ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՆԻՍՏԻ
ԱՐՁԱՆԱԳՐՈՒԹՅՈՒՆԻՑ ՔԱՂՎԱԾՔ
22 ապրիլի 2010 թվականի N 15
20. ՀԱՅՐԵՆԱԿԱՆ ՄԵԾ ՊԱՏԵՐԱԶՄԻ ՎԵՏԵՐԱՆՆԵՐԻՆ ՊԵՏԱԿԱՆ ԸՆԴՀԱՆՈՒՐ ՕԳՏԱԳՈՐԾՄԱՆ ՆԵՐՔԱՂԱՔԱՅԻՆ ՈՒՂԵՎՈՐԱՏԱՐ ՏՐԱՆՍՊՈՐՏՈՎ (ԲԱՑԱՌՈՒԹՅԱՄԲ ՄԻԿՐՈԱՎՏՈԲՈՒՍՆԵՐԻ ԵՎ ՄԱՐԴԱՏԱՐ ՏԱՔՍԻ ԱՎՏՈՄՈԲԻԼՆԵՐԻ) ԱՆՎՃԱՐ ԵՐԹԵՎԵԿՈՒԹՅԱՆ ԱՐՏՈՆՈՒԹՅՈՒՆ ՏՐԱՄԱԴՐԵԼՈՒ ՄԱՍԻՆ
Ի նշանավորումն 1941-1945 թվականների Հայրենական մեծ պատերազմում տարած հաղթանակի 65-րդ տարեդարձի`
Առաջարկել համայնքների ղեկավարներին և ուղևորատար տրանսպորտային միջոցների սեփականատերերին (բացառությամբ միկրոավտոբուսների և մարդատար տաքսի ավտոմոբիլների) Հայրենական մեծ պատերազմի վետերանների նկատմամբ կիրառել Հայաստանի Հանրապետության կառավարության 2010 թվականի ապրիլի 22-ի N 481-Ն որոշմամբ սահմանված` պետական ընդհանուր օգտագործման ներքաղաքային ուղևորատար տրանսպորտով (բացառությամբ միկրոավտոբուսների և մարդատար տաքսի ավտոմոբիլների) անվճար երթևեկության արտոնությունը` Հայաստանի Հանրապետության տրանսպորտի և կապի նախարարության կողմից տրամադրված անվճար երթևեկության վկայականների (հիմնագույնը` կապույտ) հիման վրա:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2010 ԹՎԱԿԱՆԻ ՄԱՅԻՍԻ 11-ԻՆ