ԱՇԽԱՏԱՆՔԱՅԻՆ ԽՈՒՄԲ ՍՏԵՂԾԵԼՈՒ ՄԱՍԻՆ

041.0247.280311

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

ՈՐՈՇՈՒՄ

28 մարտի 2011 թվականի N 247-Ա

ԱՇԽԱՏԱՆՔԱՅԻՆ ԽՈՒՄԲ ՍՏԵՂԾԵԼՈՒ ՄԱՍԻՆ

Հիմք ընդունելով Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրով սահմանված կարգի 121-րդ կետի 2-րդ ենթակետը`

1. Հայաստանի Հանրապետությունում փոքր և միջին քիմիայի զարգացման համալիր ծրագիր մշակելու նպատակով ստեղծել աշխատանքային խումբ` համաձայն հավելվածի:

2. Աշխատանքային խմբին` մինչև 2011 թվականի հունիսի 15-ը Հայաստանի Հանրապետության վարչապետին ներկայացնել Հայաստանի Հանրապետությունում փոքր և միջին քիմիայի զարգացման համալիր ծրագրի նախագիծը:

ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ

2011 ԹՎԱԿԱՆԻ ՄԱՐՏԻ 28-ԻՆ

Հավելված

ՀՀ վարչապետի

2011 թվականի մարտի 28-ի

N 247-Ա որոշման

ԱՆՀԱՏԱԿԱՆ ԿԱԶՄ ԱՇԽԱՏԱՆՔԱՅԻՆ ԽՄԲԻ

    Գ. Հասրաթյան      - ՀՀ գիտությունների ազգային ակադեմիայի օրգանական

                        քիմիայի ինստիտուտի տնօրեն (աշխատանքային խմբի

                        ղեկավար) (համաձայնությամբ)

    Լ. Շահվերդյան     - ՀՀ էներգետիկայի և  բնական պաշարների նախարարի

                        տեղակալ

    Ա. Մկրտչյան       - ՀՀ էկոնոմիկայի նախարարության աշխատակազմի

                        արդյունաբերության վարչության արդյունաբերության

                        քաղաքականության բաժնի պետ

    Ն. Մոռլյան        - «Արիակ» կիրառական քիմիայի ինստիտուտի տնօրենի

                        տեղակալ (համաձայնությամբ)

    Ա. Թադևոսյան      - Հայաստանի պետական ճարտարագիտական համալսարանի

                        քիմիական տեխնոլոգիաների և բնապահպանական

                        ճարտարագիտության ֆակուլտետի դեկան (համաձայնությամբ)

    Գ. Թոքմաջյան      - Երևանի  պետական համալսարանի օրգանական քիմիայի

                        ամբիոնի դոցենտ (համաձայնությամբ)

    Հ. Աթթարյան       - ՀՀ գիտությունների ազգային ակադեմիայի օրգանական և

                        դեղագործական քիմիայի գիտատեխնոլոգիական կենտրոնի

                        առաջատար գիտաշխատող (համաձայնությամբ)

    Ռ. Ասատրյան       - ՀՀ կրթության և  գիտության նախարարության գիտության

                        պետական կոմիտեի գիտական քաղաքականության

                        վարչության ինովացիոն և ներդրումային

                        քաղաքականության բաժնի պետ (աշխատանքային խմբի

                        քարտուղար)