041.0540.090998
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
9 սեպտեմբերի 1998 թվականի թիվ 540
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 1999 ԹՎԱԿԱՆԻ ՆԻՍՏԵՐՈՒՄ ՔՆՆԱՐԿՎԵԼԻՔ ՀԱՐՑԵՐԻ ԾՐԱԳԻՐԸ ԿԱԶՄԵԼՈՒ ՄԱՍԻՆ
1. Հայաստանի Հանրապետության նախարարություններին և գերատեսչություններին`
ա) Հայաստանի Հանրապետության կառավարության 1999 թվականի նիստերում քննարկվելիք հարցերի ծրագիրը կազմելու համար Հայաստանի Հանրապետության կառավարություն ներկայացնել Հայաստանի Հանրապետության օրենքների և Հայաստանի Հանրապետության կառավարության որոշումների նախագծերի 1999 թվականի ցանկը և Հայաստանի Հանրապետության կառավարության նիստերի օրակարգերը` սահմանված ձևով (կցվում է):
Նշված ցանկը և օրակարգերը տարվա համար ներկայացնել ըստ եռամսյակների, իսկ ընթացիկ եռամսյակին հաջորդող եռամսյակի համար` ըստ տասնօրյակների: Ընդ որում, ցանկը և օրակարգերը 1999 թվականի տարվա և առաջին եռամսյակի համար` ըստ տասնօրյակների, ներկայացնել մինչև 1998 թվականի նոյեմբերի 20-ը, իսկ 1999 թվականի մնացած եռամսյակների համար` այդ եռամսյակներին նախորդող ամսվա 1-ը.
բ) հարկերի, մաքսատուրքերի, մաքսավճարների, սակագների, Հայաստանի Հանրապետության պետական բյուջեից հատկացվող գումարների և այլ համանման հարցերի վերաբերյալ Հայաստանի Հանրապետության կառավարություն ներկայացվող Հայաստանի Հանրապետության օրենքի և Հայաստանի Հանրապետության կառավարության որոշումների նախագծերը պետք է հիմնավորված լինեն կից հաշվարկներով, տեղեկանքներով և այլ անհրաժեշտ հիմնավորող փաստաթղթերով:
2. Հայաստանի Հանրապետության տարածքային կառավարման նախարարին` մարզպետների և Երևանի քաղաքապետի հետ համատեղ քննության առնել Հայաստանի Հանրապետության կառավարության 1999 թվականի նիստերում քննարկվելիք հարցերի ցանկն ու օրակարգերը և մինչև 1998 թվականի նոյեմբերի 20-ը ապահովել սույն որոշման 1-ին կետով սահմանված կարգով դրանք Հայաստանի Հանրապետության կառավարություն ներկայացնելը:
Հավելված թիվ
ՀՀ կառավարության 1999 թվականի
-ի թիվ որոշմամբ
ՑԱՆԿ
1999 թվականի _________- եռամսյակում Հայաստանի
Հանրապետության կառավարության նիստերում քննարկվելիք
Հայաստանի Հանրապետության օրենքների և Հայաստանի
Հանրապետության կառավարության որոշումների նախագծեր
_______________________________________________________________________
թիվ Հարցերը Պատասխանատու Հարցի նախապատրաստման համար
ը/կ կատարողը պատասխանատուն (վարչությունը)
_______________________________________________________________________
1 2 3 4
_______________________________________________________________________
---------------
Ծանոթագրություն: 1. ՀՀ կառավարության որոշման հավելվածները կազմվում են
ըստ եռամսյակների:
2. 4-րդ սյունակը լրացվում է ՀՀ կառավարության
աշխատակազմի կողմից:
ՕՐԱԿԱՐԳ
Հայաստանի Հանրապետության կառավարության
1999 թվականի _________- եռամսյակի նիստերի
------------1999 թ. *
_______________________________________________________________________
թիվ Հարցերը Նախապատրաստող ՀՀ կառավարության աշխատակազմ
ը/կ նախարարությունը ներկայացնելու ժամկետը
կամ գերատեսչությունը
_______________________________________________________________________
1 2 3 4
_______________________________________________________________________
------------------
*
Նշել ամիսն ու ամսաթիվը:
ՀՀ կառավարության նիստերն անցկացվում են յուրաքանչյուր ամսվա հինգշաբթի
օրերը: