Սեղմել Esc փակելու համար:
ԵՐԵԽԱՅԻ ԻՐԱՎՈՒՆՔՆԵՐԻ ՊԱՇՏՊԱՆՈՒԹՅԱՆ 20...
Քարտային տվյալներ

Տեսակ
Գործում է
Ընդունող մարմին
Ընդունման ամսաթիվ
Համար

ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

Հղում իրավական ակտի ընտրված դրույթին X
irtek_logo
 

ԵՐԵԽԱՅԻ ԻՐԱՎՈՒՆՔՆԵՐԻ ՊԱՇՏՊԱՆՈՒԹՅԱՆ 2011 ԹՎԱԿԱՆԻ ՊԵՏԱԿԱՆ ԾՐԱԳՐԻՆ ԵՎ ՄԻՋՈՑԱՌՈՒՄՆԵՐ ...

 

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՆԻՍՏԻ
ԱՐՁԱՆԱԳՐՈՒԹՅՈՒՆԻՑ ՔԱՂՎԱԾՔ

 

30 սեպտեմբերի 2010 թվականի N 38

 

20. ԵՐԵԽԱՅԻ ԻՐԱՎՈՒՆՔՆԵՐԻ ՊԱՇՏՊԱՆՈՒԹՅԱՆ 2011 ԹՎԱԿԱՆԻ ՊԵՏԱԿԱՆ ԾՐԱԳՐԻՆ ԵՎ ՄԻՋՈՑԱՌՈՒՄՆԵՐԻ ՑԱՆԿԻՆ ՀԱՎԱՆՈՒԹՅՈՒՆ ՏԱԼՈՒ ՄԱՍԻՆ

(1-ին մաս)

 

Հավանություն տալ Երեխայի իրավունքների պաշտպանության 2011 թվականի պետական ծրագրին և միջոցառումների ցանկին` համաձայն NN 1 և 2 հավելվածների, և դրանք սահմանված կարգով` «Հայաստանի Հանրապետության 2011 թվականի պետական բյուջեի մասին» Հայաստանի Հանրապետության օրենքի նախագծի կազմում ներկայացնել Հայաստանի Հանրապետության Ազգային ժողով:

 

ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ

2010 ԹՎԱԿԱՆԻ ՀՈԿՏԵՄԲԵՐԻ 1-ԻՆ

 

Հավելված N 1

ՀՀ կառավարության

2010 թվականի սեպտեմբերի 30-ի

նիստի N 38 արձանագրային

որոշման

 

ԵՐԵԽԱՅԻ ԻՐԱՎՈՒՆՔՆԵՐԻ ՊԱՇՏՊԱՆՈՒԹՅԱՆ 2011 ԹՎԱԿԱՆԻ ՊԵՏԱԿԱՆ ԾՐԱԳԻՐԸ

 

I. ՆԵՐԱԾՈՒԹՅՈՒՆ

 

«Երեխայի իրավունքների պաշտպանության 2011 թվականի տարեկան ծրագիրը» (այսուհետ` ծրագիր) մշակվել է «Երեխայի իրավունքների մասին» Հայաստանի Հանրապետության օրենքի 33 և 34 հոդվածների պահանջներին համապատասխան:

Ծրագիրը կազմելիս հաշվի են առնվել Հայաստանի Հանրապետության Կառավարության 2003 թվականի դեկտեմբերի 18-ի N 1745-Ն որոշմամբ հաստատված «Հայաստանի Հանրապետությունում երեխայի իրավունքների պաշտպանության 2004-2015 թվականների. ազգային ծրագրի» հիմնական ուղղությունները:

Ծրագիրը համահունչ է Հայաստանի Հանրապետության Կառավարության 2008 թվականի հոկտեմբերի 30-ի N 1207-Ն որոշմամբ հաստատված «Կայուն զարգացման ծրագրի» դրույթներին, համապատասխանում է երեխայի իրավունքների պաշտպանության ոլորտում ստանձնած միջազգային պարտավորություններին և ուղղված է կյանքի դժվարին իրավիճակներում գտնվող երեխաների սոցիալական պաշտպանության հիմնախնդիրների լուծմանը:

 

II. ՏԱՐԵԿԱՆ ԾՐԱԳՐԻ ՆՊԱՏԱԿԸ ԵՎ ԽՆԴԻՐՆԵՐԸ

 

Ծրագրի նպատակն է`

Կյանքի դժվարին իրավիճակներում գտնվող երեխայի սոցիալական պաշտպանության երաշխիքների ապահովումը, այլընտրանքային ծառայությունների ցանցի զարգացումը, երեխաների խնամքի և պաշտպանության հաստատությունների բարելավումը, նշված հաստատություններում խնամվող երեխաների ինտեգրումը հասարակությանը, կրթության համակարգի շարունակական զարգացումը, առողջապահության ոլորտում երեխաների որակյալ և մատչելի ծառայությունների ապահովումը:

Ծրագրի հիմնական խնդիրներն են`

1) Երեխաների իրավունքների պաշտպանությանն ուղղված իրավական դաշտի մշակումը և կատարելագործումը,

2) կյանքի դժվարին իրավիճակներում հայտնված երեխաների սոցիալական ապահովությունը, նրանց օրինական շահերի և իրավունքների պաշտպանությունը,

3) մանկատներում, խնամքի և պաշտպանության գիշերօթիկ հաստատություններում, հատուկ հանրակրթական հաստատություններում երեխաների քանակի նվազեցումը, հոսքի կանխարգելումը,

4) առանց ծնողական խնամքի մնացած երեխաների կրթության իրավունքի ապահովումը, մասնագիտական կողմնորոշումը և ուսուցումը,

5) միջազգային ասպարեզում կրթության համակարգի մրցունակության ապահովումը,

6) վերարտադրողական ներուժի ավելացումը, բժշկաժողովրդագրական ցուցանիշների բարելավումը,

7) մոր և մանկան առողջապահական ծառայությունների որակի և մատչելիության բարելավումը,

8) հղիների նախածննդյան խնամքի և հիվանդանոցային բուժօգնության ցուցանիշների բարելավումը, որպես վերջնական արդյունք` մայրական հիվանդացության և մահացության ցուցանիշների կրճատումը,

9) մանկական հիվանդացության և մահացության կրճատումը,

10) դեռահասների համար անհրաժեշտ առողջապահական ծառայությունների ստեղծումը, դեռահասների վերարտադրողական և սեռական առողջության բարելավումը:

 

III. ՆԵՐԿԱ ԻՐԱՎԻՃԱԿԸ

 

Կյանքի դժվարին իրավիճակում գտնվող երեխաների հիմնահարցերին ուղղված քաղաքականությունը շարունակում է մնալ գերակա ուղղություն, և սոցիալական ոլորտի բարեփոխումները հիմնականում ուղղված են նրանց իրավունքների և շահերի պաշտպանությանը, խնամքի և սոցիալական հոգածության ենթահամակարգի զարգացմանը և երեխաներին տրամադրվող սոցիալական ծառայությունների ապակենտրոնացմանը, որոնք կնպաստեն երեխաների համակողմանի զարգացմանը և կայացմանը:

2010 թվականին Հայաստանի Հանրապետության պետական բյուջեի միջոցներով իրականացվում են մի շարք ծրագրեր. Հայաստանի Հանրապետության Լոռու մարզում իրականացվում է երեխաների խնամքի և պաշտպանության հաստատությունների բեռնաթափման ծրագիր` Հայաստանի Հանրապետության աշխատանքի և սոցիալական հարցերի նախարարության և «Առավոտ» հասարակական կազմակերպության հետ կնքված պայմանագրի համաձայն: Տարվա ընթացքում նախատեսվում է երեխաների խնամք և պաշտպանություն իրականացնող գիշերօթիկ հաստատությունից 40 երեխա վերադարձնել կենսաբանական ընտանիք և կանխարգելել 10 երեխայի մուտքը` մանկատուն:

«Պետական աջակցություն Հայաստանի Հանրապետությունում մանկական խնամակալական կազմակերպությունների շրջանավարտներին» ծրագրի շրջանակներում Հայաստանի Հանրապետության աշխատանքի և սոցիալական հարցերի նախարարության և ՀՕՄ հասարակական կազմակերպության հետ համատեղ 2010 թվականին աջակցություն է ցուցաբերվել 40 շահառուի (շրջանավարտների ուսումնասիրություն և անհատական ծրագրերի կազմում, սոցիալական պատրոնաժ, մասնագիտական կողմնորոշում, ուսուցում, վերապատրաստում, հիմնական կարիքները բավարարող եկամտի ապահովում` կրթաթոշակի հատկացում, միանվագ դրամական օգնություն, բժշկական օգնություն, բժշկական խորհրդատվություն, իրավաբանական աջակցության տրամադրում):

Իրականացվում է երեխաների խնամքի ապահովումը Հայաստանի Հանրապետության աշխատանքի և սոցիալական հարցերի նախարարության համակարգի 8 մանկատանը, ուր 01.07.2010 թվականի տվյալներով խնամվել է 861 երեխա, այդ թվում 390-ը` մասնագիտացված 2 մանկատանը:

Իրականացվում է Հայաստանի Հանրապետության աշխատանքի և սոցիալական հարցերի նախարարության համակարգի երեխաների խնամքի և պաշտպանության գիշերօթիկ 7 հաստատություններում երեխաների խնամքի ապահովումը, ուր 01.07.2010 թվականի տվյալներով խնամվում է սոցիալապես անապահով ընտանիքների շուրջ 700 երեխա:

Իրականացվում է նախարարության համակարգի` Գյումրի և Երևան քաղաքների երեխաների սոցիալական աջակցության ցերեկային 2 կենտրոններում` ռիսկի խմբի 200 երեխային և նրանց ընտանիքներին ծառայությունների մատուցումը:

Իրականացվում է «Հույսի կամուրջ» հասարակական կազմակերպության Տավուշի մարզի 4 ցերեկային կենտրոնների աջակցության ծրագիրը (տարվա ընթացքում 4 կենտրոնում աջակցություն է ստանում շուրջ 750 շահառու), որի շրջանակներում տրամադրվում են կենտրոնների աշխատակիցների աշխատավարձերը և պարտադիր սոցիալական ապահովության վճարները:

Իրականացվում է «Խնամատար ընտանիքի» ծրագիրը, որի շրջանակներում մանկատան 22 երեխա խնամվում է 20 խնամատար ընտանիքում:

Վերապատրաստումներ են իրականացվում Հայաստանի Հանրապետության աշխատանքի և սոցիալական հետազոտությունների ազգային ինստիտուտի հետ համատեղ կազմակերպված «Սոցիալական ապահովության ոլորտի կադրերի վերապատրաստման և որակավորման բարձրացման դասընթացների անցկացում» թեմայով:

Առողջապահության ոլորտում մոր և մանկան առողջության պահպանման խնդիրները կարևորված են ազգային մակարդակում և որպես գերակայություն արտացոլված են Հայաստանի Հանրապետության օրենսդրության մեջ, ռազմավարական և ծրագրային մի շարք փաստաթղթերում:

Ըստ ՄԱԿ-ի մանկական հիմնադրամի հաշվարկային ցուցանիշի, տարածաշրջանում մանկական մահացությունների միտումների վերլուծությունը փաստում է, որ Հայաստանին հաջողվել է վերջին 15 տարվա ընթացքում 46 տոկոսով կրճատել մանկական մահացության ցուցանիշը:

Ըստ միջազգային փորձագիտական գնահատականների, 2005 թվականից Հայաստանը ճանաչված է որպես ԱՊՀ այն եզակի երկրներից մեկը, որին կհաջողվի շարունակաբար իջեցնել երեխաների մահացությունը և հասնել 2015 թվականի համար սահմանված հազարամյակի նպատակներին (ՄՄՑ իջեցում 2/3-ով), եթե այդ ոլորտում հետագայում ապահովվեն շարունակական զարգացումների նույն միտումները: Սակայն միտումների հետագա զարգացումների գնահատականը փաստում է, որ իրավիճակը մանկական մահացության անկման առումով վատացել է: Մինչև 2015 թվականը հարկ կլինի այն նվազեցնել ևս 43%-ով, ինչը ենթադրում է, որ 2015 թվականի համար սահմանված նպատակը դժվար հասանելի է և այն հնարավոր է միայն առկա ռեսուրսների համախմբման և այդ ոլորտում լրացուցիչ ներդրումների իրականացման պայմաններում:

Այս ոլորտի ազգային ռազմավարությունը պետք է ուղղվի ունեցած հաջողությունների պահպանմանը և հետագա ներդրումների և զարգացումների ապահովմանը` որպես երեխաների առողջության բարելավման գրավական:

2010 թվականին շարունակում են իրականացվել երեխաների մահացության, հիվանդացության և հաշմանդամության կանխարգելմանն ուղղված մի շարք ծրագրեր, այդ թվում ֆենիլկետոնուրիայի, հիպոթիրեոզի, անհասության ռետինոպաթիայի և լսողության նորածնային սկրինինգի իրականացման ծրագրերը, որոնք թույլ են տալիս դեռ վաղ հասակից ձեռնարկել միջոցառումներ այս երեխաների բուժման ուղղությամբ և կանխարգելել դրանցով պայմանավորված հաշմանդամությունը:

2010 թվականի ընթացքում շարունակաբար իրականացվում են ծրագրեր` երեխաների ստոմատոլոգիական խնդիրների առաջնային կանխարգելման, աղջիկների վերարտադրողական առողջության գնահատման ու բուժման ուղղությամբ: Խրոնիկ հիվանդ և հաշմանդամ երեխաների վերականգնողական բուժման շրջանակներում հաշմանդամ երեխաները ստացել և շարունակում են ստանալ առողջարանային վերականգնողական բուժում «Արարատ» մանկական առողջարանում, «Ապարան» առողջարարական կենտրոնում և «Օշական» առողջարանային-վերականգնողական կենտրոնում:

Երեխաների բուժօգնության մատչելիության և որակի բժշկական գործելակերպի բարելավման շրջանակներում մշակվել և մարզերին է հատկացվել` «ՀՀ մարզերում մանկապատանեկան մարզադպրոցների սաների բուժկանխարգելիչ զննումները կազմակերպելու մասին ՀՀ առողջապահության նախարարի 20.01.2010 թվականի N 42-Ա և ՀՀ սպորտի և երիտասարդության հարցերի նախարարի 26.01.2010 թվականի N 16-Ա/1 համատեղ հրամանը:

«Իմունականխարգելման ծրագրի» շրջանակներում 2010 թվականի ընթացքում սկսվեց հեպատիտ Բ-ի` մորից երեխային փոխանցման կանխարգելման փորձնական ծրագիրը:

2009 թվականի վերջին ներդրվեց և 2010 թվականից կիրառվում է նոր հնգավալենտ պատվաստանյութը, որը պաշտպանում է երեխաներին ևս մեկ կառավարելի` Հեմոֆիլուս ինֆլուենցիա վարակով պայմանավորված հիվանդությունից:

Զգալի աշխատանք է կատարվել ծնունդների և մանկական մահացության գրանցման գործընթացի բարելավման ուղղությամբ:

Վերջինիս միջին եռամյա ցուցանիշների համեմատությունը վկայում է, որ Հայաստանում վերջին 15 տարվա ընթացքում մայրական մահացության մակարդակը շարունակաբար իջել է: Մայրական մահացության Հայաստանի ցուցանիշն ավելի ցածր է ԱՊՀ և տարածաշրջանի երկրների միջին մակարդակից, սակայն 4 անգամ բարձր է եվրոպական երկրների համանուն ցուցանիշի միջին մակարդակից: Կատարվել են աշխատանքներ` ծննդօգնության բուժհաստատությունների ըստ մակարդակների դասակարգման, ուղեգրման համակարգի բարելավման, բարձր ռիսկի խմբի հղիների նախածննդյան խնամքի և ծննդօգնության ծառայությունների որակի, մատչելիության ապահովման ուղղությամբ, ինչը միտված է նվազեցնել մայրական մահացության դեպքերը:

2010 թվականի անցած ամիսների ընթացքում շարունակաբար մշտադիտարկման է ենթարկվել «Ծննդօգնության պետական հավաստագրի ծրագրի» իրականացման աշխատանքները, որոնք ուղղված են կանանց համար առավել մատչելի և իրապես անվճար ծննդօգնության ծառայությունների մատուցմանը: 2010 թվականի առաջին 6 ամիսների ընթացքում նախորդ տարվա նույն ժամանակահատվածի համեմատությամբ հանրապետությունում գրանցվել է ծնունդների թվի զգալի աճ (1266):

Երեխայի իրավունքների հիմնական բաղկացուցիչներից է կրթությունը: Հիմնական կրթությունը պետական ուսումնական հաստատություններում անվճար է, յուրաքանչյուր քաղաքացի ունի պետական ուսումնական հաստատություններում մրցութային հիմունքներով անվճար բարձրագույն և այլ մասնագիտական կրթություն ստանալու իրավունք:

1999 թվականին Հայաստանի Հանրապետության Ազգային Ժողովն ընդունել է «Կրթության մասին» Հայաստանի Հանրապետության օրենքը, որը հիմնվելով սահմանադրական դրույթների վրա, որոշակիորեն ուղղորդում է կրթության համակարգի զարգացումը: Համաձայն այս օրենքի, Հայաստանի Հանրապետությունն ապահովում է կրթության իրավունք` անկախ ազգությունից, ռասայից, սեռից, լեզվից, դավանանքից, քաղաքական կամ այլ հայացքներից:

Հայաստանի կրթության համակարգի զարգացման քաղաքականությունն այսօր սերտորեն կապված է միջազգային կրթական հանրության հետ: Հայաստանն որդեգրել է միջազգային կրթական համակարգին ինտեգրվելու քաղաքականությունը, որը ենթադրում է կրթության կառուցվածքի և բովանդակության համապատասխանեցում ժողովրդավարական հասարակության ու շուկայական տնտեսության պահանջներին: Հատկապես ընդգրկուն է համագործակցությունը հանրակրթության ոլորտում, ուր անցում է կատարվում 12-ամյա միջնակարգ կրթակարգին:

Պետությունն անհրաժեշտ պայմաններ է ստեղծում նաև կրթության առանձնահատուկ պայմանների կարիք ունեցող քաղաքացիների համար` զարգացման շեղումները շտկելու և սոցիալական հարմարվածությունն ապահովելու նպատակով:

Համաձայն «Կրթության մասին» Հայաստանի Հանրապետության օրենքի` կրթության առանձնահատուկ պայմանների կարիք ունեցող երեխաների կրթությունը ծնողների ընտրությամբ կարող է իրականացվել ինչպես հանրակրթական, այնպես էլ հատուկ հաստատություններում` հատուկ ծրագրերով:

Նախարարության ռազմավարությունն այս բնագավառում ուղղված է մի կողմից հաստատություններում երեխաների կրթության և խնամքի որակի բարելավմանը, մյուս կողմից` այլընտրանքային ծառայությունների ձևավորմանը, ինչը հնարավորություն կտա աստիճանաբար բեռնաթափել հատուկ դպրոցները: Բարեփոխման ծրագրի արդյունավետ իրականացումը հնարավոր է միայն հասարակության, ծնողների, մանկավարժների, հատուկ վերականգնողական, առողջարարական ծառայությունների համակարգված գործունեության միջոցով: Կարևորվում է նաև հանրակրթական դպրոցներում և համայնքներում հատուկ մանկավարժական, սոցիալ-հոգեբանական ծառայությունների ընդլայնումը` կրթության առանձնահատուկ պայմանների կարիք ունեցող երեխաների համար:

Ազգի ապագան բնորոշող հրատապ խնդիրների լուծումը իրականություն է դառնում անընդհատ կրթության համակարգի բոլոր օղակների աստիճանական զարգացման, նրանց ներդաշնակ փոխկապակցության միջոցով: Այդ համակարգի առաջին և կարևորագույն օղակը նախադպրոցական կրթությունն է, որի բովանդակությունը պլանավորվում է այնպես, որ նրա հիմքի վրա կառուցվեն անընդհատ կրթության համակարգի մյուս օղակները: Պետական քաղաքականությունը նախադպրոցական կրթության բնագավառում կառուցվում է ընտանիքի դերի առաջնայնության հիմքի վրա: Նախադպրոցական կրթության ոլորտում Հայաստանի Հանրապետության կրթության և գիտության նախարարության քաղաքականությունն ուղղված է առկա ներուժի պահպանմանը, դրա զարգացման նախադրյալների ստեղծմանը և գործունեության ընդլայնմանը:

Նախադպրոցական կրթության ոլորտում իրականացված հիմնական աշխատանքներն ուղղված են օրենսդրական դաշտի և կառավարման համակարգի կատարելագործմանը, կադրերի մասնագիտական կարողությունների զարգացմանը, նյութատեխնիկական և ուսումնանյութական հիմքի բարելավմանը, ինչպես նաև նախադպրոցական ծառայությունների հնարավորին լայն շրջանների համար հասանելիության ապահովմանը:

Կարևորվում է նաև դաստիարակության համակարգի զարգացումը, ուսուցման ու դաստիարակության միասնականության ապահովումը: Այստեղ առանձնահատուկ շեշտադրում է արվել սովորողների համար ըստ հետաքրքրությունների` գործունեություն ծավալելու հնարավորությունների ընձեռմանը և լրացուցիչ կրթության ապահովմանը:

Ընդունված ռազմավարություններին համապատասխան և օրենսդրական դաշտի կատարելագործման նպատակով իրականացվում է նախադպրոցական ցանցի զարգացման փորձնական ծրագիրը:

Ավագ դպրոցների արդյունավետության բարձրացման և որակի էապես բարելավման նպատակով հաստատվել է առանձին գործող ավագ դպրոցների համակարգի ստեղծման ռազմավարական ծրագիրը, ընդլայնվում է առանձին գործող ավագ դպրոցների ցանցը:

 

IV. ԵՐԵԽԱՆԵՐԻ ԻՐԱՎՈՒՆՔՆԵՐԻ ՊԱՇՏՊԱՆՈՒԹՅԱՆ ՈԼՈՐՏՈՒՄ 2011 ԹՎԱԿԱՆԻՆ ՆԱԽԱՏԵՍՎՈՂ ՄԻՋՈՑԱՌՈՒՄՆԵՐԸ

 

2011 թվականի ընթացքում իրականացվելու են երեխաների իրավունքների պաշտպանության, նրանց կյանքի որակի բարելավմանն ուղղված միջոցառումներ: Երեխաների իրավունքների պաշտպանության ոլորտում 2011 թվականի տարեկան ծրագրով նախատեսվող միջոցառումները բխում են երեխաների իրավունքների և շահերի պաշտպանությունից` նրանց խնամքի, բուժման և դաստիարակության համար նպաստավոր պայմանների ստեղծման, ֆիզիկական և մտավոր բնականոն զարգացման, հոգեբանական վերականգնման և արդյունավետ սոցիալականացման նպատակով:

 

Հավելված N 2

ՀՀ կառավարության

2010 թվականի սեպտեմբերի 30-ի

նիստի N 38 արձանագրային

որոշման

 

ԵՐԵԽԱՅԻ ԻՐԱՎՈՒՆՔՆԵՐԻ ՊԱՇՏՊԱՆՈՒԹՅԱՆ 2011 ԹՎԱԿԱՆԻ ՏԱՐԵԿԱՆ ԾՐԱԳՐՈՎ ՆԱԽԱՏԵՍՎԱԾ ՄԻՋՈՑԱՌՈՒՄՆԵՐԻ ՑԱՆԿ

 

._____________________________________________________________________.

|Հ/|Միջոցառման        |Պատասխանատու|Ակնկալվող     |Կատարման|Ֆինանսա-  |

|Հ |անվանումը         |կատարողը    |արդյունքները  |ժամկետը |վորման    |

|  |                  |            |              |        |աղբյուրը  |

|__|__________________|____________|______________|________|__________|

|1.|Երեխաների         |            |ՀՀ աշխատանքի  |2011 թ. |Հայաստանի |

|  |շուրջօրյա խնամքի  |            |և  սոցիալական |ընթաց-  |Հանրապետու|

|  |ծառայություններ   |            |հարցերի       |քում    |թյան      |

|  |                  |            |նախարարության |        |պետական   |

|  |                  |            |համակարգի 7   |        |բյուջե    |

|  |                  |            |մանկատանը     |        |          |

|  |                  |            |կխնամվի 860   |        |          |

|  |                  |            |երեխա         |        |          |

|__|__________________|____________|______________|________|__________|

|2.|Երեխաների         |ՀՀ աշխատանքի|ՀՀ աշխատանքի  |2011 թ. |Հայաստանի |

|  |գիշերօթիկ խնամքի  |և  սոցիալա- |և  սոցիալական |ընթաց-  |Հանրապետու|

|  |և  պաշտպանության  |կան հարցերի |հարցերի       |քում    |թյան      |

|  |ծառայություններ   |նախարարու-  |նախարարության |        |պետական   |

|  |                  |թյուն       |համակարգի 8   |        |բյուջե    |

|  |                  |            |գիշերօթիկ     |        |          |

|  |                  |            |հաստատությու- |        |          |

|  |                  |            |նում կխնամվի  |        |          |

|  |                  |            |800 երեխա     |        |          |

|__|__________________|____________|______________|________|__________|

|3.|Ռիսկի գոտում      |ՀՀ աշխատանքի|Հայաստանի     |2011 թ. |Հայաստանի |

|  |հայտնված          |և  սոցիալա- |Հանրապետության|ընթաց-  |Հանրապետու|

|  |երեխաներին        |կան հարցերի |աշխատանքի և   |քում    |թյան      |

|  |սոցիալական        |նախարարու-  |սոցիալական    |        |պետական   |

|  |հոգածության       |թյուն       |հարցերի       |        |բյուջե    |

|  |ծառայություններ   |            |նախարարության |        |          |

|  |                  |            |համակարգի     |        |          |

|  |                  |            |երեխաների     |        |          |

|  |                  |            |սոցիալական    |        |          |

|  |                  |            |հոգածության 2 |        |          |

|  |                  |            |կենտրոնում    |        |          |

|  |                  |            |200 երեխայի   |        |          |

|  |                  |            |կտրամադրվեն   |        |          |

|  |                  |            |համապատասխան  |        |          |

|  |                  |            |ծառայություն- |        |          |

|  |                  |            |ներ           |        |          |

|__|__________________|____________|______________|________|__________|

|4.|Հայաստանի         |ՀՀ աշխատանքի|«Պետական      |2011 թ. |Հայաստանի |

|  |Հանրապետության    |և  սոցիալա- |աջակցություն  |ընթաց-  |Հանրապետու|

|  |մանկական          |կան հարցերի |Հայաստանի     |քում    |թյան      |

|  |խնամակալական      |նախարարու-  |Հանրապետության|        |պետական   |

|  |կազմակերպություն- |թյուն       |մանկական      |        |բյուջե    |

|  |ների              |            |խնամակալական  |        |          |

|  |շրջանավարտներին   |            |կազմակերպու-  |        |          |

|  |աջակցություն և    |            |թյունների     |        |          |

|  |խորհրդատվություն  |            |շրջանավարտ-   |        |          |

|  |                  |            |ներին» ծրագրի |        |          |

|  |                  |            |շրջանակներում |        |          |

|  |                  |            |աջակցություն  |        |          |

|  |                  |            |կտրամադրվի 40 |        |          |

|  |                  |            |շահառուի:     |        |          |

|__|__________________|____________|______________|________|__________|

|5.|Հայաստանի         |ՀՀ աշխատանքի|Ծրագրի        |2011 թ. |Հայաստանի |

|  |Հանրապետության    |և  սոցիալա- |շրջանակներում |ընթաց-  |Հանրապետու|

|  |մանկական          |կան հարցերի |ընտանիք       |քում    |թյան      |

|  |խնամակալական      |նախարարու-  |կվերադառնա 40 |        |պետական   |

|  |կազմակերպություն- |թյուն       |երեխա,        |        |բյուջե    |

|  |ներում խնամվող    |            |կկանխարգելվի  |        |          |

|  |երեխաներին        |            |10 երեխայի    |        |          |

|  |ընտանիքներ        |            |մուտքը հաստա- |        |          |

|  |վերադարձնելու     |            |տություններ   |        |          |

|  |ծառայություններ   |            |              |        |          |

|  |(բեռնաթափում)     |            |              |        |          |

|__|__________________|____________|______________|________|__________|

|6.|Երեխաների խնամքի  |ՀՀ աշխատանքի|Տավուշի       |2011 թ. |Հայաստանի |

|  |ցերեկային         |և  սոցիալա- |մարզում       |ընթաց-  |Հանրապետու|

|  |կենտրոնների կողմից|կան հարցերի |«Հույսի       |քում    |թյան      |

|  |դժվար             |նախարարու-  |կամուրջ» ՀԿ-ի |        |պետական   |

|  |իրավիճակներում    |թյուն       |4 ցերեկային   |        |բյուջե    |

|  |գտնվող երեխաների  |            |կենտրոնում`   |        |          |

|  |սոցիալական        |            |Դիլիջանի,     |        |          |

|  |հոգածության       |            |Իջևանի,       |        |          |

|  |ծառայություններ   |            |Նոյեմբերյանի, |        |          |

|  |                  |            |Բերդի և  նրանց|        |          |

|  |                  |            |հարակից       |        |          |

|  |                  |            |գյուղերի`     |        |          |

|  |                  |            |հաշմանդամու-  |        |          |

|  |                  |            |թյուն կամ     |        |          |

|  |                  |            |սոցիալ -      |        |          |

|  |                  |            |հոգեբանական   |        |          |

|  |                  |            |խնդիրներ և    |        |          |

|  |                  |            |հատուկ        |        |          |

|  |                  |            |կարիքներ      |        |          |

|  |                  |            |ունեցող շուրջ |        |          |

|  |                  |            |600 երեխայի   |        |          |

|  |                  |            |մատուցվող     |        |          |

|  |                  |            |ծառայություն- |        |          |

|  |                  |            |ների համար    |        |          |

|  |                  |            |կտրամադրվի    |        |          |

|  |                  |            |աշխատավարձ:   |        |          |

|__|__________________|____________|______________|________|__________|

|7.|Հայաստանի         |ՀՀ աշխատանքի|Խնամատար 23   |2011 թ. |Հայաստանի |

|  |Հանրապետությունում|և  սոցիալա- |ընտանիքում    |ընթաց-  |Հանրապետու|

|  |խնամատար ընտանիքի |կան հարցերի |կիրականացվի   |քում    |թյան      |

|  |ինստիտուտի        |նախարարու-  |25 երեխայի    |        |պետական   |

|  |ներդրման          |թյուն       |խնամքը        |        |բյուջե    |

|  |ծառայություններ:  |            |              |        |          |

|__|__________________|____________|______________|________|__________|

|8.|Մանկատներում      |ՀՀ աշխատանքի|Մանկատներում  |2011 թ. |Հայաստանի |

|  |խնամվող           |և  սոցիալա- |խնամվող       |ընթաց-  |Հանրապետու|

|  |դպրոցահասակ       |կան հարցերի |դպրոցահասակ`  |քում    |թյան      |

|  |երեխաներին        |նախարարու-  |7-18 տարեկան  |        |պետական   |

|  |դրամական          |թյուն       |300 երեխայի   |        |բյուջե    |

|  |աջակցության       |            |կտրամադրվի    |        |          |

|  |տրամադրում:       |            |մանր ծախսերի  |        |          |

|  |                  |            |համար         |        |          |

|  |                  |            |նախատեսված    |        |          |

|  |                  |            |գումար/գրպանի |        |          |

|__|__________________|____________|______________|________|__________|

|9.|Հայաստանի         |ՀՀ աշխատանքի|«Պետական      |2011 թ. |Հայաստանի |

|  |Հանրապետության    |և  սոցիալա- |աջակցություն  |ընթաց-  |Հանրապետու|

|  |մանկական          |կան հարցերի |ՀՀ մանկական   |քում    |թյան      |

|  |խնամակալական      |նախարարու-  |խնամակալական  |        |պետական   |

|  |կազմակերպություն- |թյուն       |կազմակերպու-  |        |բյուջե    |

|  |ների              |            |թյունների     |        |          |

|  |շրջանավարտներին   |            |շրջանավարտ-   |        |          |

|  |կրթաթոշակի միանվագ|            |ներին» ծրագրի |        |          |

|  |դրամական օգնության|            |շահառուներին  |        |          |

|  |տրամադրում:       |            |և  մանկատների |        |          |

|  |                  |            |շրջանավարտնե- |        |          |

|  |                  |            |րին կտրամադրվի|        |          |

|  |                  |            |կրթաթոշակ     |        |          |

|__|__________________|____________|______________|________|__________|

|10|Կենսաբանական      |ՀՀ աշխատանքի|Կենսաբանական  |2011 թ. |Հայաստանի |

|  |ընտանիքներ        |և  սոցիալա- |50 ընտանիքի   |ընթաց-  |Հանրապետու|

|  |տեղափոխված        |կան հարցերի |կտրամադրվի    |քում    |թյան      |

|  |երեխաների         |նախարարու-  |դրամական      |        |պետական   |

|  |ընտանիքներին      |թյուն       |օժանդակություն|        |բյուջե    |

|  |դրամական          |            |              |        |          |

|  |օժանդակության     |            |              |        |          |

|  |փաթեթի տրամադրում:|            |              |        |          |

|__|__________________|____________|______________|________|__________|

|11|Երեխաների         |ՀՀ աշխատանքի|Կապահովվի ՀՀ  |2011 թ. |Հայաստանի |

|  |տվյալների «Մանուկ»|և  սոցիալա- |աշխատանքի և   |ընթաց-  |Հանրապետու|

|  |տեղեկատվական      |կան հարցերի |սոցիալական    |քում    |թյան      |

|  |համակարգի վարման, |նախարարու-  |հարցերի       |        |պետական   |

|  |սպասարկման և      |թյուն       |նախարարության |        |բյուջե    |

|  |տեղեկատվության    |            |ենթակայության |        |          |

|  |տրամադրման        |            |7 մանկատանը   |        |          |

|  |ծառայություններ:  |            |երեխաների     |        |          |

|  |                  |            |տվյալների,    |        |          |

|  |                  |            |որդեգրման     |        |          |

|  |                  |            |ենթակա        |        |          |

|  |                  |            |երեխաների և   |        |          |

|  |                  |            |որդեգրողի     |        |          |

|  |                  |            |թեկնածուների  |        |          |

|  |                  |            |տվյալների     |        |          |

|  |                  |            |մուտքագրումը  |        |          |

|  |                  |            |(շուրջ 600    |        |          |

|  |                  |            |մուտքագրում): |        |          |

|__|__________________|____________|______________|________|__________|

|12|Հայաստանի         |ՀՀ աշխատանքի|Կապահովվի     |2011 թ. |ֆինանսա-  |

|  |Հանրապետությունում|և  սոցիալա- |առանց ծնողական|ընթաց-  |վորում չի |

|  |առանց ծնողական    |կան հարցերի |խնամքի մնացած |քում    |պահանջվում|

|  |խնամքի մնացած     |նախարարու-  |երեխաների     |        |          |

|  |երեխաների         |թյուն       |կենտրոնացված  |        |          |

|  |կենտրոնացված      |            |հաշվառումը:   |        |          |

|  |հաշվառման         |            |              |        |          |

|  |իրականացում:      |            |              |        |          |

|__|__________________|____________|______________|________|__________|

|13|Հայաստանի         |ՀՀ աշխատանքի|Կապահովվի     |2011 թ. |ֆինանսա-  |

|  |Հանրապետությունում|և  սոցիալա- |առանց ծնողական|ընթաց-  |վորում չի |

|  |«Առանց ծնողական   |կան հարցերի |խնամքի մնացած |քում    |պահանջվում|

|  |խնամքի մնացած     |նախարարու-  |երեխաների թվին|        |          |

|  |երեխաներին        |թյուն       |պատկանող      |        |          |

|  |բնակարան          |            |անձանց        |        |          |

|  |տրամադրելու կարգի»|            |բնակարաններ   |        |          |

|  |համաձայն առանց    |            |տրամադրելու   |        |          |

|  |ծնողական խնամքի   |            |նպատակով      |        |          |

|  |մնացած երեխաների  |            |կենտրոնացված  |        |          |

|  |թվին պատկանող     |            |հաշվառումը:   |        |          |

|  |անձանց            |            |              |        |          |

|  |բնակարաններ       |            |              |        |          |

|  |տրամադրելու       |            |              |        |          |

|  |նպատակով          |            |              |        |          |

|  |կենտրոնացված      |            |              |        |          |

|  |հաշվառման         |            |              |        |          |

|  |իրականացում:      |            |              |        |          |

|__|__________________|____________|______________|________|__________|

|14|«Կյանքի դժվարին   |            |Կապահովվի     |2011 թ. |Միջազգային|

|  |իրավիճակներում    |            |«Կյանքի       |ընթաց-  |կազմա-    |

|  |գտնվող երեխաների» |            |դժվարին       |քում    |կերպու-   |

|  |տեղեկատվական      |            |իրավիճակներում|        |թյուններ  |

|  |համակարգի         |            |գտնվող        |        |          |

|  |շահագործման և     |            |երեխաների»    |        |          |

|  |վարման նպատակով   |            |տեղեկատվական  |        |          |

|  |պետական           |            |համակարգի     |        |          |

|  |աջակցություն      |            |շահագործումը: |        |          |

|  |«Նորք» տեղեկատվա- |            |              |        |          |

|  |վերլուծական       |            |              |        |          |

|  |կենտրոն» ՓԲԸ-ին:  |            |              |        |          |

|__|__________________|____________|______________|________|__________|

|15|Երաժշտական,       |Հայաստանի   |ՀՀ 141        |2011 թ. |Հայաստանի |

|  |գեղարվեստի և      |Հանրապետու- |երաժշտական և  |ընթաց-  |Հանրապետու|

|  |արվեստի           |թյան        |արվեստի       |քում    |թյան      |

|  |դպրոցներում       |մշակույթի   |դպրոցների     |        |պետական   |

|  |նպատակային        |նախարարու-  |ազգային,      |        |բյուջե    |

|  |պետպատվերի        |թյուն       |փողային և     |        |          |

|  |տեղադրում:        |            |լարային       |        |          |

|  |Դպրոցներին պետական|            |նվագարանների  |        |          |

|  |աջակցություն:     |            |բաժինների     |        |          |

|  |                  |            |2443 սովորող  |        |          |

|  |                  |            |կստանա ուսման |        |          |

|  |                  |            |վարձավճարների |        |          |

|  |                  |            |փոխհատուցում: |        |          |

|__|__________________|____________|______________|________|__________|

|16|Միջոցառումների    |Հայաստանի   |Դիլիջանի      |2011 թ. |Հայաստանի |

|  |անցկացում         |Հանրապետու- |Կոմպոզիտորների|ընթաց-  |Հանրապետու|

|  |երեխաների         |թյան        |ստեղծագործական|քում    |թյան      |

|  |հանգիստը և        |մշակույթի   |տանը          |        |պետական   |

|  |ժամանցը           |նախարարու-  |կկազմակերպվի  |        |բյուջե    |

|  |բազմաբովանդակ     |թյուն       |«Արտուտիկ»    |        |          |

|  |կազմակերպելու     |            |մանկապատեկան  |        |          |

|  |նպատակով, այդ     |            |ստեղծագործական|        |          |

|  |թվում «Արտուտիկ»  |            |ամառային      |        |          |

|  |ամառային          |            |ճամբար`       |        |          |

|  |ստեղծագործական    |            |Հայաստանի     |        |          |

|  |ճամբար: (Ծրագիրը  |            |Հանրապետության|        |          |

|  |շարունակական է):  |            |10 մարզի,     |        |          |

|  |                  |            |Երևանի,       |        |          |

|  |                  |            |Արցախի և      |        |          |

|  |                  |            |Ջավախքի 55    |        |          |

|  |                  |            |երեխայի համար |        |          |

|__|__________________|____________|______________|________|__________|

|17|Պատանի            |Հայաստանի   |Կբացահայտվեն  |2011 թ. |Հայաստանի |

|  |ստեղծագործողների  |Հանրապետու- |շնորհալի      |ընթաց-  |Հանրապետու|

|  |համար մրցույթների,|թյան        |երեխաները,    |քում    |թյան      |

|  |փառատոների,       |մշակույթի   |որոնց         |        |պետական   |

|  |ցուցահանդեսների   |նախարարու-  |կցուցաբերվի   |        |բյուջե    |

|  |կազմակերպում:     |թյուն       |աջակցություն  |        |          |

|__|__________________|____________|______________|________|__________|

|18|Գեղարվեստական     |Հայաստանի   |Մանկական      |2011 թ. |Հայաստանի |

|  |գրականության,     |Հանրապետու- |գրականության  |ընթաց-  |Հանրապետու|

|  |մանկական          |թյան        |հրատարակում,  |քում    |թյան      |

|  |գրադարանների      |մշակույթի   |գրադարանների, |        |պետական   |

|  |զարգացման         |նախարարու-  |մանկական      |        |բյուջե    |

|  |նպատակային        |թյուն       |գրականության  |        |          |

|  |ծրագրերի,         |            |համալրում     |        |          |

|  |մանկական          |            |              |        |          |

|  |գեղարվեստական     |            |              |        |          |

|  |գրքերի            |            |              |        |          |

|  |հրատարակում,      |            |              |        |          |

|  |գրադարանային      |            |              |        |          |

|  |ֆոնդի համալրում:  |            |              |        |          |

|__|__________________|____________|______________|________|__________|

|19|Մանկական կինոյի և |Հայաստանի   |Մանկապատանեկան|2011 թ. |Հայաստանի |

|  |թատրոնի զարգացման |Հանրապետու- |թատրոնների    |ընթաց-  |Հանրապետու|

|  |նպատակային ծրագրեր|թյան        |«Նռան հատիկ»  |քում    |թյան      |

|  |այդ թվում`        |մշակույթի   |հանրապետական  |        |պետական   |

|  |մանկապատանեկան    |նախարարու-  |փառատոնի      |        |բյուջե    |

|  |թատրոնների «Նռան  |թյուն       |անցկացում,    |        |          |

|  |հատիկ»            |            |մանկական      |        |          |

|  |հանրապետական      |            |մուլտֆիլմերի  |        |          |

|  |փառատոն մանկական  |            |նկարահանում:  |        |          |

|  |կինոֆիլմերի և     |            |              |        |          |

|  |տեսաֆիլմերի       |            |              |        |          |

|  |նկարահանում       |            |              |        |          |

|  |«Պետական          |            |              |        |          |

|  |աջակցություն      |            |              |        |          |

|  |կինոնկարների      |            |              |        |          |

|  |արտադրությանը»    |            |              |        |          |

|  |ծրագիր:           |            |              |        |          |

|__|__________________|____________|______________|________|__________|

|20|Հայաստանի և       |Հայաստանի   |Տեղեկատվական  |2011 թ. |Հայաստանի |

|  |արտերկրի երեխաների|Հանրապետու- |բանկում       |ընթաց-  |Հանրապետու|

|  |համար համատեղ     |թյան        |ներառված      |քում    |թյան      |

|  |միջոցառումների    |մշակույթի   |Հայաստանի     |        |պետական   |

|  |անցկացում         |նախարարու-  |Հանրապետության|        |բյուջե    |

|  |(համերգներ,       |թյուն       |մարզերից և    |        |          |

|  |ցուցահանդեսներ,   |            |Երևան  քաղաքից|        |          |

|  |փոխայցելություն-  |            |երաժշտական,   |        |          |

|  |ներ):             |            |արվեստի և     |        |          |

|  |                  |            |գեղարվեստի 97 |        |          |

|  |                  |            |դպրոցի 400    |        |          |

|  |                  |            |երեխայի       |        |          |

|  |                  |            |վերաբերյալ    |        |          |

|  |                  |            |տեղեկատվու-   |        |          |

|  |                  |            |թյուն         |        |          |

|__|__________________|____________|______________|________|__________|

|21|Հանրապետական և    |Հայաստանի   |Մրցույթ -     |2011 թ. |Հայաստանի |

|  |միջազգային        |Հանրապետու- |փառատոների,   |ընթաց-  |Հանրապետու|

|  |մրցույթ-փառատոների|թյան        |ցուցահանդեսնե-|քում    |թյան      |

|  |ցուցահանդեսների   |մշակույթի   |րի անցկացումը |        |պետական   |

|  |անցկացում         |նախարարու-  |կնպաստի       |        |բյուջե    |

|  |                  |թյուն       |կատարված      |        |          |

|  |                  |            |աշխատանքների  |        |          |

|  |                  |            |ներկայացմանը` |        |          |

|  |                  |            |հանրությանը   |        |          |

|__|__________________|____________|______________|________|__________|

|22|Պետական           |Հայաստանի   |Երևանի  5 և   |2011 թ. |Հայաստանի |

|  |աջակցություն      |Հանրապետու- |Վանաձորի      |ընթաց-  |Հանրապետու|

|  |սոցիալապես        |թյան        |մասնաճյուղի 2 |քում    |թյան      |

|  |անապահով          |մշակույթի   |գիշերօթիկ     |        |պետական   |

|  |երեխաներին        |նախարարու-  |հատուկ        |        |բյուջե    |

|  |մշակութային       |թյուն       |դպրոցներում   |        |          |

|  |մասնագիտական      |            |հաշմանդամ,    |        |          |

|  |ուսուցման և       |            |ծնողազուրկ և  |        |          |

|  |գեղագիտական       |            |սոցիալապես    |        |          |

|  |դաստիարակության   |            |անապահով 614  |        |          |

|  |ասպարեզում        |            |երեխա կստանա  |        |          |

|  |                  |            |արվեստների և  |        |          |

|  |                  |            |արհեստների    |        |          |

|  |                  |            |ուսուցում:    |        |          |

|__|__________________|____________|______________|________|__________|

|23|Իրավախախտումներ   |Հայաստանի   |Քրեակատարողա- |2011 թ. |Հայաստանի |

|  |կատարած           |Հանրապետու- |կան           |ընթաց-  |Հանրապետու|

|  |անչափահասների     |թյան        |հիմնարկներում |քում    |թյան      |

|  |համար հատուկ      |մշակույթի   |և  դրանցից    |        |պետական   |

|  |հաստատություն-    |նախարարու-  |դուրս         |        |բյուջե    |

|  |ներում մշակութային|թյուն       |իրավախախտում  |        |          |

|  |մասնագիտություն-  |            |կատարած 300   |        |          |

|  |ների ուսուցման    |            |անչափահասի    |        |          |

|  |կազմակերպում և    |            |համար         |        |          |

|  |այդ նպատակով      |            |կկազմակերպվի  |        |          |

|  |հատուկ            |            |արվեստի և     |        |          |

|  |ստեղծագործական    |            |արհեստի       |        |          |

|  |կենտրոնի հիմնում  |            |մասնագիտական  |        |          |

|  |                  |            |ուսուցում     |        |          |

|__|__________________|____________|______________|________|__________|

|24|Մոր և  մանկան     |Հայաստանի   |- Կիրականացվի |2004-   |Հայաստանի |

|  |առողջության       |Հանրապետու- |մինչև  18     |2015 թթ.|Հանրապետու|

|  |պահպանման պետական |թյան        |տարեկան       |        |թյան      |

|  |նպատակային        |առողջապահու-|երեխաների     |        |պետական   |

|  |ծրագիր: Պետության |թյան        |հիվանդություն-|        |բյուջե    |

|  |կողմից            |նախարարու-  |ների          |        |          |

|  |երաշխավորված      |թյուն       |կանխարգելում  |        |          |

|  |երեխաների անվճար  |            |և  բուժում    |        |          |

|  |բուժօգնություն և  |            |(հիվանդանո-   |        |          |

|  |սպասարկում.       |            |ցային և       |        |          |

|  |                  |            |ամբուլատոր -  |        |          |

|  |                  |            |պոլիկլինիկա-  |        |          |

|  |                  |            |կան)` պետական |        |          |

|  |                  |            |նպատակային    |        |          |

|  |                  |            |ծրագրերի      |        |          |

|  |                  |            |շրջանակներում:|        |          |

|  |                  |            |              |        |          |

|  |                  |            |- Սահմանված   |2011 թ. |          |

|  |                  |            |տարիքային     |ընթաց-  |          |

|  |                  |            |խմբերի բերանի |քում    |          |

|  |                  |            |խոռոչի զննում |        |          |

|  |                  |            |և  ստոմատոլո- |        |          |

|  |                  |            |գիական        |        |          |

|  |                  |            |առաջնային     |        |          |

|  |                  |            |կանխարգելում: |        |          |

|  |                  |            |              |        |          |

|  |                  |            |- Հիպոթիրեոզի,|2011 թ. |          |

|  |                  |            |ֆենիլկետոնու- |ընթաց-  |          |

|  |                  |            |րիայի, բնածին |քում    |          |

|  |                  |            |խլության և    |        |          |

|  |                  |            |անհասության   |        |          |

|  |                  |            |ռետինոպաթիայի |        |          |

|  |                  |            |վաղ ախտորոշման|        |          |

|  |                  |            |և  դրանց      |        |          |

|  |                  |            |հետևանքով     |        |          |

|  |                  |            |առաջացող      |        |          |

|  |                  |            |հաշմանդամու-  |        |          |

|  |                  |            |թյան          |        |          |

|  |                  |            |կանխարգելման  |        |          |

|  |                  |            |նպատակով      |        |          |

|  |                  |            |հանրապետության|        |          |

|  |                  |            |ծննդատներում  |        |          |

|  |                  |            |կիրականացվի   |        |          |

|  |                  |            |նորածինների   |        |          |

|  |                  |            |սկրինինգ:     |        |          |

|  |                  |            |              |        |          |

|  |                  |            |- 15 տարեկան  |2011 թ. |          |

|  |                  |            |աղջիկների     |ընթաց-  |          |

|  |                  |            |վերարտադրողա- |քում    |          |

|  |                  |            |կան           |        |          |

|  |                  |            |մեկնարկային   |        |          |

|  |                  |            |առողջության   |        |          |

|  |                  |            |համալիր       |        |          |

|  |                  |            |գնահատում և   |        |          |

|  |                  |            |հայտնաբերված  |        |          |

|  |                  |            |հիվանդություն-|        |          |

|  |                  |            |ների բուժում  |        |          |

|__|__________________|____________|______________|________|__________|

|25|Երեխաների         |Հայաստանի   |անհետաձգելի   |2011 թ. |Հայաստանի |

|  |անհետաձգելի       |Հանրապետու- |բուժօգնության |ընթաց-  |Հանրապետու|

|  |հիվանդանոցային    |թյան        |բարելավում    |քում    |թյան      |

|  |բուժօգնության     |առողջապահու-|              |        |պետական   |

|  |ծառայության       |թյան        |              |        |բյուջե    |

|  |բարելավման        |նախարարու-  |              |        |          |

|  |ծրագիր            |թյուն       |              |        |          |

|__|__________________|____________|______________|________|__________|

|26|Երեխաների         |Հայաստանի   |Հաշմանդամ     |2011 թ. |Հայաստանի |

|  |վերականգնողական   |Հանրապետու- |երեխաների     |ընթաց-  |Հանրապետու|

|  |բուժօգնության     |թյան        |վերականգնողա- |քում    |թյան      |

|  |բարելավման ծրագիր |առողջապահու-|կան բուժման   |        |պետական   |

|  |                  |թյան        |ապահովում     |        |բյուջե    |

|  |                  |նախարարու-  |համապատասխան  |        |          |

|  |                  |թյուն       |բժշկական      |        |          |

|  |                  |            |կենտրոններում |        |          |

|  |                  |            |և  առողջարան- |        |          |

|  |                  |            |ներում        |        |          |

|__|__________________|____________|______________|________|__________|

|27|Իմունականխարգելման|Հայաստանի   |Երեխաների     |2011 թ. |Հայաստանի |

|  |ազգային ծրագիր    |Հանրապետու- |պատվաստումնե- |ընթաց-  |Հանրապետու|

|  |                  |թյան        |րով ընդգրկվա- |քում    |թյան      |

|  |                  |առողջապահու-|ծության       |        |պետական   |

|  |                  |թյան        |նպատակային    |        |բյուջե,   |

|  |                  |նախարարու-  |ցուցանիշների  |        |միջազգային|

|  |                  |թյուն       |ապահովում,    |        |կազմակեր- |

|  |                  |            |կառավարելի    |        |պություն  |

|  |                  |            |հիվանդություն-|        |          |

|  |                  |            |ների          |        |          |

|  |                  |            |կանխարգելում  |        |          |

|__|__________________|____________|______________|________|__________|

|28|Մանկաբարձագինեկո- |Հայաստանի   |Հղիների և     |2011 թ. |Հայաստանի |

|  |լոգիական          |Հանրապետու- |ծննդաբերողների|ընթաց-  |Հանրապետու|

|  |հիվանդանոցային    |թյան        |համար         |քում    |թյան      |

|  |բուժօգնության     |առողջապահու-|բուժօգնության |        |պետական   |

|  |(ծննդօգնության    |թյան        |մատչելիության |        |բյուջե    |

|  |պետական հավաստագրի|նախարարու-  |ապահովում     |        |          |

|  |ներդրման/ծրագիր   |թյուն       |              |        |          |

|__|__________________|____________|______________|________|__________|

|29|«Ներառական        |Հայաստանի   |Հատուկ        |2011 թ. |Հայաստանի |

|  |կրթություն»       |Հանրապետու- |կրթության     |ընթաց-  |Հանրապետու|

|  |ծրագրի իրականացում|թյան        |կարիք ունեցող |քում    |թյան      |

|  |60 դպրոցում       |կրթության   |երեխաների     |        |պետական   |

|  |                  |և  գիտության|համար         |        |բյուջե,   |

|  |                  |նախարարու-  |կապահովվեն    |        |միջազգային|

|  |                  |թյուն, ՀՀ   |կրթության     |        |կազմա-    |

|  |                  |մարզպետարան-|մատչելիություն|        |կերպու-   |

|  |                  |ներ և       |և  հավասար    |        |թյուններ  |

|  |                  |Երևանի      |պայմաններ,    |        |          |

|  |                  |քաղաքապետա- |մտավոր և      |        |          |

|  |                  |րան         |ֆիզիկական     |        |          |

|  |                  |            |թերություննե- |        |          |

|  |                  |            |րով երեխաների |        |          |

|  |                  |            |համար 60      |        |          |

|  |                  |            |հանրակրթական  |        |          |

|  |                  |            |դպրոցում      |        |          |

|  |                  |            |կիրականացվի   |        |          |

|  |                  |            |ներառական     |        |          |

|  |                  |            |կրթություն    |        |          |

|__|__________________|____________|______________|________|__________|

|30|«Հատուկ դպրոցների |Հայաստանի   |Կբացահայտվեն  |2011 թ. |Հայաստանի |

|  |հզորացում» ծրագրի |Հանրապետու- |ու կգնահատվեն |ընթաց-  |Հանրապետու|

|  |իրականացում 2     |թյան        |դպրոց հաճախող |քում    |թյան      |

|  |հատուկ հաստատու-  |կրթության   |երեխաների     |        |պետական   |

|  |թյուններում և     |և  գիտության|ֆիզիկական,    |        |բյուջե,   |

|  |Երևանի  բժշկահոգե-|նախարարու-  |մտավոր,       |        |միջազգային|

|  |բանամանկավարժական |թյուն       |հոգեկան       |        |կազմա-    |

|  |գնահատման         |            |զարգացման     |        |կերպու-   |

|  |կենտրոնում        |            |առանձնահատ-   |        |թյուններ  |

|  |                  |            |կությունները, |        |          |

|  |                  |            |կվերապատրաստ- |        |          |

|  |                  |            |վեն 2 հատուկ  |        |          |

|  |                  |            |դպրոցների     |        |          |

|  |                  |            |մանկավարժներ  |        |          |

|__|__________________|____________|______________|________|__________|

 

-------------------------------------------------------

ԻՐՏԵԿ - շարունակությունը հաջորդ մասում

 

 

pin
ՀՀ կառավարություն
30.09.2010
N 38
Արձանագրային որոշում