Սեղմել Esc փակելու համար:
ՀՀ ԳԵՂԱՐՔՈՒՆԻՔԻ ՄԱՐԶԻ ՄԱՐՏՈՒՆԻ ԴՊՐԱԲԱ...
Քարտային տվյալներ

Տեսակ
Գործում է
Ընդունող մարմին
Ընդունման ամսաթիվ
Համար

Վավերացման ամսաթիվ
ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

Հղում իրավական ակտի ընտրված դրույթին X
irtek_logo

ՀՀ ԳԵՂԱՐՔՈՒՆԻՔԻ ՄԱՐԶԻ ՄԱՐՏՈՒՆԻ ԴՊՐԱԲԱԿ, ԱՅԳՈՒՏ, ԿԱԼԱՎԱՆ, ՁՈՐԱՎԱՆՔ ԳՅՈՒՂԵՐԻ ՏԱՐԱԾ ...

 

 

040.0730.191198

«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ

 

«19» նոյեմբերի 1998 թ.

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

 

19 նոյեմբերի 1998 թ. թիվ 730

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳԵՂԱՐՔՈՒՆԻՔԻ ՄԱՐԶԻ ՄԱՐՏՈՒՆԻ ԴՊՐԱԲԱԿ, ԱՅԳՈՒՏ, ԿԱԼԱՎԱՆ, ՁՈՐԱՎԱՆՔ ԳՅՈՒՂԵՐԻ ՏԱՐԱԾՔՆԵՐՈՒՄ ՀԱԿԱՍՈՂԱՆՔԱՅԻՆ ՄԻՋՈՑԱՌՈՒՄՆԵՐ ԻՐԱԿԱՆԱՑՆԵԼՈՒ ՄԱՍԻՆ

 

Հայաստանի Հանրապետության Գեղարքունիքի մարզի Մարտունի, Դպրաբակ, Այգուտ, Կալավան, Ձորավանք գյուղերի տարածքներում սողանքային երևույթների ակտիվությունը նվազեցնելու, բնակչության անվտանգությունն ապահովելու նպատակով Հայաստանի Հանրապետության կառավարությունը որոշում է.

1. Գեղարքունիքի մարզպետին`

ա) ապահովել Մարտունի, Դպրաբակ, Այգուտ, Կալավան, Ձորավանք գյուղերի տարածքների նախնական տեղազննումների հետ կապված աշխատանքների կազմակերպումը, կազմել կանխարգելիչ ու առաջնահերթ ինժեներապաշտպան միջոցառումների մշակման համար պահանջվող ինժեներական նախագծահետազննական աշխատանքների առաջին փուլի ծրագիր և երկամսյա ժամկետում Հայաստանի Հանրապետության ֆինանսների և էկոնոմիկայի նախարարություն ներկայացնել առաջարկություն այդ աշխատանքների կատարման համար անհրաժեշտ միջոցների ու ժամկետների վերաբերյալ.

բ) ապահովել նշված գյուղերի սողանքավտանգ գոտիներում գտնվող բնակելի տների ու կառույցների տեխնիկական վիճակի ուսումնասիրումը` նշելով առաջնահերթ վերաբնակեցման ենթակա վթարային տների թիվն ու արժեքը.

գ) երկամսյա ժամկետում սահմանված կարգով Հայաստանի Հանրապետության կառավարություն ներկայացնել առաջարկություն նշված գյուղերի բնակիչների վերաբնակեցման վերաբերյալ:

2. Հայաստանի Հանրապետության ֆինանսների և էկոնոմիկայի նախարարությանը`

ա) Հայաստանի Հանրապետության Գեղարքունիքի մարզի Մարտունի, Դպրաբակ, Այգուտ, Կալավան, Ձորավանք գյուղերի բնակելի տների տեխնիկական վիճակն ուսումնասիրելու համար Գեղարքունիքի մարզպետարանին հատկացնել 3,0 մլն դրամ` Հայաստանի Հանրապետության կառավարության 1998 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին.

բ) սույն որոշման 1-ին կետի «ա» ենթակետով նախատեսված ինժեներական նախագծահետազննական աշխատանքների առաջին փուլի ծրագիրը ներկայացնելուց հետո 10-օրյա ժամկետում սահմանված կարգով Հայաստանի Հանրապետության կառավարություն ներկայացնել առաջարկություն այդ աշխատանքների ֆինանսավորման վերաբերյալ:

3. Սույն որոշման կատարման վերահսկողությունը դնել Հայաստանի Հանրապետության քաղաքաշինության նախարարության և Հայաստանի Հանրապետության կառավարությանն առընթեր արտակարգ իրավիճակների վարչության վրա:

4. Սույն որոշումն ուժի մեջ է մտնում 1998 թվականի նոյեմբերի 19-ից:

 

 

pin
ՀՀ կառավարություն
19.11.1998
N 730
Որոշում