Սեղմել Esc փակելու համար:
ՀՀ ԵՎ ՀԱՅ ԺՈՂՈՎՐԴԻՆ ԱԿՆԱՌՈՒ ԵՎ ԲԱՑԱՌԻ...
Քարտային տվյալներ

Տեսակ
Գործում է
Ընդունման ամսաթիվ
Համար

ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

ՀՀ ԵՎ ՀԱՅ ԺՈՂՈՎՐԴԻՆ ԱԿՆԱՌՈՒ ԵՎ ԲԱՑԱՌԻԿ ԾԱՌԱՅՈՒԹՅՈՒՆՆԵՐ ՄԱՏՈՒՑԱԾ ԱՆՁԱՆՑ ՀԱՄԱՐ ԴՐԱ ...

 

 

030.0203.301298

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ

ՀՐԱՄԱՆԱԳԻՐԸ

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԵՎ ՀԱՅ ԺՈՂՈՎՐԴԻՆ ԱԿՆԱՌՈՒ ԵՎ ԲԱՑԱՌԻԿ ԾԱՌԱՅՈՒԹՅՈՒՆՆԵՐ ՄԱՏՈՒՑԱԾ ԱՆՁԱՆՑ ՀԱՄԱՐ ԴՐԱՄԱԿԱՆ ՊԱՐԳԵՎԱՏՐՈՒՄ ՀԻՄՆԵԼՈՒ ԵՎ ՆՇԱՆԱԿԵԼՈՒ ՄԱՍԻՆ

 

Հայաստանի Հանրապետությանը և հայ ժողովրդին ակնառու և բացառիկ ծառայություններ մատուցած ու կենսաթոշակի տարիքի հասած անձանց նյութապես օժանդակելու նպատակով որոշում եմ.

 

1. Հայաստանի Հանրապետությանը և հայ ժողովրդին ակնառու և բացառիկ ծառայություններ մատուցած անձանց համար հիմնել ամենամսյա դրամական պարգևատրում:

2. Հաստատել Հայաստանի Հանրապետությանը և հայ ժողովրդին ակնառու և բացառիկ ծառայություններ մատուցած անձանց դրամական պարգևատրում նշանակելու և վճարելու կարգը` համաձայն հավելվածի:

3. Սահմանել, որ Հայաստանի Հանրապետությանը և հայ ժողովրդին ակնառու և բացառիկ ծառայություններ մատուցած անձանց համար`

ա) դրամական պարգևատրման չափը հավասար է օրենքով սահմանված նվազագույն ամսական աշխատավարձի տասնապատիկին.

բ) դրամական պարգևատրման վճարումներն իրականացվում են Հայաստանի Հանրապետության Նախագահի աշխատակազմի` պետական բյուջեով սահմանված ծախսերի կազմում նախատեսված պահուստային ֆոնդի միջոցների հաշվին:

4. Սույն հրամանագիրն ուժի մեջ է մտնում պաշտոնական հրապարակման պահից:

 

30 դեկտեմբերի 1998 թ.

ՆՀ-203

 

ՀԱՎԵԼՎԱԾ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ

1998 ԹՎԱԿԱՆԻ ԴԵԿՏԵՄԲԵՐԻ 30-Ի

ՆՀ-203 ՀՐԱՄԱՆԱԳՐԻ

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆԸ ԵՎ ՀԱՅ ԺՈՂՈՎՐԴԻՆ ԱԿՆԱՌՈՒ ԵՎ ԲԱՑԱՌԻԿ ԾԱՌԱՅՈՒԹՅՈՒՆՆԵՐ ՄԱՏՈՒՑԱԾ ԱՆՁԱՆՑ ԴՐԱՄԱԿԱՆ ՊԱՐԳԵՎԱՏՐՈՒՄ ՆՇԱՆԱԿԵԼՈՒ ԵՎ ՎՃԱՐԵԼՈՒ

 

ԿԱՐԳ

 

1. Սույն կարգը սահմանում է Հայաստանի Հանրապետությանը և հայ ժողովրդին ակնառու և բացառիկ ծառայություններ մատուցած անձանց դրամական պարգևատրում (այսուհետ` դրամական պարգևատրում) նշանակելու և վճարելու պայմաններն ու կարգը:

2. Սույն կարգի դրույթները տարածվում են Հայաստանի Հանրապետությանը և հայ ժողովրդին ակնառու և բացառիկ ծառայություններ մատուցած Հայաստանի Հանրապետության քաղաքացիների, ինչպես նաև Հայաստանի Հանրապետությունում բնակվող օտարերկրյա քաղաքացիների և քաղաքացիություն չունեցող անձանց (այսուհետ` անձ) վրա:

3. Դրամական պարգևատրում կարող է նշանակվել Հայաստանի Հանրապետության օրենսդրությանը համապատասխան կենսաթոշակային տարիքի հասած անձանց համար:

4. Դրամական պարգևատրումը նշանակվում է որոշակի ժամկետով կամ ցմահ և վճարվում է ամեն ամիս:

5. Դրամական պարգևատրումը նշանակում է Հայաստանի Հանրապետության Նախագահը` համապատասխան կարգադրությամբ:

6. Հայաստանի Հանրապետությանը և հայ ժողովրդին անձի մատուցած ծառայությունների ակնառու և բացառիկ բնույթը որոշում է Հայաստանի Հանրապետության Նախագահը:

7. Դրամական պարգևատրում նշանակելու համար Հայաստանի Հանրապետության Նախագահին ներկայացվող անհրաժեշտ նյութերի նախապատրաստումը և լրացուցիչ փաստաթղթերի ստացումն ապահովում է Հայաստանի Հանրապետության Նախագահի աշխատակազմը:

8. Դրամական պարգևատրում նշանակելու մասին անձը գրավոր տեղյակ է պահվում նշանակումից հետո` տասն օրվա ընթացքում:

9. Հայաստանի Հանրապետության Նախագահը կարող է որոշում կայացնել անձին դրամական պարգևատրումից զրկելու մասին, եթե վերջինս դատապարտվել է դիտավորյալ հանցագործության համար:

10. Դրամական պարգևատրման վճարումները կատարվում են Հայաստանի Հանրապետության Նախագահի կարգադրության հրապարակման ամսվան հաջորդող ամսի 1-ից:

11. Դրամական պարգևատրման վճարումների կատարումն ապահովում է Հայաստանի Հանրապետության Նախագահի աշխատակազմը:

 

 

pin
ՀՀ Նախագահ
30.12.1998
N ՆՀ-203
Հրամանագիր