ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՆԻՍՏԻ
ԱՐՁԱՆԱԳՐՈՒԹՅՈՒՆԻՑ ՔԱՂՎԱԾՔ
2 դեկտեմբերի 2010 թվականի N 47
54. ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ ՆԵՐՄՈՒԾՎՈՂ ԱՊՀ ԾԱԳՄԱՆ ՍՊԻՐՏԱՅԻՆ ԽՄԻՉՔՆԵՐԻ ՆԿԱՏՄԱՄԲ ԿԻՐԱՌՎՈՂ ԱԿՑԻԶԱՅԻՆ ՀԱՐԿԻ ԴՐՈՒՅՔԱՉԱՓԵՐԻ ՄԱՍԻՆ
Հիմք ընդունելով Հայաստանի Հանրապետության Ազգային ժողովի 1999 թվականի դեկտեմբերի 28-ի N Ն-041-2 «Ազատ առևտրի գոտու ստեղծման մասին համաձայնագիրը վավերացնելու մասին» որոշումը և ղեկավարվելով Հայաստանի Հանրապետության Սահմանադրության 6-րդ հոդվածի 4-րդ մասով, համաձայն որի` եթե վավերացված միջազգային պայմանագրում սահմանվում են այլ նորմեր, քան նախատեսված են օրենքներով, ապա կիրառվում են այդ նորմերը, հանձնարարել Հայաստանի Հանրապետության կառավարությանն առընթեր պետական եկամուտների կոմիտեի նախագահ Գ. Խաչատրյանին` 2011 թվականի հունվարի 1-ից սկսած Հայաստանի Հանրապետություն ներմուծվող ԱՊՀ երկրների ծագման սպիրտային խմիչքների նկատմամբ կիրառել ներքին արտադրության սպիրտային խմիչքների համար սահմանված ակցիզային հարկի դրույքաչափերը` համաձայն հավելվածի:
ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ
2010 ԹՎԱԿԱՆԻ ԴԵԿՏԵՄԲԵՐԻ 8-ԻՆ
Հավելված
ՀՀ կառավարության
2010 թվականի դեկտեմբերի 2-ի
նիստի N 47 արձանագրային
որոշման
ԱՊՀ ԵՐԿՐՆԵՐԻ ԾԱԳՄԱՆ ՍՊԻՐՏԱՅԻՆ ԽՄԻՉՔՆԵՐԻ ՆԿԱՏՄԱՄԲ ԿԻՐԱՌՎՈՂ ԱԿՑԻԶԱՅԻՆ ՀԱՐԿԻ ԴՐՈՒՅՔԱՉԱՓԵՐԸ
._____________________________________________________________________.
|Ապրանքի |Ապրանքախմբի |Հարկման բազայի |Ակցիզային հարկի |
|ծածկագիրը` |անվանումը |միավորը |դրույքաչափը (դրամ)|
|ըստ ԱՏԳԱԱ-ի | | | |
|____________|______________|______________________|__________________|
|2203 |գարեջուր |1 լիտրի համար | 70 |
|____________|______________|______________________|__________________|
|2206 |Խմորման |1 լիտրի համար | 180 |
| |ենթարկված այլ | | |
| |ըմպելիքներ | | |
| |(խնձորի սիդր, | | |
| |պերրու (տանձի | | |
| |սիդր), | | |
| |մեղրաըմպելիք) | | |
|____________|______________|______________________|__________________|
|2207 |Էթիլային սպիրտ|1 լիտրի համար | 600 |
|____________|______________|______________________|__________________|
|2208 |Սպիրտային |բացթողման գնի (առանց |30 տոկոս, բայց ոչ |
| |խմիչքներ, |ԱԱՀ և ակցիզային |պակաս, քան 1 |
| |բացառությամբ |հարկի) |լիտրի համար 380 |
| |ԱՏԳԱԱ 2208 | |դրամ |
| |ապրանքային | | |
| |ծածկագրին | | |
| |դասվող օղիների| | |
| | | | |
| |ԱՏԳԱԱ 2208 |տեղական արտադրության |30 տոկոս, բայց ոչ |
| |ապրանքային |դեպքում` բացթողման գնի|պակաս, քան 1 |
| |ծածկագրին |(առանց ԱԱՀ և |լիտրի համար 500 |
| |դասվող օղիներ |ակցիզային հարկի), իսկ |դրամ |
| | |ներմուծման դեպքում` | |
| | |մաքսային արժեքի | |
._____________________________________________________________________.