Սեղմել Esc փակելու համար:
«ՍԵՎԱՆ» ԱԶԳԱՅԻՆ ՊԱՐԿԻ ՌԵԿՐԵԱՑԻՈՆ ԳՈՏՈ...
Քարտային տվյալներ

Տեսակ
Գործում է
Ընդունող մարմին
Ընդունման ամսաթիվ
Համար

Ստորագրման ամսաթիվ
ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

Հղում իրավական ակտի ընտրված դրույթին X
irtek_logo

«ՍԵՎԱՆ» ԱԶԳԱՅԻՆ ՊԱՐԿԻ ՌԵԿՐԵԱՑԻՈՆ ԳՈՏՈՒՄ ՀԱՆՐԱՅԻՆ ԼՈՂԱՓԵՐԻ ԿԱԶՄԱԿԵՐՊՄԱՆ ԵՎ ՀՀ ԲՆԱ ...

 

 

040.0527.050511

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

 

28 ապրիլի 2011 թվականի N 527-Ն

 

«ՍԵՎԱՆ» ԱԶԳԱՅԻՆ ՊԱՐԿԻ ՌԵԿՐԵԱՑԻՈՆ ԳՈՏՈՒՄ ՀԱՆՐԱՅԻՆ ԼՈՂԱՓԵՐԻ ԿԱԶՄԱԿԵՐՊՄԱՆ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԲՆԱՊԱՀՊԱՆՈՒԹՅԱՆ ՆԱԽԱՐԱՐՈՒԹՅԱՆԸ ԳՈՒՄԱՐ ՀԱՏԿԱՑՆԵԼՈՒ ՄԱՍԻՆ

 

«Հայաստանի Հանրապետության բնության հատուկ պահպանվող տարածքների մասին» Հայաստանի Հանրապետության օրենքի 26-րդ հոդվածի 1-ին մասի 3-րդ կետին, «Հայաստանի Հանրապետության բյուջետային համակարգի մասին» Հայաստանի Հանրապետության օրենքի 19-րդ հոդվածի 3-րդ կետին, «Գնումների մասին» Հայաստանի Հանրապետության օրենքի 20-րդ հոդվածի 5-րդ մասի 2-րդ կետին, Հայաստանի Հանրապետության կառավարության 2008 թվականի դեկտեմբերի 18-ի «Սևան» ազգային պարկի և դրան հարող տարածքներում հողամասերի վարձակալության, կառուցապատման իրավունքի տրամադրման և քաղաքաշինական գործունեության իրականացման մասին» N 1563-Ն որոշման 10-րդ կետին և Հայաստանի Հանրապետության կառավարության 2011 թվականի մարտի 3-ի «Սևանա լճի կենտրոնական գոտում կառուցապատման համար նախատեսված տարածքների գոտևորման նախագիծը հաստատելու մասին» N 177-Ն որոշմանը համապատասխան` Հայաստանի Հանրապետության կառավարությունը որոշում է.

i

1. Հայաստանի Հանրապետության Գեղարքունիքի մարզի «Սևան» ազգային պարկի ռեկրեացիոն գոտու տարածքում` 1905 մետր բացարձակ նիշից ցածր ընկած հատվածում Սևանի քաղաքային համայնքի վարչական սահմաններում գտնվող տարածքից 1,39 հեկտար հողամասը (N 1 լողափ) և 1,82 հեկտար հողամասը (N 2 լողափ) տրամադրել հանրային լողափերի կազմակերպման համար` համաձայն հավելվածի:

(1-ին կետը փոփ. 30.06.11 թիվ 912-Ն որոշում)

2. Սույն որոշման 1-ին կետում նշված հանրային լողափերի կազմակերպման համար Հայաստանի Հանրապետության 2011 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին Հայաստանի Հանրապետության բնապահպանության նախարարությանը 2011 թվականի երկրորդ եռամսյակում հատկացնել 66000.0 հազ. դրամ, որից`

1) 4000.0 հազ. դրամ` նախագծանախահաշվային փաստաթղթերի մշակման համար (բյուջետային ծախսերի տնտեսագիտական դասակարգման «Նախագծահետազոտական ծախսեր» հոդվածով).

2) 62000.0 հազ. դրամ` հանրային լողափերի կազմակերպման համար (բյուջետային ծախսերի տնտեսագիտական դասակարգման «Շենքերի և շինությունների կառուցում» հոդվածով):

3. Սահմանել, որ սույն որոշման 2-րդ կետում նշված աշխատանքների ձեռքբերումն իրականացվում է Հայաստանի Հանրապետության բնապահպանության նախարարության կողմից` «Գնումների մասին» Հայաստանի Հանրապետության օրենքի 20-րդ հոդվածի 5-րդ մասի 2-րդ կետով նախատեսված բանակցային ընթացակարգով` առանց գնումների մասին հայտարարությունը նախապես հրապարակելու` նշված աշխատանքների ամբողջ ծավալով ձեռքբերման վերջնաժամկետը սահմանելով 2011 թվականի հունիսի 15-ը:

4. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

 

ՍՏՈՐԱԳՐՎԵԼ Է ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏԻ ԿՈՂՄԻՑ

2011 ԹՎԱԿԱՆԻ ՄԱՅԻՍԻ 5-ԻՆ

 

Հավելված

i

ՀՀ կառավարության

2011 թվականի ապրիլի 28-ի

N 527-Ն որոշման

 

Լողափ N 1

 

._____________________________________________________________________.

|ՏԵՂԱՆՔԻ ԻՐԱԴՐՈՒԹՅԱՆ ՀԱՏԱԿԱԳԻԾ              ԾԱՆՈԹՈՒԹՅՈՒՆ              |

|                                                                     |

|      Մ 1:1000                      Լողափ N 1-ի համար                |

|ՀՈՐԻԶՈՆԱԿԱՆՆԵՐԻ ԱՆԿՅՈՒՆԸ 0.5 Մ      Հատկացվող հողատարածքի ընդհանուր  |

|                                    մակերեսը կազմում է 1.39 հա,      |

|                                    որից ալիքի ազդեցության գոտուց    |

|                                    (1901.5 մ) վերև  ընկած հատվածում`|

|                                    0.5 հա հողատարածքի մի մասը (0.073|

|                                    հա) գտնվում է 1905 մ նիշից վերև: |

._____________________________________________________________________.

____________________________

ԻՐՏԵԿ - սխեման չի բերվում

 

Լողափ N 2

 

._____________________________________________________________________.

|ՏԵՂԱՆՔԻ ԻՐԱԴՐՈՒԹՅԱՆ ՀԱՏԱԿԱԳԻԾ              ԾԱՆՈԹՈՒԹՅՈՒՆ              |

|                                                                     |

|      Մ 1:1000                      Լողափ N 2-ի համար                |

|ՀՈՐԻԶՈՆԱԿԱՆՆԵՐԻ ԱՆԿՅՈՒՆԸ 0.5 Մ      Հատկացվող հողատարածքի ընդհանուր  |

|                                    մակերեսը կազմում է 1.82 հա,      |

|                                    որից ալիքի ազդեցության գոտուց    |

|                                    (1901.5 մ) վերև  ընկած հատվածում`|

|                                    0.27 հա                          |

._____________________________________________________________________.

____________________________

ԻՐՏԵԿ - սխեման չի բերվում

 

(հավելվածը փոփ. 30.06.11 թիվ 912-Ն որոշում)

 

 

pin
ՀՀ կառավարություն
28.04.2011
N 527-Ն
Որոշում