118.0250.160511
ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ
«16» 05 2011 Թ.
ՊԵՏԱԿԱՆ ԳՐԱՆՑՄԱՆ ԹԻՎ 11811223
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՖԻՆԱՆՍՆԵՐԻ ՆԱԽԱՐԱՐ ՀՐԱՄԱՆ
30 ապրիլի 2011 թվականի N 250-Ն
ՀԱՄԱՅՆՔԻ ԲՅՈՒՋԵԻ ԵԿԱՄՈՒՏՆԵՐԸ ՆՎԱԶԵՑՆՈՂ` ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔՆԵՐԻ ԿԻՐԱՐԿՄԱՆ ԱՐԴՅՈՒՆՔՈՒՄ ՀԱՄԱՅՆՔՆԵՐԻ 2010 ԹՎԱԿԱՆԻ ԲՅՈՒՋԵՆԵՐԻ ԵԿԱՄՈՒՏՆԵՐԻ ԿՈՐՈՒՍՏՆԵՐԻ ՀԱՇՎԱՐԿՄԱՆ ՀԻՄՔՈՒՄ ԴՐՎՈՂ ԵԼԱԿԵՏԱՅԻՆ ՏՎՅԱԼՆԵՐԻ ՑԱՆԿԻ, ԴՐԱՆՔ ՀԱՇՎԱՐԿԵԼՈՒ ԿԱՐԳԻ, ՆԵՐԿԱՅԱՑՄԱՆ ՁԵՎԻ, ԱՅՆ ԼՐԱՑՆԵԼՈՒ ԿԱՐԳԻ ԵՎ ՆԵՐԿԱՅԱՑՆԵԼՈՒ ԺԱՄԿԵՏՆԵՐԻ ՄԱՍԻՆ
(2-րդ մաս)
Հավելված N 7
ՀՀ ֆինանսների նախարարի
2011 թվականի ապրիլի 30-ի
N 250-Ն հրամանի
ՑԱՆԿ
Համայնքի բյուջեի եկամուտները նվազեցնող` Հայաստանի Հանրապետության
օրենքների կիրարկման արդյունքում համայնքի 2010 թվականի բյուջեի
եկամուտների կորուստների հաշվարկներում կիրառվող ելակետային
տվյալների
1. Տեղական ինքնակառավարման մարմնի (բացառությամբ Երևանի քաղաքապետարանի) կողմից Հայաստանի Հանրապետության մարզպետարաններ, Երևանի քաղաքապետարանի կողմից Հայաստանի Հանրապետության տարածքային կառավարման նախարարություն տրամադրվող ելակետային տվյալներ
._____________________________________________________________________.
|Հ/հ| Ելակետային տվյալի անվանումը |Ելակետային |
| | |տվյալի |
| | |ներկայացման |
| | |ձևը սահմանող|
| | |հավելվածի |
| | |համարը |
|___|___________________________________________________|_____________|
| 1.|«Տեղական տուրքերի և վճարների մասին» Հայաստանի | NN 1ա-1գ |
| |Հանրապետության օրենքի 10-րդ հոդվածի 4-րդ մասով | |
| |նախատեսված թույլտվությունների համար տեղական տուրքի | |
| |2008, 2010 թթ. համայնքի ավագանու սահմանած | |
| |դրույքաչափերն ըստ Երևան քաղաքի (վարչական | |
| |շրջանների/թաղային համայնքների), քաղաքային (բացի | |
| |Երևան քաղաքից) և այն գյուղական համայնքների, որոնք| |
| |ընդգրկված են Հայաստանի Հանրապետության կառավարության| |
| |21.02.2002 թվականի N 163 որոշմամբ սահմանված | |
| |մարտական գործողությունների հետևանքով չօգտագործվող | |
| |հողատարածքներ ունեցող սահմանամերձ բնակավայրերի | |
| |ցանկում կամ որոնց վարչական տարածքում տեղակայված է | |
| |քաղաքացիական կացության ակտերի պետական գրանցում | |
| |իրականացնող կառույց (այսուհետ` համայնքների տիպեր) | |
| |և թույլտվությունների տեսակների | |
|___|___________________________________________________|_____________|
| 2.|«Տեղական տուրքերի և վճարների մասին» Հայաստանի | NN 1ա-1գ |
| |Հանրապետության օրենքի 10-րդ հոդվածի 4-րդ մասով | |
| |նախատեսված թույլտվությունների քանակը` տրամադրված | |
| |համայնքի ավագանու կողմից 2010 թ. ըստ համայնքների | |
| |տիպերի և համապատասխան տեղական տուրքի տեսակների | |
|___|___________________________________________________|_____________|
| 3.|«Տեղական տուրքերի և վճարների մասին» Հայաստանի | NN 1ա-1գ |
| |Հանրապետության օրենքի 10-րդ հոդվածի 4-րդ մասերով | |
| |նախատեսված թույլտվությունների գծով` 2010 թ. | |
| |համայնքի ավագանու սահմանած արտոնությունների | |
| |քանակները, ըստ համայնքների տիպերի և համապատասխան | |
| |տեղական տուրքի տեսակների | |
|___|___________________________________________________|_____________|
| 4.|Համայնքի տարածքում մարդատար տաքսու ծառայություն | N 2 |
| |իրականացնելու թույլտվության համար տեղական տուրքի | |
| |2010 թ. Երևան քաղաքում սահմանված դրույքաչափերն | |
| |ըստ վարչական շրջանների | |
|___|___________________________________________________|_____________|
| 5.|Համայնքի տարածքում մարդատար տաքսու ծառայություն | N 2 |
| |իրականացնելու թույլտվության համար Երևանի (վարչական| |
| |շրջանների) 2010 թ. բյուջե գանձված տեղական տուրքի | |
| |փաստացի գումարը` նվազեցված արտոնությունների | |
| |գումարով, ըստ վարչական շրջանների | |
|___|___________________________________________________|_____________|
| 6.|Համայնքի բյուջե հողի հարկ վճարող | N 3 |
| |կազմակերպություններին «Հողի հարկի արտոնությունների | |
| |մասին» Հայաստանի Հանրապետության օրենքով վերապահված | |
| |արտոնությունների 2010թ. գումարը (այն համայնքների | |
| |մասով, որոնք ընդգրկված են Հայաստանի Հանրապետության| |
| |կառավարության 21.02.2002 թվականի N 163 որոշմամբ | |
| |սահմանված մարտական գործողությունների հետևանքով | |
| |չօգտագործվող հողատարածքներ ունեցող սահմանամերձ | |
| |բնակավայրերի ցանկում) | |
|___|___________________________________________________|_____________|
| 7.|Համայնքի բյուջե հողի հարկ վճարող «Հողի հարկի | N 3 |
| |արտոնությունների մասին» Հայաստանի Հանրապետության | |
| |օրենքով ֆիզիկական անձանց վերապահված | |
| |արտոնությունների 2010 թ. գումարը (այն համայնքների | |
| |մասով, որոնք ընդգրկված են Հայաստանի Հանրապետության | |
| |կառավարության 21.02.2002 թվականի N 163 որոշմամբ | |
| |սահմանված մարտական գործողությունների հետևանքով | |
| |չօգտագործվող հողատարածքներ ունեցող սահմանամերձ | |
| |բնակավայրերի ցանկում) | |
._____________________________________________________________________.
2. Հայաստանի Հանրապետության արդարադատության նախարարության կողմից Հայաստանի Հանրապետության ֆինանսների նախարարություն տրամադրվող ելակետային տվյալներ
._____________________________________________________________________.
|Հ/հ| Ելակետային տվյալի անվանումը |Ելակետային |
| | |տվյալի |
| | |ներկայացման |
| | |ձևը սահմանող|
| | |հավելվածի |
| | |համարը |
|___|___________________________________________________|_____________|
| 1.|«Պետական տուրքի մասին» Հայաստանի Հանրապետության | N 4 |
| |օրենքի 12-րդ հոդվածի 1-ին մասի 1-ին, 7-րդ կետերի | |
| |համաձայն 2007 թ. ՔԿԱԳ մարմինների կողմից կատարած | |
| |գործողությունների դիմաց գանձված գումարներն ըստ | |
| |առանձին համայնքների | |
|___|___________________________________________________|_____________|
| 2.|«Պետական տուրքի մասին» Հայաստանի Հանրապետության | N 5 |
| |օրենքի 12-րդ հոդվածի 13-րդ կետի համաձայն 2010 թ. | |
| |ՔԿԱԳ մարմինների կողմից կատարած գործողությունների | |
| |դիմաց գանձված գումարներն ըստ առանձին համայնքների | |
|___|___________________________________________________|_____________|
| 3.|«Պետական տուրքի մասին» Հայաստանի Հանրապետության | N 6 |
| |օրենքի 12-րդ հոդվածի 1-ին մասի 5-րդ, 7-րդ, 8-րդ, | |
| |11-րդ կետերի և 2-րդ մասի համաձայն 2010 թ. ՔԿԱԳ | |
| |մարմինների կողմից կատարած գործողությունների | |
| |քանակներն ըստ առանձին համայնքների | |
._____________________________________________________________________.
Հավելված N 8
ՀՀ ֆինանսների նախարարի
2011 թվականի ապրիլի 30-ի
N 250-Ն հրամանի
ԿԱՐԳ
Հայաստանի Հանրապետության օրենքների կիրարկման արդյունքում համայնքի
2010 թվականի բյուջեի եկամուտների կորուստների հաշվարկման հիմքում
դրվող ելակետային տվյալների հաշվարկման, դրանց ներկայացման NN 1ա-1գ,
2, 3, 4-6 հավելվածների լրացման
Հավելվածների լրացման ընդհանուր կանոններ
1. Համայնքների 2010 թվականի բյուջեների կորուստները և լրացուցիչ եկամուտները հաշվարկվելու են հետևյալ օրենքներում կատարված փոփոխությունների կիրարկման արդյունքներով`
. «Տեղական տուրքերի և վճարների մասին» Հայաստանի Հանրապետության օրենք,
. «Հողի հարկի արտոնությունների մասին» Հայաստանի Հանրապետության օրենք,
. «Պետական տուրքի մասին» Հայաստանի Հանրապետության օրենք:
2. «Տեղական տուրքերի և վճարների մասին» Հայաստանի Հանրապետության օրենքի փոփոխությամբ պայմանավորված ելակետային տվյալները ամփոփված են NN 1ա, 1բ, 1գ, 2 հավելվածներում և ենթակա են ներկայացման քաղաքային համայնքների և միայն այն գյուղական համայնքների համար, որոնք ընդգրկված են Հայաստանի Հանրապետության կառավարության 21.02.2002 թվականի N 163 որոշմամբ սահմանված մարտական գործողությունների հետևանքով չօգտագործվող հողատարածքներ ունեցող սահմանամերձ բնակավայրերի ցանկում կամ որոնց վարչական տարածքում տեղակայված է քաղաքացիական կացության ակտերի պետական գրանցում (այսուհետև` ՔԿԱԳ) իրականացնող կառույց:
3. «Հողի հարկի արտոնությունների մասին» Հայաստանի Հանրապետության օրենքին վերաբերող տվյալները ներկայացվում են այն համայնքների համար, որոնք ընդգրկված են Հայաստանի Հանրապետության կառավարության 21.02.2002 թվականի N 163 որոշմամբ սահմանված մարտական գործողությունների հետևանքով չօգտագործվող հողատարածքներ ունեցող սահմանամերձ բնակավայրերի ցանկում:
4. Համայնքների 2010 թվականի բյուջեների կորուստների փոխհատուցման ենթակա գումարները հաշվարկվելու են Հայաստանի Հանրապետության արդարադատության նախարարության (NN 4-6 հավելվածներ), ինչպես նաև տեղական ինքնակառավարման մարմինների կողմից (NN 1-3 հավելվածներ) տրամադրվող ելակետային տվյալների հիման վրա:
5. Ելակետային տվյալները տրամադրվում են ըստ առանձին համայնքների` սույն հրամանով հաստատված հավելվածների աղյուսակների տեսքով:
6. Համատեղ կամավոր միջհամայնքային կառույցներ ստեղծած համայնքների մասով ելակետային տվյալները ներկայացվում են ըստ առանձին համայնքների:
7. Հավելվածները պետք է լրացնել սույն կարգի համաձայն: Ընդ որում, լրացվում են հավելվածներում ընդգրկված աղյուսակների բոլոր դատարկ վանդակները, իսկ աղյուսակների վերնագրերում` մարզի, համայնքի անվանումը, կոդը:
8. Եթե որևէ հավելվածի աղյուսակում նշված ելակետային տվյալը համայնքում առկա չէ, ապա համապատասխան վանդակում պետք է լրացնել «0» թիվը:
9. NN 1ա, 1բ, 1գ, 2, 3 հավելվածներում որոշ վանդակներ արդեն լրացված են «Տեղական տուրքերի և վճարների մասին» Հայաստանի Հանրապետության օրենքով սահմանված համապատասխան դրույքաչափերի ստորին, վերին սահմանների և վերջինիս նկատմամբ կիրառվող գործակիցների ցուցանիշներով, որոնք կողմնորոշիչ են աղյուսակների մնացած դատարկ վանդակները լրացնելու համար: Այդ հավելվածներում «x» նշանով լրացված վանդակները լրացման ենթակա չեն:
10. Տեղական ինքնակառավարման մարմինների կողմից ներկայացվող NN 1ա, 1բ, 1գ, 2, 3 հավելվածների աղյուսակների էլեկտրոնային ֆայլերում`
1) F1 վանդակում նշված է հավելվածի համարը, որը նշված աղյուսակները լրացնելիս փոփոխման ենթակա չէ,
2) C1 վանդակում պետք է լրացնել համայնքի կոդը: Համայնքի կոդը լրացնելիս պետք է առաջնորդվել Հայաստանի Հանրապետության ֆինանսների և էկոնոմիկայի նախարարի 2007 թվականի հունվարի 9-ի թիվ 5 հրամանի հավելված N 23-ով հաստատված բյուջետային ծախսերի տարածքային դասակարգմամբ:
Օրինակ: Սևքարի գյուղական համայնքը, առաջնորդվելով վերը նշվածով, NN 1-3 հավելվածների աղյուսակների էլեկտրոնային ֆայլերում C1 վանդակում պետք է լրացնի 11-058 կոդը:
.__________________________________________________________.
|Հանրապետության վարչատարածքային|Հատված|Ենթահատված|Գլուխ (*)|
|միավորների անվանումները | | | |
|______________________________|______|__________|_________|
|Սևքարի գյուղական համայնք | 11 | 58 | 3 |
.__________________________________________________________.
11. Աղյուսակի դատարկ վանդակներում պետք է գրել միայն թվեր: Քանի որ ներկայացված հավելվածներով տրամադրված տվյալները մշակվելու են համակարգչային ծրագրի միջոցով, չի թույլատրվում`
1) փոխել հավելվածների աղյուսակների կառուցվածքը (տողերի և սյունակների քանակը, դրանց անվանումները),
2) հավելվածների աղյուսակների վանդակները թվերից բացի լրացնել այլ նիշերով (այդ թվում` տառերով) կամ բանաձևերի կիրառմամբ,
3) փոխել էլեկտրոնային ֆայլի տեսակը (այն անհրաժեշտ է ներկայացնել միայն EXCEL ֆայլի տեսքով),
4) փոխել հավելվածների աղյուսակների ոչ դատարկ վանդակների պարունակությունը:
12. Սույն կարգին համապատասխան չլրացված հավելվածները կամ դրանց աղյուսակների առանձին տողերը (եթե տողն ամբողջությամբ չի լրացվել) հաշվարկներում չեն ներառվում:
13. Հավելվածների աղյուսակներում լրացվող` հաշվարկներով ստացվող թվերը պետք է կլորացնել մինչև հարյուրերորդական նիշ:
14. Համայնքի ավագանու սահմանած արտոնությունների վերաբերյալ տվյալները կարող են արտացոլվել հավելվածների աղյուսակներում, եթե դրանք հիմնավորված են համայնքի ավագանու համապատասխան որոշումներով:
15. Համայնքի ավագանու սահմանած դրույքաչափերի վերաբերյալ տվյալները կարող են արտացոլվել հավելվածների աղյուսակներում, եթե դրանք հիմնավորված են համայնքի ավագանու համապատասխան որոշումներով: Այն դեպքում, երբ համայնքի ավագանին չի սահմանել դրույքաչափ, ապա համապատասխան հավելվածի աղյուսակի համապատասխան վանդակում լրացվում է «0» թիվը:
Հավելվածներ NN 1ա-1գ-ի լրացման կարգը
16. Հավելվածներ NN 1ա, 1բ, 1գ-ն վերաբերում են «Տեղական տուրքերի և վճարների մասին» Հայաստանի Հանրապետության օրենքի 10-րդ հոդվածի 4-րդ մասով սահմանված տեղական տուրքերին: Հաշվի առնելով «Տեղական տուրքերի և վճարների մասին» Հայաստանի Հանրապետության օրենքով սահմանված դրույքաչափերը և կատարված օրենսդրական փոփոխությունները, հավելվածները կազմված են ըստ համայնքների առանձին տիպերի` Երևան քաղաքի (վարչական շրջանների/թաղային համայնքների) (N 1ա), քաղաքային (բացի Երևան քաղաքից, N 1բ) և գյուղական (N 1գ) համայնքների, որոնք ընդգրկված են Հայաստանի Հանրապետության կառավարության 21.02.2002 թվականի N 163 որոշմամբ սահմանված մարտական գործողությունների հետևանքով չօգտագործվող հողատարածքներ ունեցող սահմանամերձ բնակավայրերի ցանկում կամ որոնց վարչական տարածքում տեղակայված է ՔԿԱԳ իրականացնող կառույց:
17. Հավելվածներ NN 1ա, 1բ, 1գ-ն կազմված են «Տեղական տուրքերի և վճարների մասին» Հայաստանի Հանրապետության օրենքի 10-րդ հոդվածի 4-րդ մասում 05.05.2008 թ. ՀՕ-29-Ն Հայաստանի Հանրապետության օրենքով (ուժի մեջ է մտել 2009 թվականի հունվարի 1-ից) կատարված փոփոխություններին համապատասխան:
18. Հավելվածներ NN 1ա, 1բ, 1գ աղյուսակների ելակետային տվյալներով հաշվարկվելու են նշված օրենսդրական փոփոխության կիրարկման արդյունքում համայնքի բյուջեի լրացուցիչ եկամուտները:
19. Հավելված NN 1ա, 1բ, 1գ աղյուսակների [1], [2], [4], [5], [6] սյունակների տեղեկատվությունն ունի կողմնորոշիչ նշանակություն մնացած դատարկ վանդակները լրացնելու համար:
20. Հավելվածներ NN 1ա, 1բ, 1գ աղյուսակների [3]-րդ և [7]-րդ սյունակներում լրացվում են յուրաքանչյուր տողում նշված տեղական տուրքի գծով համայնքի ավագանու սահմանած դրույքաչափերը` համապատասխանաբար 2008 և 2010 թվականների համար: Այն չպետք է գերազանցի տվյալ տեղական տուրքի համար օրենքով սահմանված դրույքաչափերը` վերին սահմանի նկատմամբ գործակցի կիրառմամբ (տես տվյալ տողի համապատասխանաբար [1] և [5] սյունակները), իսկ 2010 թվականի համար` նաև պակաս լինի ստորին սահմանից (տես տվյալ տողի [4] սյունակը):
21. Հավելվածներ NN 1ա, 1բ, 1գ աղյուսակներով ներկայացվող թույլտվությունները, համաձայն «Տեղական տուրքերի և վճարների մասին» Հայաստանի Հանրապետության օրենքի 10-րդ հոդվածի 4-րդ մասի սահմանված դրույթների, տրվում են յուրաքանչյուր եռամսյակի համար: Յուրաքանչյուր եռամսյակի համար տրվող թույլտվությունների քանակը հաշվելու համար պետք է գումարել յուրաքանչյուր եռամսյակի համար տրված թույլտվությունների քանակները և ոչ թե տվյալ եռամսյակում տրամադրված թույլտվությունների քանակները, քանի որ մեկ թույլտվությունը կարող է ընդգրկել 1-ից ավելի եռամսյակ:
Օրինակ 1.1: 2010 թվականին քաղաքային համայնքում տրված է հիմնական շինությունների ներսում ոգելից խմիչքի վաճառքի 1 թույլտվություն` տարվա առաջին 3 եռամսյակների համար և 1 թույլտվություն տարվա 2-րդ կիսամյակի (2 եռամսյակ) համար: Այս թույլտվությունները պետք է հաշվել 5 հատ (3+2) և աղյուսակների [1] տողի [8] սյունակի վանդակում պետք է լրացնել «5» թիվը:
22. Հավելվածներ NN 1ա, 1բ, 1գ աղյուսակներում համայնքի ավագանու կողմից տրամադրված արտոնությունների քանակին վերաբերող ելակետային տվյալները լրացնելիս պետք է հաշվի առնել նախորդ կետում թույլտվությունների քանակի հաշվառմանը վերաբերող մեկնաբանությունը: Հնարավոր է, որ արտոնությունը տրված լինի տեղական տուրքի ոչ ամբողջ գումարի չափով, այդ դեպքում թույլտվությունների քանակը, որոնց համար համայնքի ավագանին սահմանել է արտոնություն, պետք է հաշվարկել համամասնորեն, այսինքն` արտոնության գումարը բաժանել տեղական տուրքի գումարին:
Օրինակ 1.2: Եթե տեղական տուրքը 2010 թվականի տարվա համար սահմանված է 10 000 դրամ և համայնքի ավագանու կողմից արտոնություն է տրվել` տուրք վճարողի փոխարեն համայնքի բյուջեից վճարելով 8000 դրամ, ապա տուրք վճարողի կողմից փաստացի վճարվել է 2000 դրամ: Այս դեպքում համայնքի ավագանու կողմից տրված թույլտվությունների քանակը, որոնց համար սահմանվել է արտոնություն, հավասար կլինի 0.8` (8000/10000) և հավելվածներ N 1ա, 1բ, 1գ աղյուսակների [9] սյունակի համապատասխան վանդակում պետք է լրացնել «0.8» թիվը:
Հավելված N 2-ի լրացման կարգը
23. Հավելված N 2-ը վերաբերում է Երևան քաղաքում (վարչական շրջաններում/թաղային համայնքներում) մարդատար տաքսու ծառայություն իրականացնելու թույլտվության համար գանձվող տեղական տուրքին: Այս հավելվածով ներկայացված ելակետային տվյալների հիման վրա հաշվարկվելու է «Տեղական տուրքերի և վճարների մասին» Հայաստանի Հանրապետության օրենքում փոփոխություններ կատարելու մասին» Հայաստանի Հանրապետության օրենքի
(15.01.2009 թ. ՀՕ-24-Ն, ուժի մեջ է մտել 2009 թվականի հունվարի 17-ից) ազդեցությունը Երևան քաղաքի 2010 թ. բյուջեի եկամուտների վրա: Ելնելով օրենսդրական փոփոխության բովանդակությունից, այս հավելվածը պետք է լրացնել միայն Երևան քաղաքի համար:
24. Հավելված N 2-ով ներկայացվող ելակետային տվյալներով հաշվարկվելու են նշված օրենսդրական փոփոխության կիրարկման արդյունքում Երևան քաղաքի համայնքի բյուջեի լրացուցիչ եկամուտները:
25. Հավելված N 2-ի աղյուսակի [1] և [2] սյունակների տեղեկատվությունն ունի կողմնորոշիչ նշանակություն մնացած դատարկ վանդակները լրացնելու համար:
26. Հավելված N 2-ի աղյուսակի [3] սյունակում լրացվում է տվյալ տեղական տուրքի գծով համայնքի ավագանու սահմանած դրույքաչափը: Այն չպետք է գերազանցի տվյալ տեղական տուրքի համար օրենքով սահմանված դրույքաչափը` վերին սահմանի նկատմամբ գործակցի կիրառմամբ (տես տվյալ տողի [1] սյունակը):
27. Հավելված N 2-ի աղյուսակի [4] սյունակում լրացվում է համապատասխան տեղական տուրքի գծով համայնքի բյուջե փաստացի գանձված գումարների և համայնքի ավագանու կողմից տվյալ տեղական տուրքի գծով սահմանված արտոնությունների մասով համայնքի բյուջեի միջոցների հաշվին վճարված տեղական տուրքի գումարների տարբերությունը: Այսինքն, այս սյունակում լրացվում են փաստացի մուտքերը, որոնցից նվազեցվում է արտոնությունների տրամադրման դեպքում օրենքով սահմանված կարգով համայնքի բյուջեից վճարված գումարները:
Հավելված N 3-ի լրացման կարգը
28. Հավելված N 3-ը լրացնում են տեղական ինքնակառավարման մարմինները: Հավելված N 3-ի ելակետային տվյալների` «Հողի հարկի արտոնությունների մասին» Հայաստանի Հանրապետության օրենքով (ՀՕ-161, ուժի մեջ է մտել 28.04.2001) կազմակերպություններին և ֆիզիկական անձանց վերապահված արտոնությունների գումարների հիման վրա հաշվարկվելու են «Հողի հարկի արտոնությունների մասին» Հայաստանի Հանրապետության օրենքի 2-րդ հոդվածի կիրարկման արդյունքում համայնքի բյուջեի կրած կորուստները: Այս հավելվածը լրացվում է այն համայնքների մասով, որոնք մարտական գործողությունների հետևանքով ունեն չօգտագործված` 1994 թվականից հողի հարկից ազատված հողատարածքներ, ընդ որում, հավելվածները լրացնելիս պետք է հիմք ընդունել Հայաստանի Հանրապետության կառավարության 21.02.2002 թվականի N 163 որոշմամբ սահմանված մարտական գործողությունների հետևանքով չօգտագործվող հողատարածքներ ունեցող սահմանամերձ բնակավայրերի և համապատասխան մարզպետի կողմից հաստատված` չօգտագործվող հողատարածքների ցանկերը:
Հավելվածներ NN 4-6 լրացման կարգը
29. Հավելված NN 4-6-ով պահանջվող ելակետային տվյալները վերաբերում են «Պետական տուրքի մասին» Հայաստանի Հանրապետության օրենքի 12-րդ հոդվածում 2008 թվականի ապրիլի 8-ի ՀՕ-28-Ն օրենքով (ուժի մեջ է մտել 2008 թվականի մայիսի 24-ից) կատարված փոփոխություններին:
30. Քանի որ նշված օրենսդրական փոփոխությունը ուժի մեջ է մտել 2008 թվականի մայիսի 24-ից, հավելված NN 4-6-ով պահանջվող ելակետային տվյալները վերաբերում են 2007, 2010 թթ. ՔԿԱԳ մարմինների կողմից գանձված համապատասխան պետական տուրքերի տարեկան փաստացի ցուցանիշներին: