ՀՀ ՊԱՏՎԻՐԱԿՈՒԹՅՈՒՆ ԲՈՒԽԱՐԵՍՏ ԳՈՐԾՈՒՂԵԼՈՒ ՄԱՍԻՆ

041.0160.040311

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

ՈՐՈՇՈՒՄ

4 մարտի 2011 թվականի N 160-Ա

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԱՏՎԻՐԱԿՈՒԹՅՈՒՆ ԲՈՒԽԱՐԵՍՏ ԳՈՐԾՈՒՂԵԼՈՒ ՄԱՍԻՆ

Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 3-րդ ենթակետի`

1. Հայաստանի Հանրապետության և Ռումինիայի Հանրապետության միջև առևտրատնտեսական և գիտատեխնիկական համագործակցության խառը հանձնաժողովի երրորդ նիստին մասնակցելու նպատակով 2011 թվականի մարտի 9-11-ը Բուխարեստ (Ռումինիայի Հանրապետություն) գործուղել Հայաստանի Հանրապետության պատվիրակություն` համաձայն հավելվածի:

2. Մ. Վարդանյանի, Պ. Սաֆարյանի, Ս. Սահակյանի, Ա. Պետրոսյանի և Գ. Գրիգորյանի` Բուխարեստ գործուղման հետ կապված ծախսերը կատարել Հայաստանի Հանրապետության 2011 թվականի պետական բյուջեով արտասահմանյան պաշտոնական գործուղումների համար նախատեսված միջոցների հաշվին:

3. Ընդունել ի գիտություն, որ Բուխարեստ գործուղման հետ կապված ծախսերը կկատարվեն`

1) Տ. Սամվելյանինը` Հայաստանի Հանրապետության արտաքին գործերի նախարարության աշխատակազմի պահպանման ծախսերում գործուղումների համար նախատեսված միջոցների հաշվին.

2) Լ. Թումյանինը, Գ. Մակարյանինը և Գ. Աղաջանյանինը` համապատասխանաբար «Զարգացման հայկական գործակալություն» փակ բաժնետիրական ընկերության, Հայաստանի արդյունաբերողների և արտադրողների միության և «Ապավեն» ընկերության միջոցների հաշվին:

4. Հայաստանի Հանրապետության արտաքին գործերի նախարարին` լուծել Հայաստանի Հանրապետության պատվիրակության` Բուխարեստ մեկնելու հետ կապված հարցերը:

5. Հայաստանի Հանրապետության տրանսպորտի և կապի նախարար Մ. Վարդանյանին` գործուղումից վերադառնալուց հետո եռօրյա ժամկետում Հայաստանի Հանրապետության կառավարության աշխատակազմ ներկայացնել Բուխարեստ գործուղման արդյունքների մասին հաշվետվություն:

ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ

2011 ԹՎԱԿԱՆԻ ՄԱՐՏԻ 4-ԻՆ

Հավելված

ՀՀ վարչապետի

2011 թ. մարտի 4-ի

N 160-Ա որոշման

ԿԱԶՄ

2011 ԹՎԱԿԱՆԻ ՄԱՐՏԻ 9-11-Ը ԲՈՒԽԱՐԵՍՏ ՄԵԿՆՈՂ` ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԱՏՎԻՐԱԿՈՒԹՅԱՆ

    Մ. Վարդանյան             - ՀՀ տրանսպորտի և  կապի նախարար

                               (հանձնաժողովի հայկական կողմի նախագահ)

    Պ. Սաֆարյան              - ՀՀ ֆինանսների նախարարի առաջին տեղակալ

    Ս. Սահակյան              - ՀՀ մշակույթի նախարարության աշխատակազմի

                               արտաքին կապերի վարչության պետ

    Ա. Պետրոսյան             - ՀՀ գյուղատնտեսության նախարարության

                               աշխատակազմի արտաքին կապերի և մարքեթինգի

                               վարչության պետ

    Գ. Գրիգորյան             - ՀՀ տրանսպորտի և  կապի նախարարության

                               աշխատակազմի արտաքին կապերի և ծրագրերի

                               վարչության պետ

    Լ. Թումյան               - «Զարգացման հայկական գործակալություն» փակ

                               բաժնետիրական ընկերության արտահանման գծով

                               տնօրեն (համաձայնությամբ)

    Գ. Մակարյան              - Հայաստանի արդյունաբերողների և  արտադրողների

                               միության գործադիր տնօրեն (համաձայնությամբ)

    Գ. Աղաջանյան             - «Ապավեն» ընկերության գործադիր տնօրեն

                               (համաձայնությամբ)

    Տ. Սամվելյան             - ՀՀ արտաքին գործերի նախարարության աշխատակազմի

                               Եվրոպայի վարչության բաժնի պետ

                               (հայկական կողմի քարտուղար)