ՏԱՐԱԾՔ ՀԱՆՁՆԵԼՈՒ ՄԱՍԻՆ

040.0595.190998

«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ

«19» սեպտեմբերի 1998 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

19 սեպտեմբերի 1998 թվականի թիվ 595

ՏԱՐԱԾՔ ՀԱՆՁՆԵԼՈՒ ՄԱՍԻՆ

Հայաստանի Հանրապետության կառավարությունը որոշում է`

1. Հայաստանի Հանրապետության գյուղատնտեսության նախարարությանը` «Ջրշին» պետական փակ բաժնետիրական ընկերության Երևանի Վարդանանց փողոցի թիվ 13ա վարչական շենքի առաջին հարկը (348,8 քառ.մ մակերեսով) և նկուղային հարկից 65 քառ.մ (այդ թվում` բունկերը` 24 քառ.մ) սեփականության իրավունքով անհատույց հանձնել «Հայաստանի ոռոգման համակարգերի վերականգնման ծրագրերի իրականացման գրասենյակ» պետական փակ բաժնետիրական ընկերությանը` նշված տարածքում «Արմենիա» բանկի կողմից կատարված վերանորոգման աշխատանքների դիմաց հատուցման նպատակով «Հայաստանի ոռոգման համակարգերի վերականգնման ծրագրերի իրականացման գրասենյակ» պետական փակ բաժնետիրական ընկերության` միջազգային զարգացման ընկերակցության և գյուղատնտեսության զարգացման միջազգային հիմնադրամի հատուկ հաշիվների ազատ մնացորդների նկատմամբ ստացված վրաեկի կուտակիչ հաշիվներից «Արմենիա» բանկի լուծարքային հանձնաժողովին 51000 ԱՄՆ-ի դոլար փոխանցելու պայմանով:

2. Սույն որոշումն ուժի մեջ է մտնում 1998 թվականի սեպտեմբերի 19-ից: