ՔԱՆԴԱԿԻ ԻՋԵՎԱՆՅԱՆ ՍԻՄՊՈԶԻՈՒՄԻ ՎԵՐԱԿԱՆԳՆՄԱՆ ԾՐԱԳԻՐ-ԱՌԱՋԱՐԿԻՆ ՀԱՎԱՆՈՒԹՅՈՒՆ ՏԱԼՈՒ ՄԱՍԻՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՆԻՍՏԻ
ԱՐՁԱՆԱԳՐՈՒԹՅՈՒՆԻՑ ՔԱՂՎԱԾՔ

30 սեպտեմբերի 2010 թվականի N 38

2. ՔԱՆԴԱԿԻ ԻՋԵՎԱՆՅԱՆ ՍԻՄՊՈԶԻՈՒՄԻ ՎԵՐԱԿԱՆԳՆՄԱՆ ԾՐԱԳԻՐ-ԱՌԱՋԱՐԿԻՆ ՀԱՎԱՆՈՒԹՅՈՒՆ ՏԱԼՈՒ ՄԱՍԻՆ

Հավանություն տալ Քանդակի Իջևանյան սիմպոզիումի վերականգնման ծրագիր-առաջարկին` համաձայն հավելվածի:

ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ 2010 ԹՎԱԿԱՆԻ ՀՈԿՏԵՄԲԵՐԻ 11-ԻՆ

Հավելված

ՀՀ կառավարության

2010 թվականի սեպտեմբերի 30-ի

նիստի N 38 արձանագրային

որոշման

Քանդակի Իջևանյան սիմպոզիումի վերականգնման ծրագիր-առաջարկ

Քանդակի Իջևանյան սիմպոզիումը սկիզբ է առել 1985 թվականին և շարունակվել մինչև 1991 թիվը անընդմեջ: Սիմպոզիումի աշխատանքները յուրաքանչյուր տարի տևել են 45 օր և անփոփոխ ընթացել են օգոստոսի վերջից միջև հոկտեմբերի սկիզբը: Սկզբնական մեկ-երկու տարիների ընթացքում սիմպոզիումը կազմակերպվում էր Հայաստանցի քանդակագործների ուժերով, իսկ 1987 թվականից այն ստացավ միջազգայինի կարգավիճակ` ներգրավելով Խորհրդային միության, Եվրոպական և Ամերիկյան տարբեր երկրների բազմաթիվ քանդակագործների: 1985-91 թվականների ընթացքում սիմպոզիումի աշխատանքներին մասնակցել են թվով 95 քանդակագործներ շուրջ 20 երկրներից: Այդ տարիների ընթացքում ստեղծվել են 116 քանդակային մոնումենտալ գործեր, որոնք դարձան արվեստի եզակի նմուշներ: Արդարությունը պահանջում է նշել, որ ստեղծված հարյուրավոր գործերից մի քանիսը կարճ կյանք ունեցան: Այո, դրանց մի մասը ջարդվեցին և ավերվեցին 90-ականների պատերազմական դաժան տարիներին: Ներկայումս Իջևանում տեղադրված են բազմաթիվ քանդակներ, որոնք յուրահատուկ շունչ են տալիս քաղաքին, հաղորդելով եզակի գեղեցկություն: Համոզված կարելի է ասել, որ քանդակը կանաչազարդ Իջևանի դեմքն է և կարող է դառնալ նրա զարգացման այցեքարտը` բրենդը:

Ընթացիկ տարում Տավուշի մարզպետարանը և Փյունիկ բարեգործական միությունը նախաձեռնել են հանդես գալու «Հոգևոր զարթոնք -20 տարի անց» քանդակի Իջևանյան սիմպոզիումի վերականգնման ծրագրով:

Այն նախատեսվում է սկսել 2011 թվականի օգոստոսի 3-րդ 10-օրյակում, որը կտևի ընդհանուր հաշվով 45 օր:

Ծրագիրը ոչ միայն կվերականգնի եղած բարի ավանդույթը, այլ նաև արժևորելով Տավուշի մարզկենտրոն Իջևանի հոգևոր ժառանգությունը` կբերի նոր ճանաչում և կստեղծի ներդրումային կայուն միջավայր ձևավորելու հնարավորություն:

Մեծ է նաև Տավուշի մարզի հնարավորությունները քարի վերամշակման ոլորտում: Վերջերս շահագործման հանձնվեց «ՔԱՐԱՐՏ» քարի վերամշակման գործարանը, որը հագեցած է քարի մշակման ժամանակակից տեխնոլոգիաներով: ՈՒսումնասիրվել և շահագործման են դրվել ինչպես շինարարության, այնպես էլ քանդակի համար շատ հետաքրքիր քարատեսակներ: Գործարանի գեղարվեստական քանդակագործության արտադրամասում տասնյակ երիտասարդ քանդակագործներ հմտություն են ձեռք բերում և հարստացնում հանրապետության տարբեր անկյունները իրենց աշխատանքներով:

Քանդակի սիմպոզիումի վերականգնմանը մեծապես կարող է նպաստել նաև ԵՊՀ Իջևանի և Գեղարվեստի ակադեմիայի Դիլիջանի մասնաճյուղերի գործունեությունը:

1980 թվականների վերջերին Իջևան քաղաքի նախամուտքում սկսվեց կառուցվել «Իջևանատուն» համալիրը, որը նախատեսված է Իջևան ժամանող հյուրերին ներկայացնել տարածաշրջանի կիրառական արվեստի, արհեստագործության և կենցաղի եզակի մի միջավայր, որտեղ կմատուցվեին գորգագործության, բրուտագործության, փայտագործության, դարբնեգործության նմուշներ: Այցելուները կճաշակեին ազգային ուտեստներ, հյուրընկալվելով ճարտարապետական ուրույն ոճով կառուցված կացարաններում: Առաջարկվում է ներկայումս կիսավարտ վիճակում գտնվող այս կառույցը քանդակի Իջևանյան սիմպոզիումի վերականգնման ծրագրի շրջանակներում, տրամադրել Փյունիկ բարեգործական ընկերությանը, որը հնարավորություն կտար կառույցը ավարտական տեսքի բերելով` այն որպես հոգևոր ժառանգության կենտրոն, իր նպատակին ծառայեցնելու համար:

Կառույցը հետագայում լավագույն ձևով կարող էր արվեստագետների (քանդակագործների, նկարիչների) ստեղծագործական կենտրոն դառնալ:

Ընդհանուր առմամբ համալիրի վերակառուցման և ավարտին հասցնելու համար մոտավոր հաշվարկներով կպահանջվի մոտ 300 մլն. դրամ գումար:

2011 թ. քանդակի սիմպոզիումի կազմակերպման համար անհրաժեշտ կլինի մոտ 25.0 մլն. դրամ, որի ծախսերի նախահաշիվը կցվում է:

ՆԱԽԱՀԱՇԻՎ

Քանդակի Իջևանյան սիմպոզիումի իրականացման համար անհրաժեշտ ծախսերի

._____________________________________________________________________.

|  |       Ծախսերի տեսակները                  |չափման|միավորի|ընդամենը|

|  |                                          |միավ. |գինը   |հազ. դր |

|  |                                          |      |հազ. դր|        |

|  |                                          |      |       |        |

|__|_________________________________________________________|________|

|1 |Նախապատրաստական փուլ, ներառում է քանդակագործների         |    1000|

|  |հրավերքը, էսքիզների նախնական ընտրությունը և  դրանց       |        |

|  |մշակումը ստեղծագործական ղեկավարի հետ                     |        |

|__|_________________________________________________________|________|

|2 |Աշխատանքային հրապարակի կազմակերպում 10 քանդակագործի      |    2000|

|  |համար` եռաֆազ հոսանք, հովանոցներ, արտահագուստ, խմելու    |        |

|  |ջուր և  ցնցուղ, սանհանգույց, գործիքները պահելու          |        |

|  |պահարաններ                                               |        |

|__|_________________________________________________________|________|

|3 |Սիմպոզիումի բացման արարողություն          |      |       |    2000|

|__|__________________________________________|______|_______|________|

|4 |միջինը 3 խ.մ. ծավալի քարերի ձեռք բերում   |      |       |        |

|  |տեղափոխում, տեղադրում աշխատանքային        |      |       |        |

|  |հրապարակում, քարերը` ֆիլզիտ, բազալտ, տուֆ,|      |       |        |

|  |կամ այլ տեսակի կրաքարեր                   |    10|    200|    2000|

|__|__________________________________________|______|_______|________|

|5 |հոնարարներ 10 քանդակագործների և  1        |      |       |        |

|  |ստեղծագործական ղեկավարի համար             |    11|    750|    8250|

|__|__________________________________________|______|_______|________|

|6 |գործիքների ձեռք բերում                    |      |       |    1400|

|__|__________________________________________|______|_______|________|

|7 |Վերամբարձ կռունկի ծառայություններ` ամեն   |      |       |        |

|  |քանդակը մոտ 3 անգամ շրջելու համար         |    30|      5|     150|

|__|__________________________________________|______|_______|________|

|8 |Սնունդ 11 անձի համար 45 օրվա, օրական միջին|      |       |        |

|  |ծախսը 4000 դրամ                           |   495|      4|    1980|

|__|__________________________________________|______|_______|________|

|9 |Կացարան, 11 անձի 45 օրվա, օրական ծախսը    |      |       |        |

|  |4000 դրամ                                 |   495|      4|    1980|

|__|__________________________________________|______|_______|________|

|10|Ճանապարհածախսի փոխհատուցում, այդ թվում    |      |       |    1590|

|__|__________________________________________|______|_______|________|

|  |ա) Հայաստան                               |     6|     10|      60|

|__|__________________________________________|______|_______|________|

|  |բ) ԱՄՆ                                    |     1|    670|     670|

|__|__________________________________________|______|_______|________|

|  |գ) Ռուսաստան                              |     1|    340|     340|

|__|__________________________________________|______|_______|________|

|  |դ) Վրաստան                                |     1|    100|     100|

|__|__________________________________________|______|_______|________|

|  |ե) Գերմանիա                               |     1|    420|     420|

|__|__________________________________________|______|_______|________|

|11|Շաբաթ-կիրակի օրերին հանգստի կազմակերպում, |      |       |        |

|  |6 շաբաթ, 12 օր                            |    12|     60|     720|

|__|__________________________________________|______|_______|________|

|12|Սիմպոզիումի փակման արարողություն          |      |       |    1000|

|__|__________________________________________|______|_______|________|

|13|Քանդակների տեղադրում                      |    10|     50|     500|

|__|__________________________________________|______|_______|________|

|14|Կատալոգի հրատարակում                      |      |       |     500|

|__|__________________________________________|______|_______|________|

|  |ընդամենը                                  |      |       |   25070|

._____________________________________________________________________.