040.0653.281098
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«28» հոկտեմբերի 1998 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
28 հոկտեմբերի 1998 թվական թիվ 653
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԵՐԱՔՆՆԻՉ ԵՎ ԱՌԱՋԻՆ ԱՏՅԱՆԻ ԴԱՏԱՐԱՆՆԵՐԻ ՇԵՆՔԵՐԻ ՆԱԽԱԳԾԱՅԻՆ, ՎԵՐԱԿԱՌՈՒՑՄԱՆ ԵՎ ՎԵՐԱՆՈՐՈԳՄԱՆ ԱՇԽԱՏԱՆՔՆԵՐՆ ԻՐԱԿԱՆԱՑՆԵԼՈՒ ՄԱՍԻՆ
Հայաստանի Հանրապետության վերաքննիչ և առաջին ատյանի դատարանների շենքերի վերակառուցման և վերանորոգման աշխատանքները սեղմ ժամկետներում իրականացնելու նպատակով Հայաստանի Հանրապետության կառավարությունը որոշում է.
1. Թույլատրել Հայաստանի Հանրապետության արդարադատության նախարարությանը վերաքննիչ և առաջին ատյանի դատարանների շենքերի նախագծային, վերակառուցման և վերանորոգման աշխատանքներն իրականացնել սահմանափակ մրցույթով:
2. Հայաստանի Հանրապետության արդարադատության նախարարությանը`
ա) շինարարների ընտրության հարցը համաձայնեցնել Հայաստանի Հանրապետության քաղաքաշինության նախարարության հետ.
բ) շինարարության արժեքը համաձայնեցնել միջգերատեսչական մրցութային հանձնաժողովի հետ:
3. Սույն որոշումն ուժի մեջ է մտնում 1998 թվականի հոկտեմբերի 28-ից: