Սեղմել Esc փակելու համար:
ՄԻՋԱԶԳԱՅԻՆ ԳԻՏԱՏԵԽՆԻԿԱԿԱՆ ԿԵՆՏՐՈՆԻ ԽՈ...
Քարտային տվյալներ

Տեսակ
Գործում է
Ընդունման ամսաթիվ
Համար

ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

ՄԻՋԱԶԳԱՅԻՆ ԳԻՏԱՏԵԽՆԻԿԱԿԱՆ ԿԵՆՏՐՈՆԻ ԽՈՐՀՐԴԻ ԱՌԱՋԻՆ ԱՐՏԱԳՆԱ ՆԻՍՏԸ ԵՐԵՎԱՆՈՒՄ ԱՆՑԿԱՑ ...

 

 

041.0611.301098

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

ՈՐՈՇՈՒՄ

 

30 հոկտեմբերի 1998 թվականի թիվ 611

 

ՄԻՋԱԶԳԱՅԻՆ ԳԻՏԱՏԵԽՆԻԿԱԿԱՆ ԿԵՆՏՐՈՆԻ ԽՈՐՀՐԴԻ ԱՌԱՋԻՆ ԱՐՏԱԳՆԱ ՆԻՍՏԸ ԵՐԵՎԱՆՈՒՄ ԱՆՑԿԱՑՆԵԼՈՒ ՄԱՍԻՆ

 

1998 թվականի նոյեմբերի 1-10-ը Միջազգային գիտատեխնիկական կենտրոնի խորհրդի առաջին արտագնա նիստը Երևանում անցկացնելու կապակցությամբ`

1. Հայաստանի Հանրապետության կրթության և գիտության նախարարությանը` Հայաստանի Հանրապետության գիտությունների ազգային ակադեմիայի հետ համատեղ նախապատրաստել արտագնա նիստի անցկացման ծրագիրն ու ապահովել դրա կատարումը:

2. Հայաստանի Հանրապետության արտաքին գործերի նախարարությանը` Հայաստանի Հանրապետության կրթության և գիտության նախարարության ներկայացրած հայտի համաձայն, արտասահմանյան մասնակիցներին սահմանված կարգով տրամադրել Հայաստանի Հանրապետության մուտքի-ելքի անվճար արտոնագիր և հյուրերի Հայաստանում գտնվելու ընթացքում ապահովել միջոցառումների իրականացումն ըստ արարողակարգի:

3. Հայաստանի Հանրապետության քաղաքացիական ավիացիայի գլխավոր վարչությանը` ապահովել հյուրերի ընդունումն ու ճանապարհումը պաշտոնական պատվիրակությունների սրահում (անվճար):

4. Հայաստանի Հանրապետության կառավարությանն առընթեր տեղեկատվության և գրահրատարակչության վարչությանը` լուսաբանել արտագնա նիստի աշխատանքը:

5. Հայաստանի Հանրապետության ֆինանսների և էկոնոմիկայի նախարարությանը` արտագնա նիստի անցկացման համար Հայաստանի Հանրապետության 1998 թվականի պետական բյուջեով գիտությանը նախատեսված միջոցներից Հայաստանի Հանրապետության կրթության և գիտության նախարարությանը տրամադրել 8000000 (ութ միլիոն) դրամ` համաձայն Հայաստանի Հանրապետության կրթության և գիտության նախարարության ներկայացրած նախահաշվի:

 

 

pin
ՀՀ Վարչապետ
30.10.1998
N 611
Որոշում