ՀՀ ԿԱՌԱՎԱՐԱԿԱՆ ՀԱՆՁՆԱԺՈՂՈՎ ՍՏԵՂԾԵԼՈՒ ՄԱՍԻՆ

041.0707.041298

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

ՈՐՈՇՈՒՄ

4 դեկտեմբերի 1998 թվականի թիվ 707

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐԱԿԱՆ ՀԱՆՁՆԱԺՈՂՈՎ ՍՏԵՂԾԵԼՈՒ ՄԱՍԻՆ

Հայաստանի Հանրապետության Վայոց Ձորի մարզի Ջերմուկ քաղաքի մոր և մանկան առողջարանում 1998 թվականի դեկտեմբերի 3-ին տեղի ունեցած պայթյունի պատճառների ուսումնասիրման և տեղում հետևանքների վերացման անհետաձգելի աշխատանքները կազմակերպելու նպատակով`

1. Ստեղծել Հայաստանի Հանրապետության կառավարական հանձնաժողով և հաստատել դրա հետևյալ կազմը`

   Դ. Զադոյան          - ՀՀ տարածքային կառավարման և  օպերատիվ հարցերի

                         նախարար (հանձնաժողովի նախագահ)

   Հ. Նիկողոսյան       - ՀՀ առողջապահության նախարար

   Վ. Հարությունյան    - ՀՀ կառավարությանն առընթեր արտակարգ

                         իրավիճակների վարչության պետ

   Ս. Թովմասյան        - ՀՀ քաղաքաշինության նախարարի տեղակալ

   Հ. Վարյան           - ՀՀ ներքին գործերի և  ազգային անվտանգության

                         նախարարի տեղակալ

   Պ. Մանուկյան        - ՀՀ Վայոց ձորի մարզպետ

   Ա. Արսենյան         - Ջերմուկի քաղաքապետ

2. Հայաստանի Հանրապետության կառավարման հանձնաժողովին` մեկշաբաթյա ժամկետում Հայաստանի Հանրապետության կառավարություն ներկայացնել առաջարկություններ աղետի հետևանքների վերացման միջոցառումների և տուժողներին փոխհատուցումներ տալու վերաբերյալ: