(ուժը կորցրել է 14.10.2025 թիվ 23-Ն հրաման)
i
121.0005.240511
ԳՐԱՆՑՎԱԾ Է
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ԱՐԴԱՐԱԴԱՏՈՒԹՅԱՆ ՆԱԽԱՐԱՐՈՒԹՅԱՆ ԿՈՂՄԻՑ
«24» 05 2011 Թ.
ՊԵՏԱԿԱՆ ԳՐԱՆՑՄԱՆ ԹԻՎ 12111234
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՓՈԽՎԱՐՉԱՊԵՏ, ՏԱՐԱԾՔԱՅԻՆ ԿԱՌԱՎԱՐՄԱՆ ՆԱԽԱՐԱՐ ՀՐԱՄԱՆ
3 մայիսի 2011 թվականի N 05-Ն
ՀԱՄԱՅՆՔԱՅԻՆ ԾԱՌԱՅՈՂՆԵՐԻ ՎԵՐԱՊԱՏՐԱՍՏՄԱՆ ԿԱՐԳԸ ՍԱՀՄԱՆԵԼՈՒ ՄԱՍԻՆ
i
Ղեկավարվելով «Համայնքային ծառայության մասին» Հայաստանի Հանրապետության օրենքի 20-րդ հոդվածի 4-րդ մասով`
ՀՐԱՄԱՅՈՒՄ ԵՄ`
1. Սահմանել համայնքային ծառայողների վերապատրաստման կարգը` համաձայն հավելվածի:
i
2. ՈՒժը կորցրած ճանաչել Հայաստանի Հանրապետության տարածքային կառավարման նախարարի 2006 թվականի դեկտեմբերի 28-ի «Համայնքային ծառայողների վերապատրաստման կարգը սահմանելու մասին» N 25-Ն հրամանը:
Հավելված
ՀՀ փոխվարչապետ, տարածքային
կառավարման նախարարի
2011 թվականի մայիսի 3-ի
N 05-Ն հրամանի
ՀԱՄԱՅՆՔԱՅԻՆ ԾԱՌԱՅՈՂՆԵՐԻ ՎԵՐԱՊԱՏՐԱՍՏՄԱՆ ԿԱՐԳԸ
I. ԸՆԴՀԱՆՈՒՐ ԴՐՈՒՅԹՆԵՐ
1. Սույնով կարգավորվում են Հայաստանի Հանրապետության համայնքային ծառայողների (այսուհետ` համայնքային ծառայողներ) վերապատրաստման հետ կապված հարաբերությունները:
2. Համայնքային ծառայողների վերապատրաստումը` նրանց մասնագիտական գիտելիքների և աշխատանքային ունակությունների հետևողական կատարելագործումն է:
i
3. Քաղաքապետարանի (գյուղապետարանի) աշխատակազմում (այսուհետ` աշխատակազմ) համայնքային ծառայողների վերապատրաստման գործընթացի անմիջական պատասխանատուն տվյալ աշխատակազմի քարտուղարն է (այսուհետ` աշխատակազմի քարտուղար):
(3-րդ կետը փոփ. 29.05.13 թիվ 3-Ն հրաման)
4. Յուրաքանչյուր համայնքային ծառայող առնվազն երեք տարին մեկ ենթակա է պարտադիր վերապատրաստման:
Վերապատրաստումն անցկացվում է նաև համայնքային ծառայության տվյալ պաշտոնի անձնագրով համայնքային ծառայողի իրավունքների և պարտականությունների, մասնագիտական գիտելիքների և աշխատանքային ունակությունների տիրապետման կոնկրետ պահանջների կատարելագործման կամ այդ պահանջների փոփոխության դեպքում` համայնքային ծառայողի կամ համայնքի ղեկավարի նախաձեռնությամբ:
5. Համայնքային ծառայողի վերապատրաստումն անցկացվում է աշխատակազմի քարտուղարի հայտի հիման վրա:
6. Վերապատրաստման ընթացքում համայնքային ծառայողն ազատվում է ծառայողական պարտականությունների կատարումից` համայնքային ծառայության իր զբաղեցրած պաշտոնի, ստաժի և վարձատրության պահպանմամբ:
7. Վերապատրաստման արդյունքում ստացված փաստաթղթի (վկայական) պատճենը կցվում է համայնքային ծառայողի անձնական գործին:
8. Համայնքային ծառայողների վերապատրաստման ծախսերը կատարվում են համայնքային բյուջեի, ինչպես նաև Հայաստանի Հանրապետության օրենսդրությամբ չարգելված այլ միջոցների հաշվին:
9. Համայնքային ծառայողների վերապատրաստումն անցկացնում են օրենքով սահմանված կարգով ընտրված կազմակերպությունները (այսուհետ` կազմակերպություն):
10. Համայնքային ծառայողների վերապատրաստման ծրագրերը (այսուհետ` ծրագիր), որոնք ընդգրկում են համայնքային ծառայության, տեղական ինքնակառավարման մարմինների իրավասության և կառավարչական հմտություններին առնչվող բնագավառների հարցեր, հաստատում է Հայաստանի Հանրապետության կառավարության լիազորած պետական կառավարման մարմինը (այսուհետ` լիազորած մարմին):
II. ՀԱՄԱՅՆՔԱՅԻՆ ԾԱՌԱՅՈՂՆԵՐԻ ՎԵՐԱՊԱՏՐԱՍՏՄԱՆ ԸՆԹԱՑԱԿԱՐԳԸ
i
11. Կազմակերպությունը համայնքային ծառայողների վերապատրաստումը կազմակերպում և անցկացնում է լիազորած մարմնի հաստատած ծրագրին, ինչպես նաև աշխատակազմի հետ համատեղ կազմված պլան-գրաֆիկին համապատասխան` վարելով վերապատրաստվող խմբերի մատյաններ: Պլան-գրաֆիկում առնվազն նշվում են վերապատրաստման ենթակա համայնքային ծառայողների թիվը, վերապատրաստման ծրագրի անվանումը և վերապատրաստման անցկացման նախատեսված ժամկետները:
(11-րդ կետը փոփ. 29.05.13 թիվ 3-Ն հրաման)
12. Համապատասխան աշխատակազմի քարտուղարը վերապատրաստման դասընթացներին համայնքային ծառայողների մասնակցությունը, պլան-գրաֆիկին համապատասխան, ապահովելու նպատակով կազմակերպությանը ներկայացնում է հայտ (Ձև N 1)` կցելով պլան-գրաֆիկի պատճենը:
13. Պարտադիր վերապատրաստման ծրագիրը պետք է իրականացվի դասախոսությունների և գործնական պարապմունքների միջոցով:
14. Պարտադիր վերապատրաստման արդյունքում համայնքային ծառայողին կազմակերպության կողմից տրվում է վկայական, որն առնվազն պետք է բովանդակի Ձև N 2-ում նշված տեղեկատվությունը:
15. Պարտադիր վերապատրաստման դասաժամերի ավելի քան մեկ երրորդից համայնքային ծառայողի անհարգելի բացակայության դեպքում նրան սույն կարգի 14-րդ կետով նախատեսված վկայական չի տրվում:
16. Սույն կարգի 15-րդ կետով նախատեսված դեպքում համայնքային ծառայողին տրվում է տեղեկանք` ծրագրի ունկնդրած ծավալի և բովանդակության մասին:
17. Պարտադիր վերապատրաստման դասաժամերի կեսից ավելիին համայնքային ծառայողի հարգելի բացակայության (հիվանդություն, գործուղում և այլն) դեպքում, համայնքային ծառայողի կամ համայնքի ղեկավարի նախաձեռնությամբ աշխատակազմի քարտուղարը կազմակերպության հետ համաձայնեցնում է համայնքային ծառայողին տվյալ տարում վերապատրաստելու հնարավոր ժամկետները, որին համապատասխան վերջինիս ներկայացնում է հայտ:
18. Կազմակերպությունը սույն կարգի 17-րդ կետում նշված համայնքային ծառայողի վերապատրաստումը կազմակերպում է ընդհանուր հիմունքներով:
i
19. Աշխատակազմը վարում է վերապատրաստման հաշվառման մատյան, որտեղ նշվում են վերապատրաստված համայնքային ծառայողի անունը, ազգանունը, հայրանունը, զբաղեցրած պաշտոնը, վերապատրաստման դասընթացներին մասնակցելու համար տրված հրամանի համարը, վերապատրաստման ժամկետները, վերապատրաստման արդյունքում ստացած փաստաթղթի համարը:
(19-րդ կետը փոփ. 29.05.13 թիվ 3-Ն հրաման)
20. Կազմակերպությունը յուրաքանչյուր վերապատրաստման դասընթացի ավարտից հետո` տասնօրյա ժամկետում, համապատասխան աշխատակազմ Է ներկայացնում տեղեկանք` վերապատրաստում անցած համայնքային ծառայողների վերապատրաստման արդյունքների մասին (Ձև N 3):
(20-րդ կետը փոփ. 29.05.13 թիվ 3-Ն հրաման)
III. ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ԲՅՈՒՋԵԻ ՄԻՋՈՑՆԵՐՈՎ ՀԱՄԱՅՆՔԱՅԻՆ ԾԱՌԱՅՈՂՆԵՐԻ ՎԵՐԱՊԱՏՐԱՍՏՈՒՄԸ
21. Հայաստանի Հանրապետության տվյալ տարվա պետական բյուջեով համապատասխան միջոցներ նախատեսված լինելու դեպքում համայնքային ծառայողների հերթական վերապատրաստման անցկացումն ապահովում է լիազորված մարմինը` կազմակերպության հետ կնքված պայմանագրով սահմանված կարգով:
Ձև N 1
i
ՀԱՅՏ
________________________________________________________ - ին
Կազմակերպության անվանումը
________________________________________________________ - ից
Համապատասխան աշխատակազմի անվանումը
._________________________________________________________________.
|NN|Վերապատրաստման |Զբաղեցրած|Վերապատրաստման |Վերապատրաստման |
| |մասնակցի ազգանունը,|պաշտոնը |ծրագրի անվանումը|ժամանակահատվածը|
| |անունը, հայրանունը | | | |
| |և հեռախոսահամարը | | | |
|__|___________________|_________|________________|_______________|
|1.| | | | |
|__|___________________|_________|________________|_______________|
|2.| | | | |
|__|___________________|_________|________________|_______________|
|3.| | | | |
|__|___________________|_________|________________|_______________|
|4.| | | | |
._________________________________________________________________.
Աշխատակազմի քարտուղար` ______________________ ___________________
ստորագրություն անուն, ազգանուն
«___» _______________20___ թ.
Կ. Տ
(1-ին ձևը փոփ. 29.05.13 թիվ 3-Ն հրաման)
Ձև N 2
._____________________________________________________________________.
| |
| ՎԿԱՅԱԿԱՆ N __________ |
| |
| ՀԱՄԱՅՆՔԱՅԻՆ ԾԱՌԱՅՈՂԻ ՎԵՐԱՊԱՏՐԱՍՏՄԱՆ |
| |
| Տրվում է ________________________________________________________ |
| _________________________________________________________________ |
| _________________________________________________________________ |
| ( աշխատակազմի անվանումը, համայնքային ծառայողի |
| պաշտոնը, անունը, հայրանունը, ազգանունը) |
| |
| Առ այն, որ նա վերապատրաստվել է __________________________________ |
| _________________________________________________________________ |
| _________________________________________________________________ |
| _________________________________________________________________ |
| _________________________________________________________________ |
| _________________________________________________________________ |
| _____________________________________________________ |
| (վերապատրաստողը, վերապատրաստման ծրագիրը, վերապատրաստման |
| ժամանակահատվածը) |
| |
| ____________________________ ________________ ___________________ |
| (կազմակերպության անվանումը) (ստորագրություն) (պաշտոնատար անձի |
| անունը, ազգանուն) |
| |
| Կ. Տ |
._____________________________________________________________________.
(2-րդ ձևը փոփ. 29.05.13 թիվ 3-Ն հրաման)
Ձև N 3
Տեղեկանք
_______________________________________________ կողմից
(կազմակերպության անվանումը)
_________________________________________________________________
(վերապատրաստման ժամանակահատվածը և ծրագրի անվանումը)
Համայնքային ծառայողների վերապատրաստման արդյունքների մասին
._____________________________________________________________.
|N |Աշխատակազմի |Վերապատրաստված |Զբաղեցրած|Վկայականի|
| |անվանումը |համայնքային ծառայողի|պաշտոնը |համարը |
| | |անունը, ազգանունը, | | |
| | |հայրանունը) | | |
|__|_________________|____________________|_________|_________|
| | 2 | 3 | 4 | 5 |
|__|_________________|____________________|_________|_________|
| | | | | |
|__|_________________|____________________|_________|_________|
| | | | | |
|__|_________________|____________________|_________|_________|
| | | | | |
|__|_________________|____________________|_________|_________|
| | | | | |
|__|_________________|____________________|_________|_________|
| | | | | |
|__|_________________|____________________|_________|_________|
| | | | | |
|__|_________________|____________________|_________|_________|
| | | | | |
|__|_________________|____________________|_________|_________|
| | | | | |
|__|_________________|____________________|_________|_________|
| |Ընդամենը | | | |
._____________________________________________________________.
______________________ _________________ ___________________________
Վերապատրաստող ստորագրություն անուն, ազգանուն
«____» _____________20 ___ թ.
Կ. Տ.
(3-րդ ձևը փոփ. 29.05.13 թիվ 3-Ն հրաման)