Սեղմել Esc փակելու համար:
ՀՀ ԿԵՆՏՐՈՆԱԿԱՆ ԲԱՆԿԻ ԱՊԱՀՈՎԱԳՐԱԿԱՆ ՌԵ...
Քարտային տվյալներ

Տեսակ
Գործում է
Ընդունող մարմին
Ընդունման ամսաթիվ
Համար

ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

Հղում իրավական ակտի ընտրված դրույթին X
irtek_logo
 

ՀՀ ԿԵՆՏՐՈՆԱԿԱՆ ԲԱՆԿԻ ԱՊԱՀՈՎԱԳՐԱԿԱՆ ՌԵԳԻՍՏՐԻ ԵՎ ՀՀ ԿԱՌԱՎԱՐՈՒԹՅԱՆՆ ԱՌԸՆԹԵՐ ՀՀ ՈՍՏԻ ...

 

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՆԻՍՏԻ
ԱՐՁԱՆԱԳՐՈՒԹՅՈՒՆԻՑ ՔԱՂՎԱԾՔ

 

3 հունիսի 2010 թվականի N 21

 

23. ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԱՊԱՀՈՎԱԳՐԱԿԱՆ ՌԵԳԻՍՏՐԻ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ ԱՌԸՆԹԵՐ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՈՍՏԻԿԱՆՈՒԹՅԱՆ ԲԱԶԱՆԵՐԻ ՄԻՋԵՎ ՏՎՅԱԼՆԵՐԻ ՓՈԽԱՆԱԿՄԱՆ ԱՊԱՀՈՎՄԱՆ ՀԱՅԵՑԱԿԱՐԳԻՆ ՀԱՎԱՆՈՒԹՅՈՒՆ ՏԱԼՈՒ ՄԱՍԻՆ

(1-ին մաս)

 

Հավանություն տալ Հայաստանի Հանրապետության կենտրոնական բանկի ապահովագրական ռեգիստրի և Հայաստանի Հանրապետության կառավարությանն առընթեր Հայաստանի Հանրապետության ոստիկանության բազաների միջև տվյալների փոխանակման ապահովման հայեցակարգին` համաձայն հավելվածի:

 

ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ

2010 ԹՎԱԿԱՆԻ ՀՈՒՆԻՍԻ 9-ԻՆ

 

Հավելված

ՀՀ կառավարության

2010 թ. հունիսի 3-ի

նիստի N 21 արձանագրային

որոշման

 

ՀԱՅԵՑԱԿԱՐԳ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿԻ ԱՊԱՀՈՎԱԳՐԱԿԱՆ ՌԵԳԻՍՏՐԻ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ ԱՌԸՆԹԵՐ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՈՍՏԻԿԱՆՈՒԹՅԱՆ ԲԱԶԱՆԵՐԻ ՄԻՋԵՎ ՏՎՅԱԼՆԵՐԻ ՓՈԽԱՆԱԿՄԱՆ ԱՊԱՀՈՎՄԱՆ

 

1. ՆԱԽԱԳԾԻ ԻՐԱԿԱՆԱՑՄԱՆ ՆՊԱՏԱԿԸ

 

Նախագծի իրականացման նպատակն է` ապահովել ավտոտրանսպորտային միջոցների (այդ թվում` գրանցված սեփականության իրավունքի) օգտագործումից բխող պատասխանատվության ապահովագրության (ավտոպատասխանատվության ապահովագրություն կամ ԱՊՊԱ) համակարգի արդյունավետ գործունեության համար անհրաժեշտ տվյալների փոխանակումը ՀՀ Կենտրոնական բանկի ապահովագրական ռեգիստրի (1) (ռեգիստր) և ՀՀ Ոստիկանության` տրանսպորտային միջոցների, վարորդների և ճանապարհատրանսպորտային պատահարների մասին տվյալների բազաների միջև:

________________________

1) ՀՀ ԿԲ ապահովագրական ռեգիստրը ՀՀ տարածքում կնքվող ավտոապահովագրության պայմանագրերի, դրանցում ապահովադիր և/կամ վարորդ հանդիսացող անձանց, դրանց գծով տեղի ունեցած ապահովագրական պատահարների և վճարված հատուցումների վերաբերյալ տվյալներ պարունակող տեղեկատվական համակարգ է, որը գործում է ««Ապահովագրողների, վերաապահովագրողների հաճախորդների տեղեկատվական համակարգի ստեղծման կարգը և պայմանները» հաստատելու մասին» ՀՀ ԿԲ խորհրդի 23.05.2008 թ. թիվ 157-Ն որոշմամբ:

 

2. ՏԵՂԵԿԱՏՎՈՒԹՅԱՆ ՓՈԽԱՆԱԿՄԱՆ ԱՆՀՐԱԺԵՇՏՈՒԹՅՈՒՆԸ

 

Տեղեկատվության փոխանակումը հնարավորություն է տալու ապահովել ռեգիստրում պահվող տվյալների ճշգրտությունն ու ամբողջականությունը, բարձրացնել ռեգիստրի աշխատանքի և ԱՊՊԱ հետ կապված տեղեկատվական հոսքերի կազմակերպման արդյունավետությունը և պարզեցնել ԱՊՊԱ գծով հատուցումների վճարման գործընթացները: Մասնավորապես, տվյալների փոխանակումն անհրաժեշտ է.

. Չապահովագրված տրանսպորտային միջոցները (այսուհետ` ՏՄ) նույնականացնելու և Ոստիկանությանը դրանց մասին տեղեկատվություն տրամադրելու համար: Վերջինս անհրաժեշտ է, որպեսզի Ոստիկանությունը կարողանա օրենքով նախատեսված միջոցառումներ կիրառել չապահովագրված ՏՄ-երի սեփականատերերի նկատմամբ:

. Ապահովագրական ընկերությունների կողմից ՏՄ-երի, դրանց վարորդների, կնքված ԱՊՊԱ պայմանագրերի վերաբերյալ ռեգիստրին տրամադրվող տվյալների ամբողջականությունն ու ճշտությունը ստուգելու համար:

. Որպես պատահար ապահովագրական ընկերությանը ծանուցված ճանապարհատրանսպորտային պատահարների (այսուհետ` ՃՏՊ) վերաբերյալ Ոստիկանության կողմից հավաքագրված (ՃՈ արձանագրային փաստաթղթերում պարունակվող) տվյալները` որպես առաջնային տեղեկատվություն, պահանջի դեպքում ապահովագրական ընկերություններին տրամադրելու համար: Վերջիններս անհրաժեշտ են ապահովագրական ընկերությանը հատուցման մասին որոշում կայացնելու ընթացքում:

 

3. ՓՈԽԱՆԱԿՎՈՂ ՏՎՅԱԼՆԵՐԻ ՇՐՋԱՆԱԿԸ

 

Փոխանակվող տվյալները մասնավորապես ներառում են.

. Տվյալներ ՀՀ տարածքում գրանցված ՏՄ-ների վերաբերյալ, ինչպես նաև դրանց օգտագործումից բխող պատասխանատվության ապահովագրության առկայության մասին,

. Տվյալներ ՀՀ տարածքում գրանցված ՃՏՊ-ների մասին, որոնք ԱՊՊԱ տեսանկյունից հանդիսանում են կամ կարող են հանդիսանալ ապահովագրական պատահար,

. Տվյալներ ՀՀ տարածքում ավտոտրանսպորտային միջոցներ վարելու իրավունք ունեցող վարորդների, նրանց տրված վարորդական իրավունքների և նրանց վարորդական պատմության (նրանց մասնակցությամբ ՃՏՊ-երի) մասին:

 

4. ՏՎՅԱԼՆԵՐԻ ՓՈԽԱՆԱԿՄԱՆ ԱՊԱՀՈՎՄԱՆ ՀԱՄԱՐ ԱՆՀՐԱԺԵՇՏ ԵՆԹԱԿԱՌՈՒՑՎԱԾՔԸ. ՆԵՐԿԱ ՎԻՃԱԿ ԵՎ ԱՌԿԱ ԽՆԴԻՐՆԵՐ

 

ՀՀ կենտրոնական բանկի ավտոապահովագրության ռեգիստրի և ՀՀ ոստիկանության բազաների միջև տվյալների փոխանակման իրականացումը պահանջում է որոշակի ենթակառուցվածք, կազմակերպական և տեխնիկական անհրաժեշտ պայմաններ, որոնք ներկայումս ոչ ամբողջությամբ են առկա: Ստորև թվարկված են բազաների միջև տվյալների փոխանակման մեխանիզմներն իրականացնելու համար անհրաժեշտ ենթակառուցվածքները, դրանց ներկա վիճակը և առկա խնդիրների լուծման հնարավոր տարբերակները:

 

._____________________________________________________________________.

|ԱՆՀՐԱԺԵՇՏ ԵՆԹԱԿԱՌՈՒՑՎԱԾՔ|     ՆԵՐԿԱ ՎԻՃԱԿԸ    | ՀՆԱՐԱՎՈՐ ԼՈՒԾՈՒՄ(ՆԵՐ)|

|_____________________________________________________________________|

|1. |Կենտրոնացված բազա                                                |

|   |Ոստիկանության                                                    |

|   |կենտրոնական                                                      |

|   |հանգույցում, որը                                                 |

|   |պարունակում է                                                    |

|   |ամբողջական տվյալներ`                                             |

|   |ըստ հետևյալ  խմբերի.                                             |

|___|_________________________________________________________________|

|1.1|. ՀՀ-ում հաշվառված  |Այս պահին ամբողջական |Նոր բազան նախատեսվում |

|   |ՏՄ-ներ և  դրանց     |միասնական բազա չկա,  |է լիարժեք շահագործել  |

|   |սեփականատերեր       |կան հին բազաներ,     |(2) 2010 թ. երկրորդ   |

|   |                    |որոնք լիարժեք չեն:   |եռամսյակից: 2010 թ.   |

|   |                    |Բազայի նոր տարբերակը |երկրորդ կեսից         |

|   |                    |մշակման փուլում է:   |ակնկալվում է գործարկել|

|   |                    |                     |նաև  ՃՈ գերատեսչական  |

|   |                    |Ընդ որում ներկայումս |ցանցը:                |

|   |                    |Ոստիկանության        |                      |

|   |                    |տարածաշրջանային      |Նոր բազայի և  ցանցի   |

|   |                    |մարմիններից տվյալները|շահագործմանը զուգընթաց|

|   |                    |ստացվում են միջինում |Ոստիկանությունը պետք է|

|   |                    |ամսական              |ապահովի ՃՈ            |

|   |                    |պարբերականությամբ:   |տարածաշրջանային       |

|   |                    |                     |մարմիններից           |

|   |                    |                     |կենտրոնական           |

|   |                    |                     |հանգույց տվյալների    |

|   |                    |                     |փոխանցումը «ռեալ      |

|   |                    |                     |ժամանակի» ռեժիմում կամ|

|   |                    |                     |առնվազն օրական        |

|   |                    |                     |պարբերականությամբ:    |

|___|____________________|_____________________|______________________|

_______________________

2) Ըստ «Հայաստանի Հանրապետության կառավարությանն առընթեր Հայաստանի Հանրապետության ոստիկանության «Ճանապարհային ոստիկանություն» ծառայության վարչական իրավախախտումների և տրանսպորտային միջոցների հաշվառման ու վարորդական վկայականների տրման ավտոմատացված տեղեկատվական-փնտրողական համակարգ և ցանց ստեղծելու միջոցառումների ծրագիրը հաստատելու մասին» ՀՀ կառավարության 13.11.2009 թ. N 936-Ա որոշման:

 

|___|____________________|_____________________|______________________|

|1.2|. ՀՀ տարածքում տեղի |Կենտրոնական          |Անհրաժեշտ է ապահովել  |

|   |ունեցած ՃՏՊ-եր      |հանգույցում          |կենտրոնական           |

|   |                    |հավաքագրվում են միայն|հանգույցում բոլոր     |

|   |                    |1. անձնական վնասներով|ՃՏՊ-երի (անձնական և   |

|   |                    |(մարմնական           |նյութական վնասներով)  |

|   |                    |վնասվածքներ, մահ)    |հավաքագրումը: Ընդ     |

|   |                    |դեպքերի վերաբերյալ   |որում, տվյալների      |

|   |                    |քարտեր,              |թարմացումը կենտրոնական|

|   |                    |2. դատական կարգով    |հանգույցում           |

|   |                    |տույժի գանձման ենթակա|(տարածաշրջանային      |

|   |                    |խախտումների          |ստորաբաժանումներից    |

|   |                    |վերաբերյալ քարտեր:   |կենտրոն տվյալների     |

|   |                    |Ընդ որում ՃՈ         |պարբերական ուղարկումը)|

|   |                    |կենտրոնական          |պետք է իրականացվի     |

|   |                    |հանգույցում և        |ամենօրյա              |

|   |                    |տարածքային           |պարբերականությամբ:    |

|   |                    |ստորաբաժանումներում  |                      |

|   |                    |ՃՏՊ-երի մասին        |Նշվածը հնարավոր կլինի |

|   |                    |հավաքագրվող          |ապահովել տվյալների    |

|   |                    |տեղեկատվությունը     |հավաքագրման և         |

|   |                    |ներկայումս թղթային է:|պահպանման էլեկտրոնային|

|   |                    |Տվյալների հավաքագրման|համակարգի և           |

|   |                    |և  պահպանման         |գերատեսչական ցանցի    |

|   |                    |էլեկտրոնային         |առկայության դեպքում:  |

|   |                    |համակարգը մշակման    |Համակարգը և  ցանցը    |

|   |                    |փուլում է:           |նախատեսվում է լիարժեք |

|   |                    |Տարածքային           |շահագործել 2010 թ.    |

|   |                    |ստորաբաժանումներից   |երկրորդ կեսից:        |

|   |                    |կենտրոն սահմանված    |                      |

|   |                    |տեղեկությունները     |Նախագծի իրականացման   |

|   |                    |փոխանցվում են թղթային|ընթացքում պետք է      |

|   |                    |տարբերակով` միայն    |որոշարկվի այն         |

|   |                    |վերը նշված դեպքերի   |տվյալների ցանկը, որոնց|

|   |                    |մասով:               |ՃՈ-ն չի տիրապետում և  |

|   |                    |                     |որոնք պետք է ստացվեն  |

|   |                    |                     |այլ մարմիններից       |

|   |                    |                     |(օրինակ` մեղավորության|

|   |                    |                     |մասին եզրակացություն  |

|   |                    |                     |քննչական մարմիններից, |

|   |                    |                     |ՀՀ արդարադատության    |

|   |                    |                     |նախարարության         |

|   |                    |                     |փորձագիտական կենտրոնի |

|   |                    |                     |ավտոտեխնիկական        |

|   |                    |                     |փորձաքննության        |

|   |                    |                     |եզրակացություն, որոնք |

|   |                    |                     |ՃՈ ներկայացվում են    |

|   |                    |                     |թղթային եղանակով),    |

|   |                    |                     |մշակել դրանց փոխանցման|

|   |                    |                     |մեխանիզմներ:          |

|___|____________________|_____________________|______________________|

|1.3|. Վարորդական        |Ներկայումս           |Մինչև  2010 թ. երկրորդ|

|   |իրավունք ունեցող    |կենտրոնացված բազա կա,|եռամսյակ նախատեսվում է|

|   |վարորդներ           |սակայն ամբողջական չէ:|ամբողջությամբ         |

|   |                    |Կենտրոնացված բազա    |շահագործել նոր բազան: |

|   |                    |տվյալները            |2010 թ. երկրորդ կեսից |

|   |                    |մուտքագրվում են 15   |համակարգը նախատեսվում |

|   |                    |ստորաբաժանումներից   |է միացնել նաև         |

|   |                    |պարբերաբար` կրիչներով|միասնական գերատեսչական|

|   |                    |(որպես կանոն ամիսը   |ցանցով:               |

|   |                    |մեկ անգամ):          |                      |

|   |                    |                     |Բազայի                |

|   |                    |Էլեկտրոնային         |ամբողջականության      |

|   |                    |տարբերակով առկա են   |ապահովման նպատակով ՀՀ |

|   |                    |միայն նոր ՎԻ ստացած  |ոստիկանության կողմից  |

|   |                    |վարորդների տվյալները:|կարող է նախատեսվել հին|

|   |                    |Նախկին ԽՍՀՄ          |վարորդական            |

|   |                    |վարորդական           |իրավունքների          |

|   |                    |իրավունքների մասով,  |փոխարինում նորերով`   |

|   |                    |որոնք դեռևս  գործում |որոշակի սահմանված     |

|   |                    |են, Ոստիկանությունը  |ժամկետի ընթացքում:    |

|   |                    |տվյալներ չունի: Ընդ  |                      |

|   |                    |որում, դրանք անժամկետ|                      |

|   |                    |են, այսինքն` դրանց   |                      |

|   |                    |փոխարինումը նորերով  |                      |

|   |                    |ժամանակի ընթացքում չի|                      |

|   |                    |իրականացվում (կամ    |                      |

|   |                    |իրականացվում է       |                      |

|   |                    |բացառիկ դեպքերում`   |                      |

|   |                    |օրինակ ՎԻ կորուստ):  |                      |

|   |                    |                     |                      |

|   |                    |Ոստիկանությունը      |                      |

|   |                    |տվյալները չունի նաև  |                      |

|   |                    |միջազգային վարորդական|                      |

|   |                    |իրավունքների մասին,  |                      |

|   |                    |որոնք վավեր են ՀՀ    |                      |

|   |                    |տարածքում:           |                      |

|___|____________________|_____________________|______________________|

|2. |Ոստիկանության       |Ներկայումս նման ցանց |ՃՈ գերատեսչական ցանցի |

|   |կենտրոնական         |գոյություն չունի,    |շահագործումը          |

|   |հանգույցի և         |կենտրոնական հանգույց |նախատեսվում է սկսել   |

|   |տարածքային          |տվյալները            |2010 թ. երկրորդ կեսից:|

|   |ստորաբաժանումների   |մուտքագրվում են 15   |                      |

|   |միջև  ցանց, որի     |տարածքային           |                      |

|   |միջոցով ՏՄ-երի,     |ստորաբաժանումներից   |                      |

|   |դրանց               |պարբերաբար` կրիչներով|                      |

|   |սեփականատերերի,     |(որպես կանոն ամիսը   |                      |

|   |ՀՀ-ում մեքենա       |մեկ անգամ):          |                      |

|   |վարելու իրավունք    |                     |                      |

|   |ստացած վարորդների և |                     |                      |

|   |տեղի ունեցած ՃՏՊ-երի|                     |                      |

|   |տվյալները           |                     |                      |

|   |կենտրոնական         |                     |                      |

|   |հանգույցում         |                     |                      |

|   |թարմացվում են       |                     |                      |

|   |ամեն օր             |                     |                      |

|___|____________________|_____________________|______________________|

|3. |Առանձնացված ապահով  |առկա չէ              |Անհրաժեշտ է ապահովել: |

|   |կապուղի             |                     |ԿԲ-ի, ՀՀ կառավարության|

|   |Ոստիկանության       |                     |և  ՃՈ-ի համատեղ       |

|   |կենտրոնական         |                     |քննարկումների         |

|   |հանգույցի և         |                     |արդյունքում պետք է    |

|   |ռեգիստրի միջև       |                     |սահմանվեն             |

|   |                    |                     |պատասխանատուն,        |

|   |                    |                     |ֆինանսավորման աղբյուրը|

|   |                    |                     |և  ժամկետները: Վերջինս|

|   |                    |                     |պետք է արտացոլվի      |

|   |                    |                     |նախագծի իրականացման   |

|   |                    |                     |միջոցառումների        |

|   |                    |                     |ծրագրում:             |

|___|____________________|_____________________|______________________|

|4. |Ոստիկանության       |մշակված չէ           |Պետք է մշակվի ՀՀ ԿԲ   |

|   |կենտրոնական բազայի  |                     |Տեղեկատվական և        |

|   |և  ռեգիստրի միջև    |                     |հաղորդակցման          |

|   |տվյալների փոխանցման |                     |տեխնոլոգիաների        |

|   |ընդհանուր           |                     |վարչության և          |

|   |ստանդարտներ և       |                     |Ոստիկանության         |

|   |փոխհամաձայնեցված    |                     |համապատասխան          |

|   |մեխանիզմներ         |                     |մասնագետների կողմից   |

|   |                    |                     |համատեղ:              |

|   |                    |                     |Քննարկումների         |

|   |                    |                     |արդյունքում անհրաժեշտ |

|   |                    |                     |է սահմանել ժամկետներ  |

|   |                    |                     |և  արտացոլել դրանք    |

|   |                    |                     |նախագծի իրականացման   |

|   |                    |                     |միջոցառումների        |

|   |                    |                     |ծրագրում:             |

|___|____________________|_____________________|______________________|

|5. |ՏՄ միարժեք          |ՏՄ նույնականացումը   |ՃՈ-ում մշակվելու և    |

|   |նույնականացման      |VIN, թափքի և  շարժիչի|կիրառվելու է ՏՄ       |

|   |մեխանիզմ            |համարներով ոչ միշտ է |առանձին               |

|   |                    |հնարավոր. կան        |նույնականացուցիչ`     |

|   |                    |մեքենաներ, որոնք     |հերթական համար:       |

|   |                    |չունեն այդ երեք      |Հնարավոր է, որ        |

|   |                    |համարներից և  ոչ մեկը|նպատակահարմար լինի    |

|   |                    |(փորձագիտական        |նույն դաշտը կիրառել   |

|   |                    |գնահատմամբ` ՏՄ-երի   |նաև  ռեգիստրում` որպես|

|   |                    |ընդհանուր թվի մոտ    |ՏՄ նույնականացուցիչ:  |

|   |                    |20%-ը):              |                      |

|___|____________________|_____________________|______________________|

|6. |ՃՏՊ-ի (ապահովագրական|ՃՏՊ-ի (ապահովագրական |Ապահովագրական         |

|   |պատահարի) մասին     |պատահարի) մասին      |ընկերությունների և    |

|   |Ոստիկանության       |Ոստիկանության        |Ոստիկանության միջև    |

|   |գրանցումների        |գրանցումներում       |(ռեգիստրի միջոցով) ՃՏՊ|

|   |(հաշվառման քարտ) և  |(հաշվառման քարտ) և   |վերաբերյալ տվյալների  |

|   |ռեգիստրում պահվող`  |ռեգիստրի փաստաթղթում |փոխանակման            |

|   |ապահովագրական       |(ACCD) պարունակվող   |արդյունավետությունը   |

|   |պատահարի վերաբերյալ |տվյալները (դաշտերը)  |բարձրացնելու համար    |

|   |տվյալների (3)       |տարբեր են,           |նպատակահարմար է, որ   |

|   |կառուցվածքային      |կառուցվածքային       |նշված երկու           |

|   |համադրելիություն    |առումով համադրելի    |փաստաթղթերը           |

|   |                    |չեն:                 |առավելագույնս         |

|   |                    |                     |համադրելի լինեն,      |

|   |                    |                     |այսինքն պարունակեն    |

|   |                    |                     |նույնական տվյալների   |

|   |                    |                     |դաշտեր և  պահպանվեն   |

|   |                    |                     |նույն ֆորմատներով:    |

|   |                    |                     |                      |

|   |                    |                     |Առաջարկվում է         |

|   |                    |                     |համադրելիության       |

|   |                    |                     |ապահովումը ամրագրել   |

|   |                    |                     |նախագծի իրականացման   |

|   |                    |                     |միջոցառումների        |

|   |                    |                     |ծրագրում:             |

|   |                    |                     |Համադրելիությունը     |

|   |                    |                     |կապահովվի ռեգիստրում  |

|   |                    |                     |և/կամ  ՃՈ բազաներում  |

|   |                    |                     |համապատասխան          |

|   |                    |                     |փոփոխությունների      |

|   |                    |                     |իրականացման միջոցով`  |

|   |                    |                     |ՀՀ ԿԲ և  Ոստիկանության|

|   |                    |                     |մասնագետների          |

|   |                    |                     |մասնակցությամբ:       |

|___|____________________|_____________________|______________________|

 

________________________

3) ««Ապահովագրողների, վերաապահովագրողների հաճախորդների տեղեկատվական համակարգի ստեղծման կարգը և պայմանները» հաստատելու մասին» ՀՀ ԿԲ խորհրդի 23.05.2008 թ. թիվ 157-Ն որոշում, հավելված 1:

 

|___|____________________|_____________________|______________________|

|7. |Վարելու միջոցով ՀՀ  |Այլ երկրների պետական |Անհրաժեշտ է ապահովել: |

|   |ներմուծվող բոլոր    |համարանիշներով       |Առաջարկվում է այս     |

|   |ՏՄ-երի              |(Վրաստան, Իրան և     |միջոցառումն ամրագրել  |

|   |գրանցում/հաշվառում  |այլն) ՏՄ-երը         |նախագծի իրականացման   |

|   |միասնական           |Ոստիկանության կողմից |միջոցառումների        |

|   |համակարգում         |չեն գրանցվում: Դրանց |ծրագրում: Ամբողջական  |

|   |(մասնավորապես, այլ  |մուտքը ՀՀ տարածք     |հաշվառումը հնարավոր է |

|   |երկրներում`         |արձանագրվում է       |ապահովել ՃՈ           |

|   |Վրաստանում, Իրանում |սահմանապահ մարմինների|գերատեսչական ցանցին   |

|   |և  այլն, գրանցված   |կողմից, սակայն ՏՄ-երի|միացնելով նաև  ՀՀ ԿԱ  |

|   |ՏՄ-երի հաշվառում ՃՈ |վերաբերյալ հաշվառվող |պետական եկամուտների   |

|   |տեղեկատվական -      |տեղեկատվությունը շատ |կոմիտեի մաքսային      |

|   |փնտրողական          |քիչ է (մասնավորապես  |ծառայության           |

|   |համակարգում)        |հաշվառվում են միայն  |համապատասխան կետերը`  |

|   |                    |պետհամարանիշերը և    |վերջիններիս           |

|   |                    |մակնիշը), ընդ որում` |համապատասխան          |

|   |                    |թղթային եղանակով:    |տեխնիկական միջոցներով |

|   |                    |Սահմանային գոտիներում|(համակարգիչներ և      |

|   |                    |ՏՄ-երի հաշվառման միակ|հարակից սարքեր)       |

|   |                    |աղբյուրն ամենայն     |ապահովելու դեպքում:   |

|   |                    |հավանականությամբ     |                      |

|   |                    |կարող է հանդես գալ ՀՀ|                      |

|   |                    |ԿԱ պետական           |                      |

|   |                    |եկամուտների կոմիտեի  |                      |

|   |                    |մաքսային             |                      |

|   |                    |ծառայությունը:       |                      |

._____________________________________________________________________.

 

5. ՏՎՅԱԼՆԵՐԻ ՓՈԽԱՆԱԿՄԱՆ ԳՈՐԾԸՆԹԱՑՆԵՐԸ

 

Ստորև կդիտարկվեն տվյալների փոխանակման անհրաժեշտ գործընթացները և դրանց իրականացման մեխանիզմները` ըստ տվյալների առանձին խմբերի:

 

5.1. ՏՐԱՆՍՊՈՐՏԱՅԻՆ ՄԻՋՈՑՆԵՐԻ ՄԱՍԻՆ ՏՎՅԱԼՆԵՐ

 

Ռեգիստրում պահվում են ամբողջական տվյալներ ժամանակի որոշակի պահի դրությամբ ապահովագրված ՏՄ-երի վերաբերյալ: Չապահովագրված ՏՄ-երը նույնականացնելու համար ռեգիստրին Ոստիկանությունից անհրաժեշտ են ժամանակի տվյալ պահի դրությամբ ՀՀ-ում հաշվառված և վարելու իրավունք ունեցող բոլոր ՏՄ-երի վերաբերյալ տվյալներ: Այս երկու ցուցակների համադրմամբ ռեգիստրը արտածում է չապահովագրված ՏՄ-երի ցանկը, որը տրամադրվում է Ոստիկանությանը` օրենքով սահմանված պատժամիջոցներ (տուգանք) կիրառելու համար:

 

ՏՄ-երի վերաբերյալ տվյալների փոխանակման գործընթացը նկարագրվում է գծապատկեր 1-ում բերված սխեմայով:

 

Գծապատկեր 1: ՏՄ վերաբերյալ տվյալների փոխանակման սխեմա

 

.________________________________________________________________.

|ՀՀ ՈՍՏԻԿԱՆՈՒԹՅՈՒՆ         |    ԱՊԱՀՈՎԱԳՐԱԿԱՆ ՌԵԳԻՍՏՐ            |

|__________________________|_____________________________________|

| .____________________.   |                                     |

| |Ոստիկանությունը     |   |                                     |

| |ռեգիստր է ուղարկում |   |                                     |

| |ՀՀ-ում հաշվառված և  |___|__________________.                  |

| |վարելու միջոցով ՀՀ  |   |                  |                  |

| |ներմուծվող ԲՈԼՈՐ    |   |                  |                  |

| |ՏՄ-երի տվյալները    |   |                                    |

| .____________________.   |    .___________________________.    |

|                          |    |Տվյալների մշակում ռեգիստրի |    |

|                          |    |կողմից, ռեգիստրը արտածում է|    |

|                          |    |չապահովագրված ՏՄ-երի ցանկը |    |

|                          |    .___________________________.    |

|                          |                  |                  |

|                          |                                    |

|                          |    .___________________________.    |

|                          |    |Ռեգիստրը ոստիկանությանը    |    |

|                          |    |տրամադրում է տվյալներ      |    |

|                          |    |ՉԱՊԱՀՈՎԱԳՐՎԱԾ ՏՄ-երի մասին |    |

|                          |    .___________________________.    |

|        ._____.           |                  |                  |

|        |  X  | <_________|__________________.                  |

|        ._____.           |                                     |

.________________________________________________________________.

 

Տվյալների փոխանակման գործընթացի տեխնիկական նկարագիրը.

 

. Ոստիկանության կենտրոնական հանգույցի և ռեգիստրի միջև կապն ապահովվում է առանձնացված կապուղիով:

. Տվյալների փոխանակումն իրականացվում է օրական պարբերականությամբ:

. Ոստիկանության տեղեկատվական համակարգի կենտրոնական հանգույցում գրանցված` ՏՄ-երի բազայի փոփոխությունները (ՀՀ ողջ տարածքի կտրվածքով) յուրաքանչյուր աշխատանքային օր` սահմանված ժամին (օրինակ` ժ. 0:00), ավտոմատ կերպով ուղարկվում են ռեգիստրին: Առաջին անգամ Ոստիկանությունը ռեգիստրին ուղարկում է գրանցված ՏՄ-երի բազան ամբողջությամբ:

. Ռեգիստրում ստացված տվյալների հիման վրա թարմացվում է գրանցված ՏՄ-երի ցուցակը, վերջինս համադրվում է տվյալ օրվա (0:00-ից հետո) դրությամբ գործող պայմանագիր ունեցող ՏՄ-երի ցուցակի հետ և արտածվում է չապահովագրված ՏՄ-երի ցուցակը:

. Չապահովագրված ՏՄ-երի ցուցակը նույն կապուղիով ուղարկվում է Ոստիկանության համապատասխան մարմին:

 

ՏՄ-երի վերաբերյալ Ոստիկանության կողմից ռեգիստրին տրամադրվող տվյալների ցանկը ներկայացված է հավելված 1-ում:

 

5.1.1. ՏՐԱՆՍՊՈՐՏԱՅԻՆ ՄԻՋՈՑՆԵՐԻ ՄԱՍԻՆ ՏՎՅԱԼՆԵՐԻ ՍՏՈՒԳՈՒՄԸ

 

ՏՄ-երի վերաբերյալ Ոստիկանությունից ստացված տվյալները օգտագործվում են ռեգիստրի կողմից նաև ապահովագրական ընկերությունների մուտքագրած տվյալների ճշտությունը ստուգելու և ամբողջականությունն ապահովելու նպատակով:

ՏՄ-երի վերաբերյալ փոխանակված տվյալների ճշտության և ամբողջականության ստուգման գործընթացը նախատեսվում է երկու հնարավոր տարբերակներով: Որպես լավագույն տարբերակ նախատեսվում է տվյալների փոխանակումն իրականացնել օնլայն ռեժիմով և անհրաժեշտություն չի լինի ՏՄ և վարորդական իրավունքների տվյալները ամբողջությամբ տեղափոխել ապահովագրական ռեգիստր: Ստորև գծապատկեր 2-4-ում նկարագրվում է երկրորդ տարբերակը, որտեղ առանձին իրավիճակներով ներկայացվում է օֆլայն տեսքով տվյալների փոխանակման գործընթացը: Տեխնիկական լուծման լավագույն օպտիմալ տարբերակի ընտրությունը նախատեսվում է իրականացնել նախագծի հետագա փուլերում:

 

Տվյալների ստուգման գործընթացի տեխնիկական նկարագիրը.

 

. Այն ապահովագրվող ՏՄ-երի մասով, որոնք արդեն իսկ գրանցված են Ոստիկանությունում, ապահովագրական ընկերությունը օգտվում է ռեգիստրում պահվող` ՏՄ-երի վերաբերյալ ստացված տվյալներից` VIN, թափքի, շարժիչի համարներից և ՏՄ-ի պետհամարանիշից առնվազն երկուսի միջոցով հարցում իրականացնելով ռեգիստրին:

. Ռեգիստրում ՏՄ վերաբերյալ տվյալների բացակայության դեպքում ԱԸ լրացնում է իր մոտ եղած տեղեկատվությունը, որը «ժամանակավոր» ռեժիմով գրանցվում է ռեգիստրում: Այնուհետև Ոստիկանության կողմից տվյալ ՏՄ վերաբերյալ տվյալներն ուղարկելուն պես համակարգն ավտոմատ համապատասխան տվյալների լրացման ծանուցում է ուղարկում ԱԸ:

. Հարցման արդյունքում ՏՄ վերաբերյալ ստացված տվյալների անճշտության և/կամ բացթողման հայտնաբերման դեպքում ապահովագրական ընկերությունը համապատասխան դաշտերում լրացնում է իր մոտ եղած տեղեկատվությունը, որի արդյունքում այն նույնպես գրանցվում է հատուկ «ժամանակավոր» ռեժիմով և մնում է այդ ռեժիմում մինչև անճշտությունների ուղղումը:

. Միաժամանակ Ոստիկանությանը ուղարկվում է հարցում` հայտնաբերված անհամապատասխանության վերաբերյալ, որից հետո Ոստիկանությունը ճշտում է իր կողմից ուղարկված տվյալները և անհրաժեշտության դեպքում ռեգիստր ուղարկում տվյալ գրառման ճշտված տարբերակը:

. Ոստիկանության կողմից դեռևս չհաշվառված ՏՄ-երի մասով ԱԸ կողմից ուղարկված տեղեկատվությունը ռեգիստրում գրանցվում է Ոստիկանության կողմից տվյալ ՏՄ հաշվառելուց և ռեգիստրում Ոստիկանության բազաների համապատասխան փոփոխությունները արտացոլվելուց հետո:

 

Գծապատկեր 2: ՏՄ վերաբերյալ տվյալների ստուգման և գրանցման սխեմա

ՏՄ վերաբերյալ ռեգիստրում տվյալ գոյություն ունի և այն ճիշտ է

______________________________

ԻՐՏԵԿ - գծապատկերը չի բերվում

 

Գծապատկեր 3: ՏՄ վերաբերյալ տվյալների ստուգման և գրանցման սխեմա

ՏՄ վերաբերյալ ռեգիստրում տվյալ գոյություն չունի

______________________________

ԻՐՏԵԿ - գծապատկերը չի բերվում

 

Գծապատկեր 4: ՏՄ վերաբերյալ տվյալների ստուգման և գրանցման սխեմա

ՏՄ վերաբերյալ ռեգիստրում տվյալ գոյություն ունի, բայց այն ճիշտ չէ

______________________________

ԻՐՏԵԿ - գծապատկերը չի բերվում

 

5.2. ՃԱՆԱՊԱՐՀԱՏՐԱՆՍՊՈՐՏԱՅԻՆ ՊԱՏԱՀԱՐՆԵՐԻ ՄԱՍԻՆ ՏՎՅԱԼՆԵՐ

 

Եթե որևէ ՃՏՊ-ի հետ կապված գրանցվել է ապահովագրական պատահար, դրա վերաբերյալ տվյալներն ապահովագրական ընկերությունները, ռեգիստրի միջոցով, կարող են ստանալ Ոստիկանությունից` որպես տեղեկատվության առաջնային աղբյուր (բացառությամբ այն ապահովագրական պատահարների, որոնց դեպքում ճանապարհային ոստիկանության (ՃՈ) ներկայացուցիչ ներկա չի եղել): Այդ նպատակով տվյալների փոխանակման համակարգը պետք է հնարավորություն տա Ոստիկանությունից ռեգիստրին ուղարկել ՃՏՊ-ի հետ կապված փաստաթղթերում (ՃՏՊ հաշվառման քարտ, ՃՏՊ սխեմա, առկայության դեպքում` ՀՀ արդարադատության նախարարության փորձագիտական կենտրոնի ավտոտեխնիկական փորձաքննության եզրակացություն) պարունակվող տվյալները` էլեկտրոնային ֆորմատով:

 

ՃՏՊ-երի վերաբերյալ տվյալների փոխանակման ապահովումը թույլ կտա նաև էապես պարզեցնել հատուցման մասին որոշում կայացնելու գործընթացում Ոստիկանությունից պահանջվող փաստաթղթերի շրջանառությունը և հատուցման ընթացակարգերը:

 

Գծապատկեր 3: Պատահարի վերաբերյալ տվյալների փոխանակման սխեմա

______________________________

ԻՐՏԵԿ - գծապատկերը չի բերվում

 

Այն ՃՏՊ-երի մասով, որոնք գրանցված են Ոստիկանությունում, ապահովագրական ընկերությունը Ոստիկանությունից (ռեգիստրի միջոցով) ստանում է ՃՏՊ մասին տվյալները հայտի հիման վրա` ըստ գծապատկեր 3-ում նկարագրված գործընթացի:

 

Հայտի ուղարկումը և տեղեկատվության ստացումը իրականացվում է ռեգիստրի միջնորդավորմամբ, ինչը թույլ կտա խուսափել ապահովագրական ընկերությունների և Ոստիկանության միջև բազմակի ուղիղ կապերից` դրանով իսկ ապահովելով տվյալների հոսքերի օպտիմալ կազմակերպում: ՃՏՊ մասին տվյալների ստացման հայտում որպես կոնկրետ ՃՏՊ նույնականացուցիչ կծառայի ՃՈ կողմից լրացված ՃՏՊ հաշվառման քարտի ունիկալ համարը, իսկ դրա բացակայության դեպքում` մասնակից ՏՄ պետհամարանիշը, ՃՏՊ տեղի ունենալու օրը, ժամը և վայրը միասին:

 

ՃՏՊ-ի վերաբերյալ Ոստիկանության կողմից ռեգիստրին (ապահովագրական ընկերությանը) տրամադրվող տվյալների ցանկը ներկայացված է հավելված 1-ում:

 

5.3. ՎԱՐՈՐԴՆԵՐԻ (ՏՄ ՍԵՓԱԿԱՆԱՏԵՐԵՐԻ) ՄԱՍԻՆ ՏՎՅԱԼՆԵՐ

 

Ռեգիստրում հավաքագրվող տվյալների ամբողջականությունն ու ճշտությունն ապահովելու համար նպատակահարմար է Ոստիկանությունից ստանալ նաև ՀՀ-ում գրանցված վարորդների և ՏՄ սեփականատերերի վերաբերյալ տվյալները, որոնց միջոցով կստուգվի ապահովագրական ընկերությունների կողմից ռեգիստր մուտքագրված` վարորդների և ՏՄ-երի սեփականատերերի մասին տվյալների ճշգրտությունը: Այս խումբ տվյալների փոխանակման գործընթացը կարող է իրականացվել անհատական հարցումների (հայտերի) հիման վրա:

 

6. ՀԱՅԵՑԱԿԱՐԳԻ ԻՐԱԿԱՆԱՑՄԱՆ ՀԱՄԱՐ ԱՆՀՐԱԺԵՇՏ ՄԻՋՈՑԱՌՈՒՄՆԵՐ

 

Ստորև ներկայացվում է Նախագծի իրականացման համար անհրաժեշտ միջոցառումների շրջանակը, դրանց իրականացման գործընթացում ներգրավված կողմերը և իրականացման ժամկետները:

 

._____________________________________________________________________.

|ՄԻՋՈՑԱՌՄԱՆ ԲՈՎԱՆԴԱԿՈՒԹՅՈՒՆԸ          |ՆԵՐԳՐԱՎՎԱԾ ԿՈՂՄԵՐԸ |ԻՐԱԿԱՆԱՑՄԱՆ|

|                                     |                   |ԺԱՄԿԵՏԸ    |

|_____________________________________|___________________|___________|

|1.|ՀՀ ՃՈ հետ ՃՏՊ-երի (ապահովագրական  |ՀՀ ԿԲ, ՀՀ ՃՈ       |2010 թ.    |

|  |պատահարների) վերաբերյալ           |                   |երկրորդ    |

|  |գրառումների կառուցվածքային        |                   |եռամսյակ   |

|  |համադրելիության ապահովման նպատակով|                   |           |

|  |ռեգիստրում իրականացվելիք          |                   |           |

|  |փոփոխությունների որոշարկում       |                   |           |

|__|__________________________________|___________________|___________|

|2.|Տրանսպորտային միջոցների           |ՀՀ ԿԲ, ՀՀ ՃՈ       |2010 թ.    |

|  |նույնականացման նոր համակարգի`     |                   |երկրորդ    |

|  |ռեգիստրում ներդրման               |                   |եռամսյակ   |

|  |հնարավորությունների և             |                   |           |

|  |նպատակահարմարության ուսումնասիրում|                   |           |

|__|__________________________________|___________________|___________|

|3.|ՀՀ ԿԱ պետական եկամուտների         |ՀՀ ԿԲ, ՀՀ ՃՈ, ՀՀ ԿԱ|2010 թ.    |

|  |կոմիտեի մաքսային ծառայության`     |պետական եկամուտների|երկրորդից  |

|  |տվյալների փոխանակման              |կոմիտեի մաքսային   |չորրորդ    |

|  |համակարգին մասնակցության          |ծառայություն (§)   |եռամսյակներ|

|  |հնարավորության ուսումնասիրություն,|                   |           |

|  |որի արդյունքում համապատասխան      |                   |           |

|  |առաջարկությունները կներկայացվեն   |                   |           |

|  |ՀՀ կառավարություն                 |                   |           |

|__|__________________________________|___________________|___________|

_________________

§ «Տարանցիկ փոխադրում» և մինչև 2 ամսով «ժամանակավոր ներմուծում» ռեժիմներով վարելու միջոցով ՀՀ ներմուծվող տրանսպորտային միջոցների հաշվառումը «Ճանապարհային երթևեկության ապահովման մասին» ՀՀ օրենքի համաձայն իրականացնում է ՀՀ ԿԱ առընթեր պետական եկամուտների կոմիտեի մաքսային ծառայությունը:

 

|__|__________________________________|___________________|___________|

|4.|ՀՀ ՃՈ և  ՀՀ ԿԲ ապահովագրական      |ՀՀ ԿԲ, ՀՀ ՃՈ       |2010 թ.    |

|  |ռեգիստրի միջև  տվյալների          |                   |երկրորդ    |

|  |փոխանակման լավագույն օպտիմալ      |                   |եռամսյակ   |

|  |տարբերակի ընտրություն (օնլայն,    |                   |           |

|  |օֆլայն և  այլն)                   |                   |           |

|__|__________________________________|___________________|___________|

|5.|ՀՀ ՃՈ տեղեկատվական-փնտրողական     |ՀՀ ԿԲ, ՀՀ ՃՈ       |2010 թ.    |

|  |համակարգի և  ՀՀ ԿԲ ռեգիստրի       |                   |երրորդ     |

|  |միջև  տվյալների փոխանակման        |                   |եռամսյակ   |

|  |սխեմաների, փոխանակվող տվյալների   |                   |           |

|  |շրջանակների և  ֆորմատների,        |                   |           |

|  |փոխանակման իրականացման            |                   |           |

|  |տեխնոլոգիաների և  մեխանիզմների    |                   |           |

|  |սահմանում                         |                   |           |

|__|__________________________________|___________________|___________|

|6.|«Ապահովագրողների,                 |ՀՀ ԿԲ              |2010 թ.    |

|  |վերաապահովագրողների հաճախորդների  |                   |երրորդ     |

|  |տեղեկատվական համակարգի ստեղծման   |                   |եռամսյակ   |

|  |կարգը և  պայմանները» հաստատելու   |                   |           |

|  |մասին ՀՀ ԿԲ խորհրդի 23.05.2008 թ. |                   |           |

|  |157-Ն որոշման մեջ անհրաժեշտ       |                   |           |

|  |փոփոխությունների և  լրացումների   |                   |           |

|  |կատարում                          |                   |           |

|__|__________________________________|___________________|___________|

|7.|«Ապահովագրողների,                 |ՀՀ ԿԲ              |2010 թ.    |

|  |վերաապահովագրողների հաճախորդների  |                   |երրորդ     |

|  |տեղեկատվական համակարգի ստեղծման   |                   |եռամսյակ   |

|  |կարգը և  պայմանները» հաստատելու   |                   |           |

|  |մասին ՀՀ ԿԲ խորհրդի 23.05.2008 թ. |                   |           |

|  |157-Ն որոշման փոփոխությունների և  |                   |           |

|  |լրացումների հետ կապված ծրագրային  |                   |           |

|  |փոփոխությունների իրականացում      |                   |           |

|__|__________________________________|___________________|___________|

|8.|ՀՀ ՃՈ տեղեկատվական-փնտրողական     |ՀՀ ՃՈ              |2010 թ.    |

|  |համակարգի աշխատանքում հայեցակարգով|                   |երրորդ     |

|  |նախատեսված գործընթացների          |                   |եռամսյակ   |

|  |(տվյալների ամբողջական հավաքագրում,|                   |           |

|  |տվյալների փոխանակման գործընթացներ,|                   |           |

|  |տվյալների թարմացման               |                   |           |

|  |հաճախականություն և  այլն)         |                   |           |

|  |ապահովում                         |                   |           |

|__|__________________________________|___________________|___________|

|9.|ՃՈ կենտրոնական հանգույցի և        |ՀՀ ԿԲ, ՀՀ ՃՈ       |2010 թ.    |

|  |ռեգիստրի միջև  առանձնացված        |                   |երրորդ     |

|  |կապուղու ապահովում                |                   |եռամսյակ   |

|__|__________________________________|___________________|___________|

|10|Տվյալների փոխանակման համակարգի    |ՀՀ ԿԲ, ՀՀ ՃՈ       |2010 թ.    |

|  |տեստային շահագործում              |                   |չորրորդ    |

|  |                                  |                   |եռամսյակ   |

|__|__________________________________|___________________|___________|

|11|Տվյալների փոխանակման համակարգի    |ՀՀ ԿԲ, ՀՀ ՃՈ       |2010 թ.    |

|  |արտադրական շահագործում            |                   |չորրորդ    |

|  |                                  |                   |եռամսյակ   |

._____________________________________________________________________.

 

ՀԱՎԵԼՎԱԾ 1

 

ՑԱՆԿ

 

ՀՀ ԿԲ ԱՎՏՈԱՊԱՀՈՎԱԳՐՈՒԹՅԱՆ ՌԵԳԻՍՏՐԻ ԵՎ ՀՀ ԿԱ ՈՍՏԻԿԱՆՈՒԹՅԱՆ ՏԵՂԵԿԱՏՎԱԿԱՆ ՀԱՄԱԿԱՐԳԻ ՄԻՋԵՎ ՓՈԽԱՆԱԿՎՈՂ ՏՎՅԱԼՆԵՐԻ

 

Ստորև ներկայացվող ցանկը կազմվել է համաձայն ներկայումս գործող «Ապահովագրողների, վերաապահովագրողների հաճախորդների տեղեկատվական համակարգի ստեղծման կարգի և պայմանների» (այսուհետ` «Կարգ»), որի հիման վրա ապահովագրական ընկերությունները հավաքագրում և Ռեգիստր են ներկայացնում նշված տեղեկատվությունը: Նախագծի իրականացման միջոցառումները ներառում են Կարգում փոփոխությունների իրականացումը: Նշված փոփոխությունների արդյունքում ստորև բերվող ցանկը կարող է փոփոխվել` ապահովելու համար երկու համակարգերում պահվող տվյալների առավելագույն համադրելիություն և տվյալների փոխանակման, ստուգման ու արտածման առավելագույն ավտոմատացում:

 

Աղյուսակ 1: ՏՄ վերաբերյալ փոխանակվող տվյալները

 

._____________________________________________________________________.

|Տեղեկատվության տեսակը    |        Նկարագրությունը                    |

|_________________________|___________________________________________|

|ունիկալ նույնականացուցիչ |Լրացվում է ՃՈ տվյալների շտեմարանում        |

|(օժանդակ)                |գրանցված ՏՄ ունիկալ նույնականացուցիչը      |

|_________________________|___________________________________________|

|Պետական համարանիշ        |Նշվում է ՏՄ-ի պետ համարանիշը               |

|_________________________|___________________________________________|

|VIN համարը               |Լրացվում է ՏՄ-ի վին համարը                 |

|_________________________|___________________________________________|

|Թափքի համարը             |Լրացվում է ՏՄ-ի թափքի համարը               |

|_________________________|___________________________________________|

|Շարժիչի համարը           |Լրացվում է ՏՄ-ի շարժիչի համարը             |

|_________________________|___________________________________________|

|Տեսակը                   |1. Մարդատար,                               |

|                         |2. Բեռնատար,                               |

|                         |3. Մոտոտրանսպորտ,                          |

|                         |4. Ավտոբուս,                               |

|                         |5. Այլ:                                    |

|_________________________|___________________________________________|

|Մակնիշը                  |Օրինակ` ՎԱԶ 2106, ԳԱԶ 3110, BMW 320 և  այլն|

|_________________________|___________________________________________|

|Տեխնիկական անձնագիր      |Նշվում է տեխնիկական անձնագրի համարը        |

|                         |տեխնիկական անձնագրի առկայության դեպքում    |

|_________________________|___________________________________________|

|ՈՒմ կողմից               |Ըստ տեխնիկական անձնագրի կամ ժամանակավոր    |

|                         |վկայականի տվյալների                        |

|_________________________|___________________________________________|

|Երբ է տրվել              |Լրացվում է օր/ամիս/տարի ըստ տեխնիկական     |

|                         |անձնագրի կամ ժամանակավոր վկայականի         |

|                         |տվյալների                                  |

|_________________________|___________________________________________|

|Թափքի տեսակը             |Լրացվում է ՏՄ-ի թափքի տեսակը               |

|_________________________|___________________________________________|

|Գույնը                   |Լրացվում է ՏՄ-ի գույնը                     |

|_________________________|___________________________________________|

|Թողարկման տարեթիվը       |Նշվում է ՏՄ-ի թողարկման տարեթիվը           |

|_________________________|___________________________________________|

|Հզորությունը             |Լրացվում է ՏՄ-ի շարժիչի հզորությունը       |

._____________________________________________________________________.

 

-----------------------------------------------------

ԻՐՏԵԿ - շարունակությունը հաջորդ մասում

 

 

pin
ՀՀ կառավարություն
03.06.2010
N 21
Արձանագրային որոշում