Սեղմել Esc փակելու համար:
ԳՆՈՒՄ ԿԱՏԱՐԵԼՈՒ ՄԱՍԻՆ
Քարտային տվյալներ

Տեսակ
Գործում է
Ընդունող մարմին
Ընդունման ամսաթիվ
Համար

Ստորագրման ամսաթիվ
ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

Հղում իրավական ակտի ընտրված դրույթին X
irtek_logo
 

ԳՆՈՒՄ ԿԱՏԱՐԵԼՈՒ ՄԱՍԻՆ

 

 

040.1396.091110

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

 

21 հոկտեմբերի 2010 թվականի N 1396-Ն

 

ԳՆՈՒՄ ԿԱՏԱՐԵԼՈՒ ՄԱՍԻՆ

 

Հայաստանի Հանրապետության քաղաքացու անձնագրի բլանկների անհրաժեշտ քանակի տպագրման աշխատանքների ձեռքբերման գործընթացի կազմակերպման նպատակով Հայաստանի Հանրապետության կառավարությունը որոշում է.

1. Սահմանել, որ Հայաստանի Հանրապետության քաղաքացու անձնագրի բլանկների տպագրման աշխատանքների ձեռքբերումն իրականացվում է «Գնումների մասին» Հայաստանի Հանրապետության օրենքի 23-րդ հոդվածի 1-ին մասի «բ» կետի հիման վրա` մեկ անձից գնման ձևով, առանց Հայաստանի Հանրապետության կառավարության 2008 թվականի հունիսի 5-ի N 853-Ն որոշմամբ հաստատված գնման առարկայի բնութագրերի հաստատման, նախնական հսկողության և գնումների ֆինանսավորման կարգի 7-րդ կետի 3-րդ ենթակետի «բ» պարբերության պահանջների պահպանման, աշխատանքների ամբողջ ծավալով կատարման վերջնաժամկետը սահմանելով մինչև 2011 թվականի դեկտեմբերի 25-ը:

2. Թույլատրել Հայաստանի Հանրապետության կառավարությանն առընթեր ոստիկանությանը սույն որոշման 1-ին կետով նախատեսված գնման պայմանագրում ներառել նաև Հայաստանի Հանրապետության կառավարության կողմից հավանության արժանացած «Հայաստանի Հանրապետության 2011 թվականի պետական բյուջեի մասին» Հայաստանի Հանրապետության օրենքի նախագծով Հայաստանի Հանրապետության քաղաքացու անձնագրի բլանկների տպագրման համար նախատեսված հատկացումների հաշվին անձնագրերի տպագրման աշխատանքները` կնքվելիք գնման պայմանագրով նախատեսելով, որ դրանց դիմաց վճարումները կիրականացվեն 2011 թվականի ընթացքում` համաձայն Հայաստանի Հանրապետության պետական բյուջեի կատարման եռամսյակային համամասնությունների:

3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

 

ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ

2010 ԹՎԱԿԱՆԻ ՆՈՅԵՄԲԵՐԻ 9-ԻՆ

 

 

pin
ՀՀ կառավարություն
21.10.2010
N 1396-Ն
Որոշում