Սեղմել Esc փակելու համար:
ՀԱՍԱՐԱԿԱԿԱՆ ԳԻՏՈՒԹՅՈՒՆՆԵՐԻ ԶԱՐԳԱՑՄԱՆԸ...
Քարտային տվյալներ

Տեսակ
Գործում է
Ընդունող մարմին
Ընդունման ամսաթիվ
Համար

ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

Հղում իրավական ակտի ընտրված դրույթին X
irtek_logo
 

ՀԱՍԱՐԱԿԱԿԱՆ ԳԻՏՈՒԹՅՈՒՆՆԵՐԻ ԶԱՐԳԱՑՄԱՆԸ ՆՊԱՍՏՈՂ ԾՐԱԳՐԻՆ ԵՎ ԾՐԱԳՐԻ ԻՐԱԿԱՆԱՑՄԱՆ ՄԻՋՈ ...

 

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՆԻՍՏԻ
ԱՐՁԱՆԱԳՐՈՒԹՅՈՒՆԻՑ ՔԱՂՎԱԾՔ

 

18 մարտի 2011 թվականի N 10

 

16. ՀԱՍԱՐԱԿԱԿԱՆ ԳԻՏՈՒԹՅՈՒՆՆԵՐԻ ԶԱՐԳԱՑՄԱՆԸ ՆՊԱՍՏՈՂ ԾՐԱԳՐԻՆ ԵՎ ԾՐԱԳՐԻ ԻՐԱԿԱՆԱՑՄԱՆ ՄԻՋՈՑԱՌՈՒՄՆԵՐԻ ԺԱՄԱՆԱԿԱՑՈՒՅՑԻՆ ՀԱՎԱՆՈՒԹՅՈՒՆ ՏԱԼՈՒ ՄԱՍԻՆ

 

1. Հավանություն տալ`

1) հասարակական գիտությունների զարգացմանը նպաստող ծրագրին` համաձայն N 1 հավելվածի.

2) հասարակական գիտությունների զարգացմանը նպաստող ծրագրի իրականացման միջոցառումների ժամանակացույցին` համաձայն N 2 հավելվածի:

 

ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ

2011 ԹՎԱԿԱՆԻ ՄԱՐՏԻ 23-ԻՆ

 

Հավելված N 1

ՀՀ կառավարության

2011 թ. մարտի 18-ի նիստի

N 10 արձանագրային որոշման

 

ԾՐԱԳԻՐ ՀԱՍԱՐԱԿԱԿԱՆ ԳԻՏՈՒԹՅՈՒՆՆԵՐԻ ԶԱՐԳԱՑՄԱՆԸ ՆՊԱՍՏՈՂ

 

I. ՆԵՐԱԾՈՒԹՅՈՒՆ

 

1. Հասարակական գիտությունների զարգացմանը նպաստող ծրագիրը (այսուհետ` ծրագիր) բնագավառի հիմնախնդիրների, դրանց լուծումների և զարգացման հիմնական ուղղությունների վերաբերյալ միջոցառումների ամբողջություն է: Ծրագիրը մշակվել է Հայաստանի Հանրապետության կառավարության 2010 թ. մայիսի 27-ի նիստի N 20 արձանագրային որոշմամբ հավանության արժանացած Գիտության ոլորտի զարգացման ռազմավարության հիմնադրույթներին համապատասխան:

2. Ծրագրի նպատակն է` ապահովել հասարակական գիտությունների բնագավառում իրականացվող հետազոտությունների մասնագիտական մակարդակի բարձրացումն ու համապատասխանեցումը հասարակության և տնտեսության արդի պահանջներին, բարձրացնել միջազգային գիտական տարածքի հետ ինտեգրվածության մակարդակը:

3. Հասարակական գիտությունների բնագավառն ընդգրկում է գիտական և գիտատեխնիկական գործունեության հետևյալ ոլորտները` ըստ Ֆրասկատիի դասակարգման.

1) հոգեբանություն

2) տնտեսագիտություն և գործարարություն,

3) մանկավարժական գիտություններ,

4) սոցիոլոգիա,

5) իրավունք,

6) քաղաքական գիտություններ

7) սոցիալական և տնտեսական աշխարհագրություն,

8) զանգվածային լրատվություն և հաղորդակցություն,

9) այլ հասարակական գիտություններ:

 

II. ՀԱՍԱՐԱԿԱԿԱՆ ԳԻՏՈՒԹՅՈՒՆՆԵՐԻ ՆԵՐԿԱ ՎԻՃԱԿԸ

 

4. Հասարակական գիտությունների բնագավառում իրականացվող գիտական ծրագրերին և թեմաներին Հայաստանի Հանրապետության 2010 թ. պետական բյուջեից հատկացվել է գիտության ծախսերի համար նախատեսված ընդհանուր ֆինանսավորման ծավալների մոտ 4 տոկոսը: Պետական բյուջեի միջոցների հաշվին իրականացվում են գիտական և գիտատեխնիկական գործունեության բազային ֆինանսավորման 11 ծրագրեր և պայմանագրային (թեմատիկ) ֆինանսավորման 63 գիտական թեմաներ: Այդ ծրագրերը և թեմաները կատարվում են 14 գիտական կազմակերպություններում և բարձրագույն ուսումնական հաստատություններում, որոնցից 3-ը ներկայացնում են ՀՀ գիտությունների ազգային ակադեմիան, 10-ը` Կրթության և գիտության նախարարությունը, 1-ը` Գյուղատնտեսության նախարարությունը, ինչպես նաև «Նորավանք» հիմնադրամում, «Էթնոս» էթնո-մշակութային գիտական հետազոտությունների կենտրոն» հասարակական կազմակերպությունում, ու մեկ գիտական թեմա էլ կատարվում է անհատ հետազոտողի կողմից:

5. 2010 թ. տվյալներով` հասարակական գիտությունների բնագավառում իրականացվող պետական գիտական ծրագրերում և թեմաներում ընդգրկված գիտական աստիճան ունեցող մասնագետների թիվը 270 է, որոնցից 60-ն ունեն գիտության դոկտորի գիտական աստիճան, իսկ 210-ը` գիտության թեկնածուի: Գիտության դոկտորների միջին տարիքը 65.5 է, իսկ թեկնածուներինը` 47.6:

6. 1994-2009 թթ. ընթացքում հասարակական գիտությունների բնագավառում Հայաստանի Հանրապետությունում գիտական աստիճանի վկայագիր են ստացել 1623 մարդ (գիտական աստիճան ստացածների ընդհանուր թվի մոտ 28 տոկոսը), որոնցից 2010 թ. դրությամբ պետական գիտական ծրագրերում և թեմաներում ընդգրկված են 194-ը կամ` ընդհանուրի մոտ 12 տոկոսը (տե՛ս Գծապատկեր 1):

7. Հասարակական գիտությունների բնագավառում ատենախոսությունների հիմնական արդյունքների և դրույթների հրատարակման համար Հայաստանի Հանրապետության բարձրագույն որակավորման հանձնաժողովի կողմից ընդունվող պարբերական գիտական հրատարակությունների քանակը 2010 թ. հուլիսի 1-ի դրությամբ 27 է, որոնցից 25-ը հրատարակվում են հայերեն և 2-ը` ռուսերեն լեզուներով:

 

Գծապատկեր 1. Հասարակական գիտությունների բնագավառում 1994-2009 թթ. ընթացքում գիտական աստիճանի վկայագիր ստացածների (մուգ գույնի հիստոգրամներ) և 2010 թ. դրությամբ դրանցից պետական բյուջեի ֆինանսավորմամբ կատարվող գիտական ծրագրերում ու թեմաներում ընդգրկվածների (բաց գույնի հիստոգրամներ) թվաքանակները (մեծ գծապատկեր), ինչպես նաև վերջիններիս մասնաբաժինը ընդհանուրի մեջ (տոկոսներով, փոքր գծապատկեր)` ըստ Ֆրասկատիի դասակարգման ոլորտների և գիտական աստիճանի վկայագիր ստացածների թվաքանակի նվազման աստիճանի: Ոլորտների նշանակումները. 1-ինը` տնտեսագիտություն և գործարարություն, 2-ը` մանկավարժական գիտություններ, 3-ը` իրավունք, 4-ը հոգեբանություն, 5-ը` սոցիալական և տնտեսական աշխարհագրություն, 6-ը` քաղաքական գիտություններ, 7-ը` սոցիոլոգիա:

 

_______________________________

ԻՐՏԵԿ - Գծապատկերը չի բերվում

 

8. Ըստ գիտական և գիտատեխնիկական գործունեություն իրականացնող գիտական կազմակերպությունների և բարձրագույն ուսումնական հաստատությունների տարեկան հաշվետվություններով ներկայացված տվյալների, հասարակական գիտությունների բնագավառում պետական բյուջեի ֆինանսավորմամբ իրականացված հետազոտությունների արդյունքում 2008-2009 թթ. հրատարակվել է 1762 գիտական աշխատություն, որոնցից 1345-ը հայերեն, 351-ը` ռուսերեն, 66-ը` այլ լեզուներով (տե՛ս Գծապատկեր 2): Դրանց մեջ ռուսերեն լեզվով հրապարակումները կազմում են 20 տոկոս, անգլերեն, ֆրանսերեն, գերմաներեն և այլ եվրոպական լեզուներով` 4 տոկոս (բնագավառի համաշխարհային հրապարակումների բացարձակ մեծամասնությունն անգլերեն է):

 

Գծապատկեր 2. Հասարակական գիտությունների բնագավառում 2008-2009 թթ. պետական գիտական ծրագրերի և թեմաների շրջանակներում իրականացվող հետազոտությունների արդյունքում հրապարակված գիտական աշխատությունների բաշխումն ըստ հրապարակման լեզուների:

 

_______________________________

ԻՐՏԵԿ - Գծապատկերը չի բերվում

 

9. Հասարակական գիտությունների բնագավառում առկա են հետևյալ հիմնախնդիրները.

1) գիտական հետազոտությունները հիմնականում չեն արտացոլում ու անհրաժեշտ գիտական հենքով չեն ապահովում հանրապետությունում տեղի ունեցող հասարակական և տնտեսական փոփոխություններն ու զարգացումները.

2) ենթակառուցվածքներն ու նյութատեխնիկական բազան չեն համապատասխանում ժամանակակից գիտության պահանջներին.

3) թույլ են գիտական հետազոտություններ - հասարակական զարգացումներ կապերը, ցածր է տնտեսական զարգացումների գիտական հիմնավորվածության մակարդակը.

4) անբավարար է հայերեն լեզվով ժամանակակից մասնագիտական և գիտամեթոդական գրականության հրատարակման մակարդակը.

5) ցածր է գիտական և գիտամանկավարժական կադրերի վերարտադրության արդյունավետությունը և շարունակվում է բարձր մակարդակ ունեցող կադրերի արտահոսքը.

6) գիտական և գիտամանկավարժական կադրերի պատրաստման ձևն ու բովանդակությունը չեն համապատասխանում ժամանակակից գիտության պահանջներին.

7) ցածր է ատենախոսությունների մասնագիտական մակարդակը, դրանց թեմաները միտված չեն հանրապետական, տարածաշրջանային և համընդհանուր մարտահրավերների լուծումներին ուղղված հետազոտությունների իրականացմանը.

8) փոքր թիվ են կազմում ոլորտի համընդհանուր մարտահրավերների լուծումներին միտված ու համաշխարհային գիտական հասարակությանը հասանելի հրապարակումները.

9) ցածր է միջազգային համագործակցության, միջազգային գիտական տարածքի հետ ինտեգրվածության մակարդակը.

10. Վերոնշյալ հիմնախնդիրների լուծման համար ձևակերպվել են հասարակական գիտությունների զարգացման հեռանկարային նպատակակետերը և դրանց հասնելու միջոցառումները:

 

III. ԾՐԱԳՐԻ ՀԻՄՆԱԿԱՆ ՆՊԱՏԱԿԱԿԵՏԸ

 

11. Հասարակական գիտությունների զարգացման հիմնական նպատակակետերն են.

1) գիտական և գիտամանկավարժական կադրերի պատրաստման ձևի ու բովանդակության համապատասխանեցում ժամանակակից գիտության պահանջներին, կադրերի վերարտադրության արդյունավետության բարձրացում.

2) հետազոտությունների մասնագիտական մակարդակի բարձրացում, ենթակառուցվածքների և նյութատեխնիկական բազայի արդիականացում.

3) հասարակական և տնտեսական զարգացումների մեջ կիրառվելիք գիտելիքի ձեռքբերմանն ուղղված հետազոտությունների խթանում.

4) միջազգային համագործակցության զարգացում.

 

IV. ԾՐԱԳՐԻ ԻՐԱԿԱՆԱՑՄԱՆ ՄԻՋՈՑԱՌՈՒՄՆԵՐԸ

 

12. Նպատակակետ 1: Հասարակական գիտությունների բնագավառում գիտական և գիտամանկավարժական կադրերի պատրաստման ձևի ու բովանդակության համապատասխանեցում ժամանակակից գիտության պահանջներին, կադրերի վերարտադրության արդյունավետության բարձրացում.

1) միջոցառումները`

ա. բարձրագույն և հետբուհական մասնագիտական կրթական ծրագրերի համապատասխանեցում ժամանակակից գիտության պահանջներին.

բ. հայերեն հրատարակվող ուսումնական ձեռնարկների. գիտամեթոդական և մասնագիտական գրականության արդիականացում.

գ. մասնագետների պատրաստման որակի բարձրացում, այդ թվում` դասավանդման գործընթացում ՀՀ գիտությունների ազգային ակադեմիայի համակարգում կամ այլ կազմակերպություններում աշխատող և որակավորման բարձր աստիճան ունեցող մասնագետների ներգրավում.

դ. գիտական և գիտամանկավարժական կադրերի պատրաստման ժամանակակից եղանակների ներդրում, այդ թվում` օտարերկրյա պետությունների գիտակրթական կազմակերպություններում կամ միջազգային գիտական կենտրոններում կադրերի պատրաստման մեխանիզմների մշակում և ներդրում.

ե. գիտական կադրերի պատրաստման գործում օտարերկրյա մասնագետների ներգրավում, այդ թվում` ատենախոսությունների համաղեկավարության մեխանիզմների մշակում և ներդրում.

զ. ատենախոսությունների թեմաների համապատասխանեցում հասարակական և տնտեսական զարգացումների ժամանակակից պահանջներին.

է. որոշ մասնագիտությունների գծով օտարերկրյա պետությունների մասնագետների հետ ատենախոսությունների համատեղ փորձաքննության անցկացման մեխանիզմների մշակում:

13. Նպատակակետ 2: Հասարակական գիտությունների բնագավառում հետազոտությունների մասնագիտական մակարդակի բարձրացում, ենթակառուցվածքների և նյութատեխնիկական բազայի արդիականացում.

1) միջոցառումները`

ա. հասարակական գիտությունների հիմնադրամի ստեղծում.

բ. ենթակառուցվածքների և նյութատեխնիկական բազայի արդիականացում, ժամանակակից տեղեկատվական և հաղորդակցական տեխնոլոգիաների ներդրում.

գ. հանրապետական գիտատեղեկատվական ցանցի ստեղծում, միջազգային գիտատեղեկատվական շտեմարանների ազատ օգտագործման պայմանների ապահովում.

դ. ատենախոսությունների հիմնական արդյունքների և դրույթների համար ընդունելի հանրապետական գիտական պարբերականների մասնագիտական մակարդակի բարձրացում, այդ թվում` հանրապետական գիտական պարբերական հրատարակությունների արդիականացման ծրագրերի իրականացում.

ե. հասարակական գիտությունների ինդեքսավորված ամսագրերում գիտական հրապարակումների խրախուսման մեխանիզմների ներդրում:

14. Նպատակակետ 3: Հասարակական և տնտեսական զարգացումների մեջ կիրառվելիք գիտելիքի ձեռքբերմանն ուղղված հետազոտությունների խթանում.

1) միջոցառումները`

ա. կիրառական հետազոտությունների խթանման մեխանիզմների մշակում և ներդրում.

բ. հասարակական գիտությունների բնագավառում դրամաշնորհային ծրագրերի իրականացում.

գ. տարածաշրջանի և հնարավոր գործընկեր երկրների պատմության, մշակույթի, հասարակության և քաղաքականության ուսումնասիրման, եվրաինտեգրման ծրագրերի իրականացում:

15. Նպատակակետ 4: Հասարակական գիտությունների բնագավառում միջազգային համագործակցության զարգացում.

1) միջոցառումները`

ա. միջազգային համագործակցության զարգացման պետական միասնական ծրագրի մշակում.

բ. գիտական և գիտամանկավարժական կադրերի փոխանակման ծրագրերի իրականացում, համաֆինանսավորման սկզբունքով միջազգային համատեղ գիտական խմբերի, կենտրոնների և լաբորատորիաների ստեղծում.

գ. օտարերկրյա պետություններում աշխատող հայազգի գիտնականների հետ համատեղ ծրագրերի իրականացում` Հայաստանի Հանրապետության կառավարության 2009 թ. ապրիլի 30-ի N 459-Ն որոշմամբ հաստատված «Հայ գիտնականների ներուժի համախմբման ծրագրի» շրջանակներում:

 

V. ԾՐԱԳՐԻ ՖԻՆԱՆՍԱՎՈՐՄԱՆ ԱՂԲՅՈՒՐՆԵՐԸ

 

16. Ծրագրի ֆինանսավորման աղբյուրներն են`

1) Հայաստանի Հանրապետության պետական բյուջեն.

2) պետբյուջետային միջոցները, այդ թվում` դրամաշնորհները, ֆիզիկական և իրավաբանական անձանց, օտարերկրյա պետությունների գիտական և (կամ) գիտակրթական կազմակերպությունների, ինչպես նաև միջազգային գիտական կազմակերպությունների կողմից տրամադրվող միջոցները.

3) Հայաստանի Հանրապետության օրենսդրությամբ չարգելված այլ աղբյուրները:

 

VI. ԱՄՓՈՓՈՒՄ

 

17. Ծրագրով նախատեսված միջոցառումների իրականացման արդյունքում հասարակական գիտությունների բնագավառի հետազոտությունները կհամապատասխանեն ժամանակակից գիտության պահանջներին, կբարձրանա դրանց մասնագիտական մասնագիտական մակարդակն ու միջազգային գիտական և գիտակրթական տարածքի հետ ինտեգրվածության աստիճանը, և, որպես հետևանք, կբարձրանա նաև պետական բյուջեից բյուջեից հատկացվող ֆինանսական միջոցների օգտագործման արդյունավետությունը.

 

Հավելված N 2

ՀՀ կառավարության

2011 թ. մարտի 18-ի նիստի

N 10 արձանագրային որոշման

 

ԺԱՄԱՆԱԿԱՑՈՒՅՑ

 

ՀԱՍԱՐԱԿԱԿԱՆ ԳԻՏՈՒԹՅՈՒՆՆԵՐԻ ԶԱՐԳԱՑՄԱՆԸ ՆՊԱՍՏՈՂ ԾՐԱԳՐԻ ԻՐԱԿԱՆԱՑՄԱՆ ՄԻՋՈՑԱՌՈՒՄՆԵՐԻ

 

._________________________________________________________________________.

|Հ/հ|   Միջոցառում   |Կատարման ժամկետ/ֆինանսական   |Ֆինանսա|   Կատարող    |

|   |                |ծավալ                        |վորման |              |

|   |                |_____________________________|աղբյուր|              |

|   |                |2011թ|2012թ|2013թ|2014թ|2015թ|       |              |

|___|________________|_____|_____|_____|_____|_____|_______|______________|

| 1 |       2        |  3  |  4  |  5  |  6  |  7  |   8   |      9       |

|_________________________________________________________________________|

|1. Հասարակական գիտությունների բնագավառում գիտական և  գիտամանկավարժական   |

|կադրերի պատրաստման ձևի  ու բովանդակության համապատասխանեցում ժամանակակից  |

|գիտության պահանջներին, կադրերի վերարտադրության արդյունավետության         |

|բարձրացում                                                               |

|_________________________________________________________________________|

|1.1|Հայերեն         |  v  |  v  |  v  |  v  |  v  |ՀՀ     |ՀՀ կրթության  |

|   |հրատարակվող     |     |     |     |     |     |պետական|և  գիտության  |

|   |ուսումնական     |     |     |     |     |     |բյուջե,|նախարարություն|

|   |ձեռնարկների,    |     |     |     |     |     |արտա-  |ՀՀ            |

|   |գիտամեթոդական և |     |     |     |     |     |բյուջե-|գիտությունների|

|   |մասնագիտական    |     |     |     |     |     |տային  |ազգային       |

|   |գրականության    |     |     |     |     |     |միջոց- |ակադեմիայի հետ|

|   |արդիականացում   |     |     |     |     |     |ներ    |համատեղ (համա-|

|   |                |     |     |     |     |     |       |ձայնությամբ)  |

|___|________________|_____|_____|_____|_____|_____|_______|______________|

|1.2|Մասնագետների    |  v  |  v  |  v  |  v  |  v  |       |ՀՀ կրթության  |

|   |պատրաստման որակի|     |     |     |     |     |       |և  գիտության  |

|   |բարձրացում,     |     |     |     |     |     |       |նախարարության`|

|   |ուսումնական     |     |     |     |     |     |       |ՀՀ            |

|   |գործընթացում ՀՀ |     |     |     |     |     |       |գիտությունների|

|   |գիտությունների  |     |     |     |     |     |       |ազգային       |

|   |ազգային         |     |     |     |     |     |       |ակադեմիայի հետ|

|   |ակադեմիայի      |     |     |     |     |     |       |համատեղ (համա-|

|   |համակարգում կամ |     |     |     |     |     |       |ձայնությամբ)  |

|   |այլ կազմակեր-   |     |     |     |     |     |       |              |

|   |պություններում  |     |     |     |     |     |       |              |

|   |աշխատող և       |     |     |     |     |     |       |              |

|   |որակավորման     |     |     |     |     |     |       |              |

|   |բարձր աստիճան   |     |     |     |     |     |       |              |

|   |ունեցող         |     |     |     |     |     |       |              |

|   |մասնագետների    |     |     |     |     |     |       |              |

|   |ներգրավում      |     |     |     |     |     |       |              |

|___|________________|_____|_____|_____|_____|_____|_______|______________|

|1.3|Գիտական և  գիտա-|  v  |  v  |  v  |  v  |  v  |ՀՀ     |ՀՀ կրթության  |

|   |մանկավարժական   |     |     |     |     |     |պետական|և  գիտության  |

|   |կադրերի         |     |     |     |     |     |բյուջե,|նախարարության |

|   |պատրաստման      |     |     |     |     |     |արտա-  |գիտության     |

|   |ժամանակակից     |     |     |     |     |     |բյուջե-|պետական կոմիտե|

|   |եղանակների,     |     |     |     |     |     |տային  |ՀՀ            |

|   |օտարերկրյա      |     |     |     |     |     |միջոց- |գիտությունների|

|   |պետությունների  |     |     |     |     |     |ներ    |ազգային       |

|   |գիտակրթական     |     |     |     |     |     |       |ակադեմիայի հետ|

|   |կենտրոններում   |     |     |     |     |     |       |համատեղ (համա-|

|   |կադրերի         |     |     |     |     |     |       |ձայնությամբ)  |

|   |պատրաստման      |     |     |     |     |     |       |              |

|   |մեխանիզմների    |     |     |     |     |     |       |              |

|   |մշակում և       |     |     |     |     |     |       |              |

|   |ներդրում        |     |     |     |     |     |       |              |

|___|________________|_____|_____|_____|_____|_____|_______|______________|

|1.4|Ատենախոսություն-|  v  |  v  |  v  |  v  |  v  |       |ՀՀ կրթության  |

|   |ների թեմաների   |     |     |     |     |     |       |և  գիտության  |

|   |արդիականացման,  |     |     |     |     |     |       |նախարարություն|

|   |մասնագիտական    |     |     |     |     |     |       |ՀՀ            |

|   |մակարդակի       |     |     |     |     |     |       |գիտությունների|

|   |բարձրացման,     |     |     |     |     |     |       |ազգային       |

|   |ատենախոսություն-|     |     |     |     |     |       |ակադեմիայի հետ|

|   |ների            |     |     |     |     |     |       |համատեղ (համա-|

|   |համաղեկավարման  |     |     |     |     |     |       |ձայնությամբ)  |

|   |մեխանիզմների    |     |     |     |     |     |       |              |

|   |մշակում և       |     |     |     |     |     |       |              |

|   |ներդրում        |     |     |     |     |     |       |              |

|_________________________________________________________________________|

|2. Հասարակական գիտությունների բնագավառում հետազոտությունների մասնագիտական|

|մակարդակի բարձրացում, ենթակառուցվածքների և  նյութատեխնիկական բազայի      |

|արդիականացում                                                            |

|_________________________________________________________________________|

|2.1|Հասարակական     |     |  v  |     |     |     |ՀՀ     |ՀՀ կրթության  |

|   |գիտությունների  |     |     |     |     |     |պետական|և  գիտության  |

|   |հիմնադրամի      |     |     |     |     |     |բյուջե,|նախարարության |

|   |ստեղծում        |     |     |     |     |     |արտա-  |գիտության     |

|   |                |     |     |     |     |     |բյուջե-|պետական կոմիտե|

|   |                |     |     |     |     |     |տային  |              |

|   |                |     |     |     |     |     |միջոց- |              |

|   |                |     |     |     |     |     |ներ    |              |

|___|________________|_____|_____|_____|_____|_____|_______|______________|

|2.2|Ենթակառուցվածք- |     | 10.0| 20.0| 30.0| 40.0|ՀՀ     |ՀՀ կրթության  |

|   |ների և          |     |     |     |     |     |պետական|և  գիտության  |

|   |նյութատեխնիկական|     |     |     |     |     |բյուջե,|նախարարության |

|   |բազայի          |     |     |     |     |     |արտա-  |գիտության     |

|   |արդիականացման   |     |     |     |     |     |բյուջե-|պետական կոմիտե|

|   |ծրագրերի        |     |     |     |     |     |տային  |ՀՀ            |

|   |իրականացում, մլն|     |     |     |     |     |միջոց- |գիտությունների|

|   |դրամ            |     |     |     |     |     |ներ    |ազգային       |

|   |                |     |     |     |     |     |       |ակադեմիայի հետ|

|   |                |     |     |     |     |     |       |համատեղ (համա-|

|   |                |     |     |     |     |     |       |ձայնությամբ)  |

|___|________________|_____|_____|_____|_____|_____|_______|______________|

|2.3|Ատենախոսություն-|     | 12.0| 14.0| 24.0| 36.0|ՀՀ     |ՀՀ կրթության  |

|   |ների հիմնական   |     |     |     |     |     |պետական|և  գիտության  |

|   |արդյունքների և  |     |     |     |     |     |բյուջե,|նախարարության |

|   |դրույթների համար|     |     |     |     |     |արտա-  |գիտության     |

|   |ընդունելի       |     |     |     |     |     |բյուջե-|պետական կոմիտե|

|   |գիտական         |     |     |     |     |     |տային  |ՀՀ կրթության  |

|   |պարբերականների  |     |     |     |     |     |միջոց- |և  գիտության  |

|   |արդիականացման   |     |     |     |     |     |ներ    |նախարարության |

|   |ծրագրերի        |     |     |     |     |     |       |բարձրագույն   |

|   |իրականացում,    |     |     |     |     |     |       |որակավորման   |

|   |միջազգային      |     |     |     |     |     |       |հանձնաժողով`  |

|   |ինդեքսավորված   |     |     |     |     |     |       |ՀՀ            |

|   |ամսագրերում     |     |     |     |     |     |       |գիտությունների|

|   |գիտական         |     |     |     |     |     |       |ազգային       |

|   |հրապարակումների |     |     |     |     |     |       |ակադեմիայի հետ|

|   |խրախուսման      |     |     |     |     |     |       |համատեղ (համա-|

|   |մեխանիզմների    |     |     |     |     |     |       |ձայնությամբ)  |

|   |մշակում և       |     |     |     |     |     |       |              |

|   |ներդրում        |     |     |     |     |     |       |              |

|_________________________________________________________________________|

|3. Հասարակական և  տնտեսական զարգացումների մեջ կիրառվելիք գիտելիքի        |

|ձեռքբերմանն ուղղված հետազոտությունների խթանում                           |

|_________________________________________________________________________|

|3.1|Կիրառական հետազո|  v  |  v  |  v  |     |     |       |ՀՀ կրթության  |

|   |տությունների    |     |     |     |     |     |       |և  գիտության  |

|   |խթանման         |     |     |     |     |     |       |նախարարության |

|   |մեխանիզմների    |     |     |     |     |     |       |գիտության     |

|   |մշակում և       |     |     |     |     |     |       |պետական կոմիտե|

|   |ներդրում        |     |     |     |     |     |       |ՀՀ            |

|   |                |     |     |     |     |     |       |գիտությունների|

|   |                |     |     |     |     |     |       |ազգային       |

|   |                |     |     |     |     |     |       |ակադեմիայի հետ|

|   |                |     |     |     |     |     |       |համատեղ (համա-|

|   |                |     |     |     |     |     |       |ձայնությամբ)  |

|___|________________|_____|_____|_____|_____|_____|_______|______________|

|3.2|Հասարակական     | 30.0| 40.0| 50.0| 70.0| 90.0|ՀՀ     |ՀՀ կրթության  |

|   |գիտությունների  |     |     |     |     |     |պետական|և  գիտության  |

|   |բնագավառում     |     |     |     |     |     |բյուջե,|նախարարության |

|   |դրամաշնորհային  |     |     |     |     |     |արտա-  |գիտության     |

|   |ծրագրերի        |     |     |     |     |     |բյուջե-|պետական կոմիտե|

|   |իրականացում, մլն|     |     |     |     |     |տային  |ՀՀ            |

|   |դրամ            |     |     |     |     |     |միջոց- |գիտությունների|

|   |                |     |     |     |     |     |ներ    |ազգային       |

|   |                |     |     |     |     |     |       |ակադեմիայի հետ|

|   |                |     |     |     |     |     |       |համատեղ (համա-|

|   |                |     |     |     |     |     |       |ձայնությամբ)  |

|___|________________|_____|_____|_____|_____|_____|_______|______________|

|3.3|Տարածաշրջանի և  | 10.0| 20.0| 30.0| 40.0| 50.0|ՀՀ     |ՀՀ կրթության  |

|   |հնարավոր        |     |     |     |     |     |պետական|և  գիտության  |

|   |գործընկեր       |     |     |     |     |     |բյուջե,|նախարարության |

|   |երկրների        |     |     |     |     |     |արտա-  |գիտության     |

|   |պատմության,     |     |     |     |     |     |բյուջե-|պետական կոմիտե|

|   |մշակույթի,      |     |     |     |     |     |տային  |ՀՀ            |

|   |հասարակության և |     |     |     |     |     |միջոց- |գիտությունների|

|   |քաղաքականության |     |     |     |     |     |ներ    |ազգային       |

|   |ուսումնասիրման, |     |     |     |     |     |       |ակադեմիայի հետ|

|   |եվրաինտեգրման   |     |     |     |     |     |       |համատեղ (համա-|

|   |ծրագրերի        |     |     |     |     |     |       |ձայնությամբ)  |

|   |իրականացում, մլն|     |     |     |     |     |       |              |

|   |դրամ            |     |     |     |     |     |       |              |

|_________________________________________________________________________|

|4. Հասարակական գիտությունների բնագավառում միջազգային համագործակցության   |

|զարգացում                                                                |

|_________________________________________________________________________|

|4.1|Միջազգային      |  v  |     |     |     |     |       |ՀՀ կրթության  |

|   |համագործակցու-  |     |     |     |     |     |       |և  գիտության  |

|   |թյան զարգացման  |     |     |     |     |     |       |նախարարության |

|   |պետական         |     |     |     |     |     |       |գիտության     |

|   |միասնական       |     |     |     |     |     |       |պետական կոմիտե|

|   |ծրագրի մշակում  |     |     |     |     |     |       |ՀՀ            |

|   |                |     |     |     |     |     |       |գիտությունների|

|   |                |     |     |     |     |     |       |ազգային       |

|   |                |     |     |     |     |     |       |ակադեմիայի հետ|

|   |                |     |     |     |     |     |       |համատեղ (համա-|

|   |                |     |     |     |     |     |       |ձայնությամբ)  |

|___|________________|_____|_____|_____|_____|_____|_______|______________|

|4.2|Գիտական և  գիտա-|  v  | 15.0| 25.0| 35.0| 45.0|ՀՀ     |ՀՀ կրթության  |

|   |մանկավարժական   |     |     |     |     |     |պետական|և  գիտության  |

|   |կադրերի         |     |     |     |     |     |բյուջե,|նախարարության |

|   |փոխանակման      |     |     |     |     |     |արտա-  |գիտության     |

|   |ծրագրերի        |     |     |     |     |     |բյուջե-|պետական կոմիտե|

|   |իրականացում,    |     |     |     |     |     |տային  |              |

|   |համաֆինանսավոր- |     |     |     |     |     |միջոց- |              |

|   |ման սկզբունքով  |     |     |     |     |     |ներ    |              |

|   |միջազգային      |     |     |     |     |     |       |              |

|   |համատեղ գիտական |     |     |     |     |     |       |              |

|   |խմբերի,         |     |     |     |     |     |       |              |

|   |կենտրոնների և   |     |     |     |     |     |       |              |

|   |լաբորատորիաների |     |     |     |     |     |       |              |

|   |ստեղծում, մլն   |     |     |     |     |     |       |              |

|   |դրամ            |     |     |     |     |     |       |              |

|___|________________|_____|_____|_____|_____|_____|_______|______________|

|4.3|Օտարերկրյա      |     | 20.0| 30.0| 40.0| 50.0|ՀՀ     |ՀՀ կրթության  |

|   |պետություններում|     |     |     |     |     |պետական|և  գիտության  |

|   |աշխատող հայազգի |     |     |     |     |     |բյուջե,|նախարարության |

|   |գիտնականների հետ|     |     |     |     |     |արտա-  |գիտության     |

|   |համագործակցու-  |     |     |     |     |     |բյուջե-|պետական կոմիտե|

|   |թյան ծրագրերի   |     |     |     |     |     |տային  |ՀՀ            |

|   |իրականացում Հայ |     |     |     |     |     |միջոց- |գիտությունների|

|   |գիտնականների    |     |     |     |     |     |ներ    |ազգային       |

|   |ներուժի         |     |     |     |     |     |       |ակադեմիայի հետ|

|   |համախմբման      |     |     |     |     |     |       |համատեղ (համա-|

|   |ծրագրի          |     |     |     |     |     |       |ձայնությամբ)  |

|   |շրջանակներում,  |     |     |     |     |     |       |              |

|   |մլն դրամ        |     |     |     |     |     |       |              |

._________________________________________________________________________.

 

 

pin
ՀՀ կառավարություն
18.03.2011
N 10
Արձանագրային որոշում