով: Նշված օրենքի 4-րդ հոդվածի համաձայն սոցիալական վճարների հաշվարկման օբյեկտներն են աշխատանքի վարձատրությանն ուղղվող միջոցները և դրանց հավասարեցված եկամուտները (այդ թվում` քաղաքացիաիրավական պայմանագրերի շրջանակներում կատարվող աշխատանքներից, մատուցվող ծառայություններից ստացվող եկամուտների), որոնց ցանկը սահմանված է Հայաստանի Հանրապետության կառավարության 1998 թվականի հունիսի 8-ի N 352 որոշման N 1 հավելվածով:

Աշխատանքային հարաբերությունները կարգավորվում են Հայաստանի Հանրապետության աշխատանքային օրենսգրքով և աշխատանքի իրավունքի նորմեր պարունակող այլ նորմատիվ իրավական ակտերով:

Բարձրագույն ուսումնական հաստատությունների ուսանողների համար և նրանց կողմից կազմակերպություններում ուսումնական պրակտիկայի ժամանակահատվածում պարտադիր սոցիալական ապահովության վճարների կատարման վերաբերյալ ծագած հարցերի ճշտման նպատակով` ղեկավարվելով «Իրավական ակտերի մասին» Հայաստանի Հանրապետության օրենքի 87-րդ հոդվածի 2-րդ մասով, պաշտոնապես պարզաբանում եմ.

Բարձրագույն ուսումնական հաստատությունների ուսանողների կողմից կազմակերպություններում ուսումնական պրակտիկա անցնող ուսանողները չեն դիտվում որպես չձևակերպված աշխատողներ և այդ ուսանողների համար ու նրանց կողմից պարտադիր սոցիալական ապահովության վճարներ չեն կատարվում, եթե`

1) բարձրագույն ուսումնական հաստատության և կազմակերպության միջև կնքվում է գրավոր պայմանագիր` տվյալ կազմակերպությունում ուսումնական պրակտիկա անցնելու մասին.

2) ուսումնական պրակտիկան չի վերաբերում հետբուհական (ինտերնատուրա, օրդինատուրա, ասպիրանտուրա, դոկտորանտուրա և այլն) ուսուցմանը:

 

 

pin
Պետական եկամուտների կոմիտե
16.02.2010
N 2
Պաշտոնական պարզաբանում