041.0550.140998
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
14 սեպտեմբերի 1998 թվական թիվ 550
«ՀԱՅԱՍՏԱՆԸ ԵՎ ՔՐԻՍՏՈՆՅԱ ԱՐԵՎԵԼՔԸ» ԹԵՄԱՅՈՎ ԵՐԵՎԱՆՈՒՄ ՄԻՋԱԶԳԱՅԻՆ ԳԻՏԱԺՈՂՈՎ ԱՆՑԿԱՑՆԵԼՈՒ ՄԱՍԻՆ
1998 թվականի սեպտեմբերի 11-18-ը Հայաստանում քրիստոնեության պետական կրոն հռչակման 1700-ամյակի տոնակատարության շրջանակներում «Հայաստանը և քրիստոնյա Արևելքը» թեմայով Երևանում միջազգային գիտաժողով անցկացնելու կապակցությամբ`
1. Հայաստանի Հանրապետության գիտությունների ազգային ակադեմիային` նախապատրաստել գիտաժողովի անցկացման ծրագիրը և ապահովել դրա իրականացումը:
2. Հայաստանի Հանրապետության արտաքին գործերի նախարարությանը` Հայաստանի Հանրապետության գիտությունների ազգային ակադեմիայի ներկայացրած հայտի համաձայն սահմանված կարգով ապահովել արտասահմանյան մասնակիցների հրավերը Հայաստան:
3. Հայաստանի Հանրապետության քաղաքացիական ավիացիայի գլխավոր վարչությանը` ապահովել ընդունումն ու ճանապարհումը պաշտոնական պատվիրակությունների սրահում:
4. Հայաստանի Հանրապետության ներքին գործերի և ազգային անվտանգության նախարարությանը` ապահովել հյուրերի անվտանգությունը Հայաստանում գտնվելու ընթացքում:
5. Հայաստանի Հանրապետության առողջապահության նախարարությանը` ապահովել հյուրերի բուժսպասարկումը:
6. Հայաստանի Հանրապետության տրանսպորտի նախարարությանը` համաձայն Հայաստանի Հանրապետության գիտությունների ազգային ակադեմիայի ներկայացրած հայտի` տրամադրել փոխադրամիջոցներ:
7. Հայաստանի Հանրապետության փոստի և հեռահաղորդակցության նախարարությանը` համաձայն Հայաստանի Հանրապետության գիտությունների ազգային ակադեմիայի ներկայացրած հայտի` ապահովել միջազգային գիտաժողովին նվիրված փոստային բացիկների և հատուկ դրոշմանիշների պատրաստումը:
8. Հայաստանի Հանրապետության կառավարությանն առընթեր տեղեկատվության և գրահրատարակչության վարչությանը` լուսաբանել միջազգային գիտաժողովի աշխատանքը: